Fréttablaðið - 15.02.2003, Blaðsíða 2
2 15. febrúar 2003 LAUGARDAGUR
Logi Bergmann, spyrill í Spurningakeppni fram-
haldsskóla í Sjónvarpinu á fimmtudagskvöld, tafs-
aði óvenju oft á spurningum auk þess að mismæla
sig nokkrum sinnum.
Jú, auðvitað var ég búinn að því. Ég var
bara illa upplagður og í miklu óstuði. Það
kemur ekki fyrir aftur.
SPURNING DAGSINS
Logi, varstu ekki búinn
að lesa spurningarnar?
Guðrún Helgadóttir
Litla leyndarmálið
hans Péturs verður
að ævintýri sem
börnin vilja heyra
aftur og aftur!
Ljúf og
falleg saga
Tilboðsbók
mánaðarins
30%
afsláttur
ED
D
A
0
1/
20
03
SEOUL, AP Forseti Suður-Kóreu og
fyrrum yfirmaður leyniþjónust-
unnar hafa viðurkennt að stjórn-
völd hafi tekið þátt í að greiða
norður-kóreskum stjórnvöldum
andvirði rúmra 15 milljarða króna
með ólöglegum hætti. Játningin
þykir skjóta stoðum undir ásakan-
ir um að stjórn Suður-Kóreu hafi
mútað stjórnarherrunum í Norð-
ur-Kóreu til að koma til sögulegs
fundar árið 2000 þar sem unnið
var að því að bæta samskipti þjóð-
anna.
Kim Dae-jung forseti sagði að
stjórnvöld hefðu ákveðið að
styðja greiðslur Hyundai-fyrir-
tækisins til Norður-Kóreu vegna
þess að það myndi styrkja tilraun-
ir til að bæta samskipti þjóðanna
og efla frið. Fyrirtækið fékk lánað
fé úr ríkisreknum banka til að
standa straum af greiðslunum.
Leyniþjónusta Suður-Kóreu kom
greiðslunni til skila 9. júní árið
2000, örfáum dögum fyrir hinn
sögulega fund í Pyongyang þar
sem leiðtogar Norður- og Suður-
Kóreu ræddu bætt samskipti
þjóðanna. Hyundai hefur endur-
greitt lánið sem fyrirtækið fékk.
■
Nauðgun:
15 mánaða
fangelsi
DÓMSMÁL Maður á þrítugsaldri
hefur verið dæmdur í fimmtán
mánaða fangelsi fyrir að nauðga
unglingsstúlku á Eldborgarhátíð-
inni um verslunarmannahelgina
árið 2001.
Stúlkan, sem þá var sextán ára
og var á hátíðinni ásamt vinkon-
um sínum, fór seint um nótt ein
inn í tjald. Hún sagði manninn,
sem var henni bláókunnugur, hafa
fylgt strax á eftir sér. Hann hafi
neitað að fara út. Hún hafi barist á
móti þegar hann greip um háls
henni og þrýsti henni niður. Hann
hafi náð að rífa hana úr buxunum
og nauðgað henni.
Stúlkan kvaðst árangurslaust
hafa öskrað og hrópað á hjálp.
Vinkona hennar sem kom í gætt-
ina misskildi stöðuna og taldi
stúlkuna ekki vilja truflun. Hún
fór því en kom þó loks aftur og
hjálpaði til við að koma árás-
armanninum úr tjaldinu. Hann
hljóp síðan á braut.
Maðurinn, sem var dauða-
drukkinn og undir áhrifum am-
fetamíns og E-taflna, var handtek-
inn morguninn eftir. Hann sagðist
ekkert muna og neitaði sök. DNA-
prófun sannaði snertingu hans við
stúlkuna. Veski hans fannst líka í
tjaldi stúlkunnar.
Stúlkunni voru dæmdar 700
þúsund króna skaðabætur sem
nauðgarinn á að greiða ásamt
málskostnaði. ■
FISKÚTFLUTNINGUR „Það er
von mín að þetta ýti undir
frekari verðmætasköpun
hér heima, skapi fleiri störf
í sjávarútvegi og verði því
raunveruleg viðbót við þau
störf sem falla munu til í
sérstöku atvinnuátaki ríkis-
stjórnarinnar,“ sagði Árni
M. Mathiesen sjávaraút-
vegsráðherra í ávarpi á að-
alfundi Samtaka verslunar-
innar í gær.
Samvæmt reglugerð
sjávarútvegsráðherra verð-
ur skylt að tilkynna fyrirhugaðan
útflutning á óunnum og óvigtuðum
sjávarafla með sólarhrings fyrir-
vara. Reglugerðin tekur gildi 15.
apríl næstkomandi og nær til sjáv-
arafla sem fyrirhugað er að flytja
á erlendan uppboðsmarkað. Einu
gildir hvort aflinn er fluttur með
farmskipi eða veiðiskipi, sem sigl-
ir beint af miðum á erlendan mark-
að. Reglugerðin er sett á grund-
velli tillagna nefnda sem hafa á
kjörtímabilinu fjallað um vinnslu,
meðferð og viðskipti með sjávar-
afla.
Fiskistofa mun halda úti sér-
stakri vefsíðu á Netinu
þar sem upplýsingar um
fyrirhugaðan útflutning
afla á hverjum tíma verða
öllum aðgengilegar. Jafn-
framt eiga að liggja þar
fyrir upplýsingar um
nafn og símanúmer þess
aðila sem að útflutningn-
um stendur. Hlutverk
Fiskistofu er eingöngu
upplýsingamiðlum en út-
flytjendur munu sjálfir
annast skráninguna á eig-
in ábyrgð.
Þá mun Fiskistofa birta á vef-
síðunni upplýsingar um verð á
óunnum og óvigtuðum útfluttum
afla sem landað er á erlendum
fiskmörkuðum með þeim hætti að
samanburður á milli einstakra
markaða á ákveðnum tíma verði
mögulegur. ■
SAMKEPPNI Fríhöfnin á Keflavíkur-
flugvelli keppir á smásölumark-
aði, án þess að greiða sambærileg
opinber gjöld og
innlendar verslanir
sem hún keppir við.
Fríhöfnin veltir um
átján milljörðum
króna árlega. Þetta
er óviðunandi, að
mati Finns Árna-
sonar, fram-
k v æ m d a s t j ó r a
Hagkaupa. Hann
bendir á að þar við
bætist að annað
tveggja gildi um
þessa smásöluverslun ríkisins; að
sérstakar „mildari“ reglur gildi
um hana eða að verslunin eigi erf-
iðara með að fara eftir þeim regl-
um sem eigandi hennar, íslenska
ríkið, setur. Finnur bendir á að
engin lög virðist eiga við um Frí-
höfnina ef frá eru talin lög frá
1958 sem eru úrelt. „Við gagnrýn-
um það sérstaklega að Fríhöfnin,
sem nýtur sérstakra fríðinda, geri
verðkannanir og beri sig saman
við innlenda verslun og auglýsi
sig í íslenskum fjölmiðlum. Við
teljum að með því skilgreini
verslunin sig sem ríkisverslun í
samkeppnisrekstri á íslenskum
markaði. Samkeppnisstaðan er
hins vegar skert með því að þessi
smásöluverslun ríkisins greiðir
ekki sambærileg gjöld og önnur
verslun í landinu.“ Finnur segir
tap fríhafnarinnar hafa verið 340
milljónir fyrir skatta árið 2001 og
það sé umhugsunarvert í ljósi
þess að meðalálagningarprósent-
an sé 65%. „Það myndi einhver
stjórnmálamaðurinn kalla slíka
álagningu okur.“
Höskuldur Ásgeirsson segir
þessa túlkun afkomunnar á mis-
skilningi byggða. Verulegur hagn-
aður hafi verið af rekstri verslun-
arinnar 2001. Hins vegar standi sú
afkoma undir miklum útgjöldum
sem fylgi rekstri flugstöðvarinn-
ar. „Við erum með erlend lang-
tímalán sem hækkuðu mikið árið
2001.“ Hann gerir ráð fyrir góðri
afkomu í ár. Höskuldur segir
verðkannanir gerðar við innlend-
ar verslanir til þess að kanna
hvort keypt sé inn á eðlilegu verði
og að viðskiptavinurinn njóti eðli-
legs verðs á fríverslunarsvæði.
Þeir kanni einnig verð í öðrum frí-
höfnum. Höskuldur segir breyt-
inguna í hlutafélag hafa verið
skref í rétta átt. Hann útilokar
ekki að verslunarþættir verði
boðnir út. „Það er hins vegar póli-
tísk ákvörðun og með þeim for-
merkjum að það fyrirkomulag
standi undir rekstri og fjárfest-
ingum flugstöðvarinnar.“ Hann
segir verslunina fara í einu og öllu
að þeim reglum sem henni eru
settar.
Fríhafnarverslun hefur verið á
undanhaldi í Evrópu eftir að frí-
hafnir mill landa Evrópusam-
bandsins voru lagðar niður. Sú
regla gildir ekki fyrir ríki EES-
samningsins sem eru utan ESB.
haflidi@frettabladid.is
Birgir Ingþórsson:
Ekkert að
kindunum
RIÐA „Það var sárt að horfa á eftir
kindunum, sér í lagi af því að þær
voru að mínu viti heilbrigðar,“
segir Birgir Ingþórsson, bóndi á
Uppsölum í Austur-Húnavatns-
sýslu, sem í gærmorgun missti
tæplega þrjú hundruð kindur
vegna ótta við riðuveiki. Birgir
segir fulltrúa yfirdýralæknis hafa
mætt ásamt aðstoðarmönnum og
leitt kindurnar til slátrunar.
Birgir hafði keypt féð af
Hvammi í Vatnsdal þar sem riðu-
veiki hafði verið en samkvæmt
reglugerð frá árinu 2001 er það
með öllu óheimilt. Birgir segist
ekki hafa vísvitandi brotið af sér.
Honum hafi verið ókunnugt um
reglugerðina. Segist hann ósáttur
við að ekki hafi fengist neinar
bætur vegna förgunarinnar. Vald-
níðslu hafi verið beitt. ■
Vopnafjörður:
Vakta
sjómann
LÖGREGLUMÁL Lögreglan á Vopna-
firði hefur haldið uppi sólar-
hringsvakt vegna flutningaskips
sem skráð er á Möltu og kom til
Vopnafjarðar á fimmtudag til að
sækja 1.600 tonn af frystri loðnu.
Ástæðan er sú að einn sjómann-
anna er óæskilegur inn á
Schengen-svæðið. Af því má hann
ekki stíga á íslenska grund. Lög-
reglan segir skipið fara á hádegi í
dag.
Skipverjinn gerðist brotlegur í
Evrópu en ekki fæst uppgefið
hvaða brot það var. Hann er sá
eini sem ekki má stíga frá borði,
hinir eru frjálsir ferða sinn.
Áhöfnin um borð er Pólverjar og
Rússar en yfirmenn eru norskir.
Samkvæmt lögum þurfa erlend
skip sem koma inn í íslenska land-
helgi að tilkynna sig og senda
áhafnalista sem eru yfirfarnir. ■
Útflutningur óunnins sjávarafla tilkynningaskyldur:
Eykur verðmæti
ÁRNI M. MATHIESEN
Markmiðið með tilkynningaskyldu á útflutning sjávarafla er að ýta
undir frekari verðmætasköpun og fjölgun starfa í sjávarútvegi.
HÉRAÐSDÓMUR REYKJAVÍKUR
Stúlka sem var nauðgað í tjaldi sínu á úti-
hátíð sagðist hafa barist á móti árás-
armanninum og árangurslaust öskrað og
hrópað á hjálp.
DANMÖRK Danska kirkjumálaráðu-
neytið hefur tekið á móti miklum
fjölda umsókna að undanförnu frá
fólki sem óskar eftir nafnbreyt-
ingu, samkvæmt fréttavef danska
ríkissjónvarpsins. Á síðasta ári
sóttu 1048 Danir um að fá fornafni
sínu breytt en fyrir um áratug síð-
an bárust innan við 400 umsóknir
af þessu tagi á ári.
Að sögn fræðimanna er skýr-
inganna á þessari miklu aukningu
að leita í vaxandi áhuga á talna-
speki. Fólk trúi því að með nýrri
samsetningu bókstafa í nafni sínu
geti það öðlast betra líf. ■
Nöfn talnaspeki:
Betra líf með
nýju nafni
Mútugreiðslur til Norður-Kóreu:
Stjórnvöld studdu
ólöglegar greiðslur
STARFSLOK Í SKUGGA HNEYKSLIS
Sáttafundur stjórnvalda í Norður- og Suð-
ur-Kóreu var hápunktur forsetatíðar Kim
Dae-jung, sem lætur af störfum 25. febrú-
ar. Nú hefur hann breyst í hneyksli.
AP
/M
YN
D
Fríhöfnin greiðir
ekki sömu gjöld
Framkvæmdastjóri Hagkaupa segir Fríhöfnina vera smásöluverslun
ríkisins sem stundi óeðlilega samkeppni. Framkvæmdastjóri Fríhafnar-
innar útilokar ekki útboð.
FORSKOT Í SAMKEPPNI
Fríhafnarverslun í Leifsstöð er undanþegin gjöldum sem önnur smásöluverslun ber. Fram-
kvæmdastjóri Hagkaupa gagnrýnir að Fríhöfnin skuli bera sig saman við innlenda verslun
og keppa við hana án þess að búa við sömu samkeppnisstöðu.
„Samkeppnis-
staðan er hins
vegar skert
með því að
þessi smá-
söluverslun
ríkisins greiðir
ekki sambæri-
leg gjöld og
önnur verslun
í landinu.“