Morgunblaðið - 08.12.2005, Blaðsíða 2
Það eru eflaust margir sem blóta myrkrinu þessa dagana, þessu stöðuga
myrkri. Á meðan hátíð ljóssins er í algleymingi blótar fólkið í myrkrinu. Það er
varla að maður greini handa sinna skil þegar trítlað er til vinnu í morgunsárið
og svo þegar vinnudagurinn er búinn er myrkrið skollið aftur á. Þessar örfáu
mínútur af sólargeisla liðu á meðan þú varst geispandi af óverðskuldaðri
þreytu í vinnunni. Þetta ruglar líkamann alveg gjörsamlega en hann ætti nátt-
úrlega fyrir löngu síðan að vera orðin vanur þessum breytingum. Maður hefði
haldið að hann væri búinn að vinna einhvers konar móteitur gegn þessu. En
nei. Það er lítið um bros í myrkrinu eða „spontant“ dansspor heldur eru lang-
flestir síþreyttir á þessum tíma. Og blótandi. Það krefst mikils viljastyrks og
andlegra átaka að staulast á lappir á morgnana enda alltaf eins og það sé mið-
dimm nótt, það heldur allavega líkaminn þinn þó þú vitir að sjálfsögðu betur.
Líkaminn stendur sig nefnilega ekki alveg í þessari baráttu. Engin furða hversu
vinsælar sólarlandaferðir eru orðnar yfir jólin. Fólk þráir ljósið. Sumir segja það
vera undarlega kaldhæðni að tala um hátíð ljóssins á þessum árstíma hér á
Fróni en aðrir vilja meina að þetta sé í rauninni afar snjöll lausn eða allavega
tilraun til að sigrast á svartasta myrkrinu; að ráðast á það með rafmagns- og
kertaljósum og fallegum jólasöngvum. Og hver veit nema þessa raflýsta
skammdegis verði ekki bara saknað þegar maður er farinn að væla yfir mið-
nætursólinni og svefnlausum nóttum í sumar.
Hanna Björk Valsdóttir
Þormóður Dagsson
TUTTUGASTA OG
SJÖUNDA MÁLIÐ
ÞAU SEGJA
Það er lítið um bros í myrkrinu eða
„spontant“ dansspor
2
MÁLIÐ
Fimmtudagurinn 8. desember
Útgáfutónleikar Úlpu í Þjóðleikhúskjallaranum. Leikin verða lög af nýju
plötunni Attempted Flight by Winged Men.
Minningartónleikar á Grandrokki. Vinir og velunnarar tónlistarmannsins
Rafns Jónssonar halda tónleika honum til heiðurs. Fram koma meðal
annars Sign, Lára og Viking Giant Show.
Föstudagurinn 9. desember
Reykjavík!, Hairdoctor og Ben Frost troða upp á Grandrokki.
Tónleikar með Brain Police, Jan Mayen og Jeff Who? á Gauknum.
Laugardagurinn 10. desember
Anthony & the Johnsons spila í Fríkirkjunni.
Nine Elevens og Rass spila á Grandrokki.
Sunnudagurinn 11. desember
Seinni tónleikar Anthony & the Johnsons í Fríkirkjunni.
Miðvikudagurinn 14. desember
Útgáfutónleikar með Daníel Ágúst í Íslensku óperunni. Sérstakir gestir
verða Mr. Silla og Rass.
HVAÐ ER Á SEYÐI?
Næsta sunnudag, 11. desember, mæta Milljónamæringarnir hljómsveitinni
Ske í Popppunkti. Þetta eru undanúrslit en í síðustu viku duttu Jan Mayen
út þegar Geirfuglarnir sigruðu þá glæsilega.
Það verður því spennandi að fylgjast með hvort það verða Milljónamæring-
arnir eða Ske sem mæta Geirfuglunum í úrslitaþættinum 18. desember.
Poppunktur er í umsjá Dr. Gunna og Felix Bergssonar og er þetta fimmta
þáttaröðin sem er um það bil að klárast. Þátturinn hefur verið mjög vinsæll
allt frá því hann hóf göngu sína.
Missið ekki af síðustu þáttunum en Popppunktur er sýndur á Skjá einum á
sunnudagskvöldum kl. 20.
UNDANÚRSLIT Í POPPPUNKTI
Forsíðumynd
Árni Torfason
Stílisti
Aga
Förðun
Magnea
Bolir
Dead
Þakkir
Henrik
Kringlunni 1, 103 Reykjavík, 569 1100, malid@mbl.is Útgefandi: Árvakur hf. í
samstarfi Morgunblaðsins, Símans og Skjás 1 Ábyrgðarmaður: Margrét Kr.
Sigurðardóttir Umsjón: Hanna Björk, 569 1141 - hannabjork@mbl.is
Þormóður Dagsson, 569 1141 - thorri@mbl.is Auglýsingar: Kristbergur
Guðjónsson, 569 1111 - krissi@mbl.is Hönnun: Hörður Lárusson, Siggi Orri
Thorhannesson og Sól Hrafnsdóttir Umbrot: Björn Arnar Ólafsson
Prentun: Prentsmiðja Morgunblaðsins Pappír: Nornews 45g
Letur: Frutiger og Tjypan Stærð: 280x420mm
UM MÁLIÐ