Fréttablaðið - 17.08.2002, Blaðsíða 6

6 17. ágúst 2002 LAUGARDAGURSPURNING DAGSINS
Hefurðu tekið þátt í maraþon-
hlaupi?
Nei, og mun ekki gera.
Sigurður Guðmundsson
ÚTLÖND Flestum listaverka, sem
voru í kjöllurum listasafna í Prag
og Dresden, var bjargað
óskemmdum úr flóðunum sem
hafa ógnað borgunum síðastliðna
daga. Verðmætum listaverkum
var bjargað úr söfnum í Prag áður
en það var orðið of seint. „Við
fengum viðvaranir og náðum að
bregðast við,“ segir Alfredo
Azula, ritstjóri ensku útgáfu dag-
blaðsins Prague Post. „Við vorum
heppnir. Hið sögulega safn,
National Theatre, var byggt árið
1881 og varð tákn tékknesks rena-
issance á 19. öld. Á tímabili var
óttast að byggingin hryndi því
hún er staðsett á árbakkanum og
undirstöður mjög ótryggar. En nú,
þegar flóðin eru í rénun, lítur út
fyrir að byggingin muni standa
þetta af sér,“ segir Azula. Í Dres-
den tókst að bjarga 8.000 lista-
verkum sem voru flutt upp á efri
hæðir listasafna. Mary Art, sem
hefur umsjón með listaverkasöfn-
um í Dresden, segir vatnsmagnið
hafa komið mönnum þar í opna
skjöldu. Slökkviliðsmenn, her-
menn og sjálfboðaliðar stóðu upp í
hné í vatni og handlönguðu lista-
verkin á þurrt.“ Nú stendur yfir
hreinsun á kjöllurum og jarðhæð-
um í borgunum, en langan tíma
mun taka að koma öllu í fyrrver-
andi horf. 
Flóð í Dresden og Prag:
Listaverk
björguðust
FLÓÐ
Menn stóðu víða í vatni í hné og reyndu að bjarga því sem bjargað varð. Vel gekk að
koma listaverkum á þurrt.
ÁRÁS Á BANDARÍKIN Skyldmenni
þeirra sem fórust í hryðjuverka-
árásunum á Bandaríkin þann 11.
september hafa höfðað mál gegn
ýmsum aðilum sem þeir saka um
að hafa fjármagnað al-Qaida-
hryðjuverkasamtökin og talibana-
stjórnina fyrrverandi í Afganistan.
Á meðal þeirra sem hafa verið
ákærðir er súdanska þjóðin, þrír
meðlimir sádi-arabísku konungs-
fjölskyldunnar, þar á meðal utan-
ríkisráðherra Sádi-Arabíu,
þónokkur islömsk góðgerðarfé-
lög, sjö fjármálastofnanir og
byggingafyrirtæki í eigu fjöl-
skyldu Osama bin Ladens, sem
starfrækt er í Sádi-Arabíu.
Rúmlega 600 fjölskyldumeð-
limir, slökkviliðsmenn og björg-
unarstarfsmenn höfða málið í
sameiningu. Er farið fram á 116
trilljónir Bandaríkjadala í skaða-
bætur. Lögfræðingar skyldmenn-
anna segjast m.a. hafa undir hönd-
unum afrit af samtölum sem fóru
fram á milli bin Ladens og prinsa
frá Sádi- Arabíu. Þar buðu prins-
arnir honum pening fyrir að láta
stöðva árásir al-Qaida-liða á fyrir-
tæki þeirra í landinu.
Stephen Push, sem missti eig-
inkonu sína í hryðjuverkaárásun-
um, sagði í viðtali við breska rík-
isútvarpið, BBC, að fjölskyldurn-
ar væru með sterkt mál í höndun-
um í Bandaríkjunum. Bætti hann
því við að um væri að ræða afar
umfangsmikla málshöfðun sem
myndi teygja anga sína til ann-
arra landa. Að sögn lögfræðing-
anna sem vinna að málinu er búist
við að hundruð skyldmenna til
viðbótar muni ganga í lið með
þeim á næstunni.
Fjölskyldurnar gera sér grein
fyrir því að erfitt gæti reynst að
vinna málið. Segjast þær samt
sem áður sannfærðar um að
bandarískir dómstólar hjálpi
þeim við að halda kröfum þeirra á
lofti. Ráðgjafi lögfræðinganna í
málshöfðuninni er Allen Gerson
sem aðstoðaði við að semja um
tæplega 230 milljarða króna
greiðslu lýbískra stjórnvalda til
fjölskyldna þeirra 270 manna sem
fórust þegar flugvél Pan Am flug-
félagsins sprakk yfir Lockerbie í
Skotlandi.
„Það er undir okkur komið að
gera þessa hryðjuverkamenn
gjaldþrota og þá sem fjármagna þá
svo þeir geti aldrei aftur framið
slík voðaverk gegn bandarísku
þjóðinni eins og áttu sér stað þann
11. september,“ sagði Deena
Burnett, sem missti eiginmann
sinn Tom, sem var í flugvélinni er
hrapaði til jarðar í Pennsylvaniu. 
Þúsundir milljarða
vegna hryðjuverka
Um 600 skyldmenni þeirra sem fórust í árásunum á Bandaríkin þann 11. september ætla að
höfða mál. Súdanska þjóðin á meðal hinna ákærðu. Erfitt gæti reynst að vinna málið.
MYNDIR FRÁ 11. SEPTEMBER
Kristin Nelson-Patel, frá Massachussetts í Bandaríkjunum, skoðar sýningu sem haldin var í Boston bókasafninu í janúar. Á sýningunni
mátti sjá 50 stórar ljósmyndir af björgunarstarfsmönnum, þeim sem lifðu af árásirnar á Bandaríkin og ættingja þeirra sem létu lífið. Nú
hafa um 600 skyldmenni þeirra sem fórust í árásunum höfðað mál og krefjast hárra skaðabóta.
AP
/M
YN
D
HAGRÆÐING Uppsagnir starfs-
manna hjá Íslenskri erfðagrein-
ingu um síðustu mánaðarmót og
umræður um svigrúm fyrirtæk-
isins til frekari rekstrarhagræð-
ingar hafa vakið athygli, ekki síst
í ljósi þess að þetta er í fyrsta
skipti í sögu fyrirtækisins sem
það fækkar starfsfólki en vöxtur
fyrirtækisins hefur verið gríðar-
legur allt frá stofnun þess. Stór
hluti þeirra sem starfa hjá fyrir-
tækinu er hámenntað fólk á sínu
sviði og gæti því átt í erfiðleikum
með að finna störf við hæfi hér
heima missi það vinnuna hjá ÍE.
Páll Magnússon, framkvæmda-
stjóri samskipta- og upplýsinga-
sviðs ÍE, segir það ekki samræm-
ast stefnu fyrirtækisins að upp-
lýsa sérstaklega í hvaða deildum
gripið er til uppsagna, enda
ástæðurnar fyrir uppsögnum
margvíslegar og oft persónuleg-
ar. Lyfjafræðingar hjá fyrirtæk-
inu þurfa þó væntanlega ekki að
hafa miklar áhyggjur af atvinnu-
málum þar sem skortur á þeim
hérlendis er tilfinnanlegur. Aðrir
sérfræðingar gætu hins vegar
þurft að leita út fyrir landstein-
ana ef ÍE þarfnast ekki starfs-
krafta þeirra. 
Íslensk erfðagreining og uppsagnir starfsfólks :
Upplýsa ekki hverj-
ir missa vinnuna
ÍSLENSK ERFÐAGREINING
Upplýsir ekki hvort sérfræðingar sem gætu
þurft að leita til annarra landa eftir atvinnu
séu í hópi þeirra sem sagt hefur verið upp
störfum.
GENGI GJALDMIÐLA
Bandaríkjadalur 85.91 0.19%
Sterlingspund 131.58 -0.62%
Dönsk króna 11.31 -0.88%
Evra 83.97 -0.94%
Gengisvísitala krónu126,56 0,04%
KAUPHÖLL ÍSLANDS
Fjöldi viðskipta 228
Velta 9.926,1 milljónir
ICEX-15 1.277 0,78%
Mestu viðskipti
Ker hf. 5.620.087.548
Fjárfestingarf. Straumur hf. 418.916.883
Opin kerfi hf. 132.973.876
Mesta hækkun
Tangi hf. 8,00%
Opin kerfi hf. 4,42%
Kaupþing Banki hf. 4,39%
Mesta lækkun
Ker hf. -4,10%
Hraðfrystihúsð-Gunnvör hf. -3,28%
Marel hf. -2,50%
ERLENDAR VÍSITÖLUR**
Dow Jones 8776.54 -0.47%
Nasdaq 1359.66 +1.09%
FTSE 4330,0 0,1%
DAX 3652,6 -0,4%
Nikkei 9788,1 -0,1%
S&P 928,7 -0,2%
*Gengi Seðlabanka Íslands kl. 11.00
**Erlendar vísitölur kl. 17.30
JPMorgan:
Mælir með
kaupum í
deCODE
DECODE Bandaríski fjárfestingar-
bankinn JPMorgan hefur gefið út
endurskoðaða greiningu á deCODE
og mælir með kaupum í félaginu þó
gengi þess á Nasdaq sé með lægsta
móti. Að því er fram kemur í 1/2 5
fréttum Búnaðarbankans er niður-
staða verðmats óbreytt frá fyrri
greiningu og er 10 dollarar sem er
vænt gildi eftir 12 mánuði. JPMorg-
an horfir til góðrar fjárfagsstöðu
og þeirra áfanga sem það hefur
þegar náð í starfsemi sinni.