Morgunblaðið - 27.11.2005, Blaðsíða 6
6 SUNNUDAGUR 27. NÓVEMBER 2005 MORGUNBLAÐIÐ
FRÉTTIR
ENGINN DAGUR EINS
ENGIR TVEIR ÍSLENDINGAR EINS
BÓK EFTIR ÍSLENDINGA
Skálholtsútgáfan
RÍKISSTJÓRNIN samþykkti á
fundi sínum sl. miðvikudag að verja
þremur milljónum króna til frum-
athugunar á Þríhnúkagíg.
„Þetta er alveg stórkostlegt,“
sagði Árni B. Stefánsson, augnlækn-
ir og hellakönnuður. „Mér er efst í
huga auðmýkt og þakklæti vegna
fjárveitingarinnar. Íslenskri náttúru
er sýnd mikil virðing með henni. Ég
þakka fyrir hönd okkar félaga og ís-
lensku hraunhellanna.“ Árni hefur
verið í forystu Þríhnúka ehf. sem
vilja opna aðgengi að Þríhnúkagíg
jafnframt því að varðveita þessa
náttúruperlu. Verkefnið hefur vakið
mikinn áhuga almennings.
Hugmyndir Árna B. Stefánssonar
um verndun og varðveislu Þríhnúka-
gígs hafa verið til umræðu um
nokkra hríð. Gígurinn er rúmlega
1.000 ára gamall, og um 200 m að
dýpt. Sérstakt félag, Þríhnjúkar
ehf., var stofnað um það verkefni að
gera gíginn aðgengilegan almenn-
ingi en jafnframt að tryggja varð-
veislu gígsins og umhverfis hans.
Við frumathugun verður leitað
svara við mikilvægum spurningum
um varðveislu og aðgengi í gíginn
miðjan. Að frumathugun lokinni er
stefnt að því að fyrir liggi nægj-
anlega vel útfærðir valkostir til að
unnt sé að hefja markvissan sam-
anburð valkosta í vinnu við mat á
umhverfisáhrifum samhliða hugs-
anlegri verkhönnun. Kostnaður við
frumathugun er áætlaður 12,8 m.kr.
án vsk. samkvæmt skýrslu VSÓ.
Árni sagði að auk stuðnings rík-
isstjórnarinnar hafi Reykjavíkur-
borg lofað 5,5 milljónum til verkefn-
isins, að því gefnu að aðrir kæmu að
því. Aðstandendur Þríhnúka efh.
hafa þegar lagt fram meira en þrjár
milljónir til verkefnisins, samgöngu-
ráðuneytið hefur styrkt það um 1,5
milljónir og Burðarás um eina millj-
ón. Árni kvaðst vona að það sem á
vantaði kæmi frá Kópavogsbæ eða
einkaaðilum. Þríhnúkar eru í landi
Kópavogs og sagði Árni að bæjaryf-
irvöld í Kópavogi hafi sýnt verkefn-
inu bæði velvilja og áhuga.
Ríkisstjórnin styður frum-
athugun á Þríhnúkagíg
Ljósmynd/Árni B. Stefánsson
Geislar sólarljóssins þröngva sér niður í rauða hvelfingu Þríhnúkagígs.
„LANDINN hefur löngum verið hvattur til að
velja íslenskt. Með því að kaupa EGLA-
bréfabindi þá eru Íslendingar að sameinast um
að styrkja einstaklinga til betri framtíðar, því
hvert selt bréfabindi skapar vinnu fyrir fatl-
aðan einstakling,“ segir Helgi Kristófersson,
framkvæmdastjóri Múlalundar, sem er ör-
yrkjavinnustofa SÍBS til húsa í Hátúni 10C í
Reykjavík.
Helgi bendir á að með starfsemi sinni sé
Múlalundur að skila miklu til samfélagsins,
þar sem fjöldi starfsmanna þar fái þá þjálfun
og það sjálfstraust sem til þurfi til þess ýmist
að fara aftur út á hinn almenna vinnumarkað
eða fara í skóla. Nefnir hann sem dæmi að í
fyrra hafi þannig fimmtán starfsmenn Múla-
lundar skilað sér aftur á vinnumarkað eða í
skóla. „Við sjáum líka hversu góð áhrif það
hefur fyrir fólk að koma hingað inn, enda
minnkar lyfjanotkun oft á tíðum. Við verðum
þannig oft vör við það að fólk sem kemur hing-
að nánast niðurbrotið nær fyrri styrk og
blómstrar síðan eftir kannski nokkurra mán-
aða veru hér,“ segir Helgi og tekur fram að
slíkar framfarir gefi starfsfólkinu auðvitað af-
ar mikið.
Áramótasalan skiptir sköpum fyrir
áframhaldandi starfsemi
Að sögn Helga er mesti annatíminn fram-
undan því um áramót þurfa fyrirtæki að skipta
um bókhaldsgögn og kaupi því nýjar möppur
og plasthulstur svo fátt eitt sé nefnt.. „Salan
nú um áramótin er stór liður hjá Múlalundi. Ef
hún bregst þá kemur það niður á starfsemi
okkar allt árið,“ segir Helgi og bendir á að þó
félagsmálaráðuneytið leggi til um 10% þess
fjár sem til þarf til að reka Múlalund þá standi
salan sjálf undir 90% af rekstrinum. „Þannig
að ef salan klikkar þá verðum við að draga
saman seglin, sem væri auðvitað afar baga-
legt,“ segir Helgi og bendir á að sökum bágrar
fjárhagsstöðu hafi Múlalundur takmarkað
fjármagn til þess að auglýsa og hafi t.d. ekki
efni á að hafa sölumenn í vinnu við að koma
vörum Múlalundar á framfæri við verslanir og
fyrirtæki.
Aðspurður segir Helgi tæplega sextíu
manns vinna hjá Múlalundi í tuttugu stöðu-
gildum. „Við reynum alltaf að vera með fleiri
stöðugildi en við í reynd höfum leyfi fyrir frá
ráðuneytinu vegna þess hve biðlistinn er lang-
EGLA-bréfabindin og aðrar vörur Múlalundar
í öllum betri bókaverslunum á landinu. „Því
miður er þó alltaf eitthvað um það að sumar
verslanir vilji ekki taka inn vörur okkar og
kjósi að selja aðeins innfluttar vörur,“ segir
Helgi og telur það afar sorglega þróun í ljósi
þess hvaða þýðingu stuðningurinn við Múla-
lund hafi í reynd fyrir atvinnuöryggi fatlaðra.
Aðspurður segir Helgi nokkuð um það að
opinberar stofnanir jafnt sem einkafyrirtæki
kaupi vörurnar beint af Múlalundi. Segir hann
sífellt fleiri, bæði einstaklinga og fyrirtæki,
nota sér Netið í kaupum sínum en hægt er að
panta allar vörur Múlalundar á vef vinnustof-
unnar á slóðinni: www.mulalundur.is. Að-
spurður segir Helgi einnig hægt að nálgast
ur,“ segir Helgi og bendir á að nú um stundir
séu um fjörutíu manns á biðlista. „Því miður
nýtir ráðuneytið sér ekki þá markaðs-
möguleika sem svona vinnustarfsemi hefur,“
segir Helgi og bendir á að nokkur eftirspurn
sé eftir vinnuframlagi fatlaðra en Múlalundur
megi ekki ráða nógu marga til að sinna þeim
verkefnum. „Við fáum ýmiss konar verkefni í
hendurnar og á þessu ári hef ég t.d. þurft að
hafna þremur verkefnum sem henta fyrir fatl-
aða af því að ég er bundinn við þessi tuttugu
stöðugildi,“ segir Helgi og tekur fram að hefði
verið hægt að sinna fyrrnefndum verkefnum
hefði mátt stytta biðlistana eftir vinnu á Múla-
lundi til muna.
Endingargóðar vörur
Að sögn Helga fá nýir umsækjendur að
reyna sig í þrjá daga og er þá fundið út hvaða
starf hentar þeim. Yfirleitt byrjar fólk í 50%
starfi, en starfsgetan ræður því hver vinnutím-
inn verður. Unnið er á Múlalundi alla virka
daga frá kl. 8–16.30 nema á föstudögum, þá er
unnið til kl. 16, en að sögn Helga mætir stór
hluti starfsfólksins til vinnu þegar klukkan sjö
á morgnana, enda áhugasamt um vinnuna.
Hver starfsmaður er ráðinn í hálft ár í senn
með möguleika á framlengingu. Spurður
hvaða verk séu unnin á Múlalundi segir Helgi
þau mörg og misjöfn. Framleiddar séu ýmiss
konar plastvörur, síðan þurfi að telja þær í
pakkningar og strikamerka. „Við framleiðum
hér plastmöppur og lausblaðamöppur af öllum
stærðum og gerðum, m.a. sérhannaðar möpp-
ur fyrir leigubílstjóra, búum til borðmottur og
dagatöl, göngum frá sérmerktum kjölmiðum í
bréfabindi, auk þess að ganga frá og strika-
merkja geisladiska og ljósritunarpappír,“ seg-
ir Helgi og bendir á að áletranir á dagbókum
skapi einnig mjög mikla vinnu hjá Múlalundi.
Auk þessa er Múlalundur með bæði penna,
fundarmöppur, gatara og heftara í endursölu,
svo fátt eitt sé nefnt.
Helgi bendir á að stöðugt sé unnið að
vöruþróun hjá Múlalundi, en hönnuður vinnu-
stofunnar er Hrafnkell Birgisson. „Gæðin eru
mikil í hönnun okkar og við reynum stöðugt að
finna nýjar lausnir sem henta viðskiptavinum
okkar á réttu verði,“ segir Helgi og bendir á að
vörur Múlalundar séu vel samkeppnisfærar.
„Þar sem við vinnum mikið með plast hefur
hækkandi verð á olíu auðvitað haft sín áhrif, en
við notum þykkara plast í vörum okkar sem að
okkar mati tryggir meiri gæði og ending-
arbetri vörur.“
„Starfsemin
skilar miklu til
samfélagsins“
Morgunblaðið/Sverrir
„Með því að kaupa EGLA-bréfabindi eru Íslendingar að sameinast um að styrkja einstaklinga
til betri framtíðar, því hvert selt bréfabindi skapar vinnu fyrir fatlaðan einstakling,“ segir
Helgi Kristófersson, framkvæmdastjóri Múlalundar, vinnustofu SÍBS.
Eftir Silju Björk Huldudóttur
silja@mbl.is
BERGÞÓR Th. Óðinsson er einn þeirra sem
vinna í Múlalundi. Þegar blaðamann og ljós-
myndara Morgunblaðsins bar að garði var
hann að vinna við að búa til motturnar sem
finna má í allflestum búðum sem undirlag
þegar kvitta skal undir debet- eða kred-
itkortafærslu.
Bergþór hefur unnið í Múlalundi síðastliðin
tvö ár og lætur vel af starfinu og vinnustaðn-
um. Segir hann andrúmsloftið rólegt, en
Bergþór vinnur hálfan daginn. Aðspurður
segist hann hlaupa í öll þau störf sem vinna
þarf, sem sé skemmtilegt þar sem þá fáist góð
tilbreyting yfir daginn.
Morgunblaðið/Sverrir
Gott andrúmsloft