Morgunblaðið - 10.11.2005, Blaðsíða 22

22
SPURT OG
SVARAÐ
Hvað væri það besta sem gæti komið fyrir þig
í dag?
„Vænn skammtur af lífshamingju og heilsu.“
Hvað er það dýrmætasta sem þú átt?
„Börnin og eiginkonan.“
Dagurinn þegar allt gekk upp var þegar …?
„Þegar ég fór á skeljarnar á bökkum Signu og kon-
an gegnt mér svaraði játandi.“
Hvað er það versta sem þú hefur upplifað?
„Ótímabært fráfall ástvinar í fjölskyldunni.“
Hverjir eru þínir helstu kostir?
„Þokkalega lífsglaður og ágætur í umgengni, held
ég.“
Gallar?
„Á köflum fulllífsglaður og fullþægilegur í um-
gengni, held ég.“
Ef þú gætir breytt einhverju við Reykjavík
hvað væri það?
„Þétta byggðina.“
Hvað finnst þér um ungu skáldin í dag?
„Ung skáld eru alltaf áhugaverð – á öllum tímum.“
Hvað reitir þig til reiði?
„Fordómar og leti, að ekki sé talað um allan
níðingsskapinn gagnvart konum og börnum sem
viðgengst í samfélaginu.“
Hvað gleður þig mest?
„Velgengni barna minna.“
Áttu þér einhverja fyrirmynd?
„Öðru fremur er það róttæklingurinn Jesús
Kristur.“
Hver er áhrifamesta lesning sem þú hefur
lesið?
„Veröld sem var, sjálfsævisaga Stefans Zweig.“
Hvað er uppáhaldsdýrið þitt?
„Kettir.“
Hver er uppáhaldskvikmyndin þín?
„French Connection-tvíbakan.“
Uppáhaldsstaðurinn og af hverju?
„Dyngja – sumarbústaður fjölskyldunnar á Flúðum.
Þar næ ég alsambandi við sjálfan mig.“
Ertu með eitthvert lag á heilanum?
„Layla með Clapton – í gömlu útgáfunni.“
Hverjar eru þínar helstu fóbíur?
„Lofthræðsla – hin seinni ár.“
Eitthvað að lokum?
„Það er þá ekki annað en óskir til samferðamanna
minna um innihaldsríkt líf, sem er talsvert.“
LAYLA MEÐ CLAPTON
SIGMUNDUR ERNIR RÚNARSSON
Ung skáld eru alltaf áhugaverð – á öllum tímum