Morgunblaðið - 18.11.2005, Page 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 18. NÓVEMBER 2005 VERÐ Í LAUSASÖLU 220 KR. MEÐ VSK.
Opið 8-24 alla daga
í Lágmúla og Smáratorgi
VERIÐ er að velja um 100 rúmmetra af hleðslugrjóti í
landi Hrauns í Ölfusi sem nota á til að hlaða landnámsbæ í
Herjólfsdal í Vestmannaeyjum. Nú þegar hefur verið haf-
ist handa við að hlaða bæinn sem verður langhús og gripa-
hús.
Bærinn verður kallaður Herjólfsbær og verður hlaðinn
að fyrirmynd landnámsbæja frá 10. öld. Í Herjólfsdal eru
bæjarrústir frá landnámsöld í þéttri torfu sem voru grafn-
ar upp fyrst árið 1920.
Að sögn Árna Johnsen verður landnámsbærinn notaður
sem sýningarhús sem sýnir sögu þessa gamla tíma og er
það Herjólfsbæjarfélagið sem stendur að þessu verkefni.
Einnig geta fjölskyldur og félagar fengið afnot af þessu
landnámsaldarheimili við ákveðin tækifæri. Eru það menn
frá Torf- og grjóthleðslunni á Hellu sem velja grjótið og
Ræktunarsamband Skeiða og Flóa vinnur grjótið áður en
það er sent til Vestmannaeyja. Bæinn teiknaði Gunnar
Bjarnason húsasmíðameistari og teikningin útfærð af
Teiknistofu Páls Zóphóníassonar.
Herjólfsbærinn mun koma til með að líta út líkt og með-
fylgjandi mynd sýnir en hana gerði Hlynur Ólafsson graf-
ískur hönnuður.
Morgunblaðið/RAX
Landnámsbær
hlaðinn í Herjólfsdal
HEIMSFERÐIR hafa keypt dönsku ferðaskrif-
stofuna Bravo Tours í Danmörku og eru eftir
kaupin orðnar fjórða stærsta ferðaskrifstofa á
Norðurlöndunum en fyrr á árinu keyptu
Heimsferðir sænsku ferðaskrifstofuna STS
Solresor og norsku ferðaskrifstofunni STS
Solia. Velta Bravo Tours er um fjórir millj-
arðar og hefur félagið verið rekið með hagnaði
frá stofnun þess árið 1998.
Samanlögð velta Heimsferða á þessu ári
verður væntanlega liðlega 16 milljarðar króna
og mun losa 20 milljarða á næsta ári, gangi
áætlanir eftir. Andri Már Ingólfsson, forstjóri
Heimsferða, segir að félagið muni flytja 400
þúsund farþega á næsta ári. „Það gefur okkur
möguleika á því að stofna flugfélag um þessa
farþega. Það þarf í kringum fjórar flugvélar til
að flytja farþegana. Nú förum við að skoða
landakortið með allt öðrum hætti.“ | 16
Velta Heims-
ferða í 20
milljarða
VEXTIR af húsnæðislánum eru
verulega hærri hér á landi en í níu
Evrópulöndum, sem staða þessara
mála hefur verið könnuð í. Neytenda-
samtökin kynntu í gær niðurstöður
könnunar þar sem fram kemur að
verulega hallar á íslenska neytendur
hvað varðar húsnæðislán. Þetta á við
þegar lán eru tekin, en einnig þegar
kemur að því að greiða lánin.
Í könnuninni var borinn saman
kostnaður neytenda vegna húsnæð-
islána í Danmörku, Noregi, Svíþjóð,
Finnlandi, Bretlandi, Írlandi, Hol-
landi, Þýskalandi og Austurríki.
Meðal þess sem fram kemur í könn-
uninni er að raunvextir af húsnæð-
islánum eru að jafnaði frá tveimur og
upp í tæplega fimm prósentustigum
hærri hér á landi en í samanburðar-
löndunum. Jóhannes Gunnarsson,
formaður Neytendasamtakanna,
segir óviðunandi að íslenskir neyt-
endur þurfi að greiða miklu meira
vegna lána en neytendur í nágranna-
löndunum, og það á sama tíma og
fjármálafyrirtækin hagnast sem
aldrei fyrr.
Telja mun á húsnæðislána-
vöxtum vera óviðunandi
 Húsnæðislán | 11
SETNING sérstakrar löggjafar um fjármál og
fjárreiður stjórnmálaflokka er nú til umfjöll-
unar í nefnd sem forsætisráðherra skipaði fyrr
á árinu. Í nefndinni eiga sæti níu fulltrúar
stjórnmálaflokkanna sem eiga fulltrúa á Al-
þingi og hefur nefndin þegar haldið þrjá fundi,
samkvæmt upplýsingum Sigurðar Eyþórsson-
ar, formanns nefndarinnar og fulltrúa Fram-
sóknarflokks í henni. Kjartan Gunnarsson,
framkvæmdastjóri Sjálfstæðisflokksins, er
varaformaður nefndarinnar.
Lagt var til að nefndin skilaði tillögum sínum
fyrir lok þessa árs en samkvæmt upplýsingum
Forsætisráðherra kynnti hugmyndir um
stofnun nefndarinnar er hann lagði fram
skýrslu um fjárframlög til stjórnmálastarfsemi
og starfsumhverfi stjórnmálaflokka á Alþingi
sl. vor. Í henni sagði að meðal þess sem slík
nefnd þurfi að fjalla um sé hvernig skuli háttað
eftirliti með fjárreiðum stjórnmálaflokkanna og
hvort setja skuli bann við framlögum frá fyr-
irtækjum í opinberri eigu, hvaða reglur eigi að
gilda varðandi framlög aðila sem selja vöru eða
þjónustu til ríkisins til stjórnmálaflokka, og
hvort og þá hvaða mörk eigi að setja við nafn-
lausum framlögum eða hámarksfjárhæð fram-
laga o.fl.
Sigurðar er nú ósennilegt að það takist. „Það er
þó ekki vegna neins ágreinings. Þetta er fjöl-
menn nefnd og það er stundum erfitt að ná
saman fundum.“
Hann segir töluverða vinnu hafa farið fram í
nefndinni en engin niðurstaða liggi þó enn fyrir.
Í nefndinni eiga sæti þrír fulltrúar frá Sjálf-
stæðisflokki, tveir frá Samfylkingu, tveir frá
Framsóknarflokki, einn frá Vinstrihreyfing-
unni – grænu framboði og einn frá Frjálslynda
flokknum.
„Nefndin er ennþá að viða að sér gögnum og
fara yfir stöðuna í löndunum í kringum okkur
og víðar að. Hún er ekki farin að ræða málin
mikið efnislega enn sem komið er,“ segir Sig-
urður.
Níu manna nefnd um löggjöf og fjármál flokkanna hefur haldið þrjá fundi
Engin niðurstaða ennþá
Eftir Ómar Friðriksson
omfr@mbl.is
 Flokkar | 8
EGILL Friðleifsson, sem stofnaði Kór Öldu-
túnsskóla í Hafnarfirði fyrir 40 árum og hefur
gegnt því starfi síðan, hættir störfum sem að-
alkórstjóri kórsins frá og með morgundeginum.
Þá verður haldin hátíð til að fagna 40 ára af-
mælinu, sem hefst í Hásölum kl. 15 og færist
þaðan yfir í Öldutúnsskóla, þar sem boðið verð-
ur upp á veitingar og sýndar myndir frá ferða-
lögum kórsins, sem er einn víðförlasti kór
landsins.
Brynhildur Auðbjargardóttir, tónmennta-
kennari og fyrrverandi félagi í Kór Öldutúns-
skóla, tekur við starfi aðalkórstjóra, en Egill
heldur áfram störfum við hennar hlið.
Egill lætur af starfi
aðalkórstjóra
ÞÝSKI bílaframleiðandinn Audi hefur látið
gera 40 sekúndna auglýsingu á Langjökli og
Stokksnesi, sem sýnd verður í sjónvarpi í
Þýskalandi, Bretlandi, Ítalíu og Bandaríkj-
unum. Auglýsingin fjallar um nýjan jeppa
Audi sem kallast Q7 er og ætlaður á markað
fyrir lúxusjeppa. Alls tóku 80 manns þátt í
auglýsingagerðinni og fluttir voru inn, auk
frumgerðar Q7, þrír sögufrægir kappakst-
ursbílar Audi. | B2
Audi gerir auglýs-
ingu á Langjökli
80 manns unnu við auglýsinguna á Íslandi.