Tíminn - 08.07.1971, Blaðsíða 13

FIMMTUDAGTJR 8. júlí 1971
ÍÞRÓTTIR
TIMINN
ÍÞRÓTTIR
13
Keflvíkíngar duttu í iukkupottmn
- mæta Tottenham í „UEFA Cupu — en
Fram og Akranes mæta Siðum frá IVSöltu
Klp-Reykjavík.
í gær var dregið í aðal-
stöðvum Knattspyrnusambands
Evrópu í Genf í Sviss, um það
hvaða lið eigi að mætast í 1.
umferð í Evrópukeppni meist-
araliða, Evrópukeppni bikar-
meistara og í „UEFA Cup“
(Evrópukeppni Evrópusam-
bandsins, sem kemur I stað
Borgakeppninnar).
íslenzku liðin, sem tilkynnt
hafa þátttöku sína í þessi
mót, urðu misjafnlega hepp-
in með mótherja. Við, hér á
íslandi, teljum það heppni þeg
ar okkar lið dragast á móti góð
um og frægum liðum, en hjá
flestum öðrum þjóðum er það
talin heppni að lenda á móti
veikari liðunum, enda þá meiri
möguleiki á að komast áfram.
Samkvæmt gamla hugsunar-
hættinum eru Keflvíkingar í
lukkupottinum, því þeir dróg-
ust gegn Tottenham Hotspur
frá Englandi í „UEFA Cup“.
En Akranes o,s Fram drógust
gegn liðum frá eyjunni Möltu
í Miðjarðarhafi, Akranes á að
mæta Slima Wandres í Evrópu
keppni meistaraliða og Fram
Hiberninas Valleta í Evrópu-
keppni bikarmeistara.
Öll íslenzku liðin voru dregin
á undan og eiga því rétt á
heimaleik fyrst.
Keflvíkingar fá í Tottenham
mótherja, sem koma trúlega til
að gefa þeim mikið fé í aðra
hönd, því búast má við góðri
aðsókn þegar liðin mætast í
fyrri leiknum hér. Með Totten-
ham leika margir af þekktustu
leikmönnum Englands, og er
liðið talið eitt það bezta á
meginlandi Evrópu.
Öðru máli gegnir með liðin
frá Möltu. Þar er ekki hægt
að búast við miklum gróða, því
ferðakostnaður verður mikill
og með þeim leika ekki neinir
heimsfrægir leikmenn, sem eru
í fréttunum nær daglega, a.m.k.
ekki hér á íslandi.
En sá möguleiki er nú fyrir
hendi að íslenzk lið geti komizt
áfram, en það hefur aðeins
einu sinni skeð er Valur komst
í 2. umferð, því ekki er ýkja
mikill munur á knattspyrnunni
í þessum tveim löndum, og þá
er möguleiki á að fá „peninga-
lið“ í annarri umferð, þegar
flest þau litlu og óþekktu hafa
verið slegin út.
Flestir sem fylgjast með
íþróttum vita allt sem máli
skiptir um Tottenham, en liðin
frá Möltu eru óþekkt með öllu.
Knattspyrna er mjög vinsæl
íþrótt á Möltu, enda hefur eyj-
an lotið stjórn Englendinga, og
þar er mikil flotastöð þeirra.
Engin grasvöllur er til á eyj-
unni en malarvöllur einn mik-
ill, sem menn hafa látið mis-
jafnlega af að leika á. T.d.
gerði Híbernian jafntefli 0:0
við Real Madrid þar í Evrópu-
keppni bikarmeistara í fyrra,
en tapaði í Madrid 5:0. Slíma
tapaði fyrir danska liðinu AB
á útivelli 7:2, en leiknum á
Möltu -lauk með jafntefli.
Mikill uppgangur hefur ver-
ið hjá landsliði Möltu að und-
anförnu, a.m.k. þótti það mikil
frétt þegar England náði að-
eins að sigra í fyrri leik lið-
Meðal margra fræqra leikmanna Tottenham, sem íslenzkir áhorfendur
fá vonandi að sjá í sumar eru nafnarnir Martin Peters og Martin
Chivers, sem báðir leika með enska landsliðinu.
anna í Evrópukeppni landsliða,
sem fram fór á Möltu 1:0. Og
þegar Grikkland náði þar fyrir
skömmu aðeins jafntefli 1:1 í
sömu keppni.
Þess má geta að þjálfari
Hibernians er hinn heimsfrægi
gamli knattspyrnusnillingur
frá Englandi Sir Stanley
Matthews.
Samkvæmt síðustu upplýsing
um á sigurvegarinn í leik Fram
og Hibernian, að mæta Steaua
frá Rúmeníu í 2. umferð, en
Steaua situr yfir í 1. umferð.
Coca Cola keppnin í golfi hjá
GR hófst á þriðjudaginn. Þá voru
leiknar 18 holur, en keppnin er
72 holu keppni, og líkur henni á
laugardaginn. í mótinu taka þátt
45 keppendur, og gekk þeim mis-
jafnlega þennan fyrsta dag.
Trúlega hefur þó Eiríkur Helga
son, verið ánægðastur, því hann
fór holu í höggi, en það er óska-
draumur allra kylfinga. Var það
á 11. braut, sem er 133 metrar,
par 3 hola.
Eftir fyrstu 18 holurnar, er röð
efstu manna þessi:
Einar Guðnason, GR, 74
Eiríkur Helgason, GR, 76
Ólafur Bjarki, GR, 77
Þorbjörn Kjærbo, GS, 79
Óskar Sæmundsson, GR, 79
Hans Ingólfsson, GR, 79
Jóhann Eyjólfsson, GR, 79.
Um helgina fer fram hjá Golf-
klúbbnum Keilir í Hafnarfirði
opin unglingakeppni, sem nefnd
hefur verið „Dunlop Juniors ‘71“.
Er hún fyrir unglinga á aldrinurn
14 til 18 ára og 14 ára og yngri, en
þeir leika af aftari teigum.
Keppnin hefst á laugard., og
verða þá leiknar 18 holur, en henni
lýkur á sunnudag með 18 holum,
og hefst keppnin báða dagana kl.
13.30.
Vegleg verðlaun eru i boði,
bæði farandsverðlaun og eignar-
verðlaun, og hefur Dunlop um-
boðið á íslandi, Austurbakki, gef-
ið þau.
Um þessar mundir er hér í heimsókn Noregsmeistararnir í 2. flokki í
knattspyrnu, Brummunddalen. Þeir hafa leikiS tvo leiki í ferðinni. Fyrsti
leikurinn var við 2. flokk Fram, og er þessi mynd tekin I þeim leik, en
honum lauk meS sigri Brummunddalen 1:0. Á þriðjudaginn léku þeir við
ÍA á Akranesi og lauk þeim leik með sigri ÍA 4:0. Þess ber að geta að
Akurnesingarnir telfdu fram meirihluta 1. deildarliði sínu í þeim leik. f
kvöld leika Norðmennirnir við Reykjavíkurmeistarana KR á Melavellinum,
hefst leikurinn kl. 20,30. Á mánudag leikur liðið við ÍBV í Eyjum og á
fimmtudaginn við 2. fl. Vals á Laugardalsvellinum.
Hálf tylft í Eyjum:
ÍBV sigraði Breiðablik 6:0
AE—Vestm.eyjum—klp.Rvik.
Vestmannaeyingar unnu stærsta
sigurinn í 1. deildarkeppninni í
ár, er þeir sigruðu Breiðablik í
Eyjum í gærkvöldi með sex mörk
um gegn engu.
Þeir skoruðu 2 mörk í fyrri
hálfleik, en þó sótti Breiðablik
öllu meira, án þess þó að skapa
sér neitt verulegt tækifæri. Ósk-
ar Valtýsson, skoraði bæði mörk-
in.
í síðari hálfleik tóku Eyjamenn
öll völd, og áttu Kópavogsmenn
þá aldrei viðreisnarvon. Örn Ósk-
arsson, skoraði 3:0. Óskar Valtýs-
son 4:0 og 5:0 (hann skoraði því
4 mörk í leiknum), og Haraldur
Júlíusson bætti því 6. við með
sannkölluðum gullskalla.
2:2 Víkingur - FH
f gærkvöldi léku Víkingar og
FH í 2. deild. Lauk leiknum með
jafntefli 2:2 og eru því bæði liðin
enn taplaus. FH hafði 2:1 yfir í
liálfleik, en Víkingum tókst að
jafna í síðari hálfleik.
Enn 1:0 sigur”
í Skotlandi ”
Faxaflóaliðið sigraði Mortong
Youths í alþjóða unglinga-^
keppninni í Skotlandi í gær-
kvöldi, með einu marki gegn®
engu í mjög hörðum leik. H
f dag leikur liðið við vestur-B
þýzka liðið Köln í undanúrslitg
um, en úrslitaleikurinn fer^
fram á morgun.
Ekki eru aSSir eins kampa-
kátir og Heflvíkingar
Keflvíkingar eru að sjálf-
sögðu kampakátir með drátt-
inn í Evrópubikarkeppninni, því
að Tottenham, eitt frægasta
knattspyrnulið heims, mun
örugglega draga marga áhorf-
endur að. En aftr.r á móti eru
Fram og Akranes varla eins
ánægð, því að lið þeirra
drógust gegn liðum frá Möltu,
en varla er við því að búast, að
Möltubúar dragi eins marga
áhorfendiu að.
Ólíklegt er, að Framarar
hugsi hlýlega til stjórnar
KSÍ þessa dagana, því að í raun
inni átti Fram rétt á þátttöku'
í UEFA-keppninni, sem Kefl-
víkingar taka þátt í. Stjórn KSÍ
ákvað hins vegar, að Keflvíking
ar skyldu taka þátt í þeirri
keppni, enda þótt tekið sé skýrt
fram í reglugerð keppninnar, að
lið, sem verða í 2. sæti í meist-
arakeppni lands síns — í þessu
tilfelli Fram — skuli taka þátt
í keppninni.
Kom fram í viðtölum við for
ráðamenn Fram á sínum tíma,
að þeir teldu líklegra að drag-
ast á móti þekktum liðum í
UEFA-keppninni en bikarkeppni
bikarhafa, en Fram ávann sér
rétt til að taka þátt í þeim báð-
um, en má hins vegar ekki
leika nema annarri keppninni.
Stjórn KSÍ útilokaði Fram frá
UEFA-keppninni með því að
ákveða þátttöku Keflvíkinga í
henni og varð Fram því að sætta
sig við þátttöku í keppni bikur-
hafa.
Og nú hefur spádómur Fram-
ara rætzt. Keflvíkingar drógust
gegn þekktu liði, en Fram gegn
Möltu-liði. Það eina, sem Fram-
arar geta huggað sig við, er
það, að e.t.v. muni þeir hafa
möguleika á að sigra Möltu-liðið
og komast í 2. umferð. En slíkt
er geysidýrt fjárhagslega.
Varðandi ferðakostnaðinn til
Möltu, hefur mönnum dottið í
hug, að Fram og Akranes sam-
einuðust um að taka leiguflug-
vél og fylla haná að öðru leyti
með áhugasömum knattspyrnu-
unnendum til að lækka ferða-
kostnaðinn. — alf.