Morgunblaðið - 01.12.2005, Blaðsíða 12

12
VIÐTALIÐ
Í janúar á þessu ári voru þeir Árni Rúnar Hlöðversson og
Jón Atli Helgason kynntir af sameiginlegum vini á heimili
þess fyrrnefnda. Fimm mínútum síðar var sameiginlegi
vininn orðinn út undan og nýju vinirnir sátu sveittir yfir
tónsmíðum á þeirra fyrsta lagi; tónlistardúettinn Hair-
doctor varð til. Eftir þennan örlagaríka fund hittust þeir
reglulega og sköpuðu sífellt fleiri lög þangað til þeirra
fyrsta plata leit dagsins ljós. Hún heitir Shampoo og inni-
heldur það sem einhver gæti hugsanlega kallað „dans-
vænt-indí-lo-fi-pop“ þar sem dimm rödd Jóns Atla hljóm-
ar yfir lágstemmdum gítarriffum og öflugum og
óvenjulegum tölvutöktum úr smiðju Árna.
Hárdoktorinn situr og ræðir við þriðja mann á Café Kult-
ure, mann sem þeir kalla „Gilleman“ en er betur þekktur
sem plötusnúðurinn Gísli Galdur. Gillemann þessi er einn-
ig titlaður umboðsmaður sveitarinnar. Þeir sitja og ræða
tónleika sem verða haldnir kvöldið eftir á Oddvitanum á
Akureyri þar sem Hairdoctor og Trabant munu leiða sam-
an hesta sína í glimmer og konfetti-orgíu.
„Þetta er staður fyrir eldra fólk, samkvæmt því sem ég hef
heyrt,“ segir Jón Atli um tónleikastaðinn.
„En ekki á meðan við erum að spila,“ bætir Árni við,
„kannski er það þannig á meðan Trabant er á sviðinu.“
„Unplugged“ á Ölveri
Gilleman og Jón Atli byrja að þræta um það hver þeirra
eigi að panta næsta bjór og á meðan útskýrir Árni verka-
skiptinguna í Hairdoctor.
„Það mætti segja að ég sjái alhliða um stafrænu hliðina á
meðan Jón Atli sér um „analógin“. Ég reyndar slæði mér
stundum yfir í „analógin“ og spila á rétt tæplega hundr-
að ára gamalt orgel. Ég syng líka stundum, en bara þegar
ég er í stuði,“ segir Árni og Jón Atli hrósar félaga sínum
fyrir hans fallegu söngrödd.
„Ef þú hlustar á plötuna og heyrir fallega karlmannlega
rödd inn á milli, þá er það Árni,“ segir Jón Atli og skálar
við Gilleman með nýfenginni krús.
Hairdoctor fékk auk þess nokkra gestasöngvara til að
syngja inn á plötuna eins og Urði í Gusgus, Pálínu vinkonu
þeirra, Úlf úr Stjörnukisa og Birki úr Forgotten Lores.
„Það er gaman að lita plötuna með þeim,“ segir Árni og
þarna blandar Gilleman sér inn í umræðuna og leggur
áherslu á að gestasöngvararnir fá engin stefgjöld.
„Það er allt í lagi að fá gesti,“ segir hann, „en þeir fá ekki
borgað og fá ekki að koma fram með Hairdoctor. Og þeir
fá engin stefgjöld. Í rauninni skipta þau engu máli, a.m.k
ekki fyrir mig sem umboðsmann. Eða mér er alveg skít-
„STÚDÍÓSÁND ER OFMETIГ
HAIRDOCTOR
Texti
Þormóður Dagsson
Myndir
Silja Magg
Förðun
Magnea