Morgunblaðið - 11.12.2005, Blaðsíða 20
20 SUNNUDAGUR 11. DESEMBER 2005 MORGUNBLAÐIÐ
meðan við vorum að skrifa, sem ég
tel að sé gott fyrir söguna, er að ekk-
ert af okkur vildi leggja áherslu á
kynferðislegan þátt sögunnar.
Margir hafa dálítið hlægilega sýn á
söguna eins og þið þekkið; King
Kong og kærastan hans … ó, hvern-
ig virkar það nú allt saman? Þetta
var nú svo sem ekkert mjög áberandi
í myndinni frá 1933, þó það hafi verið
ákveðnar senur þar sem eitthvað var
gefið í skyn, en það var spilað dálítið
með þetta í útgáfunni frá 1976. Við
höfðum aftur á móti engan áhuga á
þessu, því myndin er ekki um þetta.
Tilfinningarnar Kong til Anne snú-
ast um djúpa umhyggju en ekki róm-
antíska ást. Það er ákveðinn vendi-
punktur í sambandi þeirra þegar
Kong finnur í fyrsta sinn hjá sér þörf
til að vernda hana. Og það gerir hann
í raun af eðlishvöt, alveg eins og hann
myndi vernda afkvæmi sitt, hann
myndi drepa allt sem ógnaði því.“
Finnum til sektar yfir því
að fara illa með náttúruna
Jackson er spurður nánar út í þær
tilfinningar sem búa í sögunni og
hvort sagan og örlög King Kong
snerti hann sjálfan tilfinningalega.
Hann játar það á sig án þess að hika.
„Þegar ég var lítill þá grét ég í lok
myndarinnar. Maður finnur svo til
með Kong og vill ekki að hann deyi
því hann er saklaus. Það skiptir engu
máli hvað hann eyðileggur marga
bíla eða drepur marga sjóliða, því
hann hefur enga dómgreind og er
ekki með sömu gildi og við. Það sem
hann gerir er í samræmi við með-
fædda eðlisávísun hans og við dæm-
um hann ekki fyrir það, við skiljum
hvers vegna hann gerir það sem
hann gerir. Eitt sem ég vildi og
reyndi alfarið að forðast var að gera
Kong allt of vingjarnlegan. Ég vildi
að hann kæmi þannig fyrir sjónir að
fólk fyndi til samúðar með honum en
alls ekki þannig að hann þætti
„krúttlegur“. Ég vildi því vera viss
um að við héldum í þetta dýrslega og
hættulega við hann, grimmd hans og
styrk, alveg til loka myndarinnar, en
samt þannig að fólk fyndi til með
honum. Því þegar upp er staðið er
hann og örlög hans dæmi um það
hvernig menn fara svo iðulega með
stórkostleg og stórbrotin náttúru-
fyrirbæri. Við höfum tilhneigingu til
að fara illa með þau og finna leiðir til
að reyna græða peninga á þeim.
Þetta er ein af þeim myndlíkingum
sem má lesa út úr myndinni og þann-
ig finnum við ekki aðeins til með
Kong, við finnum líka að vissu leyti
til sektar yfir því að hafa gert honum
þetta.“
Veit ekkert um tölvur,
kann ekki á tölvupóst
Svo vikið sé að því hvernig King
Kong birtist í myndinni þá er hann
tölvugerður af gríðarlegri nákvæmni
og til að mynda fór ársvinna bara í að
búa til feldinn á honum. Brellumeist-
ararnir Letteri og Taylor lýsa því
sem svo að til að feldurinn yrði sem
raunverulegastur hafi þurft að búa
til hvert einasta hár sérstaklega og
síðan var reiknað út hvernig hvert
þessara hára myndi bregðast við um-
hverfisþáttum svo sem veðri og
hreyfingu og síðan, og ekki síst,
hverju öðru. Persónan Kong er svo
„leikinn“ af Andy Serkis sem hefur
reynslu af því að leika óhefðbundin
hlutverk í myndum Jacksons, en
hann fór með hlutverk Gollum í
Hringadróttinssögu. Í King Kong
snerist leikur Serkis um að túlka til-
finningar apans með hljóðum og and-
litshreyfingum sem síðan voru alfar-
ið yfirfærðar á stafrænt form.
Nærvera hans á tökustað var síðan
mikilvæg fyrir hina leikarana í atrið-
um þar sem Kong kemur við sögu, en
þá léku þeir á móti Serkis en ekki á
móti ímynduðum apa.
Jackson er spurður sérstaklega út
í augun í Kong sem eru mjög áber-
andi í myndinni og hvort að þetta séu
raunveruleg augu eða tölvugerð.
„Augun sem þið sjáið á skjánum
eru búin til í tölvu. En þetta er í raun
eitthvað sem tæknideildin verður að
útskýra því ég veit ekkert um tölvur.
Ég kann ekki einu sinni að nota
tölvupóst. En ég veit að það var tíma-
frekt að búa til þessi augu því þau
eru svo mikilvæg vegna allra nær-
myndanna af Kong. Þetta var flókið
á ýmsan hátt, öll smæstu atriði urðu
að vera rétt lífræðilega og svo snerist
þetta ekki síður um lýsingu, en aug-
un urðu að bregðast eðlilega við ljósi.
Það er hægt að stjórna ótrúlega
miklu í sambandi við leik með réttri
lýsingu. Það að stilla ljós á ólíka vegu
á leikara getur haft mjög mikið að
segja um hvernig skap hans og til-
finningar koma fyrir sjónir, og það
snýst ekki síst um augun, hvernig
þau birtast og hvernig myndavélin
nær að fanga þau. Við vildum leggja
jafn mikið upp úr þessum þætti varð-
andi tölvugerðu augun þannig að
þegar við lýstum þau var það í raun
eins og að lýsa leikara, nema þetta er
allt í sýndarveruleika, stafrænt. En
þetta byrjar samt í raunverulegum
leik, byrjar í leik Andy og í augum
hans, og verður svo að þessu staf-
ræna.“
Ætlaði ekki að gera
aðra þriggja tíma mynd
Jackson er næst spurður að því
hvert sé hans framlag til goðsagnar-
innar King Kong. Hann hikar dálítið
þegar spurningunni er varpað og
segist eiga erfitt með að svara þessu
sjálfur.
„Ég lít á sjálfan mig sem ævilang-
an King Kong aðdáanda. Þegar ég
var níu ára og sá myndina í sjónvarp-
inu veitti King Kong mér mikinn inn-
blástur. Mig hefur alltaf langað til að
endurgera þessa mynd, ekki vegna
þess að ég telji að það þurfi að bæta
myndina frá 1933, hún er klassísk og
verður það alltaf. En þetta er saga
sem ég tel þess virði að segja aftur og
þá með nútímatækni. Svo má líka
hafa það í huga að það er með ólík-
indum hvað það eru margir, og þá
sérstaklega yngri kynslóðir, sem
aldrei hafa séð upprunalegu mynd-
ina. Þetta er stórkostleg saga og því
ekki að gera aðra tilraun.“
Jackson er því næst spurður hvers
vegna myndin sé jafn löng og raun
ber vitni, það er að segja þrír klukku-
tímar, sem er töluvert lengra en upp-
runalega myndin.
„Ja, við lögðum upp með að gera
mynd sem yrði svona tveir tímar og
tuttugu mínútur. Við skrifuðum hana
þannig og gerðum fjárhagsáætlun
með þá lengd í huga. Eftir Hringa-
dróttinssögumyndirnar langaði mig
alls ekki til að gera þriggja tíma
mynd aftur í bráð, ef nokkurn tím-
ann, því þær eru miklu meiri vinna.
En þegar upp er staðið þá er ekki til
neinn leiðbeiningabæklingur í þess-
um efnum. Maður skrifar handritið,
skýtur myndina, klárar framleiðsl-
una og byrjar að klippa. Og þegar
maður klippir mynd þá tekur maður
atriði fyrir atriði og byggir upp safn
sem er síðan notað í lokaútgáfuna.
Svo horfir maður og heldur áfram að
klippa og það kom okkur á óvart, og
ég veit að þetta hljómar kjánalega,
hvað þetta stækkaði í höndunum á
okkur. Við klipptum heilan helling í
burtu en eftir að hafa tekið út fullt af
atriðum stóðum við uppi með þessa
þriggja tíma útgáfu og þá fannst okk-
ur við komin með í hendur þá mynd
sem við ætluðum okkur að búa til.
Okkur fannst þetta besta leiðin til að
segja söguna og að það að klippa
meira í burtu hefði minnkað vægi
þátta sem okkur fannst mikilvægir.
Við sýndum því fulltrúum myndvers-
ins útgáfuna og bjuggumst fyllilega
við því að þau myndu segja að við
skyldum reyna að ná hálftíma úr
henni. En þau komu út af myndinni
og sögðust ekki hafa neitt við lengd-
ina að athuga og að þeim þætti hún
eiga að vera eins og hún var.“
Að lokum er Jackson spurður að
því hvort, nú þegar hann hefur látið
þennan æskudraum verða að veru-
leika, hann eigi annan draum sem
geti skipt hann jafn miklu máli.
„Ja, eins og er líst mér ekkert svo
illa á að setjast í helgan stein,“ segir
hann og hlær innilega.“ Nei annars,
ég hlakka til að vinna að fleiri verk-
efnum í framtíðinni. Þetta er í fyrsta
sinn í tíu ár sem ég hef getað leitt
hugann að öðrum verkefnum en
Hringadróttinssögu og King Kong.
Þessi tvö verkefni hafa tekið tíu ár af
lífi mínu, sem er umtalsverður hluti
af starfsævinni. Eitt af því sem ég
hlakka til að gera núna er að hvíla
mig, og svo erum við með nokkur
handrit sem okkur langar til að skrifa
og myndir sem okkur langar til að
gera. Og núna ætlum við að njóta
þess að geta velt fyrir okkur nýjum
hugmyndum og verkefnum og gefa
okkur góðan tíma til þess.“
NAOMI Watts leikur leikkonuna Anne Darrow, hlutverk
sem Fay Wray gerði ódauðlegt í King Kong eftir Merian
Cooper frá 1933. Ásamt King Kong sjálfum er Anne Darr-
ow aðalpersóna kvikmyndarinnar og má segja að sagan
sé að vissu leyti ástarþríhyrningur milli King Kong, Anne
og leikskáldsins Jack Driscoll, sem í mynd Jackson er leik-
inn af Adrian Brody. Þau Anne og Jack kynnast á ferðalagi
sem kvikmyndaleikstjórinn Carl Denham, sem leikinn er af
Jack Black, fer með þau og annað starfslið sitt í til að taka
upp kvikmynd. Ævintýrið hefst svo fyrir alvöru þegar skip
þeirra lendir við strendur Skull Island, sem er heimkynni
King Kong og fleiri furðuskepna. Naomi Watts segist
vissulega hafa verið meðvituð um að hún var ekki að leika
persónuna Anne Darrow fyrst allra.
„Þetta er svo söguleg rulla. Fay Wray gerði þetta svo
vel, og Jessica [Lange, í King Kong í leikstjórn John Guill-
ermin, sem gerð var 1976] líka. Ég var dálítið smeyk þegar
ég fór af stað og velti því fyrir mér hvort ég gæti gert eins
vel og þær gerðu og hvort ég yrði alltaf borin saman við
þær. En eftir að hafa talað við Fay, sem ég er mjög þakklát
fyrir að hafa fengið tækifæri til að gera, og eftir að hafa
heyrt Peter lýsa hugmyndum sínum um persónuna,
fannst mér eins og þetta væri orðið að mínu eigin hlut-
verki. Vissulega eru lítil augnablik í myndinni sem eru eins-
konar virðingarvottur við Fay, en við gerð myndarinnar var
undir mér komið að túlka þessa persónu og fara með
hana á nýjar slóðir. Og þó að Peter hafi verið undir mjög
sterkum áhrifum og hugfanginn af upprunalegu útgáfunni
var líka mikilvægt fyrir hann að gera myndina nútímalega
og gæða hana nýjum blæbrigðum sem gera hana að hans
eigin mynd.“
Áhersla á trúverðugt samband milli Kong og Anne
Watts segist hafa haft örlitlar áhyggjur af því í upphafi
að tæknibrellurnar og þetta mikla sjónræna ævintýri sem
ljóst var að myndin yrði, gætu ef til vill borið söguna og
persónurnar ofurliði. Hún hafi þó áttað sig á því að slíkar
áhyggjur væru óþarfar þegar ljóst varð hversu mikil
áhersla var lögð á að skapa áhugavert og trúverðugt sam-
band milli Anne og Kong.
„Ég hefði ekki tekið þátt í þessu annars. Fyrir mér var
hjarta myndarinnar mesta aðdráttaraflið,“ segir Watts. Í
myndinni er lagt talsvert upp úr persónu og sögu Anne og
er gefin innsýn í líf hennar og lífsbaráttu áður en lagt er af
stað í sjálft ævintýrið þar sem Kong verður á vegi hennar.
„Þetta er eitt af því sem mér fannst spennandi við það
hvernig þau unnu þessa mynd. Þau byggðu vissulega á
upprunalegu útgáfunni, en bættu líka við hana og þróuðu
persónurnar frekar. Og til að láta samband Anne og Kong
virka, urðu þau að undirbyggja persónu Anne mjög vel,
rétt eins og persónu Kong. Í myndinni sjáum við hversu
einmana hún var og hversu illa hafði gengið hjá henni. Hún
hafði þurft að berjast en er ekki brotin og ekki fórnarlamb,
heldur hugrökk kona sem getur séð um sig sjálf.“
Anne og King Kong þekkja bæði fullkomna einsemd
Watts er spurð að því hvort Anne verði í raun ástfangin
af Kong.
„Ég held að Anne verði ástfangin á vissan hátt og á
réttum forsendum. Margt af því hefur með skilning og
samkennd að gera, því jafnvel þó að þessar persónur séu
algjörar andstæður hafa þau á vissan hátt gengið í gegn-
um samskonar raunir. Þau þekkja bæði fullkomna einsemd
og sjá hana og finna hvort hjá öðru. Anne áttar sig á því að
Kong þarf á henni að halda því hann hefur verið svo
hræðilega einmana, hún þekkir þá tilfinningu líka og þann-
ig hefst samband þeirra. Ég held að ef maður reynir að
koma orðum að því hvað ást er, þá sé það að leyfa ein-
hverjum að þekkja sig og að þekkja hinn. Og ég held að
það sé það sem gerist hjá Anne og Kong. Þetta er blíð og
viðkvæm ást, sem hefur ekkert með losta að gera, bara
falleg og tær tengsl.“
Watts er spurð hvort það hafi ekki verið erfitt að skapa
djúpt tilfinningasamband í leik þegar hún var að leika á
móti tilbúinni persónu sem var búin til eftir á í tölvu. Hún
segir að vissulega hafi sú staða verið dálítið sérstök en
vegna Andy Serkis, sem var alltaf á staðnum og stóð á
bak við myndavélina í öllum atriðum þar sem hún lék á
móti Kong, hafi það reynst mun auðveldara en við mátti
búast.
„Andy Serkis var á staðnum og ég fylgdist með því sem
hann var að gera í túlkun sinni á Kong. Tilfinningar hrein-
lega helltust í gegnum hann og ég vissi að snjalla fólkið í
tæknideildinni myndu koma því öllu til skila. Og allt þetta
sem við sjáum á skjánum, allar tilfinningarnar sem sjást í
augunum á Kong og hvernig andlit hans fer frá því að vera
hörkulegt yfir í að verða mýkra, allt þetta á uppruna sinn í
sönnum og raunverulegum leik og tilfinningum, það er að
segja frá Andy.“
Jackson var eins og íþróttaþjálfari
Watts er næst spurð að því hvernig hafi verið að vinna
með Peter Jackson og hvort hann sé frekur og stjórn-
samur eins og megi kannski búast við af svona „stórum“
leikstjóra, en hún þvertekur fyrir það.
„Peter býður upp á umræður og vill heyra skoðanir
annarra. Hann er samt með mjög skýra sýn, en ekki svo
fastur í eigin hugmyndum að hann sé lokaður af. Og áhugi
hans smitar svo út frá sér að það kemst enginn hjá því að
hrífast með. Þegar við vorum að gera stórar stórkostlegar
senur þar sem áttu að vera allskonar hlutir sem voru ekki
á staðnum, eins og risaeðlur, risapöddur, og fleira slíkt,
stóð hann á hliðarlínunni með gjallarhorn og hrópaði;
Hann er að koma fyrir aftan þig! Hann er að koma! Þarna!
Og þarna er annar! Hann var í raun eins og góður íþrótta-
þjálfari sem hvetur mann svo vel áfram að maður verður
algjörlega heltekinn af augnablikinu. Og vegna þess hvað
hann hefur skýra sýn og hvað hann kemur henni vel til
skila vill maður gera allt sem maður getur til að hjálpa
honum að raungera hana og fá að vera hluti af þessu.
Annað sem má nefna er handritið sem breyttist bók-
staflega dag frá degi. Við lentum öll í því að fá símtöl
klukkan tvö, þrjú, fjögur á nóttunni, þar sem okkur var
sagt að það væru nýjar blaðsíður á leiðinni. Og þetta er í
raun alveg hreint frábær leið til að vinna, það er að segja í
ljósi þess að maður treysti þessu fólki fullkomlega, og vissi
að hugmyndirnar voru alltaf að þróast og verða betri.“
Langar ekki til að líf sitt breytist
Watts er spurð að því hver fyrstu viðbrögð hennar hafi
verið þegar henni bauðst hlutverk Anne Darrow.
„Ég var alveg í skýjunum. Og ég skildi ekki hvers vegna í
ósköpunum hann hafði valið mig. Ég hélt kannski að hann
hefði séð The Ring og fundist flott hvernig ég öskraði. En
ég var líka mjög stressuð því ég hafði séð bæði Fay og
Jessicu gera þetta svo vel. Svo hafði ég líka áhyggjur því
þetta er algjör stórmynd og ég var hrædd um að þetta
myndi kannski á einhvern hátt breyta lífi mínu. Mér líkar
nefnilega mjög vel við líf mitt eins og það er núna, því
þrátt fyrir starf mitt truflar mig enginn eða neitt slíkt.“
Hún ítrekar að þessar áhyggjur hafi þó verið smávægi-
legar miðað við tilhlökkunina og síðan ánægjuna sem það
var að taka þátt í myndinni. Hún segist vera himinlifandi
með sjálfa útkomuna og að hún hafi hrifist eins og aðrir
áhorfendur þegar hún sá myndina í fyrsta sinn tveimur
kvöldum áður.
„Það er alltaf ógnvekjandi og tilhlökkunarefni að sjá
myndir sem maður leikur í í fyrsta sinn. Maður hefur
ákveðna tilfinningu fyrir þessu en það er svo margt sem
gerist eftir að tökum lýkur – sérstaklega í mynd af þessu
tagi – að maður er í raun eins og hver annar áhorfandi. Í
þessu tilfelli var þetta frekar tilfinningaþrungið, bæði út af
sögunni sjálfri og líka að hugsa sér að þarna væri hún loks-
ins komin, eftir allan þennan tíma og miklu vinnu.“
Naomi Watts í hlutverki Anne Darrow í lófa King Kong.
Hjarta myndarinnar var
mesta aðdráttaraflið
Naomi Watts leikur Anne Darrow á grænum grunni. Það
hlýtur að vera erfitt að leika án þess að hitta nokkurn
tímann helsta mótleikarann.
bab@mbl.is