Morgunblaðið - 08.12.2005, Blaðsíða 6
6
TÍSKA
Þeir sem eru ekta jólabörn óttast fátt meira á þess-
um árstíma en hinn ógurlega jólakött sem ræðst að
hverjum þeim sem ekki fær nýjar spjarir fyrir hátíð-
irnar. Ragnheiður Gröndal er ein af þeim sem ótt-
ast svarta köttinn. Nú til þess að forðast öll vand-
ræði dreif Ragnheiður sig í verslunina Rokk og rósir
á Laugavegi og valdi sér nokkrar flíkur fyrir hátíð-
irnar. Það er um að gera að vera ekki að bíða með
það fram á síðustu stundu enda nóg annað að gera
hjá tónlistarfólki í desember.
Fínir kjólar og klæðin rauð
Ragnheiður segist hugsa mikið um það hverju hún
klæðist. Hún kaupir sérstaklega mikið af fínum
kjólum enda mikilvægt fyrir hana að líta skikk-
anlega út þegar hún kemur fram. Svona hversdags-
lega er hún þó öllu kærulausari þó svo að hún telji
sig ekki vera neitt tískuslys.
Er einhver sem veitir þér innblástur í fatavali?
„Já, vinkonur mínar, þær eru svo flottar og snið-
ugar. Svo finnst mér íslenskar stelpur vera mjög
flottar upp til hópa þannig bara það að líta í kring-
um mig veitir mér ákveðinn innblástur. Ég hef þó
alltaf reynt að skapa mér minn eigin stíl.
Söngdívan undirbýr jólin
Þar sem Ragnheiður hefur nú valið sér föt fyrir há-
tíðirnar er ekki úr vegi að spyrja hana hvernig
hennar jólaundirbúningi sé háttað. Ragnheiður
eyðir drjúgum tíma í að syngja sig inn í hjörtu
landsmanna í desember eins og flestum má ljóst
vera og segist því ekki eyða miklum tíma í sjálfan
jólaundirbúninginn. „Ég bý líka enn í foreldra-
húsum svo þetta lendir mest á henni mömmu,“
segir Ragnheiður „En ég er samt mjög dugleg þeg-
ar ég tek mig til. Þá er sko þrifið, skal ég segja þér,
ekkert sleppur undan tuskunni,“ segir Ragnheiður,
en er tvístígandi um hvort hún eigi að minna fjöl-
skyldu sína á þennan eiginleika.
Vísað út á miðnætti!
En er mikið um fastar hefðir á heimili Ragnheiðar á
þessum árstíma?
„Já, það er svona hitt og þetta. Á Þorláksmessu fer
mamma í skötu en við systkinin fáum okkur flat-
köku með hangikjöti og jólaöl til að komast í réttu
stemninguna. Svo fer ég á bæjarrölt, ef rölt skyldi
kallast en ég er ein af þeim sem er kastað öfugri út
úr búðunum á miðnætti. Alltaf á síðustu stundu,“
segir Ragnheiður kímin. „Á aðfangadag fá svo
hæfileikar mínir að njóta sín, því áður en við keyr-
um út pakkana sé ég um að pakka inn og þá fær
sköpunargáfan að vaða upp um alla veggi. Þetta
eru svona pakkar sem fólk vill helst ekki opna því
þeir eru svo flottir,“ segir Ragnheiður hlæjandi og
er greinilega stolt af innpökkuninni sem er hennar
helsta framlag til jólaundirbúningsins.
RAGNHEIÐUR GRÖNDAL
SNIÐGENGUR JÓLAKÖTTINN
1
1.
Svart blúndupils: 3.400
Hálsmen: 2.500
Nælur: 1.100
4
2.
Svartur blúndukjóll
með rauðum línum:
8.200
Rauð kápa: 8.500
Hattur: 1.900
Belti: 2.900 Skór: 2.900
3
3.
Grænn galakjóll: 9.800
Hálsmen: 2.500
Hanskar: 2.500
2
4.
Svartur og hvítur kjóll:
8.200
Skór: 2.900
Texti
Berglind Häsler
Myndir
Þorkell Þorkelsson