Morgunblaðið - 27.11.2005, Page 2
BÆJARYFIRVÖLD í Mosfellsbæ og landeig-
endur Helgafellslands hafa skrifað undir vilja-
yfirlýsingu um uppbyggingu á því svæði.
Munu 1.020 íbúðir rísa í hverfinu ásamt
grunnskóla, tveimur leikskólum og fleiri þjón-
ustubyggingum. Er gert ráð fyrir að 55% íbúð-
anna verði sérbýli; einbýlis-, rað- eða parhús og
að um 3.000 manns muni koma til með að búa í
hverfinu.
Haraldur Sverrisson, formaður skipulags-
nefndar Mosfellsbæjar, segir að stefnt verði að
því að ljúka vinnu við fyrsta áfanga deiliskipu-
lags í mars á næsta ári og verður þá ráðist í
gatnagerð og sölu lóða. Þá er gert ráð fyrir að
fyrstu íbúar geti flutt inn árið 2007 og að upp-
byggingu á svæðinu verði lokið árið 2012.
Segir Haraldur að landeigendur muni koma
til með að kosta alla gatnagerð og sjá um allan
frágang svæðisins og einnig hefur samkomulag
náðst um að hluti tekna af sölu byggingarréttar
renni til Mosfellsbæjar til að standa straum af
kostnaði við uppbyggingu skóla og leikskóla á
svæðinu.
Byggð þéttust í svokölluðu auga
Haldin var samkeppni um skipulag svæðisins
og var það tillaga frá Arkitektastofu Gylfa Guð-
jónssonar og félaga sem varð hlutskörpust.
Að sögn Gylfa byggist hugmyndin á því að
kljúfa tengibraut, sem fyrirhuguð var eftir
skipulagssvæðinu endilöngu með tilheyrandi
umferð, hraða og veghelgunarsvæðum, í tvennt
og mynda þannig tvær aðalgötur þar sem um-
ferð er hæg eða með 30 km hámarkshraða. Seg-
ir hann að með því að taka niður hraðann skap-
ist aðrar forsendur innan svæðisins og hægt sé
að byggja á hugmyndum um götu-, torg- og
rýmismyndir og upplifun í hverfinu sem fólk
sakni mikið úr nýrri hverfum en margir þekki
úr eldri hverfum þar sem umferðin er hægari.
Aðalgöturnar liggja í samhverfum bogum á
milli hringtorga og ramma inn miðsvæði hverf-
isins, svokölluðu auga. Á miðsvæðinu er byggðin
þéttust og þar er komið fyrir helstu stofnunum
hverfisins svo sem grunnskóla og leikskólum.
Mun gróið útivistarsvæði ná frá Sauðhóli á
verndarsvæði Varmár og Skammadalslækjar
upp í hlíðar Helgafells gegnum miðju byggð-
arinnar og skólasvæðis. Þá er áhersla á sér-
stöðu núverandi byggðar í hlíðum Helgafells
þar sem gefinn er kostur á allnokkrum lóðum til
viðbótar og torfan afmörkuð sem sérstök eining
í hverfinu með grænni umgjörð. Segir Gylfi eig-
inleika svæðisins mikla með tilliti til ytri að-
stæðna og snúi hverfið meðal annars einkar vel
við sól og útsýni og þar sé gott skjól fyrir norð-
anátt. Þá sé stutt í stór og fjölbreytt útivist-
arsvæði.
Helgafellshverfi rís
undir hlíðum Helgafells
Hér má sjá hvernig „augað“ er miðja Helgafellshverfisins og þar verður byggð þéttust.
Eftir Sigurhönnu Kristinsdóttur
sigurhanna@mbl.is
2 SUNNUDAGUR 27. NÓVEMBER 2005 MORGUNBLAÐIÐ
FRÉTTIR
„… rennileg
og myndræn,
vel stíluð og hárfínt
jafnvægi ríkir milli
skáldskapar
og sagnfræði …
raunsæisleg
og sannfærandi.“
Steinunn Inga Óttarsdóttir /
MORGUNBLAÐIÐ
Illugi Jökulsson / TALSTÖÐIN
og spennandi“
„Bráðlæsileg
www.jpv.is
SVÍI LÉT LÍFIÐ
Einn af fjórum sænskum frið-
argæsluliðum, sem særðust í
sprengjuárás í Afganistan á föstu-
dag, dó af sárum sínum í fyrrinótt.
Einn hermannanna særðist lífs-
hættulega en hinir tveir urðu fyrir
minni meiðslum þegar sprengja
sprakk undir bifreið þeirra í grennd
við miðborg Mazar-i-Sharif. Fjórtán
íslenskir friðargæsluliðar hafa verið
við störf í Afganistan. Ákveðið hefur
verið að kalla þá sem starfa í norður-
hluta landsins heim.
Hæðarmet í loftbelgsflugi
67 ára gamall indverskur auðkýf-
ingur, Vijaypat Singhania, kvaðst í
gær hafa sett nýtt hæðarmet í loft-
belg með heitu lofti og komist 21.167
metra (69.852 fet) yfir sjávarmál.
Fyrra metið setti sænski flugmað-
urinn Per Lindstrand árið 1988 þeg-
ar hann flaug 19.810 metra (64.997
fet) yfir sjávarmáli. Alls höfðu 17
flugmenn reynt að slá met Svíans.
Herinn bjargar ökumönnum
Hundruð manna þurftu að hafast
við í skýlum á Englandi í fyrrinótt
eftir að hafa fest bíla sína í snjó þeg-
ar hríð brast á víða um Bretland.
Herinn var kallaður út til að bjarga
allt að þúsund mönnum sem festu
bíla sína í snjó í Cornwall-sýslu á
suðvestanverðu Englandi.
Kynferðisbrotamenn yngri
Markaðs- eða verslunarvæðing
kynlífs og markaleysi á því sviði hef-
ur haft mjög ógeðfelldar afleiðingar
fyrir unglinga. Þannig verða ger-
endur kynferðislegs ofbeldis sífellt
fleiri og sífellt yngri. Þetta kemur
fram í máli Braga Guðbrandssonar í
viðtali í Tímariti Morgunblaðsins.
Byggja golfvöll í Búlgaríu
Nokkrir Íslendingar undir forystu
Karls Hólm hyggjast byggja 18 holu
golfvöll í Búlgaríu á næstu árum. Þá
munu þeir einnig reisa frístunda-
byggð með sumar- eða heils-
árshúsum í tengslum við hann. Að-
eins eru þrír golfvellir í Búlgaríu, en
yfirvöld þar í landi langar að gera
landið að golfparadís.
Virkja viljann til lærdóms
Kennarar sem sýna nemendum
sínum athygli og áhuga, s.s. atburð-
um í þeirra daglega lífi, ná betri
tengslum við nemendur sína og
virkja þannig viljann til lærdóms oft-
ar en ekki ómeðvitað. Þetta kom
fram í máli Ingemar Svantesson,
sænsks sérfræðings í námsleiðum og
námi fullorðinna á árfsundi
Fræðslumiðstöðvar atvinnulífsins.
Y f i r l i t
Kynning – Morgunblaðinu í dag fylgir
bæklingur frá ferðaþjónustu bænda.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Björn Jóhann Björnsson, fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
verði breytingu á 30. grein fyrrgreindra laga, ella verði
gerð tvísköttunarsamninga „í algjörum ólestri“.
Baldur sagði að 30. grein laganna nr. 129/2004 sé að
stofni til áratuga gömul. Breytingin, sem lögfræðingarnir
tveir vísi til og á að taka gildi um næstu áramót, tengist af-
námi eignarskatts sem á að koma til framkvæmda um
næstu áramót. Áður hafi sagt í greininni að heimilt væri að
gera samninga til að koma í veg fyrir tvísköttun tekna og
eigna. Nú falli eignarskattur niður og því geti ekki orðið
um tvísköttun eigna að ræða. Því hafi orðalagi ákvæðisins
verið breytt til að koma í veg fyrir túlkunarvanda. Í stað
þess að tala um tekjur og eignir sé talað um skattstofna.
„Að minnsta kosti var ekki ætlunin með þeirri lagasetn-
ingu að þrengja ákvæðið eða búa til ný vandamál,“ sagði
Baldur. „Við munum fara yfir þetta, en fljótt á litið áttar
maður sig ekki alveg á því hvar vandinn gæti legið.“
EKKI var ætlunin að þrengja heimild ríkisstjórnarinnar
til gerðar tvísköttunarsamninga við önnur ríki, með þeirri
breytingu sem fram kemur í 30. grein laga 129/2004, að
sögn Baldurs Guðlaugssonar, ráðuneytisstjóra í fjármála-
ráðuneytinu.
Leitað var álits hjá Baldri vegna greinar tveggja lög-
fræðinga, Gunnars Gunnarssonar og Jóns Elvars Guð-
mundssonar, sem birtist í Morgunblaðinu í gær. Þar benda
þeir á að samkvæmt ákvæði laga 129/2004 hafi ríkisstjórn-
in heimild til að koma í veg fyrir að íslenskum og erlendum
aðilum verði gert að greiða skatt af sama skattstofni bæði
á Íslandi og erlendis. Skattstofn sé hugtak innan lands-
réttar og þar eð ólíklegt sé að önnur ríki skilgreini skatt-
stofn með sama hætti og gert er í íslenskum lögum verði
þegnum þessara landa í undantekningartilvikum gert að
greiða tvisvar skatt af sama skattstofni. Telja þeir að gera
Ekki ætlunin að þrengja að
gerð tvísköttunarsamninga
HLUTAFJÁRAUKNING í Slátur-
húsinu Hellu hf. á Hellu var sam-
þykkt einróma á hluthafafundi í fé-
laginu í gær, en fyrir fundinum lá
tillaga um að auka hlutafé í félaginu
um 50% eða úr 40 milljónum króna í
60 milljónir. Tilraunir Sláturfélags
Suðurlands til að ná yfirráðum í fé-
laginu báru ekki árangur.
Þorgils Torfi Jónsson, fram-
kvæmdastjóri Sláturhússins Hellu,
sagði að tillaga stjórnar um hluta-
fjáraukningu hefði verið samþykkt
einróma. Þá hefði forstjóri SS verið
mættur á fundinn og farið með at-
kvæði fyrir 280 þúsund, sem væri
0,7% af hlutafé, þannig að atlaga að
hluthöfum sem gerð hefði verið í vik-
unni hefði ekki borið neinn árangur.
Þorgils Torfi bætti því við að ofan-
greindur hlutur SS hefði verið
keyptur í sumar á genginu 2,8 og
boðið hefði verið sama gengi í 5 millj-
óna hlut sveitarfélagsins Rangár-
þings ytra, en því boði verið hafnað. Í
vikunni hefði síðan verið hringt í
flesta hluthafa félagsins, tæplega
200 talsins, og þeim boðið gengið 1,4
fyrir hlutinn eða helmingi lægra
gengi en í sumar.
„Það var mjög mikil samstaða
meðal hluthafa á fundinum um að
standa saman og halda áfram á
þeirri braut sem við höfum verið á.
Reksturinn gengur mjög vel og
menn sáttir við það og ekkert nema
bjart fram undan,“ sagði hann.
Hann bætti við að þeir ættu í
harðri samkeppni við SS um slátrun.
SS væri með um 25% af nautgripa-
slátrun í landinu en þeir væru með
rétt rúm 20%. Nautgripaslátrun
væri langmikilvægasta grein þeirra
eða um 80% af veltunni og þeir
byggðu afkomuna fyrst og fremst á
henni.
Hlutafjáraukning í Slát-
urhúsinu Hellu samþykkt
LÖGREGLAN í Keflavík handtók
fimm manns í tveimur fíkniefna-
málum á föstudagskvöld. Voru
fjórir handteknir í húsi í Keflavík
og tveir þeirra voru með amfeta-
mín í fórum sínum.
Húsleit var gerð með aðstoð
leitarhunds og fundust fjögur
grömm af meintu amfetamíni í ís-
skáp. Játaði einn af hinum hand-
teknu að eiga það.
Þeim var öllum sleppt að lokinni
yfirheyrslu.
Í hinu málinu var einn handtek-
inn, en við leit í bifreið hans
fannst bútur af meintu hassi.
Manninum var sleppt að lokinni
yfirheyrslu.
Fimm
fíkniefnahand-
tökur í Keflavík