Morgunblaðið - 01.12.2005, Blaðsíða 10

10
MÓDEL
Matthildur Lind Matthíasdóttir sigraði í Ford-
keppninni sem haldin var í síðustu viku. Eskimo-
módelsamtökin standa fyrir þessari keppni og
hafa gert síðan 1997. Það er eftirsóttur titill að
vera Ford-fyrirsætan þannig að Matthildur var
himinlifandi og mjög spennt þegar MÁLIÐ hafði
samband við hana.
„Ég átti ekki von á því að vinna. Það voru svo flott-
ar stelpur í keppninni í ár. Þær voru rosalega marg-
ar efnilegar og hver annarri flottari.“ Matthildur er
í fyrsta bekk í Menntaskólanum í Reykjavík og því
jólaprófin næst á dagskrá hjá henni. Þrátt fyrir að
vera aðeins 16 ára hefur hún töluverða reynslu í
módelbransanum. Hún var ekki nema 13 ára þegar
hún fór fyrst til New York og vann tvö verkefni.
„Mér bauðst samningur þar og fór tvisvar út að
vinna. Ég var bara svo ung og vissi ekki hvað þetta
var. Þetta var ekkert sniðugt en mamma mín kom
með mér og systir mín líka. Við ákváðum að gera
bara ævintýri úr þessu.“
„Casting“ í Mílanó
Matthildur fékk síðan samning hjá Eskimó á Íslandi
sem sendi hana út til Mílanó að vinna síðastliðið
sumar. Þar bjó hún í íbúð með fyrirsætum frá öðr-
um löndum og fékk að kynnast bransanum. „Mér
finnst þetta ótrúlega skemmtilegt og langar að
vinna við þetta á meðan ég get.“ Var ekkert erfitt
að fara ein til Mílanó? „Nei, það fannst mér ekki.
Fjölskyldan mín og vinkonur voru miklu stressaðri
en ég. Svo varð ég veik þriðja daginn og þurfti að
fá sprautu, þá vildi ég bara fara heim en svo voru
allir mjög góðir við mig og ég eignaðist fullt af vin-
konum. Mér fannst geðveikt gaman að kynnast
nýju fólki. Þær hjá Eskimó voru líka alltaf að
hringja og tékka á mér.“ Það er hörkupúl að vinna
sem fyrirsæta í Mílanó og Matthildur þurfti að
mæta í uppundir tíu „casting“ eða prufur á dag.
„Þetta var oft mikið stress og maður kemst ekki í
allt. Stundum eru teknar myndir af manni í prufum
en stundum kíkja þeir bara á bókina og sjá á fyrstu
myndinni að þetta er ekki það sem þeir eru að leita
að og segja bara bless strax. Maður má ekki taka
það inn á sig ef fólk segir að maður sé ekki nógu
flottur, þá er bara verið að tala um þetta verkefni.“
Matthildur fékk samt ýmis verkefni og sýndi m.a.
„showroom“ fyrir MaxMara.
Æfa sig að labba
Matthildur var beðin að koma í prufu fyrir Ford-
keppnina hérna heima. „Mig langaði að taka þátt í
keppninni af því að ég var búin að heyra að það
væri svo skemmtilegt og það var líka mjög gam-
an.“
Matthildur fer síðan út til New York í janúar og tek-
ur þátt í „Supermodel of the World“-keppninni.
Hún segist ekki mikið þurfa að undirbúa sig nema
helst að hún þurfi að æfa sig í að labba. „Það var
mikið af labbæfingum fyrir þessa keppni og þá
lærði ég ýmislegt. Það getur verið erfitt að labba
svona, fer eftir því hvernig hælum maður er á.“ Er
ekkert skrítið að vera að æfa sig í því að ganga?
„Jú,“ segir hún og hlær. „Það var mjög fyndið.“
Matthildur horfði áður á America’s Next Top Mod-
el en fannst þættirnir svo of ýktir. Sjónvarpsstöðin
Sirkus var með raunveruleikaþætti í kringum Ford-
keppnina hérna heima.
Hvernig fannst þér að taka þátt í því?
„Fyrst fannst mér það mjög óþægilegt en svo vand-
ist ég myndavélinni. Það var verið að reyna að láta
okkur líta út fyrir að vera tómar í hausnum. Það var
allt klippt þannig. Fólk vill halda í þá ímynd að
módel séu heimsk.“
Ekkert rugl og kæruleysi
Matthildur ætlar ekki að hætta í skóla eins og svo
margar fyrirsætur gera sem fá svona tækifæri og
ætlar frekar að reyna að fara út á sumrin og vinna.
„Stofan sem ég vann fyrir í Mílanó er með stofu í
París og þeim leist mjög vel á mig og vildu fá mig
strax þannig að ég fer kannski þangað í sumar en
það fer samt eftir því hvernig þessi keppni fer í jan-
úar og hvort ég fæ eitthvað gott út úr henni.“
Hvað þarf til að ná langt í þessum bransa?
„Maður þarf að vera með vit í hausnum til þess.
Það þýðir ekki að fara í eitthvert rugl og vera kæru-
laus, þá endar það ekki vel.“
Matthildur hefur fengið að heyra margar hryllings-
sögur úr þessum bransa en segist líka hafa heyrt
margar góðar sögur sem hægt er að læra af.
„Ég kynntist fólki í Mílanó sem var alveg í rugli.“
Ertu ekkert hrædd við það?
„Nei nei, maður verður bara að hugsa skýrt.“
MÁLIÐ óskar Matthildi innilega til hamingju með
sigurinn og á ekki von á öðru en henni takist að
hugsa skýrt í framtíðinni.
NÝJA FORD-FYRIRSÆTAN
MATTHILDUR LIND MATTHÍASDÓTTIR
1
3
4
2
1.
Matthildur með
Chihuahua hundinn
sinn, hann Tuma.
Mynd
Ómar Óskarsson
2. 3. og 4.
Myndir úr möppunni
hennar Matthildar
fengnar frá Eskimo
Texti
Hanna Björk
Fólk vill halda í þá ímynd að módel séu heimsk