Morgunblaðið - 15.12.2005, Blaðsíða 17

Einhver albesta plata þessa árs er platan Swallow-
ed a Star með Daníel Ágústi Haraldssyni, en hann
sleppir föðurnafninu á þessari nýjustu plötu sinni.
Hún kemur út í febrúar á næsta ári á alþjóðlegum
markaði en Smekkleysa gaf hana út hér á landi
strax í október. Platan er óravegu frá þeim tónum
sem Daníel er þekktastur fyrir með Nýdanskri og
Gusgus, ef við skiljum lagið „Bambi“ af This is
Normal frá. Lagið var sungið og samanstóð af
strengjahljóðfærum, sparsömum slagverksleik og
hugljúfum texta sem Daníel söng af sinni alkunnu
snilld, og reyndist raunar vera eitt besta lag plöt-
unnar. Daníel hætti síðan í Gusgus og ekkert spurð-
ist til hans fyrr en nú á haustdögum þegar hann
sneri aftur með Swallowed a Star.
Platan samanstendur af sannkölluðu kamm-
erpoppi; lágstemmdum popplögum sem eru útsett
fyrir strengjakvintett og sinfónískt slagverk, krydd-
uð með smávægilegum rafgöldrum í boði Bigga
Bix, mannsins á bak við hússmellina trylltu sem
Gusgus eru svo alræmd fyrir. Platan vex við hverja
hlustun og á vafalítið eftir að prýða margan ís-
lenskan árslistann í ár og vonandi skila sér til er-
lendra gagnrýnenda á næsta ári. Það kæmi mér
heldur ekki á óvart ef platan myndi slá í gegn er-
lendis þegar dómar birtast og fólk fer að skiptast á
skoðunum (og tölvuskrám).
Smáskífan „If You Leave Me Now“ er frábært
dæmi um þá sérkennilega dularfullu en jafnframt
heillandi tóna sem Daníel Ágúst kallar fram í tón-
list sinni. Fá ekki allir örugglega nettan hroll þegar
hann syngur „If you leave me nooooooooooo-
ooow,“ undirspilinu sleppir í eitt augnablik og
manni finnst eins og maður sé að detta ofan í hyl-
djúpan tónbrunn? Ég fæ allavega alltaf fáránlega
þægilegan vellíðunarhroll sem jafnar sig ekkert í
lokalaginu frábæra „Love and Respect“. Umslagið
er líka eitt það flottasta sem sést hefur hér á landi,
innbundin bók með svarthvítum og eilítið óræðum
myndum, en gullfalleg skrift Daníels spilar einnig
stóran rullu. Er þetta Daníel sjálfur sem er framan á
umslaginu, eða er þetta einhver annar? Viðkom-
andi minnir mig í það minnsta á Litla prinsinn.
Swallowed a Star gæti vel verið nýtt upphaf á ferli
Daníels Ágústs sem framsækins söngvara. Það er
því um að gera að krossleggja fingur og vona að
stjarnan sem hann gleypti hafi hann með sér upp á
stjörnuhimininn. Ef allt fer að óskum ætti kappinn
að fara að raka inn í þjóðarbúið og Björk að fara að
passa sig.
Atli Bollason
DANÍEL ÁGÚST:
SWALLOWED A STAR
PLATA VIKUNNAR
Það var í gömlu góðu ár-
daga Sniglanna sem
þetta klassíska jólalag
kom í heiminn. Mótor-
hjólatöffarinn og leik-
arinn Skúli Gautason á
heiðurinn af lagi og
texta.
„Ég átti afmæli og það
var veisla heima hjá
mér,“ svarar Skúli að-
spurður hvernig lagið
varð til. Þá leigði hann hús ásamt Þormari Þorkelssyni, öðrum
mótorhjólatöffara, á Görðum við Ægisíðu.
„Þar var hálfgert félagsheimili fyrir mótorhjólabullur og oft gest-
kvæmt og glatt á hjalla,“ segir Skúli. Hann rifjar síðan upp það
sem fór fram í örlagaríku afmælisveislunni.
Börn og mótorhjól
„Við vorum eitthvað að velta fyrir okkur hvernig hugsunarhátt-
urinn hefði verið hjá mótorhjólatöffurunum þegar þeir voru
börn, um hvað þeir voru að hugsa. Flestir voru á því að hafa átt
draum að fá mótorhjól í jólagjöf. Svo fóru af stað vangaveltur
um það hvort hann væri ekki svolítið áberandi pakkinn og hvort
það væri eitthvað hægt að fela þann pakka því að jólagjafir eiga
að koma á óvart, ekki satt?“ Upp úr þessum umræðum og vanga-
veltum spratt svo lagið „Jóla-hjól“ og þar sem þetta var afmæl-
isveislan hans Skúla var honum gefið það loforð í afmælisgjöf að
lagið skyldi koma út á plötu. Hann og Þormar mæta daginn eftir
upp í stúdíó Mjöt til að taka upp tvö lög, þar á meðal lagið um
jólahjólið. „Þetta var glamrað á kassagítar og við bara rauluðum
þetta inn,“ segir Skúli.
Milljón dollara hugmynd
Ætlunin var að gera lítinn 45 snúninga vínil og fóru þeir með
upptökurnar upp í plötupressuna Alfa sem þá var suður í Hafn-
arfirði.
„Þá voru þeir í plötupressuninni í miðju jólaplötuflóðinu og voru
einungis í því að pressa stóru 33 snúninga plöturnar. Til að koma
okkar plötu inn hefði þurft að afgreiða allar stóru plöturnar fyrst
og það var of mikið mál.“
Á endanum varð platan þeirra á stærð við 33 snúninga plötu en
spilanlegi hlutinn aftur á móti aðeins á stærð við 45 snúninga
plötu. Meira en helmingur plötunnar var sem sagt auður.
„Síðan gáfu þeir okkur hvítt umslag utan um og við Þormar
handskreyttum þessi hvítu umslög eftir óskum hvers við-
skiptavinar og seldum þetta bara úti á götu. Við sögðum auðvit-
að ekki frá því að auða svæðið á plötunni væri út af þessum
vandræðum í plötupressunni heldur létum við í veðri vaka að
þetta væri alveg sérhannað. Þetta væri svona handfang þannig
að maður gæti alveg gripið um plötuna með fitugum fingrum án
þess að það kæmi niður á hljómgæðunum. Alveg milljón dollara
hugmynd. Við prentuðum plötuna í einhverjum fimm hundruð
eintökum sem seldust upp þessi jól.“
JÓLAHJÓL
DÆGURLAGIÐ
1
1.
Mynd fyrir neðan:
Skúli og Þormar á góðri
stundu.
Rannís tekur þátt í evrópska verkefninu Researchers
in Europe 2005 til að kynna mikilvægi vísinda og
rannsókna fyrir samfélagið.
Jóna Finndís Jónsdóttir vatnaverkfræðingur, 30
„Ég var sjö ára þegar ég ákvað að fara í Menntaskólann á Akureyri og tíu ára var ég staðráðin í að
fara á eðlisfræðibraut í sama skóla þegar að því kæmi," segir Jóna Finndís Jónsdóttir. Hún var reyndar
að elta stóru systur en það kom á daginn að þetta hentaði henni vel því þegar hún fór að fara eigin
leiðir í náminu byggði hún beint ofan á þennan grunn — og er enn að.
Jóna Finndís stundaði nám í jarðeðlisfræði við Háskóla Íslands og fór svo til Texas í Bandaríkjunum
í nám í vatnaverkfræði. Hún vinnur nú að doktorsverkefni við Háskólann í Lundi sem kallast Áhrif
veðurfarsbreytinga og breytileika á íslenskt vatnafar og vatnsorku. Starfsvettvangur hennar er á
Vatnamælingum Orkustofnunar þar sem hún hefur unnið síðan 1996. Þar fæst hún jafnframt við
ýmis önnur verkefni með samstarfsfólki sínu. „Ég nota bæði kollinn og vöðvana í þessu starfi — því
við þurfum bæði að standa úti í ám við mælingar og sinna rannsóknarvinnu við skrifborðið.“
Þegar vinnunni sleppir má sjá hana „rölta“ upp Esjuna, spila körfubolta eða vinna sveitastörf á
æskuheimilinu á Sölvabakka í Austur-Húnavatnssýslu. „Fínt að gera þetta allt í bland,“ segir hún.
Sjá nánar um rannsóknir Jónu Finndísar á vefnum www.visindi2005.is
Rannsóknamiðstöð Íslands • Laugavegi 13 • 101 Reykjavík • www.rannis.is
[vatnið og sveitastörfin]
Vísindi – minn vettvangur
P
R
[p
je
e
rr
]