Morgunblaðið - 14.12.2005, Qupperneq 51

MORGUNBLAÐIÐ MIÐVIKUDAGUR 14. DESEMBER 2005 51
DAGBÓK
Það hefur margt verið á dagskrá hjáþeim sem stunda blakíþróttina hérlandi það sem af er vetri og segir Sæv-ar Már Guðmundsson, framkvæmda-
stjóri Blaksambandsins, að starfið í hreyfing-
unni hafi eflst mikið og margir nýir hafi bæst í
þann hóp sem stundar blak reglulega.
„Við héldum ráðstefnu í september en það
var gert að frumkvæði félaganna sjálfra sem
vildu fá meiri umræðu um stefnu sambandsins.
Sú ráðstefna heppnaðist gríðarlega vel en því
er ekki að leyna að blakið hefur átt undir högg
að sækja undanfarin ár og oft verið mælistika
fyrir aðrar íþróttagreinar þess efnis að ekki sé
hægt að fara neðar. Ég tel að nú sé aðeins hægt
að gera betur en það mun taka einhvern tíma
enda fjölmörg atriði sem við þurfum að laga í
okkar starfi.
Það er ljóst að við þurfum að fylgja betur eft-
ir útbreiðslu íþróttarinnar, með útgáfu kennslu-
efnis og æfingasafna en námskeið fyrir þjálfara
og íþróttakennara hafa einnig verið ágætlega
sótt hjá okkur í vetur. Krakkablakið er í mikill
sókn og 320 börn tóku þátt í slíku móti á dög-
unum í Mosfellsbæ. Þar eru margir efnilegir
leikmenn að kynnast íþróttinni og við finnum
fyrir því að áhugi á landsbyggðinni og hér í
Reykjavík er alltaf að aukast,“ segir Sævar en
hann tók við starfi framkvæmdastjóra í sumar
og hefur haft í nógu að snúast á þeim tíma.
„Samkvæmt okkar gögnum eru um 1.700 sem
stunda blak á Íslandi og núverandi stjórn sam-
bandsins hefur sett sér markmið að efla íþrótt-
ina eins og kostur er. Á ráðstefnunni í haust
komu margar góðar lausnir og tillögur upp á
borðið og við erum að reyna að koma þeim í
verk eins og kostur er.“ Sævar bætir því við að
landsliðsmál hafi verið rædd á fundi sl. föstu-
dag þar sem fyrrum og núverandi landsliðs-
menn í kvenna- og karlaflokki hafi rætt saman
á fjölmennum fundi. „Það lýsir ástandinu best
að hér á landi hefur ekki verið landsleikur í
fimm ár. Úr því verður bætt í vor er kvenna-
landsliðið tekur á móti liðum í Evrópukeppni
smáþjóða, og karlaliðið tekur þátt í sömu
keppni á Norður-Írlandi. Blaksambandið hefur
eignast nýtt keppnisgólf sem gerir það að verk-
um að við getum haldið alþjóðleg mót hér á
landi, en gólfið verður einnig notað í stærri
leikjum hér á landi og þá sérstaklega þegar
beinar sjónvarpsútsendingar verða frá leikjum.
Ég fékk símtal utan af landi á dögunum þar
sem þjálfari 15 ára drengjaliðs var að velta fyr-
ir sér landsliðsmálunum og framtíðaráformum
þeirra. Grasrótin er því að skila sínu og fram-
tíðin er björt að mínu mati fyrir blakið á Ís-
landi,“ sagði Sævar Már Guðmundsson.
Stjórn Blaksambands Íslands snýr við blaðinu og blæs til sóknar
Krakkablakið slær í gegn

Sævar Már Guð-
mundsson, fram-
kvæmdastjóri Blak-
sambands Íslands, er
26 ára gamall og lék
hann blak með KA á
námsárum sínum. Hann
útskrifaðist
úr Menntaskólanum á
Akureyri árið 2000.
Árið 2001 hóf hann
nám við Háskóla Ís-
lands og útskrifaðist
með BA-gráðu í félagsfræði árið 2004 en
lokaverkefnið var um ungmenni og nýja miðla.
Sævar stundar MA-nám í blaða- og frétta-
mennsku og stefnir á útskrift í júní 2006.
HM 1955.
Norður
♠Á86
♥ÁKG3 A/Allir
♦ÁG84
♣G6
Vestur Austur
♠K742 ♠D1093
♥D109 ♥854
♦752 ♦KD10
♣Á84 ♣1053
Suður
♠G5
♥762
♦963
♣KD972
Vestur Norður Austur Suður
Ellenby Konstam Roth Meredith
– – Pass Pass
Pass 1 tígull Pass 1 grand
Pass 3 grönd Allir pass
Fyrir nákvæmlega hálfri öld unnu
Bretar Bermúdaskálina í fyrsta og
eina sinn hingað til, en þeir lögðu þá
Bandaríkjmamenn í úrslitaleik í New
York. Margt hefur breyst á 50 árum,
ekki síst í sögnum, en þótt „líði ár og
öld“ verður handbragð Adams Mere-
diths í spilinu að ofan aldrei úrelt eða
gamaldags.
Milton Ellenby kom út með lítinn
spaða og Al Roth fékk fyrsta slaginn
á drottninguna og spilaði spaða
áfram.
Frá sjónarhóli sagnhafa er útlitið
vægast sagt dökkt, því ef vörnin
dúkkar lauf einu sinni er heimahöndin
steindauð. Og það lítur ekki út fyrir
að vera erfitt að gefa laufgosann.
En Meredith var mikill blekk-
ingameistari. Hann tók annan spaða-
slaginn með ás, spilaði laufgosa úr
borði og stakk upp kóng heima!
Þetta „bruðl“ kom Ellenby fyrir
sjónir eins og sagnhafi væri að stela
sér níunda slagnum á lauf, svo hann
drap á ásinn. Vörnin gat tekið tvo
slagi á spaða, en þegar Meredith
komst að svínaði hann laufníu og
hjartagosa og fékk þannig níu slagi.
BRIDS
Guðmundur Páll Arnarson | dagbok@mbl.is
GÆÐI, ÞJÓNUSTA OG ÖRYGGI
Í SÖLU Á ATVINNUHÚSI ÞÍNU
VELDU EIGNAMIÐLUN
eignamidlun@eignamidlun.is www.eignamidlun.is
Sverrir Kristinsson lögg. fasteignasali
Marimekko flytur um áramót úr
IÐU húsinu að Laugarvegi 7.
30-40%
afsláttur af öllum fatnaði til jóla.
Vönduð jólagjöf á góðu verði.
STÓRÚTSALA V/FLUTNINGA
Opið til kl. 22 öll kvöld til jóla
Hamraborg 12, Kópavogi, sími 564 1500, fax 554 2030
Jóhann Hálfdánarson, Vilhjálmur Einarsson, löggiltir fasteigna- og skipasalar.
☎ 564 1500
25 ára
EIGNABORG
FASTEIGNASALA
Fornahvarf 1
Um er að ræða tvö hús á lóð sem er
5.100 fm sem er rétt við gömlu brúna
efst í Elliðaárdalnum og Elliðavatni.
Eldra húsið var upphaflega 90,2 fm
og byggt 1947, en búið er að endur-
nýja húsið mjög mikið, m.a. er gegn-
heilt parket komið á stofu og gang á
neðri hæð. Ný raflögn, ný pípulögn og
ofnar. Húsið er einangrað að utan-
verðu. Samkvæmt samþykktum teikn-
ingum, dagsett 29.01.2004 er neðri
hæðin 126,4 fm og efri hæð 62 fm.
Hitt húsið er byggt 2003, er skv. skrá FMR 110,4 fm. Húsið er byggt sem studíó
en hægt er að breyta því í íbúðarhús og stækka það á einfaldan máta. Húsið er til-
búið til klæðningar að innanverðu. Raflögn komin í allt húsið en ekki fullfrágengin
og pípulögn og ofna. Að innan er búið að einangra húsið.
Staðsetning er einstök á höfuðborgarsvæðinu og gefur mikla möguleika. Húsin
standa í botnlanga og er nánast engin umferð um götuna framan við húsin. Ann-
að húsið stendur við götuna en minna húsið er ofar í lóðinni. Eignin er á einum
flottasta stað í náttúruperlunni og útivistarsvæðinu við Elliðavatn. Staðurinn er
einn sá flottasti og rólegasti á öllu höfuðborgarsvæðinu. Svona tækifæri býðst
bara einu sinni.
Eignirnar verða til sýnis í dag og á morgun frá kl. 12-14.
Óskað er eftir tilboðum í eignirnar.
EINN þekktasti ljóðabálkur chi-
lenska ljóðskáldsins Pablo Neruda,
Hæðir Machu Picchu, er kominn út
í íslenskri þýðingu Guðrúnar H. Tul-
inius, en ljóðin eru ein af perlum
bókmennta á spænskri tungu. Ljóð-
in eru birt bæði á
spænsku og ís-
lensku í bókinni.
Í bókinni
„Hæðir Machu
Picchu“ sem er
hluti af frægasta
ljóðabálki Ner-
uda, heldur
skáldið áfram að heilla lesandann
með stórkostlegum myndlíkingum
sínum. Þar deilir hann með lesand-
anum ást sinni á náttúrunni, ætt-
jörðinni og samferðarmönnum sín-
um og forfeðrum sem byggðu
Suður-Ameríku með blóði og sál,
ástríðu og von.
Isabel Allende ritar sérstakan for-
mála að ljóðunum fyrir íslensku út-
gáfuna, en hún eins og svo margir
aðrir hafa löngum heillast af skáld-
skap Neruda. Bókin er hönnuð af
Snæfríði Þorsteins og teikningar í
bókinni eru eftir Antonio Herváz
Amezcua og Rebekku Rán Samper.
Hæðir
Ég ætla ekki að ræða
efnislega um málið...
HVAÐ er það sem gerir ráðherra
Íslendinga stikkfría í því að ræða
um þeirra embættisfærslu.
Ef almennur launþegi brýtur af
sér í starfi eða gerir eitthvað sem
viðkomandi fyrirtæki er ekki þókn-
anlegt er það rætt innan viðkom-
andi fyrirtækis og ákvarðanir tekn-
ar út frá þeim viðræðum.
En ef ráðherra brýtur lög sem í
flestum tilfellum þeir setja sjálfir,
þá gilda aðrar reglur. „Ég er ekki
sammála niðurstöðu Hæstaréttar,“
segir Árni Magnússon og er þar
með ekki ábyrgur gerða sinna. Og
klykkir út í sjónvarpsviðtali með því
að segja að hann muni leggja þetta í
dóm kjósenda. Eins og stjórn-
málamenn eru allir sammála um.
„Fólk er fífl“. Stjórnmálamenn
treysta á að fólk er fljótt að gleyma.
Og Árni Magnússon treystir á að
fólk verður búið að gleyma þessum
atburði þegar að kosningum kemur.
Og í ofanálag þurfum við, kjós-
endur, að borga dóminn. Ekki hann.
Því spyr ég. Hvar er siðferð-
iskennd íslenskra stjórnmálamanna
og þá sérstaklega framsókn-
armanna?
Ólafur Þór Snorrason.
Sagan af dýra dagatalinu
HEFUR þú nokkurn tíma velt því
fyrir þér hvernig dagatal sem kost-
ar 1.932 krónur í Noregi getur kost-
að 4.992 á Íslandi? Mig langar að
segja þér hvernig þetta gerist.
Þú pantar dagatalið gegnum net-
ið og biður sendandann að setja
gíróseðil með. Þú reiknar með að
tollurinn sé 20-30% af verðmæti
dagatalsins. Svo kemur í ljós að toll-
urinn er nærri 55% eða 1.060 krón-
ur. Þú huggar þig með að hugsa um
gríðarlega fjársvelta utanríkisþjón-
ustu og borgar. Þegar svo pakkinn
kemur ferðu með gíróseðilinn í
Landsbankann þinn og ætlar að
borga upphæðina á seðlinum, 1.932
krónur. En því miður, bankinn get-
ur ekki leyft þér að borga því það
vantar IBAN-tölur á seðilinn, sem
eru nauðsynlegar fyrir milliríkja-
viðskipti af þessari stærðargráðu.
Þú útvegar tölurnar frá Noregi og
ferð brosandi í bankann, býður
glaðlega góðan dag og færð þér
heitan kaffisopa. Gjaldkerinn tekur
við pappírunum og reiknar og
reiknar áður en hún segir: „Þetta
verða þá 3.932.“ Þér svelgist á
kaffinu og segir gáfulegt, lang-
dregið: „Haaaaaa“. Jú, þú heyrðir
rétt. Landsbankinn krefst að fá
2.000 krónur í sinn hlut fyrir við-
vikið. Aftur reynir þú að líta já-
kvætt á málin: Þetta er nú ekkert
smá verk! Þú borgar 3.932 krónur
fyrir dagatal, sem þú hélst í barna-
skap þínum að kostaði 1.932 og
hypjar þig út úr bankanum.
Eitt hefur breyst þegar dyrnar
lokast á eftir þér: þetta er ekki
lengur Landsbankinn þinn heldur
stofnun sem þér finnst hafa stolið af
þér peningum.
Ólafur Benódusson.
Giftingarhringur týndist
GIFTINGARHRINGUR týndist í
kringum 5. desember sl. Hringurinn
er þykkur, gylltur með demanti.
Fundarlaunum heitið. Skilvís finn-
andi hafi samband í síma 847 3789.
Velvakandi
Svarað í síma 5691100 frá 10–12
og 13–15 | velvakandi@mbl.is
HJÁ Máli og menn-
ingu er komin út
myndabókin Gott
kvöld eftir Ás-
laugu Jónsdóttur.
Þegar pabbi
skreppur frá til að
sækja mömmu er
strákur aleinn
heima með bangsa sér til halds og
trausts. En það er hægara sagt en
gert að hughreysta bangsa sem ótt-
ast óboðna gesti eins og Hrekkja-
svínið, Hræðslupúkann, Tímaþjófinn,
Frekjuhundinn og ótal fleiri furðu-
skepnur.
Í texta og teikningum Áslaugar
Jónsdóttur birtast kostulegar persón-
ur sem senda lesandann á hugarflug
svo um munar.
Áslaug er höfundur mynda og texta
í eftirfarandi barnabókum: Gullfjöðrin
(1990), Fjölleikasýning Ástu (1991),
Stjörnusiglingin (1991), Á bak við hús
(1993, Einu sinni var raunamæddur
risi (1995), Prakkarasaga (1996),
Sex ævintýri (1998) og Eggið (2003).
Auk þess myndskreytti hún Söguna af
bláa hnettinum eftir Andra Snæ
Magnason (1999), Krakkakvæði eftir
Böðvar Guðmundsson (2002) og Nei
sagði litla skrímslið (2003) en þar
samdi hún einnig texta ásamt þremur
öðrum.
Hún hlaut viðurkenningu Barna-
bókaráðsins, Íslandsdeildar IBBY árið
1993, Vestnorrænu barnabókaverð-
launin ásamt Andra Snæ Magnasyni
fyrir Söguna af bláa hnettinum, var til-
nefnd á heiðurslista IBBY-samtak-
anna fyrir Eggið og hlaut Dimmalimm,
Íslensku myndskreytiverðlaunin, fyrir
Nei sagði litla skrímslið.
Verð: 2.290 kr.
Nýjar bækur Bósa saga og Herrauðs kemur nú útöðru sinni í útgáfu dr. Sverris Tóm-
assonar, sérfræðings við Stofnun
Árna Magnússonar. Tryggvi Ólafsson
listmálari teiknaði myndir við söguefn-
ið og gerði kápumynd. Fyrri útgáfan
kom út 1996 og seldist fljótlega upp.
Bósa saga sem líklega er fyrst sam-
in á 14. öld, hefur löngum verið kunn
hér á landi sökum berorðra og gam-
ansamra lýsinga sinna á samförum
karls og konu. Í því efni stendur höf-
undurinn jafnfætis evrópskum sagna-
meisturum eins og Boccaccio og
Chaucer. En aðal sögunnar er þó ekki
síður fólgið í margvíslegum frásagn-
arbrögðum og vísunum til annarra
fornaldarsagna sem hafa verið áheyr-
endum vel kunnar. Dr. Sverrir Tóm-
asson skrifar eftirmála að sögunni
þar sem rækilega er fjallað um hör-
undarhungur miðaldamanna og
sagnalist höfundar.