Morgunblaðið - 11.12.2005, Blaðsíða 8
8 SUNNUDAGUR 11. DESEMBER 2005 MORGUNBLAÐIÐ
FRÉTTIR
Árlega leita hundruðfjölskyldna á náð-ir hjálparsamtaka
á Íslandi þar sem þær ná
ekki endum saman. Sér-
staklega þurfa margir á
aðstoð að halda fyrir jólin,
þar sem útgjöldin í desem-
ber eru meiri en aðra
mánuði.
Fyrir þessi jól vinna
Mæðrastyrksnefnd
Reykjavíkur og Hjálpar-
starf kirkjunnar sameig-
inlega að jólaúthlutun í
Sætúni 8, dagana 16., 19.,
20., 21. og 22. desember. Fötum,
bókum og leikföngum er úthlutað
hjá Mæðrastyrksnefnd, Sólvalla-
götu 48, alla miðvikudaga fram að
jólum. Umsóknir vegna jólaút-
hlutunar þurfa að berast í síðasta
lagi nk. þriðjudag.
Þá úthlutar Fjölskylduhjálp Ís-
lands matvælum, fatnaði og jóla-
gjöfum á hverjum miðvikudegi
fram að jólum. Hjálpræðisherinn
safnar árlega peningum fyrir þá
sem minna mega sín og í fyrra
söfnuðust um 2,5 milljónir í jóla-
pottana þeirra. 400 umsóknir um
aðstoð bárust hernum fyrir síð-
ustu jól.
Milli 3 og 4.000 fjölskyldur fá
úthlutað í desember hjá Mæðra-
styrksnefnd Reykjavíkur. Í ár
starfar nefndin að úthlutun í sam-
starfi við Hjálparstarf kirkjunnar
en þar virðist fjöldi umsókna
vegna jólaúthlutunar vera svipað-
ur og í fyrra. Um 900 fjölskyldur
eru á skrá hjá Fjölskylduhjálp Ís-
lands og í fyrstu jólaúthlutun, sem
fram fór sl. miðvikudag, fengu yfir
100 fjölskyldur úthlutað. Öryrkjar
virðast vera í meirihluta þeirra
sem sækja aðstoð til hjálparsam-
taka, en hópurinn er þó mjög fjöl-
breyttur.
Ragnhildur Guðmundsdóttir,
formaður Mæðrastyrksnefndar
Reykjavíkur, segir að miðað við
þá ásókn sem verið hafi í ár sé
fjöldi þeirra sem þurfi að leita sér
aðstoðar helmingi meiri nú en í
fyrra. Hún segir hóp þeirra sem
þurfi aðstoð hafa breyst, hann
yngist og öryrkjum fjölgi. Þá hef-
ur karlmönnum fjölgað og eru
þeir nú um 24% þeirra sem fá að-
stoð hjá nefndinni.
Mæðrastyrksnefnd úthlutar á
miðvikudögum allt árið um kring
og vikulega sækja um 130–170
einstaklingar sér þangað aðstoð.
Sá fjöldi margfaldast í desember
en í fyrra úthlutaði nefndin til um
2.000 fjölskyldna, en ganga má út
frá að 2,3 standi að baki hverri
fjölskyldu. Telur Ragnhildur að
miðað við ásókn sem verið hafi í ár
verði sá fjöldi á milli 3 og 4.000
fyrir þessi jól.
„Eftir því sem velmegunin
verður meiri vaxa vandræðin hjá
þessu fólki,“ segir Ragnhildur.
Margar ástæður geti legið að baki
því að fólk þurfi á aðstoð að halda.
Hún bendir á að vinnumarkaður-
inn sé orðinn mjög harður. Sú
harka sem þar sé farin að ríkja
hafi mikil áhrif á marga, ekki síð-
ur ungt og vel menntað fólk en
aðra. Það brotlendi eftir uppsögn
og eigi erfitt með að hefja sig til
flugs í lífinu að nýju. „Það eru mis-
jafnar aðferðir við það að segja
fólki upp og það eru ekki allir sátt-
ir við það að þurfa að sæta þeirri
meðferð, sem einkennist af
margra mati af of mikilli hörku.“
Um 900 fjölskyldur eru á skrá
hjá Fjölskylduhjálp Íslands að
sögn Ásgerðar Jónu Flosadóttur
formanns. Hún segir fleiri sækja
eftir aðstoð Fjölskylduhjálparinn-
ar nú en fyrir jólin í fyrra. Þegar
sé búið að úthluta til yfir 100 fjöl-
skyldna en úthlutunin fer fram á
hverjum miðvikudegi fram að jól-
um. „Ástandið er mjög slæmt og
hefur síst lagast undanfarin ár,“
segir Ásgerður um aðstæður
skjólstæðinganna. Hún segir ör-
yrkja og eldri borgara áberandi
en að einstæðir foreldrar og for-
sjárlausir feður séu einnig fjöl-
mennur hópur.
En hópurinn er fjölbreyttur.
Nýlega sótti þriggja barna ung
móðir sem býr í leiguhúsnæði, eft-
ir aðstoð. „Hún er í þremur störf-
um til að hafa ofan í sig og á,“ seg-
ir Ásgerður. Þá sé einnig um að
ræða einstaklinga sem lent hafi í
tímabundnum erfiðleikum.
Námsmenn þurfa
aðstoð í desember
Vilborg Oddsdóttir hjá Hjálp-
arstarfi kirkjunnar segir að um
350 fjölskyldur muni fá aðstoð
fyrsta dag jólaúthlutunar en ekki
sé búið að taka fjölda umsókna í
heildina saman, en úthlutað er til
fjölskyldna burtséð frá búsetu.
Fyrir jólin í fyrra voru afgreiddar
yfir þúsund umsóknir auk þess
sem um 800 fengu send svokölluð
Bónuskort.
„Það hefur verið aukning allt
þetta ár,“ segir Vilborg en Hjálp-
arstarfið úthlutar líkt og Mæðra-
styrksnefnd og Fjölskylduhjálpin
allt árið. Hins vegar koma lang-
flestir í desember, en þann mánuð
virðast margir ekki ná endum
saman. Þá leita m.a. ungir, ein-
stæðir foreldrar sem eru í námi
eftir aðstoð og þeir sem lægstu
launin hafa. Með samvinnu við
Mæðrastyrksnefnd sé verið að
einfalda úthlutunina fyrir skjól-
stæðinga sem og fyrir þá sem gefa
fé og vörur til hjálparstarfs sem
þessa.
Fréttaskýring | Hjálparsamtök úthluta
matvælum, fötum og jólagjöfum
Hundruð biðja
um aðstoð
Harka á vinnumarkaði veldur brotlend-
ingu ungs fólks sem sagt er upp störfum
Hjálpræðisherinn safnar fyrir bágstadda.
Jólasteikin, fötin og
leikföngin í jólapakkana
Þeir sem leita til hjálparsam-
taka fá úthlutað kjöti, ýmsu með-
læti, grænmeti, ávöxtum og ís,
svo dæmi séu tekin. Þá er einnig
hægt að nálgast jólagjafir handa
smáfólkinu og föt. Öllu er þessu
úthlutað af sjálfboðaliðum fyrir
framlög frá fyrirtækjum og ein-
staklingum. Vel hefur tekist að
safna í ár en betur má ef duga
skal þar sem þeim sem þurfa á
aðstoð hjálparsamtaka að halda
virðist fjölga ár frá ári.
Eftir Sunnu Ósk Logadóttur
sunna@mbl.is
Söngdagskrá á afmælisdegi Piaf!
19. desember kl. 21:00 á Stóra sviðinu
Stekkjastaur
kíkir í heimsókn
í dag kl. 14-16
í Faxafeni 12.
Glaðningur fyrir börnin.
VERKEFNI sem miðar að því að
fyrirbyggja þunglyndi hjá ung-
mennum fékk fyrstu verðlaun í
samkeppninni Uppúr skúffunum,
hagnýtingarverðlaunum Háskóla
Íslands, sem veitt voru á föstudag.
Eiríkur Örn Arnarson, dósent í sál-
fræði, er höfundur verkefnisins sem
ber heitið „Hugur og heilsa“. Krist-
ín Ingólfsdóttir, rektor HÍ, veitti
verðlaunin.
Í öðru sæti varð verkefnið „Ice-
landic On-line2“ sem er gagnvirkt
íslenskunámskeið á netinu, en að-
standendur þess eru Birna Arn-
björnsdóttir, Kolbrún Friðriksdótt-
ir, Áki G. Karlsson og fleiri frá
Hugvísindastofnun HÍ. Verkefnið
„Samspil gæðaþátta, fasteingaverðs
og verðbólgu“, fékk þriðju verðlaun
en Ásdís Kristjánsdóttir og Ásgeir
Jónsson lögðu það fram.
Uppúr skúffunum er samstarfs-
verkefni Rannsóknaþjónustu HÍ,
Tæknigarðs, rektors HÍ og A&P
Árnasonar einkaleyfastofu. Mark-
mið verkefnisins er að draga fram í
dagsljósið hugmyndir sem nemend-
ur og starfsfólk HÍ eru að vinna að.
Fyrstu verðlaun voru 500.000 krón-
ur, önnur verðlaun 300.000 og
þriðju verðlaun 200.000.
Morgunblaðið/Árni Sæberg
Þunglyndi, verðbólga
og íslenskunámskeið
Verðlaun veitt í samkeppninni Upp úr skúffunum
VERKEFNIÐ Hugur og heilsa var
unnið þannig að skimað var eftir
þunglyndiseinkennum hjá krökkum
í sex grunnskólum. Þau sem höfðu
þróað með sér einkenni þunglyndis
voru send á námskeið þar sem þeim
var kennt að taka á niðurrifs-
hugsunum, að sögn Eríks Arnar
Arnarsonar, höfundar verkefnisins.
Talið er að neikvæður þanka-
gangur sem einkennir þunglyndi
mótist á táningsaldri og má ætla að
um helmingur ungmenna sem
greinast með einkenni þunglyndis
um 14–15 ára aldur fái sitt fyrsta
þunglyndiskast fyrir tvítugt.
„Eftirfylgni sýndi að 5% þeirra
sem höfðu setið námskeiðið höfðu
þróað með sér þunglyndi á meðan
20% þeirra sem sátu ekki námskeið
höfðu þróað með sér þunglyndi,“
útskýrir Eiríkur og bætir við að
rannsókninni hafi verið fylgt eftir
hálfu, einu og tveimur árum eftir
námskeið.
Hann segir að með þessu hafi
verið sýnt fram á að aðgerðir af
þessu tagi virki og að hann vonist
til að hægt verði að beita þessum
aðferðum með víðtækum hætti í
skólum og félags- og heilbrigðis-
þjónustu í framtíðinni.
Reynt að
fyrirbyggja
þunglyndi hjá
ungmennum
Á HEIMASÍÐU Barnalands eru nú
í gangi umræðuþræðir þar sem fólk
getur annaðhvort auglýst það sem
það á of mikið af og vill gefa fyrir jól-
in eða lýst eftir því sem það sárlega
vantar.
Eflaust eru margir sem geta ekki
haldið eins gleðileg jól og þeir
myndu vilja en svo eru líka þeir sem
eiga meira en nóg fyrir sig og sína og
gætu látið eitthvað frá sér fara sem
komið gæti öðrum vel um jólahátíð-
ina. Þræðirnir hafa verið í gangi und-
anfarna daga og hafa margir hlutir
komist í nýjar hendur, s.s. barnaföt,
leikföng, kerrur og barnabílstólar,
jólaskraut, jólatré og spariföt fyrir
fullorðna. Umræðuþræðina á Barna-
landi má finna undir umræða á net-
inu, annað og heita þræðirnir Í jóla-
andanum fyrir þá sem vilja auglýsa
eitthvað til að gefa og Í jólaandanum
– hin hliðin fyrir þá sem vilja lýsa eft-
ir einhverju sem vantar.
Jólagóð-
verk á
Barnalandi
TENGLAR
..............................................
http://barnaland.mbl.is/
♦♦♦