Morgunblaðið - 11.12.2005, Blaðsíða 49
MORGUNBLAÐIÐ SUNNUDAGUR 11. DESEMBER 2005 49
MENNING
ÍS
LE
N
SK
A
A
U
G
LÝ
SI
N
G
A
ST
O
FA
N
E
H
F.
/S
IA
.I
S
-F
LU
2
99
86
12
/2
00
4
Mikilvæg sending
hratt og örugglega
Jólatilboð fraktflugs Flugfélags Íslands gerir þér kleift að senda pakka
allt að 10 kg, á alla áfangastaði fyrir aðeins 700 kr.
Tilboðið gildir til 20. desember.
Akureyri 460 7060 Egilsstaðir 471 1210 Ísafjörður 456 3000 Reykjavík 570 3400 www.flugfelag.is | 570 3030
Allt að 10 kg á 700 kr.
til allra áfangastaða
Jólatilboð!
FRAKT
til og frá öllum áfangastöðum • fjöldi ferða daglega • hratt og örugglega • frysti- og kæligeymslur á helstu áfangastöðum
Peningaþvætti!
„Hvernig eiturlyfjakóngar nota bankakerfið á nákvæm-
lega sama hátt og auðjöfrar heimsins. Hvernig mafían
hefur lagt undir sig heilu þjóðríkin. Hvernig ný örvandi
efni, framleidd í hreint ótrúlegu magni, leggja líkama
og sál í rúst á mjög stuttum tíma“.
Svavar Sigurðsson
sími 699 3357 AUGLÝSING
Tilvitnun í bókina Falið vald eiturlyfja kolkrabbans
sem er til útláns á bókasöfnum landsins.
hér þekkja jú allir alla og allt það.
Það er erfiðara að mynda sér rétta
mynd af þessum verkefnum úti í
London. Ég þekki til dæmis ekkert
leikstjórann hjá RSC, annað en það
sem ég heyri frá David, sem er
kannski hlutdrægur því það verkefni
er á sama tíma og það sem hann er að
biðja mig um að vera í með sér. Það
er margs að gæta. En ég hef reyndar
alltaf valið verkefni út frá því hvort
mér þættu þau spennandi í sjálfu sér,
ekki hversu mörgu viðtöl maður fengi
út á þau. Það breytir litlu fyrir mig
hvort 2.000 eða 200.000 manns sjá
sýninguna. Leikhúsið er þar sem það
er, fyrir þá áhorfendur sem eru
komnir í hús hverju sinni.“
En hver skyldi Ólafur telja að sé
styrkur sinn sem leikari? Það vekur
að sjálfsögðu athygli að hann sé val-
inn einn úr sýningu eins og Woyzeck
með mörgum afbragðsgóðum leik-
urum. „Það er nú ekki gott að segja.
Menn sjá margt í mörgum, og mis-
jafnt. Einhvern tíma þegar ég var
strákur var ég að hafa áhyggjur af
því að ég myndi aldrei geta lagt neitt
af mörkum til heimsins, í ljósi frétta
af alls konar stórmálum. Mamma
sagði þá að það yrði alltaf pláss fyrir
gott fólk. Maður trúir því bara, og svo
mokar maður með teskeiðinni á
hverjum degi. Það hlýtur að bera ár-
angur, annars er bara ekkert réttlæti
til í þessum heimi,“ segir Ólafur og
hlær. Hann rifjar upp litla sögu af
Woody Allen, sem sagðist, aðspurður
um snilli sína, einfaldlega mæta til
vinnu á morgana. „Það er nú bara
það sem ég reyni að gera. Ég held að
það sé ekki um neina sérstaka yf-
irburði að ræða – menn eru kannski
heppnir að fá hlutverk sem passar vel
við andlitið á þeim, og vinna með
rétta samstarfsfólkinu. Ég hef verið
svo heppinn í Vesturporti að fá að
vinna með miklu hæfileikafólki, og
við höfum verið að skóla hvert annað
til á undanförnum árum. Það held ég
að hafi verið okkur öllum heilla-
drjúgt.“
Brim sem kvikmynd
Hin margnefnda samheldni leik-
hópsins, sem flest þeirra hafa nefnt í
viðtölum, hefur getið af sér þó nokkr-
ar vellukkaðar sýningar. Þar má
fyrst nefna Brim, sem er nýhætt að
sýna í Þjóðleikhúsinu, en var frum-
sýnt í Vestmannaeyjum í febrúar
2004. Sýningin ferðaðist um allt land
og fór einnig út fyrir landsteinana,
þar á meðal til Rússlands þar sem
hún hlaut fyrstu verðlaun á leiklist-
arhátíðinni Golden Mask. „Fyrir
besta leik – að því komumst við þegar
við fengum loksins verðlaunin, sem
svo skemmtilega var loftvog. Það
passaði ágætlega inn í leikmyndina,“
segir Ólafur sposkur, en Brim gerist
um borð í línubáti.
Þótt sýningum sé lokið er það ein-
ungis í bili, því hennar er víða óskað á
leiklistarhátíðir. Þá hefur hópnum
einnig flogið í hug að snúa sýningunni
upp í bíómynd, þó ekkert sé ákveðið í
þeim efnum enn. „Ég vona innilega
að hún muni eiga sér framhaldslíf,“
segir Ólafur. „Því hún hefur fengið
mjög góða dóma og er gott dæmi um
hvernig mjög sérhæft umfjöllunar-
efni getur hitt beint í mark, jafnvel
þótt áhorfendur þekki ekki menn-
inguna sem það er sprottið úr.“
Woyzeck er hitt verkefnið sem
Vesturport er með í gangi um þessar
mundir. Að sögn Ólafs er þetta í
fyrsta sinn sem leikhópurinn tekur
ekki beinlínis sjálfur ákvörðun um
hvaða leikrit er sett upp. „Það setti
okkur í dálítið sérkennilegar stell-
ingar, enda er þetta vægast sagt
mjög sérstakt stykki, bæði svo opið
en um leið lýtur það sínum eigin lög-
málum. Á æfingaferlinu voru mikil
átök við að komast nálægt kjarna
verksins. En það var aldrei nein ang-
ist, því við vinnum vel saman og mikið
traust í hópnum. Það var enginn sem
ætlaði að sóla upp kantinn og skora
mark, þótt við værum ekki komin á
þann stað sem maður kannski ætti
tveim vikum fyrir frumsýningu. Auka
ávöxtur er að hún er enn í vinnslu,
sem er það sem hefur gefið mér mest
persónulega. Ekki loftfimleikarnir,“
útskýrir Ólafur, en í sýningunni
framkvæmir hann ýmsar kúnstir,
hrasar niður kaðal og steypist úr rólu
yfir áhorfendur, svo dæmi séu tekin.
„Aðalkikkið sem ég fæ í Woyzeck er
að setjast niður fyrir hverja sýningu
og hugsa; hvað get ég gert betur í
kvöld? Og hvað gerist þá?“
Makki hnífur
Um þessar mundir er Ólafur að
undirbúa verkefni, sem ekki tengist
Vesturporti, heldur er jólasýning
Þjóðleikhússins – Túskildingsóperan.
Þar koma þó ýmsir við sögu sem
hann hefur unnið með áður; leik-
myndahönnuðurinn Börkur Jónsson
sem gerði einnig leikmyndina í
Woyzeck og Brimi, leikstjórinn Stef-
án Jónsson sem leikstýrði Ólafi í
Terrorisma í Þjóðleikhúsinu, að
ógleymdum karli föður hans, Agli
Ólafssyni. Hann segir vinnuna með
hinum síðastnefnda hafa verið mjög
skemmtilega, en þetta er í fyrsta sinn
sem þeir starfa saman á leiksviði.
„Þetta er nú þannig starf, að mað-
ur þarf að skilja sína eigin persónu
eftir í búningsherberginu áður en
maður gengur inn á æfingagólf. Mér
flaug í hug að það yrði kannski eitt-
hvert vandamál, en það var það alls
ekki. Við eigum mjög gott með sam-
vinnu, þótt við eigum reyndar bara
eina senu saman. Það er kannski
ágætt, svona til að byrja með.“
Fyrir Ólafi snýst Túskildings-
óperan fyrst og fremst um frábæra
tónlist, og afar beitta pólitíska ádeilu.
„Það þarf engan speking til að koma
auga á hana,“ segir hann og segist að-
spurður telja að Túskildingsóperan
sé spennandi jólasýning. „Það ætla
ég að vona. Við erum með frábæran
hóp af fólki í þessari sýningu, sem og
besta mögulega tónlistarfólkið. Þetta
verður gaman.“
ATVINNA mbl.is