Morgunblaðið - 27.11.2005, Side 14

14 SUNNUDAGUR 27. NÓVEMBER 2005 MORGUNBLAÐIÐ
É
g hlakka mikið til
þess að koma til Ís-
lands, enda hefur
mig alltaf dreymt
um að koma til
landsins,“ segir
leikarinn góðkunni
sir Roger Moore,
sem væntanlegur er til landsins
nk. miðvikudag og mun dvelja hér
á landi í þrjá daga ásamt konu
sinni, Kristinu Moore. Roger
Moore er án efa þekktastur fyrir
að leika njósnarann James Bond í
fjölmörgum kvikmyndum um
kappann, en Moore er mörgum Ís-
lendingum einnig vafalaust enn í
fersku minni sem Simon Templar í
þáttunum The Saint, eða Dýrling-
urinn, sem sýndir voru á upphafs-
árum Sjónvarpsins.
Erindi Moore á Íslandi tengist
hins vegar hvorki kvikmyndum né
sjónvarpi heldur starfi hans á veg-
um UNICEF, en Moore hefur
starfað sem velgjörðarsendiherra
samtakanna síðan í ágúst 1991.
Mun hann m.a. verða viðstaddur
undirritun styrktarsamnings ís-
lenskra stórfyrirtækja við UNI-
CEF á Íslandi þann 1. desember,
auk þess að líta við á jólakortasölu
UNICEF, en hún er ein fyrsta
fjáröflun meðal almennings sem
samtökin efndu til og er enn stór
tekjulind þeirra.
Stuðningur ykkar mikilvægur
„Hlutverk mitt í ferðinni til Ís-
lands er fyrst og síðast að fjalla
um UNICEF og starfsemi sam-
takanna og reyna þannig að virkja
fleiri til þátttöku. UNICEF Ísland
er yngsta landsnefnd samtakanna,
en samtals eru þær 37 í heiminum.
Þið eruð ein ríkasta þjóð heims og
stuðningur ykkar við börn í Vest-
ur-Afríkuríkinu Gíneu-Bissá er af-
ar mikilvægur, enda það ríki eitt
það fátækasta í heiminum. Fyrir
ekki nema 150 árum var ungbarna-
dauði með því mesta sem gerðist í
heiminum á Íslandi, þar sem
fimmta hvert barn náði ekki eins
árs aldri. Sem betur fer er það
ekki lengur raunin hjá ykkur, en í
Gíneu-Bissá er ástandið núna
þannig að þriðja hvert barn nær
ekki eins árs aldri, sem er auðvitað
hrikalegt.“
Moore minnir á að hlutverk
UNICEF hafi við stofnun árið
1946 verið að hjálpa börnum í Evr-
ópu sem tókst það vel að undir lok
fimmta áratugar síðustu aldar var
ákveðið að útvíkka verkefni sam-
takanna með það að markmiði að
reyna að ná til bágstaddra barna
hvar sem er í heiminum. Bendir
hann á að UNICEF varð fyrst
samtaka til þess að taka upp vel-
gjörðarsendiherrakerfi og hefur í
því skyni fengið til liðs við sig
bæði kvikmyndastjörnur og aðra
þekkta einstaklinga.
En hvernig kom það til að þú
gerðist velgjörðarsendiherra fyrir
UNICEF? Einhvers staðar sá ég
haft eftir þér að leikkonan ástsæla
Audrey Hepburn hefði tælt þig til
verksins, er það rétt?
„Ég myndi kannski ekki orða
það þannig, en já hún kynnti mig
fyrir starfi UNICEF árið 1990 og
virkjaði mig til góðra verka. Þetta
hófst allt með því að hún bað mig
að stjórna með sér barnaþætti á
vegum UNICEF í Amsterdam.
Audrey veitti mér slíkan innblást-
ur að mig langaði til að kynnast
starfi samtakanna betur. Mér
fannst að ég gæti best lagt mitt af
mörkum með því að gerast vel-
gjörðarsendiherra UNICEF og
ferðast um heiminn á vegum sam-
takanna í því skyni að beina at-
hyglinni að ástandi mála. Síðan
eru liðin 15 ár. Ég er enn að og
hef svo sannarlega notið hverrar
mínútu í starfi mínu fyrir UNI-
CEF.“
Kemur alltaf jafn ánægjulega á
óvart hversu gjafmilt fólk er
En hverju ertu stoltastur af í
starfi þínu fyrir UNICEF?
„Ef mér leyfist að gantast þá
myndi ég svara því svo að ég væri
stoltastur af því að komast enn
fram úr rúminu á morgnana,“ seg-
ir Moore og hlær dátt. „En svona í
alvöru talað þá kemur það mér
alltaf jafn ánægjulega á óvart í
starfi mínu hversu gjafmilt fólk er.
Eins og þú veist er UNICEF sjálf-
stæð stofnun innan Sameinuðu
þjóðanna, en nýtur ekki fjárstuðn-
ings frá SÞ. UNICEF treystir því
eingöngu á frjáls framlög einstak-
linga, fyrirtækja og ríkisstjórna til
þess að geta haldið starfi sínu úti,“
segir Moore og minnir á að helstu
forgangsverkefni UNICEF eru að
veita öllum börnum góða grunn-
menntun, veita yngstu börnunum
góða byrjun í lífinu, veita öllum
börnum lífsnauðsynlegar bólusetn-
ingar, vítamín og bætiefni, tryggja
aðgang að hreinu vatni, að fyr-
irbyggja HIV-smit, veita umönnun
til smitaðra, sjá til þess að börnum
sem misst hafa foreldra sína vegna
alnæmis sé veittur stuðningur og
umönnun, og að búa börnum
öruggt umhverfi.
„Vissulega höfum við hjá UNI-
CEF náð góðum árangri í starfi
okkar, en við getum auðvitað alltaf
gert betur. Aukinn árangur veltur
hins vegar á auknum fjárframlög-
um. Þess vegna þarf ég að ferðast
um heiminn með betliskálina og
biðja um meiri pening,“ segir
Moore. Spurður hvort ekki sé erf-
itt að betla, eins og hann orðar
það, svarar Moore því um hæl
neitandi. „Mér myndi finnast afar
erfitt að betla fyrir sjálfan mig, en
mér finnst það ekki tiltökumál
þegar ég veit að ég er að gera það
fyrir góðan málstað.“
Þú nefndir áðan að UNICEF
virki stjörnur af ýmsu tagi til
starfa fyrir samtökin sem vel-
gjörðarsendiherrar. Hvers vegna?
„Því miður er raunveruleikinn
sá að hefði Audrey Hepburn verið
óþekktur slátrari sem farið hefði
til t.d. Indlands til að vekja ahygli
á ástandi mála þar þá hefði engir
fjölmiðlar sýnt því athygli. Fjöl-
miðlar hafa aðeins áhuga á því sem
þeir vita að höfðar til almennings
og þar komum við inn í myndina.“
Truflar það þig aldrei að þú sért
að nota frægð þína á þennan hátt?
„Ég er fyrst og fremst afar
þakklátur fyrir þá frægð sem ég
hlaut á sínum tíma sem leikari, því
það gerir mér kleift að sinna starfi
mínu fyrir UNICEF. Ég er í
reynd aðeins að gefa til baka lítið
brot af allri þeirri velgengni sem
ég hef notið í lífinu.“
Í raun er ég algjör gunga
Víkjum aðeins að kvikmynda-
ferlinum. Þú ert mörgum Íslend-
ingum enn í fersku minni sem Sim-
on Templar í þáttunum The Saint
sem sýndir voru á upphafsárum
Sjónvarpsins. Hvað er þér minn-
isstæðast úr þeim þáttum?
„Ég var náttúrlega afar ungur á
þeim tíma, en ég lék þetta hlut-
verk í ein sex eða sjö ár, ef ég man
rétt. Í raun var þetta eins og vera
með alvöru vinnu með reglulegan
vinnutíma. Mikið fjárhagslegt að-
hald einkenndi gerð þáttanna
þannig að við fengum auðvitað
ekki að fara til allra þeirra staða
og landa sem sagan krafðist og
reynt var að telja áhorfendum trú
um. Þannig var gúmmípálmatré
einfaldlega skellt upp fyrir aftan
mig og áhorfendum á skjánum til-
kynnt að við værum nú komin til
Bahamaeyja í sól og hita, en sann-
leikurinn var sá að ég var að frjósa
í hel í myndverinu góða,“ segir
Moore og hlær við tilhugsunina.
Nú laukstu námi frá Royal Aca-
demy of Dramatic Arts á sínum
tíma og lékst framan af ferlinum
jafnt á sviði, í sjónvarpi og kvik-
myndum. Hvað varð til þess að þú
snerir þér í auknum mæli að hvíta
tjaldinu?
„Vegna þess að ég var gráð-
ugur,“ segir Moore hlæjandi og
bætir við: „Nei, auðvitað heillaði
kvikmyndaformið líka og mögu-
leikinn á því að verða stórstjarna.
Ég vissi líka alltaf að ég væri ekki
nógu góður sviðsleikari til þess að
verða annar Laurence Olivier.“
Nú ert þú þekktastur fyrir
hetjuhlutverk þín, annars vegar
sem Simon Templar og hins vegar
sem James Bond. Var það með-
vitað val hjá þér að sækjast eftir
hetjuhlutverkum til þess mögulega
að verða einhvers konar fyrir-
mynd?
„Líklega var ég fenginn til þess
að leika hetjur vegna þess að
menn töldu mig hafa rétta útlitið
til þess. Það merkir hins vegar
auðvitað ekki að ég sé sjálfur
hetja. Í raun er ég algjör gunga,
mér er meinilla við bæði byssur og
ofbeldi. Satt að segja blóðlangar
mig til þess að fá tækifæri til þess
að leika illmenni, mér væri slétt
sama um ímynd mína. Ég er nefni-
lega á því að það sé miklu
skemmtilegra að leika illmenni í
Bond-myndum heldur en James
Bond sjálfan. Illmennin fá alltaf
skemmtilegustu línurnar í handrit-
inu, fá stuttar og áhrifaríkar inn-
komur og þurfa ekki að hanga á
tökustað upp á hvern einasta dag
líkt og leikarinn sem fer með hlut-
verk Bonds.“
Myndir þú íhuga það að leika ill-
menni í Bond-mynd ef til þín væri
leitað?
„Já, svo fremi að framleiðend-
urnir fyndu mótleikara sem líklegt
væri að ég gæti rotað,“ segir
Moore og hlær.
Finnst Bond hjákátlegur
Margir myndu segja að þú hefð-
ir gætt Bond meiri kímni en fyr-
irrennarar þínir? Gerðir þú það
markvisst?
„Já, tvímælalaust. Ástæðan var
sú að ég hef aldrei haft trú á þess-
ari gerð af hetjum. Mér finnst
Bond að mörgu leyti frekar hjá-
kátlegur. Bond vinnur alltaf og
það er aldrei nein spurning hvort
hann lifir atburðina af, þannig að
mér fannst viðeigandi að leika
hann á gamansaman hátt. Hann er
náttúrlega ekki hetja í þeim skiln-
ingi sem við leggjum í raunveru-
lega dramatíska hetjusögu. Þetta
er allt svo greinilega tilbúningur.
Hér erum við með njósnara sem
allir þekkja, eins írónískt og það
hljómar. Í hvert skipti sem Bond
kemur inn á bar heilsar barþjónn-
inn honum með nafni og veit að
hann vill hafa martíni-drykkinn
sinn hristan en ekki hrærðan. Al-
vöru njósnarar eru hins vegar
óþekktar persónur, t.d. á borð við
Sjakalann.“
Eins og fyrr var getið verður
Roger Moore ekki einn á ferð því
eiginkona hans Kristina verður
með í för. Aðspurður segir Moore
að Kristina fylgi honum ávallt á
ferðalögum hans um heiminn, enda
sé hún honum ómetanleg stoð og
stytta. „Ég væri ómögulegur án
hennar, vegna þess að minni mitt
er farið að gefa sig með aldrinum.
Þegar mér verður litið á hana þá
veit ég alltaf nákvæmlega hvað ég
á að segja næst. Hún er þannig
frábær hvíslari þegar ég er að
flytja langar og leiðinlegar ræður.
Við erum meira að segja búin að
koma okkur upp ákveðnu merkja-
kerfi þannig að hún geti komið
skilaboðum til mín svo lítið beri á,“
segir Moore að lokum.
„Ég ferðast um
heiminn með betliskál“
Frá því að leikarinn sir Rog-
er Moore gerðist velgjörð-
arsendiherra UNICEF fyrir
15 árum hefur hann ferðast
um heiminn þveran og
endilangan til þess að láta
gott af sér leiða. Nú um
mánaðamótin liggur leið
hans loks til Íslands. Af því
tilefni hringdi Silja Björk
Huldudóttir til Mónakó og
náði tali af kappanum.
Á sl. 15 árum hefur Roger Moore farið víða sem velgjörðarsendiherra og látið gott af sér leiða. Meðal annars til Mexíkó,
Slóveníu, Makedóníu, Ghana, Indónesíu, Japan, Kóreu og nú síðast Indlands. Hér er hann staddur í Kína við opnun sum-
arbúða UNICEF ætluðum munaðarlausum börnum sem misst hafa foreldra sína úr HIV/alnæmi.
„Hún er frábær hvíslari þegar ég er að flytja langar og leiðinlegar ræður. Við er-
um meira að segja búin að koma okkur upp ákveðnu merkjakerfi þannig að hún
geti komið skilaboðum til mín svo lítið beri á,“ segir Roger Moore um konuna
sína, Kristinu, sem fylgir manni sínum hvert sem hann fer.
silja@mbl.is
’Ég er á því að þaðsé miklu skemmti-
legra að leika ill-
menni í Bond-mynd-
um heldur en James
Bond sjálfan. Ill-
mennin fá alltaf
skemmtilegustu lín-
urnar í handritinu, fá
stuttar og áhrifaríkar
innkomur og þurfa
ekki að hanga á
tökustað upp á
hvern einasta dag
líkt og leikarinn sem
fer með hlutverk
Bonds.‘