Morgunblaðið - 18.11.2005, Síða 55

MORGUNBLAÐIÐ FÖSTUDAGUR 18. NÓVEMBER 2005 55
DAGBÓK
Gróska og margbreytileiki er yfirskriftráðstefnu sem Félag um mennta-rannsóknir (FUM) stendur fyrir ámorgun, laugardag í Kennaraháskóla
Íslands. Þetta er önnur ráðstefnan sem félagið
heldur undir þessari yfirskrift.
„Stefna félagsins er að styrkja rannsóknir á
sviði menntamála,“ segir formaðurinn, Guðný
Guðbjörnsdóttir, prófessor í uppeldis- og
menntunarfræði við Háskóla Íslands. „Þetta er
áhugamannafélag sem stofnað var árið 2002 og
eru um 250 félagar í því.“
Ráðstefnan hefst með skráningu klukkan 8:30
en Guðný mun svo setja hana formlega með
ávarpi kortér yfir níu. Þá munu Allyson Macdo-
nald, Jón Torfi Jónasson og Ingibjörg Kalda-
lóns flytja erindið „Samhæfing, samráð og sam-
vinna – um stefnu, skólastarf og rannsóknir“
fyrir alla ráðstefnugesti. „Nýverið var gerð út-
tekt á menntarannsóknum á Íslandi og í þessu
erindi verður farið yfir þann þátt skýrslunnar
sem snýr að þessum þremur þáttum,“ segir
Guðný. „Spurningin er hvort stefna mennta-
málayfirvalda sé eitt, skólastarfið út í skólunum
annað og rannsóknir fræðimanna það þriðja. Ef
skólastarf á að vera virkt og gott er æskilegt að
það séu sem mest samskipti þarna á milli, svo
að ekki sé verið að móta stefnu í menntamálum
sem ekki tekur mið af rannsóknum á því sviði.
Þarna viljum við opna svolítið umræðu um
hvort stefnan, skólahaldið og rannsóknir á sviði
menntamála séu þrjú aðskilin svið og þetta stef
verður svo tekið upp í pallborðsumræðum síðar
um daginn.“
Milli þessa erindis og pallborðsumræðnanna
verða sextán málstofur með yfir fjörutíu erind-
um. Má þar nefna erindi um viðhorf unglings-
stúlkna til stærðfræðináms, fagþróun íslenskra
leikskólakennara, reynslu og viðhorf kennara til
kennslu ofvirkra barna, fagvitund tón-
menntakennara, mat nemenda í 10. bekk á
áhrifum verkfalls í grunnskóla, svör nemenda
og nám í gagnvirku vefkerfi og svo mætti lengi
telja.
„Mörg þessara erinda eru mjög áhugaverð og
sýna vel gróskuna og margbreytileikann í
menntarannsóknum,“ segir Guðný. „Þess vegna
höfum við þessa yfirskrift á ráðstefnunni því
hugmyndin er að láta það fólk, sem er að sinna
þessum rannsóknum koma saman. Um leið
sýna efni erindanna hver eru viðfangsefni rann-
sókna þess.“
Það er Börkur Hansen, prófessor við Kenn-
araháskóla Íslands, sem stýrir ráðstefnunni en
hún er öllum opin. Ráðstefnugjaldið er 1500 kr.
fyrir félagsmenn FUM en 3000 krónur fyrir
aðra. Nánari upplýsingar má finna á heimasíðu
félagsins www.fum.is.
Menntamál | Ráðstefna um menntarannsóknir í Kennaraháskóla Íslands
Gróska í menntarannsóknum

Guðný Guðbjörns-
dóttir fæddist 25. maí
1949 í Reykjavík. Hún
varð stúdent frá
Menntaskólanum á
Laugarvatni 1969 og
lauk BA-prófi í sálfræði
frá Vassar College í
New Yorkfylki. Hún lauk
M.Sc- prófi í sálfræði
frá háskólanum í Man-
chester 1974 og dokt-
orsprófi í uppeldis- og menntunarfræði frá há-
skólanum í Leeds 1987. Hún varð lektor við HÍ
1975, dósent 1987 og prófessor árið 2000.
Hún sat á Alþingi fyrst sem varamaður 1991
til 1995 og sem aðalmaður frá 1995 til 1999.
Hún tók við formennsku í FUM í febrúar á
þessu ári.
90 ÁRA afmæli. Sunnudaginn 20.nóvember verður níræð Sig-
urbjört Kristjánsdóttir frá Móakoti,
Stokkseyri. Hún tekur á móti ætt-
ingjum og vinum í Veitingasal Hólm-
arastar á Stokkseyri milli kl. 15 og 18 á
afmælisdaginn.
Árnaðheilla
dagbók@mbl.is
Erfið slemma.
Norður
♠KG10754
♥Á5 S/Allir
♦K8
♣ÁK4
Vestur Austur
♠D986 ♠3
♥984 ♥76
♦Á73 ♦G109652
♣D96 ♣G1053
Suður
♠Á2
♥KDG1032
♦D4
♣872
N-S eiga 6-2 samlegu í báðum hálit-
um, en ef spila á slemmu er nauðsyn-
legt að velja hjartalitinn. Og það
vafðist fyrir keppendum á HM.
Skoðum sagnir í leik Þýskalands
og Kanada í kvennaflokki:
Vestur Norður Austur Suður
Alberti Lee Schraverus Cimon
– – – 1 hjarta
Pass 1 spaði Pass 2 hjörtu
Pass 3 lauf Pass 3 spaðar
Pass 4 grönd Pass 5 tíglar
Pass 5 hjörtu Pass 5 spaðar
Allir pass
Norður krefur með þremur laufum
og suður getur lítið annað gert en
tekið undir spaðann á ás. Norður
spyr þá um lykilspil og trompdrottn-
ingu og lympast svo niður í fimm
spöðum þegar veikleikinn í trompinu
upplýsist. Réttilega, því það er að-
eins ellefu slagi að hafa í spaðasamn-
ingi.
Á hinu borðinu fundu þýsku kon-
urnar Daniela von Arnim og Sabine
Auken hjartalitinn á sjötta þrepinu:
Vestur Norður Austur Suður
Gordon von Arnim Kraft Auken
– – – 1 hjarta
Pass 1 spaði Pass 2 hjörtu
Pass 2 grönd * Pass 3 grönd
Pass 4 lauf Pass 4 spaðar
Pass 5 spaðar Pass 6 hjörtu
Pass Pass Pass
Von Arnim og Auken spila tvö grönd
sem kröfusögn í þessari stöðu og það
virðist oft reynast þeim vel. Hér
hækkar suður í þrjú grönd og norður
hefur alhliða slemmuleit með því að
melda fyrirstöðu í laufi. Auken sýnir
þá spaðaásinn og von Arnim stingur
upp á spaðaslemmu með fimm spöð-
um. Auken veit þá að ekki vantar tvo
ása og velur þéttan hjartalitinn sem
tromp. Vel sagt og verðskulduð
sveifla til Þjóðverja.
BRIDS
Guðmundur Páll Arnarson | dagbok@mbl.is
1. e4 c5 2. Rf3 d6 3. d4 cxd4 4. Rxd4
Rf6 5. Rc3 Rc6 6. Bg5 e6 7. Dd2 Be7
8. O-O-O O-O 9. f3 a6 10. h4 Rxd4 11.
Dxd4 b5 12. Kb1 Dc7 13. Dd2 b4 14.
Re2 a5 15. Rd4 Ba6 16. Bxa6 Hxa6
17. De2 Hb6 18. g4 Hc8 19. h5 h6 20.
Be3 Rd7 21. Hhg1 Bf6 22. g5 hxg5
23. Bxg5 Kh8 24. Bxf6 Rxf6 25. Hg5
a4 26. Dd2 De7 27. Hdg1 Hg8 28.
Dg2 Re8 29. Hg6 Df8
Staðan kom upp í heimsmeist-
arakeppni landsliða sem lauk fyrir
skömmu í Beer-Sheva í Ísrael. Len-
ier Dominguez (2635) hafði hvítt
gegn Boris Gulko (2589). 30. Rxe6!
fxe6 31. h6 Df7 32. Hh1 og svartur
gafst upp enda er hann óverjandi
mát.
SKÁK
Helgi Áss Grétarsson | dagbok@mbl.is
Hvítur á leik.
Gróusögur
HÚN Gróa gamla á Leiti er ansi
brött, kerlingin, þótt gömul sé.
Hún flakkar um víða og er stund-
um orðin ansi fjölmiðlavæn. Hún
er löngu fræg en þráir meiri at-
hygli. Stundum hef ég heyrt í
henni á öldum ljósvakans þar sem
hún lætur móðan mása um menn
og málefni meðan eyru hlustenda
bókstaflega blása út af öllum þeim
tíðindum sem kerlingin hefur að
færa þeim. Sumir hlustendur taka
gjarnan upp kryddboxin sín og
sögurnar kryddaðar eftir smekk.
En fórnarlömb slíkrar umfjöllunar
geta oft ekki varið sig jafnvel þótt
farið sé fram á leiðréttingu gróu-
sagna.
Ég er hlynnt frelsi í fjölmiðlum
en mér finnst samt að það þurfi að
setja skýrar reglur um hvað má
og hvað má ekki. Ótakmarkað
frelsi getur verið skaðlegt. Fólki
er stundum bent á að fara dóm-
stólaleiðina en það er erfitt að
standa í slíku og fólk gerir það
sjaldnast.
Sigrún Reynisdóttir.
Svar keppenda
SVAR keppenda í spurningaleik
Stöðvar 2 sl. miðvikudagskvöld –
þegar svara skyldi spurningunni:
Hvað heitir Inga Lind – þá svör-
uðu báðir að bragði: Karlsdóttir.
Það rifjaði upp fyrir u.þ.b. hálfri
öld þegar Sveinn Ásgeirsson hag-
fræðingur stjórnaði skemmtiþætti
í útvarpinu sem var vinsæll með
afbrigðum. Hagyrðingar létu þar
mikið að sér kveða, nægir þar að
nefna Helga Sæmundsson, það
góða ljóðskáld, sem flestir kannast
við.
Eitt sinn kom Steinn Steinarr í
þáttinn og af góðum íslenskum sið
bað Sveinn hann að segja hlust-
endum nafn sitt. Ég heiti Að-
alsteinn var svarið og eitthvað
meira minnir mig að Sveinn segði.
Það verður smá þögn þar til
Steinn segir: Menn eru ekki skírð-
ir föðurnafni sínu. Þetta hefur
orðið mér minnisstætt síðan enda
sannleikur hinn mesti.
Fyrir örfáum misserum var einn
af þessum þáttum Sveins end-
urfluttur á Rás 1. En þættirnir
voru fjölmargir og höfðu almenna
áheyrn. Það yrði mörgum, ekki
síst þeim sem komnir eru af létt-
asta skeiði, ánægjuauki ef eitthvað
af þeim yrði endurflutt á góðum
hlustunartíma í helsta menningar-
útvarpi landsmanna, Rás 1.
Guðfinnur Stefán Finnbogason.
Velvakandi
Svarað í síma 5691100 frá 10–12
og 13–15 | velvakandi@mbl.is
50 ÁRA afmæli. Á morgun, 19.nóvember, er fimmtug Þórdís
Lárusdóttir, Grundartúni 10,
Hvammstanga. Hún tekur á móti gest-
um í Félagsheimilinu Víðihlíð, laug-
ardaginn 19. nóvember, á milli klukkan
14–18.
Hlutavelta | Þær Eva, Ragnheiður og Thelma héldu tombólu til styrktar Rauða
krossi Íslands og söfnuðu þær 1.454 kr.
Morgunblaðið/Ásdís
Hlutavelta | Þær Unnur, Guðrún, Þuríður og Guðný héldu tombólu til styrktar
Rauða krossi Íslands og söfnuðu þær 6.313 kr.
VÍK Prjónsdóttir er yfirskrift
sýningar sem opnuð var í gær á
Vesturgötu 17. Vík Prjónsdóttir
er samstarfsverkefni fimm
hönnuða og Víkurprjóns í Vík í
Mýrdal. Hönnuðirnir eru Bryn-
hildur Pálsdóttir, Egill Kalevi
Karlsson, Guðfinna Mjöll
Magnúsdóttir, Hrafnkell Birg-
isson og Þuríður Sigurþórs-
dóttir.
Verkefnið er unnið með
stuðningi IMPRU nýsköp-
unarmiðstöð.
Vík Prjónsdóttir þjónar því
hlutverki að efla nýsköpun á
landsbyggðinni og skapa ís-
lenskri vöru sérstöðu. Í verk-
efninu hefur reynsla og útsjón-
arsemi framleiðanda sameinast
hugviti og framsýn hönn-
uðanna. Með þetta að leiðarljósi
fæddist Vík Prjónsdóttir.
Sýningin á hönnunardögum
veitir innsýn í þetta vöruþróun-
arferli.
Sýningin er opin til 20. nóv-
ember frá kl. 12–20.
Sýningin
Vík Prjóns-
dóttir
Traustur kaupandi óskar eftir raðhúsi við Boðahlein.
Staðgreiðsla í boði.
Nánari upplýsingar veitir Sverrir Kristinsson, lögg. fasteignasali.
RAÐHÚS VIÐ BOÐAHLEIN
ÓSKAST
Sverrir Kristinsson lögg. fasteignasali
Íslenska óperan v/Ingólfsstræti Pósthólf 1416 - 121 Reykjavík Sími: 511 6400
www.opera.is opera@opera.is Sími: 511 4200
FRAMTÍÐ
ÍSLENSKU ÓPERUNNAR
Málþing í Íslensku óperunni
Þriðjudaginn 22. nóv.
kl. 9-12.30
Málþing í Íslensku óperunni, á degi tónlistar,
þriðjudaginn 22. nóvember kl. 9-12.30.
Nánari upplýsingar um dagskrá á www.opera.is
Aðgangur ókeypis - allir velkomnir