Morgunblaðið - 24.11.2005, Blaðsíða 22

22
SPURT OG
SVARAÐ
Hvað væri það besta sem gæti komið fyrir þig
í dag?
„Engar fréttir eru góðar fréttir í dag. Það er margt
á gátlistanum, og best væri að geta haldið áfram
með hann ótruflaður.“
Hverjir eru þínir helstu kostir?
„Því verða aðrir að svara, en ég reyni að vera heið-
arlegur og sanngjarn. Ég reyni líka að vera tryggur
mínu fólki og hafa þannig viðhorf til lífsins að það
sé skemmtilegt fremur en leiðinlegt að vera ná-
lægt mér.“
Gallar?
„Vafalaust margir, og þeir verstir sem maður kem-
ur ekki auga á sjálfur. En mér finnst ég stundum of
ónærgætinn, sem maður á aldrei að vera. Ég fresta
líka of oft leiðinlegum verkefnum og geri heldur
það sem mér finnst meira spennandi. Stundum
óstundvís og ómögulegur. Og margt fleira mætti
tína til.“
Hvað geturðu gert margar armbeygjur?
„40 í strikklotu. Eitthvað fleiri ef ég fæ að hvíla mig
á milli.“
Ef þú gætir breytt einhverju við Reykjavík
hvað væri það?
„Ég vil gera borgina fjölskylduvæna. Skólarnir hér
eiga að vera þeir bestu sem þekkjast. Opin svæði
eiga að vera hrein, örugg og draga að sér fólk. Og
stjórnvöld eiga að láta minna á sér bera. Hætta að
stjórna okkur eftir eigin höfði, og hjálpa okkur
frekar að lifa lífinu einsog við viljum sjálf.“
Ef þú gætir ferðast aftur í tímann, til hvaða árs
myndurðu fara?
„Fer eftir staðsetningu, semsagt rúmi ekki síður en
tíma. Ef ég væri áfram á Íslandi, myndi ég vilja
vakna upp á þjóðveldisöld, kannski í kringum árið
980 og taka þátt í stjórnmálaumræðum á Þingvöll-
um og jafnvel vopnaskaki. En ef ég mætti ferðast
hvert sem er væri ég til í að vera viðstaddur einn af
fyrirlestrum Jesú í kringum árið 30.“
Hvað reitir þig til reiði?
„Svik.Óskýr hugsun. Lélegt sjónvarpsefni. Ósann-
girni í fótbolta. Fólk sem keyrir hægt á vinstri. (Ég
er reyndar sjaldan reiður, en eftir heilan dag af
framangreindu væri farið að fjúka í mig).“
Hvað gleður þig mest?
„Góðar samverustundir með fjölskyldu og vinum
verða alltaf dýrmætari og dýrmætari.“
Áttu þér einhverja fyrirmynd?
„Já, ég á mér margar fyrirmyndir. Það er ekkert eitt
lífshlaup sem ég reyni að ljósrita, en ég tek mér til
fyrirmyndar það sem ég sé að vel er gert hjá sam-
ferðafólki mínu og öðru fólki sem ég les um í bók-
um, eða sé í kvikmyndum. Ég reyni að vera jafn
góður og konan mín, jafn skemmtilegur og vinir
mínir og jafn gott foreldri og foreldrar mínir. Svo
reyni ég að vera jafn góður í fótbolta og Michael
Owen. Ég er ekki viss um að neitt af þessu takist. En
ég er betri en Peter Crouch.“
Hver er áhrifamesta lesning sem þú hefur les-
ið?
„Ég held að meira og minna allt sem ég les hafi ein-
hver áhrif á mig, fyrir utan ruslið sem er skrifað um
mig, það hefur engin áhrif. En ef ég á að velja eitt-
hvað eitt fremur en annað, þá vel ég fyrirlestra Sig-
urðar Nordal um líf og dauða, sem hann flutti fyrst
í útvarpið, löngu áður en ég fæddist. Ég las þá síð-
an í ritsafni hans sem ég fékk í laun fyrir vinnu hjá
Almenna bókafélaginu.“
Hvert er uppáhaldsdýrið þitt og af hverju?
„Hundar. Ég kann að meta trygglyndi þeirra og lífs-
gleði.“
Hver er uppáhalds kvikmyndin þín?
„Annie Hall eftir Woody Allen.“
Uppáhaldsstaðurinn og af hverju?
„Reykjavík. Einfaldlega dásamleg borg sem maður
gjörþekkir og því auðvelt að skipuleggja góða
daga með skemmtilegum göngutúrum um falleg
hverfi, góðum kaffihúsum og heimsklassa veit-
ingastöðum. Menningarlífið er líka með ólíkindum
gott og þegar þessu er öllu blandað saman þá
verður úr dagur sem engar borgir geta jafnað í
mínum huga.“
Ertu með eitthvert lag á heilanum?
„Já, The Hook með Blues Travelers. Heyrði það í
matarboði um helgina og var með viðlagið í hausn-
um á mér þangað til ég leitaði það uppi á netinu
áðan og er búinn að hlusta á það tíu sinnum í röð
núna. Ég er að reyna að láta undirmeðvitundina fá
leiða á því, því yfirmeðvitundin er komin með al-
veg nóg.“
Hverjar eru þínar helstu fóbíur?
„Ég er ekki í neinu sérstöku ástarsambandi við
skordýr.“
Eitthvað að lokum?
„Ég er að fatta það þessi árin, að ef ég verð 100
ára, þá er ég núna búinn með nákvæmlega þriðj-
unginn af lífi mínu. Það er ágæt áminning um að
við þurfum að njóta hvers einasta dags í lífi okkar,
gera sem mest úr honum og reyna að verða skárri
manneskjur á morgun en við vorum í dag.“
Á FYRIRLESTRI MEÐ JESÚ
GÍSLI MARTEINN BALDURSSON
Ég er ekki í neinu sérstöku ástarsambandi
við skordýr