Fréttablaðið - 06.01.2003, Blaðsíða 28
28 6. janúar 2003 MÁNUDAGUR
Bera út rúm 400 blöð
Blaðberar mánaðarins eru tvíburabræður sem hafa borið út
Fréttablaðið frá upphafi. Þeir hafa mikinn áhuga á bíómyndum.
Tvíburarnir Arnór og ViktorEinarssynir eru blaðberar
mánaðarins hjá Fréttablaðinu.
Drengirnir hafa borið út Frétta-
blaðið frá upphafi og skila rúm-
um 400 eintökum í hús Garðbæ-
inga á hverjum morgni, að
sunnudögum undanskildum.
Tvíburarnir hefja vinnu sínu
klukkan fimm á morgnana og
eru um tvo tíma að skila blöðun-
um í hverfin fjögur sem þeir
bera út í. Þeir segja það bæði
geta verið skemmtilegt og leiðin-
legt að bera út blöðin. Verst er
það á veturna þegar snjór er yfir
öllu.
Arnór og Viktor æfa fótbolta
með Stjörnunni en auk íþróttar-
innar hafa þeir mikinn áhuga á
kvikmyndum og þá sérstaklega
Hringadróttinssögu. „Við erum
búnir að sjá Two Towers tvisvar
síðan hún kom í bíó,“ segja þeir
bræður en viðurkenna þó að hafa
ekki lesið samnefndar bækur.
Tvíburarnir eiga að fermast
annan dag páska. Þeir segjast
eyða talsvert miklum tíma sam-
an og rífast ekki mikið, þótt
blaðamaður hafi orðið vitni að
öðru. ■
BLAÐBERAR MÁNAÐARINS
Arnór og Viktor Einarssynir eru blaðberar mánaðarins. Þeir fengu tíu vinsælustu geisladiskana hjá Japis fyrir vikið. Þeir eru nem-
endur í Flataskóla í Garðabæ.
KVIKMYNDAHÁTÍÐ
VETRARSÓL
Dagatalið segir okkur að sólin sé farin að hækka á lofti og dagurinn tekinn að lengjast. Þó er þess enn langt að bíða að hægt verði að
vakna til morgunverkanna í björtu og leggjast til hvílu áður en dagur er runninn. Þangað til sú stund kemur verðum við að gera okkur
kalda vetrarbirtuna að góðu og njóta þeirrar fegurðar sem henni fylgir.
Ítalskir unglingar geysast
um á míní-bílum:
Réttinda-
lausir en
löglegir
ÍTALÍA, AP Ítölsk ungmenni sem
ekki hafa náð tilskildum aldri til
að fá almenn ökuréttindi geysast
nú um stræti og torg á svokölluð-
um „míní-bílum“. Samkvæmt
ítölskum lögum mega unglingar
frá 14 ára aldri stjórna slíkum
ökutækjum og sömuleiðis full-
orðnir sem sviptir hafa verið öku-
réttindum eða hafa ekki fengið
þau af heilsufarslegum ástæðum.
Fyrir vikið hafa vinsældir míní-
bílanna vaxið jafnt á Ítalíu, eink-
um í stórborgum, á meðan annars
staðar í Evrópu er það aðallega
eldra fólk sem kýs þennan ferða-
máta.
Framleiðendur halda því fram
að míní-bílarnir séu að minnsta
kosti tvisvar sinnum öruggari en
venjulegir bílar enda ná þeir að-
eins um 45 km/klst. Bílarnir eru
auk þess tiltölulega ódýrir og hafa
fjölmargir foreldrar keypt slík
tæki handa börnum sínum. Þær
raddir verða hins vegar sífellt há-
værari sem krefjast þess að yfir-
völd grípi í taumana áður en illa
fer. ■
Á LEIÐ TIL KVIKMYNDAHÁTÍÐAR
Þúsundir manna söfnuðust saman til að
taka þátt í skrúðgöngu í tilefni af kvik-
myndahátíð í Manila, höfuðborg Filipps-
eyja. Hátíðin hófst 24. desember og stend-
ur í 15 daga.
Aflamenn styrkja Hetjur:
Styrktarsjóð-
ur um borð
STYRKIR Áhöfn fjölveiðiskipsins
Vilhelms Þorsteinssonar EA, sem
bar að landi mesta aflaverðmæti
ársins 2002, afhenti Hetjunum. fé-
lagi langveikra barna á Akureyri,
110 þúsunda króna styrk um ára-
mótin. Um borð í Vilhelm er starf-
ræktur styrktarsjóður sem ætlað
er að vinna í þágu líknarfélaga á
Akureyri.
Einnig studdu aflamennirnir
Rauða krossinn á Akureyri og sjó-
mann sem á síðasta ári slasaðist
við vinnu sína. ■
VILHELM ÞORSTEINSSON
Áhöfnin styður við bakið á þeim sem erfitt
eiga uppdráttar.
Pondus eftir Frode Øverli
...Bla, bla bla... og ég SAGÐI
við hana bla, bla bla... og veis-
tu, hárið var GRÆNT, ég sver
það... bla, bla...
...bla... Hjördís ætlaði að út-
vega mér fimm stykki... bla,
bla, bla, bla... rosa gaman
sko... bla, bla, bla bl...
bla...
bl.. bl... blll... bl...
bl...
Ég held að hún
hafi fengið sina-
drátt í tunguna!
Og ég held
að Guð kunni
vel við mig!
Komum okk-
ur burt!!
FR
ÉT
TA
B
LA
Ð
IÐ
/R
Ó
B
ER
T
FR
ÉT
TA
B
LA
Ð
IÐ
/R
Ó
B
ER
T
BOB HOPE
Ekkjur hermanna í bandaríska flughernum
njóta góðs af gjafmildi gamanleikarans
góðkunna.
Bob Hope byggir hús
fyrir ekkjur hermanna:
Gjafmildur
gamanleikari
FÓLK Hinn góðkunni gamanleikari
Bob Hope og eiginkona hans
Doleres gáfu eina milljón Banda-
ríkjadala til byggingar samkomu-
húss fyrir ekkjur uppgjafaher-
manna í bandaríska flughernum.
Húsið verður reist í „Bob Hope
Village“ í Flórída, sem er húsa-
þyrping á vegum flughersins. Til
stendur að nefna húsið í höfuðið á
ofurstanum Bob Gates, sem er
náinn vinur Hope.
Bob Hope, sem verður aldar
gamall í vor, er vel kunnur fyrir
örlæti sitt í framlögum til góð-
gerðarmála og hefur auk þess
stutt skemmtanaiðnaðinn um ára-
bil með ríkulegum peningagjöf-
um. Hope er einnig frægur fyrir
að hafa skemmt hersveitum
bandaríska hersins í síðari heims-
styrjöldinni, Víetnamstríðinu og
nú síðast í átökunum við
Persaflóa. Stjarna hans skein
einna skærast þegar hann lék á
móti Bing Crosby og Dorothy La-
mour í fjölmörgum myndum á
fjórða og fimmta áratugnum en á
síðari árum hefur hann fyrst og
fremst komið fram sem skemmti-
kraftur í eigin persónu. ■