Morgunblaðið - 17.11.2005, Blaðsíða 20

20
TÓNLIST
TÖLVULEIKUR
Það hefur varla farið framhjá neinum að smæsta
risarokkband í heimi, The White Stripes, mun trylla
landann nk. sunnudag. Tónleikar með White Stripes
hafa lengi þótt ótrúleg upplifun: Jack og Meg White
eru bara tvö á sviðinu og virðast fremur eiga í eins-
hvers konar tónlistarlegu samtali heldur en vera á
tónleikum. Hún lemur trommurnar naumhyggju-
lega – gjarnan með tunguna út um annað munn-
vikið – og hann misþyrmir gítarnum meðan hann
ráfar stefnulaust um sviðið. Frábært! Svona litu þau
allavega út þegar undirritaður sá þau á tónleikum
árið 2002.
White Stripes var stofnuð í Detroit árið 1997 og
stuttu seinna gáfu þau út plötu sem var samnefnd
sveitinni. Platan sú vakti ekki mikla athygli utan
heimahagana, en varð þó til þess að hljómsveitin
ferðaðist með Pavement og Sleater-Kinney árin
1999 og 2000. PlatanDe Stijl fylgdi í kjölfarið en það
var ekki fyrr en með útgáfu White Blood Cells árið
2002 sem boltinn fór að rúlla fyrir alvöru. Legó-
kubbamyndband Michels Gondry við „Fell in Love
With a Girl“ hlaut gríðarlega spilun á MTV og var til-
nefnt til fjölda verðlauna. Ekki spillti heldur fyrir að
tónlistarblaðamenn voru farnir að beina sjónum sín-
um í auknum mæli að svonefndum The-böndum, og
vinsældir The Strokes, The Hives o.fl. urðu bara til
þess að bæta bensíni á vinsældabál White Stripes.
White Blood Cells endaði á fjöldamörgum árslistum,
enda frábær plata þar á ferð, og fékk að óma í
fjöldamörgum partíum hér á landi sem víðar. „Hotel
Yorba“ gaf fólki raunverulega ástæðu til þess að
taka upp kassagítar í partíi án þess að vera hallær-
islegt, og „Dead Leaves and the Dirty Ground“ er
fyrsta flokks kennsla í því hvernig semja skuli al-
mennilegt rokklag. Margir spáðu því að frægð-
arblaðra White Stripes myndi springa stuttu síðar. Þá
kom „Seven Nation Army“ út og sannaði tvennt: Í
fyrsta lagi að White Stripes voru komin til að vera; í
öðru lagi að maður þarf ekki mikið meira en bassa-
trommu og sjö nótna riff til þess að semja einn kraft-
mesta og flottasta slagara áratugarins. Platan Elep-
hant hlaut einnig frábærar viðtökur, þrátt fyrir að
hafa aðeins verið tekin upp á tveimur vikum. Jack
White fór að verða sífellt meira áberandi í slúður-
blöðunum, ekki síst fyrir samband sitt við leikkon-
una Reneé Zellweger og bílslys sem þau lentu í, auk
slagsmála við söngvara hljómsveitarinnar The Von
Bondies.
Þau tóku sér þó tveggja vikna frí frá stjörnufans-
inum og glamúrnum til þess að taka upp plötuna
Get Behind Me Satan sem út kom í sumar og á
ábyggilega eftir að verma sæti á árslistum gagnrýn-
endanna þegar yfir lýkur. Á Get Behind Me Satan
kveður við nýjan tón. Platan inniheldur varla einn
einasta rafmagnsgítar og því verður mjög spenn-
andi að sjá hvernig White Stripes tekst að endur-
skapa marimbu-poppið í „The Nurse“ og píanó-
fönkið í „My Doorbell“ á sviðinu. Eina leiðin til að
komast að því er að kíkja í Höllina á sunnudaginn.
NAUMHYGGJUDÚETTINN
WHITE STRIPES Á ÍSLANDI
Texti
Atli Bollason
Viðbjóðslegir leikir eru
alltaf vinsælir. Því meiri
viðbjóður því meiri
gleði. Resident Evil 4 er
viðbjóðslegur leikur sem
gaman er að líkt og fyr-
irrennarar hans. Í þess-
um leik er leikmaðurinn
kominn til Evrópu í leit
að dóttur forsetans.
Leikurinn hefst einhvers
staðar norðanlega á
Spáni þar sem leikmað-
urinn er í samfloti með tveimur spænskum lög-
reglumönnum á leið til bæjarins þar sem síðast sást
til stúlkunnar. Það þarf ekki að bíða lengi til að
komast að því að allt er ekki eins og á það ætti
helst að vera í þessum bæ. Fólkið þarna læðist
hægt upp leikmanninum, muldrandi eitthvað
ógeðslegt á spænsku, og reynir hægt og þolinmótt
að drepa hann. Og vegna þess að þau eru svona ró-
leg í tíðinni eru þau ennþá óhugnanlegri og tekur
það gjarnan leikmanninn gjörsamlega á taugum.
Þetta eru samt ekki hefðbundnir uppvakningar,
leikmaðurinn er fljótur að komast að því enda ekki
óvanur samskiptum við slík kvikindi. Það er eitt-
hvað annað sem gerir fólkið brjálað og morðótt.
Hvað það er ætlar leikmaðurinn að komast að.
Hljóðin í leiknum eru sérstaklega áhrifamikil, eink-
um þegar líf leikmannsins er í hættu. Afleiðingin er
ör hjartsláttur og móðursýkisleg hlátrasköll en það
er akkúrat það sem leikur af þessu tagi á að fram-
kalla.
VIÐBJÓÐSLEG GLEÐI
RESIDENT EVIL 4