Morgunblaðið - 01.12.2005, Blaðsíða 16

16
TÓNLIST
Svissneska söngkonan Laurence Revey er nokkuð
þekkt í heimalandi sínu og hefur spilað víðs vegar
um Evrópu. Hún hefur verið á Íslandi allan nóv-
embermánuð og þegar MÁLIÐ hitti hana kom-
umst við að því að hún er að taka upp plötu með
Barða Jóhannssyni, betur þekktum sem Barða í
Bang Gang.
Laurence hitti Barða á Mountreux jazz-tónlist-
arhátíðinni í hittifyrra þar sem hann var að spila.
Hún skellti sér baksviðs og fékk hann til að pródu-
sera nokkur lög og mixa fyrir nýja plötu sem þau
eru að vinna í þessa dagana.
„Mér finnst fínt að ferðast með upptökuferlið og
taka upp á mismunandi stöðum. Ég byrjaði að
taka upp í New York og fór svo til London og
Manchester. Núna er ég að vinna með Barða í
Reykjavík. Mér finnst mjög gott að þvælast um og
taka inn áhrifin frá hverjum stað. Við erum að
mixa plötuna og hún kemur út snemma á næsta
ári,“ segir Laurence.
Hvernig kanntu við þig í Reykjavík?
„Mér finnst mjög gott að vera hér. Þótt ég þekki
ekki staðinn finnst mér ég ekkert týnd hérna. Ég
finn mig alveg. Það er margt líkt hér og þar sem
ég ólst upp í svissnesku ölpunum. Ég er nátengd
náttúrunni af því að ég ólst upp með fjöll allt í
kringum mig og var þannig séð einangruð af fjöll-
um. Íslendingar eru svipaðir, með fjöll og haf í
kringum sig.“ Laurence brosir þegar talið berst að
næturlífinu í borginni og hún hefur greinilega
fengið sinn skammt af því og fer að lýsa karnival-
stemningu á heimaslóðum þegar fólk sleppir fram
af sér beislinu einu sinni á ári. „Íslendingar eru
opnir og láta allt flakka.“
Alltaf sungið
Laurence hefur sungið alveg frá því að hún man
eftir sér. Hún lærði leiklist í París en hellti sér strax
út í tónlistina eftir námið. Að koma fram á sviði er
samt nokkuð sem hún hefur mjög gaman af og
hún leyfir sér að „experimenta“ þegar hún flytur
tónlistina sína. „Mér finnst gaman að ná til áhorf-
enda og fara eftir viðbrögðum þeirra. Ég er mjög
opin fyrir öllu nýju og finnst gaman að prófa mig
áfram.“
Popp- og rokkáhrif
„Í tónlistinni bý ég til mjög einlægan heim sem
ekki er hægt að skilgreina. Það sem ég geri kemur
úr öllum áttum. Mestu skiptir að það sé tilfinning í
því sem ég er að gera.“
Þessi nýja plata er elektrónísk tónlist en með
popp- og rokkáhrifum sem koma aðallega frá
Barða. „Mig vantaði einhvern með opinn huga en
samt með sterk sérkenni í tónlistinni. Hann tekur
þetta skrefinu lengra.“
Laurence hefur ekki tíma til að halda tónleika
núna á Íslandi en lofar að koma aftur þegar plat-
an er komin út.
LAURENCE REVEY
TÝNIST EKKI Á ÍSLANDI
Texti
Hanna Björk
Mynd
Golli
Það er ansi langt um liðið síðan
hljómsveitin Úlpa gaf frá sér plötuna
Mea Culpa eða Sökin er mín eins og
hún heitir á íslensku. Það var árið
2001 en síðan þá hefur lítið sem ekk-
ert komið frá þeim. Ekki fyrr en í dag
þegar ný plata frá fjórmenningunum
birtist skyndilega á hillum plötu-
búða. Nýja platan heitir Attempted
Flight by Winged Men og innheldur
hún þrettán ný lög sem smíðuð hafa
verið yfir þriggja ára tímabil. Það
væri því lygi að segja að þeir hefðu
setið auðum höndum á þessum tíma
sem liðið hefur á milli platnanna
tveggja. Þvert á móti hafa þeir beitt
sér fyrir metnaðarfullum rokk-
smíðum sem núna loksins hafa litið
dagsins ljós.
Þegar hljómplata er þrjú ár í bígerð
vakna óhjákvæmilega upp nokkrar
spurningar varðandi ferlið. Það hefur
ýmislegt orðið til þess að tefja þessa
plötu og nú síðast kom í ljós stafsetn-
ingarvilla á kápunni sem er bölv-
uðum klaufaskap hjá prentsmiðjunni
að kenna. Sumir hefðu kallað slíkan
klaufaskap „dropann sem fyllti mæl-
inn“ en drengirnir eru sallarólegir yf-
ir þessu öllu saman þegar blaðamað-
ur spjallaði við þá Magnús Leif
söngvara og Harald Örn trommara,
tveimur dögum fyrir útgáfudaginn
sem er akkúrat í dag.
Þrettán
Má búast við tilfinningaþrunginni
stund þegar þið fáið plötuna loksins í
hendurnar? „Ég get ekkert sagt fyrr
en ég fæ hana,“ segir Magnús en
segist þó búast passlega við að verða
eitthvað snortinn. „Það verður sætt
eftir margt missætt.“ Haraldur vill þó
meina að þeir muni ekki staldra lengi
við tilfinningauppnám sem fylgir
plötunni, hversu mikið sem það verð-
ur. Nógu mikill tími hefur þegar farið
í hana. „Þetta er búið að vera svolítið
ferli,“ ítrekar Magnús. „Hún var tek-
in upp á löngum tíma með mörgum
pásum. Nýjasta lagið varð til í vor og
tekið upp í sumar og svo eru lög sem
voru tekin upp fyrir þremur árum
líka. Ætli við höfum ekki tekið upp í
kringum tuttugu lög í það heila og
þar af rötuðu þrettán á plötuna.“
Hvað eru þá mörg lög á plötunni?
„Þrettán,“ svarar Magnús skjótur í
bragði.
Myrk og hress
Þeir vilja meina að allur tíminn sem
fór í plötuna hafi á endanum gert
plötunni mjög gott og sjá þeir ekki
eftir einni mínútu sem í hana fór.
„Það er ágætis breidd á henni, hún
fer víða,“ segja þeir og þegar þeir eru
spurðir út í hvort einhver tónlistar-
legur þroski hafi átt sér stað á meðan
ferlinu stóð svara þeir frekar óljóst.
„Hvernig þroskast maður í tónlist?“
spyr Halli svo á móti. „Hvar eru við-
miðin?“ Blaðamaður yppir öxlum og
lítur spyrjandi á Magnús.
„Þú verður aldrei þroskaðastur,“
svarar Magnús spekingslega, „þú
bara þroskast eða hættir að þroskast.
Við ætlum allavega að halda áfram
að þroskast.“
Að hvaða leyti er nýja platan ólík
þeirri fyrri? „Kannski fyrir þær sakir,“
svarar Magnús, „að við erum búnir
að vinna að henni svona lengi. Þarna
kennir margra grasa, það …“ Halli
grípur síðan fram í fyrir hljómsveit-
arbróður sínum. „Ég held,“ segir
Halli, „að hún sé bæði aðeins myrkari
og svo eru þarna partar sem eru að-
eins hressari en hin. Hún eiginlega
fer út í alla anga út frá hinni myndi
ég segja.“ Þeir segja að nýrra efnið
stefni sífellt meira í áttina að verða
dansvænna.
Komnir af stað
„Við ætlum að gera dansplötu næst,
eins og Úlpa myndi gera hana,“ segir
Halli en eitthvað segir blaðamanni að
hann sé ekki að tala í fullri alvöru,
kannski að hann sé að ýkja smá.
„Talandi um næsta plötu,“ grípur
Magnús inn í, „þá erum við komnir
vel á veg með að semja inn á hana.
Það náttúrulega kemur til út af því
að við erum búnir að vera svo lengi
með að vinna þessa.“
Hvernig sem næsta plata svo verður
lofa þeir alla vega að hún muni taka
skemmri tíma en þeir stefna á upp-
tökur á næsta ári.
Nánari upplýsingar um allt sem við
kemur Úlpu má finna á ulpa.is eða
myspace.com/ulpa.
LANGÞRÁÐ TILRAUN TIL FLUGS
LOKSINS NÝ PLATA MEÐ ÚLPU
Texti
Þormóður Dagsson
Mynd
Árni Torfason