Morgunblaðið - 15.12.2005, Blaðsíða 18

18
BÍÓ
Fyrir um 20 árum voru jólamyndir kvikmyndahúsanna einn
mest spennandi viðburður ársins. Þá fengu íslenskir bíógestir
jafnan að sjá kvikmyndir sem notið höfðu vinsælda víða um
heim á árinu áður. Nú er öldin önnur, bókstaflega, og bíógestir
á Íslandi eru oft með þeim fyrstu sem fá að sjá stórmyndir frá
Hollywood. Þannig hafa jólamyndir kvikmyndahúsanna ekki
þann töfraljóma sem þær höfðu áður. Engu að síður er enn
venja að sýna stórmyndir á jólum og í ár er engin breyting þar
á. King Kong er án efa sú mynd sem beðið hefur verið eftir
með hvað mestri eftirvæntingu. En það eru líka aðrar myndir
sem kvikmyndahúsin hafa valið að sýna okkur þessi jól.
The Family Stone (14. desember)
The Family Stone er
jólamynd í þeim skiln-
ingi að hún gerist um
jól. Hún er hins vegar
engin stórmynd og á án
efa eftir að falla í
skuggann af King
Kong. Ef marka má leik-
aravalið (Claire Danes,
Rachel McAdams, Sarah
Jessica Parker og Diane
Keaton) ætti myndin að höfða til breiðs aldurshóps og þá eink-
um kvenna. Tilvalin jóladeit-mynd?
A little trip to heaven (26. desember)
Íslenska myndin þessi
jól. Hennar hefur verið
beðið með eftirvænt-
ingu. Stærsta verkefni
Baltasars Kormáks til
þessa. Myndin hefur
hlotið góðar viðtökur á
kvikmyndahátíðum er-
lendis og nýlega bárust
fregnir um að hún
hefði verið valin til sýn-
ingar á Sundance-kvikmyndahátíðinni í Utah í Bandaríkjunum.
Spennandi að sjá. Jólin, gaman þá.
Just Friends (26. desember)
Chris var feitur í æsku
og mátti þola mikla
niðurlægingu þegar
stúlkan sem hann elskar
hafnaði honum með
verum-bara-vinir-
svarinu. Nú mörgum ár-
um seinna er hann orð-
inn grannur og spengi-
legur tónlistarfram-
leiðandi og allir vegir færir. Hann hittir æskuástina á ný og í
þetta sinn vill hann sko ekkert bara-vinir-kjaftæði. Ryan
Reynolds og Amy Smart eru góð í sínum hlutverkum. Anna Far-
is er frábær.
Chronicles of Narnia (26. desember)
Til eru fjölmargir aðdá-
endur Narníubókanna
eftir C.S. Lewis. Það
þurfti ekki að koma á
óvart að þær yrðu kvik-
myndagerðar á ný í
kjölfar Hringadrótt-
insmyndanna. Kannski
kom það á óvart að það
yrði leikstjóri Shrek-
myndanna sem myndi
gera það. Söguna þarf vart að kynna. Þetta er akkúrat æv-
intýramyndin sem ég vil sjá í bíói á jólunum. Hún hefur hlotið
lof gagnrýnenda og ég held hún standi alveg undir því.
The Brothers Grimm (26. desember)
Myndin um Grimms-
bræður hefur ekki
fengið neina sérstaka
dóma erlendis. Það
kom enda mörgum á
óvart að sjá Terry
Gilliam á slóðum Stór-
Hollywood. Nú er
spurningin hvort eigi
að bera myndina saman
við eldri Gilliam-myndir
eða þær kvikmyndir. Ef
við förum fyrri leiðina
verðum við vissulega fyrir vonbrigðum og gefum myndinni
slæma dóma. Förum við hins vegar seinni leiðina má segja að
The Brothers Grimm sé barasta ágætis bíómynd, svona miðað
við.
JÓLAKVIKMYNDIRNAR
EITT ER VÍST AÐ ALLTAF VERÐUR
ÁKAFLEGA GAMAN ÞÁ
Texti
Hjörtur Einarsson
Myndir
frá dreifingaraðilum
Peter Jackson hefur gengið með endurgerð
af King Kong í maganum í 35 ár. Við hljótum
að eiga von á vel þroskuðu afkvæmi!
Ég fæ aðeins 329 orð til að segja frá þessari
mynd svo ég sleppi söguþræðinum. Svo viljir
þú vita um hvað myndin er skaltu bara fara
að sjá hana. Ein vísbending: Hún er um
risagórillu.
Fyrirfram var ég smeykur við að sjá Jack
Black í hlutverki leikstjórans Carls Denhams.
Í fyrstu virtist sem eina ástæðan fyrir þessu
hlutverkavali væri sú að Black er nokkuð
áþekkur Orson Welles í útliti. Kannski var
það út af þeim fordómum að mér fannst
hann aldrei almennilega sannfærandi í sínu
hlutverki. Naomi Watts er hins vegar afar
góð í hlutverki leikkonunnar Ann Darrow
og Adrian Brody er stórgóður, eins og alltaf.
Kong sjálfur
Það er greinilegt að Jackson og félagar
koma frá Hringadróttinsmyndunum með
gríðargóða reynslu því satt best að segja hef
ég varla séð aðra eins tölvugrafík í nokkurri
mynd. Kong var oft og tíðum svo raunveru-
legur að sæluhrollur lék um bakið á mér.
Það er ekki bara Kong sem er tölvugerður
heldur fjöldinn allur af risaeðlum, risaleð-
urblökum, risapöddum og risa-hinu og
þessu. Mikið af landslaginu og frumskóg-
inum á Hauskúpueyju var líka tölvugerður
svo og New York 1933. Sjón er sögu ríkari.
Upprunalega King Kong var feiknarvinsæl
og þykir enn í dag þrekvirki hvað varðar
notkun tæknibrellna. Ég held að þessi gerð
hljóti að teljast slíkt hið sama.
Fullt hús!
Myndin byrjar rólega og fer ekki í fullt gang
fyrr en eftir um 90 mínútur en heldur þá
rosalegum dampi þar til í endann sem er
helst til langdreginn. Ég vona að Jackson
ætli sér ekki leggja slíkt í vana sinn. Stund-
um fer myndin dálítið framúr sér í ævintýra-
mennsku svo manni þykir nóg um. Þessir
ókostir ná þó ekki að draga myndina mikið
niður og ætti ég að gefa henni stig fengi
hún fullt hús. King Kong er stórkostleg
skemmtun!
GÓRILLA Í HÆSTU
HÆÐUM
KING KONG ER STÓRMYND
Die Hard (1988)
Baráttan við hryðjuverk og um leið gagnrýni á alþjóðavæðingu, umfjöllun um siðferði
fréttamanna og svo náttúrulega fjölskyldugildin. Hvað á meira við á jólunum? Die Hard ger-
ist á aðfangadagskvöld og Bruce Willis bjargar heiminum. Uppáhaldsjólamyndin mín.
Gremlins (1984)
Jólamynd? Já, vissulega. Líklega ein af þeim skemmtilegri. Það er spurning hversu vel er
hægt að segja að Gremlins hafi elst á tuttugu árum. Kannski nokkuð illa. Hún er hinsvegar
bara svo skemmtilega klikkuð, svona eins og jólin.
The Nightmare Before Christmas (1993)
Maður kemst bara í jólaskap af því að hugsa um þessa mynd. Tim Burton og Danny Elfman fá
yfirleitt allan heiður af myndinni en ekki má gleyma Henry Selick sem leikstýrði henni.
Scrooged (1988)
Kvikmyndaútfærslur af Jóladraumi (A Christmas Carol) eftir Charles Dickens eru orðnar ótal-
margar. Í Scrooged heitir Ebenzer Scrooge reyndar Frank Cross og er framleiðandi á sjón-
varpsstöð. Bill Murray er sérfræðingur í að leika önuga náunga og klikkar ekkert í þessari
mynd.
SJÁIÐ ÞESSAR UM JÓLIN
GAMLAR JÓLAMYNDIR
Enn er venja að sýna stórmyndir á jólum og í ár er
engin breyting þar á