Fréttablaðið - 15.02.2003, Blaðsíða 15
15LAUGARDAGUR 15. febrúar 2003
orkuuppbygging Norður-Kóreu-
manna hæst. Blaðamaður hefur
orð á því að nú séu viðsjárverð-
ari tímar í alþjóðamálum en
heimurinn hefur staðið frammi
fyrir lengi. „Ég er sammála því.“
„Í aðdraganda síðustu kosn-
inga var ákveðið að taka á Milos-
evic. Það var gert af Atlantshafs-
bandalaginu. Ég taldi nauðsyn-
legt og rétt að gera það til að
koma í veg fyrir fjöldamorð sem
hann stóð fyrir. Ég veit að ég
missti mörg atkvæði í síðustu
kosningum vegna þess máls
vegna þess að andstæðingar mín-
ir lýstu því að Ísland væri með í
því. Við bárum ábyrgð sem aðild-
arþjóð að Atlantshafsbandalag-
inu.“
„Ég spyr í dag: Var það rangt?
Hvernig má það vera að viðkom-
andi þjóð skuli vilja ganga í Atl-
antshafsbandalagið aðeins
nokkrum árum eftir að það gerð-
ist?“ Sama sannfæring er til stað-
ar þegar kemur að Írak í dag. „Ég
er sannfærður um það að það
verður að afvopna Saddam
Hussein. Ég vil sjá það gerast með
friðsamlegum hætti. En ég geri
mér grein fyrir því að til þess að
það geti gerst með friðsamlegum
verður hann að standa frammi
fyrir alvörunni. Við vitum að hann
svífst einskis. Á hinn bóginn er
stríð líka vondur kostur.“ Það hef-
ur í för með sér hörmulegar af-
leiðingar fyrir saklaust fólk og
slæmar efnahagslegar afleiðingar
fyrir heiminn og næstu lönd.
„Vonandi gerist eitthvað sem
verður til þess að þetta leysist.
Það er helsta vonin að ríkjum í
arabaheiminum og Frökkum og
Rússum, sem hafa verið með
veruleg viðskipti við Írak, takist
að beita sér með diplómatískum
hætti.“
Verða að uppfylla
skyldur sínar
„Frakkar standa einfaldlega
gegn því að Atlantshafsbandalag-
ið uppfylli skyldur sínar,“ segir
Halldór og er mjög ósáttur við
deilurnar sem komnar eru upp
innan Atlantshafsbandalagsins.
„Á sama tíma eru Frakkar með
herlið í Miðausturlöndum sem
þeir eru tilbúnir að beita til að
hjálpa til við varnir Ísraels. Þjóð-
verjar eru með lið í Kúvæt sem
þeir eru tilbúnir að beita til að
verja Kúvæt. En þeir eru ekki til-
búnir að standa að undirbúningi
hugsanlegra varna lands sem er í
Atlantshafsbandalaginu. Í þessu
er gífurleg mótsögn. Við Íslend-
ingar styðjum eindregið meiri-
hluta Atlantshafsbandalagsins í
þessu máli. Ég tel að Frakkar og
Þjóðverjar séu fyrst og fremst að
grafa undan áhrifum sínum. Ég er
þeirrar skoðunar að þeir eigi eng-
an annan kost en að stuðla að
lausn þessa máls.“
„Það er ekki mikið samráð við
okkur,“ segir Halldór um aðkomu
Íslands að Íraksdeilunni. „Það
hefur ekkert verið leitað til okkar
í þessu máli. Enda erum við vopn-
laus þjóð. Það hefur verið samráð
innan Nató út af Tyrklandi en það
nær ekki lengra. Atlantshafs-
bandalagið hefur ekki verið beðið
um að gegna neinu sérstöku hlut-
verki í hugsanlegri árás á Írak.
Við fylgjumst með þessu máli
sem áhorfendur og fáum svipaðar
upplýsingar aðrir.“
Skilgreini ekki mörk
lífs og dauða
Framsóknarflokkurinn hefur
ekki komið vel út úr skoðana-
könnunum að undanförnu. „Ég
tek eftir því í skoðanakönnunum
að það er mikið fylgi við það að
Framsóknarflokkurinn sé í ríkis-
stjórn. Við lesum það þannig að
við njótum mikils trausts til að
fara með mikilvæg og erfið mál.
Okkur virðist hins vegar ekki
takast að koma því nógu vel til
skila að til þess að Framsóknar-
flokkurinn sé í ríkisstjórn þarf
hann að hafa mjög trausta
stöðu.“
Halldór hefur sagt að ekki
komi til greina að Framsóknar-
flokkurinn taki sæti í stjórn
nema hann hafi trausta stöðu.
Aðspurður um hvaða mörk hann
miði við segist Halldór ekki vilja
nefna neina tölu. „Það er stað-
reynd að í síðustu þingkosning-
um misstum við þrjá þingmenn.
Við vorum 15 en erum núna tólf.
Helmingur þingmanna okkar er
ráðherrar. Það hefur reynst okk-
ur erfitt að sinna starfinu í þing-
inu og í ríkisstjórn með þetta fá-
mennu liði en ég tel mitt fólk
hafa staðið sig einstaklega vel.“
„Ég geri mér fulla grein fyrir
því að flokkur sem fær minna
fylgi en áður hlýtur að taka það
sem vísbendingu um að það sé
æskilegt að aðrir komi inn á. Ef
það gerist verðum við að sjálf-
sögðu að taka því. Við munum
hins vegar ekki bregðast kjós-
endum okkar. Það hljóta allir að
sjá að þeim mun minna fylgi sem
flokkur fær, þeim mun minni
burði hefur hann til að bera
ábyrgð. Ég ætla ekki að skil-
greina mörkin milli lífs og dauða
í þeim efnum. Það getur enginn
séð það alveg fyrir.“
Ekki mistök að flytjast
til Reykjavíkur
Þrátt fyrir að sumar skoðana-
kannanir gefi til kynna að Hall-
dór kæmist ekki á þing ef kosið
væri í dag segir hann að það hafi
ekki verið mistök að kveðja Aust-
urland og fara í framboð í
Reykjavík. „Ég gerði mér grein
fyrir því að mesta barátta flokks-
ins í komandi kosningum yrði hér
í Reykjavík. Ég tel að á þeirri
baráttu hvíli ekki síst hvort
Framsóknarflokkurinn hafi burði
til þess að vera áfram í ríkis-
stjórn eða ekki. Ég taldi einsýnt
og nauðsynlegt að formaður
flokksins tæki þá baráttu. Hvern-
ig það tekst á eftir að koma í ljós.
Ég hef alltaf vanist því að vera í
fremstu röð í baráttunni. Ég hef
aldrei hikað við það. Hér er ég
ennþá. Hvað svo sem verður.“
„Við erum að fara að halda
okkar flokksþing sem byrjar
næstkomandi föstudag. Þar mun
koma saman fólk alls staðar að af
landinu. Þar munum við móta
stefnu og kjósa okkar forystu.
Það verður í reynd upphafið að
okkar kosningabaráttu. Við erum
búin að koma saman öllum okkar
listum. Ég er ánægðastur af öllu
með hvað unga fólkið virðist vera
að hasla sér völl í flokknum. Það
er alveg ljóst að þetta unga fólk
verður mjög áberandi í kosninga-
baráttunni.“
Hef brotið hvort tveggja
Starf utanríkisráðherra er
annasamt. Það krefst mikilla
starfa hvort tveggja hér heima
og á ferðalögum erlendis. For-
mennska í stjórnmálaflokki er
einnig drjúgt starf, sérstaklega
þegar við bætist að flokkurinn er
í ríkisstjórn. Það kemur þó ekki í
veg fyrir að menn eigi sér gott
einkalíf, segir Halldór, þó mikill
tími fari í starfið. „Ég á góða
konu sem hefur staðið með mér í
þessu alla tíð. Ég held það hafi
verið tvennt sem við töluðum um
þegar við tókum saman, innan við
tvítugt. Það var að ég yrði ekki
sjómaður og ekki stjórnmála-
maður. Ég hef brotið hvort tvegg-
ja. Það þarf góða konu til að
fylgja manni þrátt fyrir það. Við
erum búin að vera gift í 35 ár. Við
reynum að styðja hvort annað.
Við eigum uppkomin börn og við
eigum barnabörn sem öllum hef-
ur gengið vel.“
„Við erum hamingjusamt fólk.
Það gengur oft mikið á í kringum
okkur en það hefur einhvern veg-
inn blessast. Það er ekki alltaf
auðvelt. En það eru svo margir
sem búa við heilsuleysi. Við höf-
um sagt að ef við höfum heilsuna
þá höfum við allt. Þess vegna
þökkum við fyrir en kvörtum
ekki.“
brynjolfur@frettabladid.is
Ég hef alltaf
vanist því að vera
í fremstu röð í bar-
áttunni. Ég hef aldrei hik-
að við það. Hér er ég enn-
þá. Hvað svo sem verður.
,,HALLDÓR UM KOMANDIÞINGKOSNINGAR„Leiðin til að sýna Framsóknarflokknumtraust er að kjósa hann en ekki aðra. Ef
við njótum þess trausts mun það end-
urspeglast í kosningunum. Ef við höfum
það ekki kemur það líka fram. Ég held
að kjósendur viti miklu meira um það
hvað Framsóknarflokkurinn stendur fyrir
en margir aðrir flokkar.“
VERÐUM AÐ ÞOLA AÐ Á OKKUR BRJÓTI
„Ég hef lært það á mínum ferli að við sem erum að taka þessar ákvarðanir berum mikla ábyrgð og við sitjum oft á tíðum inni
með meiri upplýsingar en okkur tekst að koma frá okkur. Við verðum að vera tilbúin að láta brjóta á okkur.“
Ég var þá
atvinnulaus, fékk
ekki útborgað dag-
inn eftir kosningar. Það
voru engin biðlaun þá.
,,