Tíminn - 09.05.1971, Blaðsíða 6
TIMINN
SUNNUDAGUR 9. maí 1971
Lagabreytingln um
birtingu skattskránna
20. júní
Eins og kuimugt er gerði síðasta
Alþingi nokkrar breytingar á lög-
unum um tekju- og eignaskatt,
Meðal annars var samþykkt, að
upphaf 39. greinar skattalaganna
skyldi verða á þessa leið:
„Eigi síðar en 20. júní ár hvert,
skulu skattstjórar hafa samið og
lagt fram skattskrár fyrir hvert
sveitarfélag í umdæminu, en í
henni skal tilgreina álagðan tekju-
skatt og eignaskatt hvers gjald-
anda.“
Áður en þessi breyting var
gerð, hljóðaði upphaf 39. grein-
arinnar á þessa leið:
„Fyrir lok maímánaðar skulu
skattstjórarnir hafa lokið ákvörð-
un tekna og eigna og samið skatt-
skrá fyrir hvert sveitarfélag í um-
dæminu, en í henni skal tilgreina
tekjuskatt og eignaskatt hvers
gjaldanda. Skattskráin skal lögð
fram eigi síðar en 1. júní.“
Ástæðan til þess, að meirihluti
Alþingis, eða stjórnarflokkarnir,
breyttu skattalögunum á þennan
hátt, er næsta augljós. Þeir vildu
ekki láta skattgreiðendur fá vit-
neskju um skattana, sem þeim er
ætlað að greiða á þessu ári, fyrir
kosningar. Það er nefnilega fyrir-
sjáanlegt, að skattar á einstakling-
um munu stórhækka á þessu ári.
Þess vegna varð það lagaákvæði
að víkja, að skattskrár yrðu lagð-
ar fram fyrir 1, júní eða 12 dög-
um fyrir kosningar. 1 staðinn var
ákveðið, að skattskrárnar þyrftu
ekki að leggjast fram fyrr en 20.
júní, eða viku eftir kosningarnar.
Fölsun vísitölunnar
Orsök þess, að skattarnir munu
hækka í ár, er fyrst og fremst
sú, að rfkisstjórnin hefur svikizt
um að láta skattvísitöluna fylgja
framfærsluvísitölunni.
Rflrisstjórnin ákvað í vetur, að
skattvísitalan skyldi verða 168
stig við álagningu skatta á þessu
ári, en hún hefði orðið 196 stig,
ef fylgt hefði verið framfærslu-
vísitölu og miðað við grundvöll
hennar árið 1964, en við hann
eru frádrættir og stigar skattalag
anna miðaðir. Þessi 28 stiga mun-
ur á skattvísitölunni, skattgreið-
endum í óhag, veldur því, að
miklu þyngri tekjuskattur og -út-
svar leggst á launahækkanir þær,
sem urðu á síðastl. ári, en ella.
Á hjónum með tvö börn og 300
þús. kr. nettótekjur á síðastl. ári,
munar t. d. 16 þúsund kr., sem
þau verða að borga meira í tekju-
skatt og -útsvar samanlagt. Þann-
ig er ríflegur hluti þeirra launa
hækkana, sem láglaunafólk fékk
á síðastl. árí, tekið aftur í hækk-
uðum sköttum á þessu ári vegna
rangrar skattvísitölu.
Leiðréttiiígum hafnað
Framsóknarmenn gerðu þrjár
tilraunir á síðasta Alþingi til þess
að fá skattvísitöluna leiðrétta.
Fyrst fluttu þeir um það frv. í
neðri deild, að hún yrði látin
fylgja framfærsluvísitölu. Það
frv. var svæft. Þá reyndu Fram-
sóknarmenn að fá þessa tillögu
samþykkta, þegar skattafrumvarp
ríkisstjómarinnar var til með-
ferðar í neðri deild. Þingmenn
stjómarflokkanna sameinuðust
um að fella þá tiUögu. Framsókn-
armenn fluttu þessa tillögu svo
aftur, þegar frumvarpið var til
meðferðar í efri deild. Enn sam-
einuðust þingmenn stjóraarflokk-
anna um að fella hana.
13-16 þús. kr.
skattarán
Samkvæmt tillögum Fram-
sóknarmanna hefði skattvísital-
an orðið 196 stig við skattaálagn
inguna *í ár, en ríkisstjómin hef
ur ákveðið hana 168 stig, eins
og áður segir. Á öðrum stað
hér á síðunni, er gerður í fyrsta
lagi samanburður á því, hver er
munurinn á persónufrádráttum
og skattstigum eftir því hvort
vísitalan 168 eða 196 er notuð.
í öðru lagi er gerður samanburð
ur á þeim skattamismun, sem
verður eftir því, hvor vísitalan
er notuð. Þar er miðað við 300
þús. kr. nettótekjur, en sam-
kvæmt áætlun Efnahagsstofnun
arinar urðu meðaltekjur giftra
verkamanna um 327 þús. kr. á
síðastl. ári og er þetta meðaltal
miðað við landið allt.
Útreikningur þessi sýnir, að
þegar miðað er við 300 þús. kr.
nettótekjur, greiða einstakling
ar um 14 þús. kr. meira í tekju
skatt og útsvar vegna þess, að
skattvísitalan hefur verið ákveð
in 168 stig í stað 196 stig. Barn
laus hjón greiða 13 þús kr.
meira óg hjón með tvö börn um
16 þús. kr. Þetta eru þær upp
hæðir, sem láglaunafólk er
rænt með fölsun vísitölunnar.
Skattfrfðindi hluta-
bréfaeigenda
Aðalefni hinna nýju skattalaga,
sem samþykkt vora á síð-l
asta Alþingi, er að gera arð af
hlutabréfum skattfrjálsan að
vissu marki. Samkv. þvx fær
einstaklingur 30 þús. kr. hluta
bréfaarð skattfrjálsan og hjón
in 60 þús. kr. hlutabréfaarð. Hér
er verið að veita fólki, sem yfir
leitt er vel efnum búið, veru-
leg skattfríðindi á sama tíma
og launafólki er neitað um sjálf
sagða leiðréttingu á skattvísitöl
unni. Með þessu er jafnframt
verið að opna nýja leið til ó-
beinna skattsvika, eins og at-
vinnurekendasamtökin bentu á
í bréfi sínu til Alþingis. At-
vinnurekendasamtökin sýndu
fram á, að þetta gæti orðið til
þess að smáatvinnurekendur
stofnuðu málamyndahlutafélög til
að öðlast skatthlunnindi á þann
hátt.
Ný skattsvikaleið
Ólafur Björnsson prófessor, sem
var andvígur þessari breytingu,
skýrir það nánara í grein, sem
hann birti í Mbl. 5. þ. m., hvern
ig hér sé opnuð leið til að
komast fram hjá skattalögunum.
Ólafur segir:
„Það, sem ég hafði þó eink
um að athuga við ákvæðin um
skattfrelsi hlutabréfaarðs, var,
að ég fæ ekki betur séð, en að
með því sé opnuð leið til þess
að menn, sem hafa sjálfstæðan
atvinnurekstur með höndum, geti
fengið toppinn af tekjum sínum
skattfrjálsan, með því að stofna
málamyndahlutafélög utan um
atvinnurekstur sinn.
Frádráttur
einstaklings kr.
Frádráttur
hjóna kr.
Frádráttur
vegna barns kr.
Skattur á skatt-
skyldar tekjur:
TEKJUSKATTUR
Vísitala 168
134.400
188.200
26.900
Vísitaia 196
156.500
219.500
31.300
9% af 0 — 62.200 0 — 72.500
18% af 62.200 — 104.200 72.500 — 121.500
27% af 104.200 og þar yfir 121.500 og þar yfir
ÚTSVAR
Vísitala 168 Vísitala 196
Frádráttur einstaklings kr. 58.800 68.600
Frádráttur hjóna kr. 84.000 98.000
Frádráttur vegna barns kr. 16.800 19.600
Útsvar á útsvars- ^ jjjf
skyldar tekjur: 10% af " ’ 0 ^moo liilíM - • .... 0 — 39.200
20% af 33.600 — 100.800 39.200 — 117.600
30% af 100.800 og þar yfir 117.600 og þar yfir
Til skýringar: — Skattvísitaian 168 er sú skattvísitala,
sem ríkisstjórnin hefur ákveðið við álagningu tekju-
skatts og útsvars að þessu sinni. Skattvísitalan 196 er
sú vísitala, sem hefði orðið, ef fylgt hefði verið fram-
færsluvísitölu, eins og gert var ráð fyrir í tillögum Fram-
sóknarmannaf
MISMUNURINN
í eftirfarandi dæmi er miðað við 300 þús. kr. skatt-
skyldar tekjur og hvaða tekjuskatt og útsvar þurfi
að greiða af þeim, eftir því hvort miðað er við skattvísi-
töluna 168 eða 196. Miðað er við 6% afslátt á útsvari:
Skattvísitala 00 'O
Tekjuskattur Útsvar
Einstaklingur kr. 30.033 55.300
Hjón kr. 15.362 48.200
Hjón með 2 börn kr. 9.780 38.800
Skattvísitala 196
Tekjuskattur Útsvar
Einstaklingur kr. 21.204 50.500
Hjón kr. 7.965 42.200
Hjón með 2 börn kr. 1.611 31.100
Tekjuskattur og útsvar samanlagt
Vísitala 168 Vísitala 196
Einstaklingur kr. 85.333
Hjón kr. 63.562
Hjón með 2 börn kr. 48.580
71.704
50.165
32.711
Gylfi Þ. Gíslason
— AlþýSuflokkurinn er djúpt
sokkinn undir forustu hans.
. . . Jón Jónsson er tannlæknir.
Hann myndar ásamt konu sinni
og nánum vinum og ættingjum
hlutafélag um rekstur stofu
sinnar, án þess þó auðvitað að
borga nokkurn eyri sem hlutafé.
Síðan reiknar hann sér hóflegt
kaup hjá „hlutafélaginu“, en
afgangurinn af því sem hann
vinnur sér inn verður „arður“
af hlutafé hans og þar af fær
hann samkv. lögum 60 þús. kr.
skattfrjálsar, ef hann er kvænt
ur. Að vísu yrði „hlutafélagið"
að greiða 15% af „arðinum“ f
skatt, þannig að með því er
sett undir þann leka, að smá-
karlar eins og skósmiðir, at-
vinnubílstjórar og aðrir slörir geti
leikið þennan leik með hagnaði.
En þeir sem hærri tekjur hafa
„þéna“ á þessu um það bil 20
þús. kr. á ári, og það borgar vel
ski-ásetningargjald fyrir „hluta-
félagið.“
Djúpt sokkinn
Vegna þeirrar markvissu stefnu
Sjálfstæðisflokksins að bera hag
stórra hlutabréfaeigenda sér-
staklega fyrir brjósti, munu
menn vart undrast yfir, þótt
hann beitti sér fyrir umræddri
lagabreytingu á Alþingi. Hítt
sýnir bezt, hve núv. foringjar A1
þýðuflokksins eru djúpt sokkn
ir í fen afturhalds- og auðvalds-
hyggju, að þeir skyldu umtölu
laust veita þessari lagabreytingu
stuðning sinn og neita launþeg
um á sama tíma um sjálfsagða
leiðréttingu á skattvísitölunni.
Jafnhliða sýna þeir svo þá ó-
svífni að kenna flokk sinn við
alþýðu og launafólk!
í tíð þeirra Jóns Baldvinsson
ar, Héðins Valdimarssonar og
Stefáns Jóhanns Stefánssonar
hefði slíkt áreiðanlega aldrei get
að gerzt. Þeir Gylfi, JEggert,
Benedikt, Birgir og Bragi eru
sannarlega af öðru sauðahúsi en
hinir gömlu leiðtogar Alþýðu-
flokksins.
En sannarlega ættu þeir skatt-
greiðendur, sem ekki er stórir
hlutabréfaeigendur, að minnast
þess, að stjórnarflokkarnir
breyttu lögum til að koma í
veg fyrir, að skattskrárnar yrðu
birtar fyrir kosningar. Þeir ættu
því að reyna að kynna sér í
tæka tíð, hverjir skattarnir
verða, því að eftir 20. júni er
orðið of seint að kvitta fyrir þá
og knýja fram eðlilegar breyting
ar. Það geta menn gert í síðasta
lagi 13. júní.
Þ. Þ.