Fréttablaðið - 15.02.2003, Blaðsíða 23
23LAUGARDAGUR 15. febrúar 2003
Áhuginn á listum
jókst með starfsaldrinum
Valgerður Guðrún Guðleifsdóttirhefur starfað hjá Listasafni
Reykjavíkur í fjögur ár. Hún segist
kunna vel við starfið, sem felst með-
al annars í afgreiðslu og sölu á
ýmiss konar gjafavöru. Valgerður
Guðrún vinnur aðra hverja viku í
Hafnarhúsinu og vikuna á móti á
Kjarvalsstöðum.
„Þegar ég flutti til Reykjavíkur
fyrir fimm árum var ég búin að
leita mér að vinnu í lengri tíma en
fann ekkert. Þá var mér bent á að
fara hingað þar sem ég tala sæmi-
lega ensku,“ segir Valgerður Guð-
rún. Þegar hún var tólf ára hóf hún
verslunarstörf og hefur meira og
minna unnið við þau, þar af stóran
hluta í Bandaríkjunum.
Valgerður Guðrún segir Íslend-
inga ekki nógu duglega við að sækja
listviðburði.
„Það er miklu meira af útlend-
ingum hér og þá aðallega á sumrin.
Íslendingar eru aftur á móti dugleg-
ir við að sækja kaffiteríuna okkar.“
Meirihluti starfsmanna á Lista-
safni Reykjavíkur er konur en þó
eru karlmenn í skrifstofustörfum
og þeir sem setja upp og taka nið-
ur sýningarnar. Það eru bæði lista-
menn og listfræðingar.
Valgerður Guðrún segist ekki
hafa haft mikinn áhuga á listum
þegar hún hóf störf á Listasafni
Reykjavíkur en síðan hefur áhug-
inn aukist jafnt og þétt.
„Ég held að sjálfsögðu upp á
Kjarval og Ásmund Sveinsson. Svo
eru það Louisa Matthíasdóttir og
Erró. Hann er alveg sér á báti.“ ■
Starfið
mitt
VALGERÐUR GUÐRÚN GUÐLEIFSDÓTTIR
Hefur stafað hjá Listasafni Reykjavíkur í fimm ár og kann því vel.
myndlistarmenn holdgervingar
listarinnar en sú tíð er liðin. Ein-
ungis 3 prósent nefndu myndlist-
armann á nafn í þessari könnun.
Og það sem verra er: Þeir sem
fengu fleiri atkvæði en aðrir eru
kannski að njóta verka sinna á
öðrum sviðum en myndlistarsvið-
inu einu saman. Þannig er efstur á
blaði Daði Guðbjörnsson en skíma
sviðsljóssins hefur fallið á hann í
tengslum við pólitísk afskipti.
Daði skipar sem sagt 16. sæti á
lista Sjálfstæðisflokksins í
Reykjavíkurkjördæmi norður
fyrir komandi alþingiskosningar –
eins og lesendur Fréttablaðsins
þekkja. Sigurður Guðmundsson
er við hlið Daða í efsta sætinu en
hann hefur vakið athygli sem rit-
höfundur samhliða myndlistinni
auk þess sem nýleg heimildar-
mynd um Sigurð sem sýnd var í
Sjónvarpi vakti nokkra athygli.
Og efsta sætinu með þeim félög-
um deilir sjálfur Erró. Aðrir sem
nefndir voru á nafn eru Hlynur
Hallsson (annar listamaður sem
sennilega nýtur pólitískra af-
skipta sinna sem 3. maður á lista
VG í Norðausturkjördæmi), Tolli,
Einar Hákonarson, Sossa og Þor-
björg Höskuldsdóttir. Þar með er
það upp talið. Svo allrar sanngirni
sé gætt má nefna til sögunnar
Hallgrím Helgason, en hann er
jafnframt ritlistinni myndlistar-
maður. Í raun er hann einn sára-
fárra sem komu við sögu í könn-
uninni sem hlaupa milli listgreina.
Kvikmyndagerðin
rekur lestina
Kvikmyndagerðarmenn eru
ekki ofarlega í huga fólks þegar
það er innt eftir því hver er mest-
ur lista- og menningarfrömuður
landsins. Líklega er það eftir
bókinni enda hefur kvikmynda-
gerðin rambað á milli þess að
vera skilgreind sem list eða iðn-
aður. Baltasar Kormákur er
sennilega í seinni tíð meiri kvik-
myndagerðarmaður en leikari þó
til þess sé gripið hér að flokka
hann sem slíkan. Baltasar naut
góðs gengis í þessari könnun. Þá
komst Dagur Kári á blað og nokk-
uð auðveldlega enda hefur kvik-
mynd hans Nói Albínói notið mik-
illar athygli og góðs gengis á er-
lendum vettvangi og einnig var
Kristlaug M. Sigurðardóttir
nefnd en hún gerði kvikmyndina
Didda og dauði kötturinn sem ný-
lega var sýnd.
Um könnunina
Könnunin var gerð fyrir viku
og spurningin var: „Hvaða Íslend-
ingur í lista- og menningarlífinu
finnst þér skara fram úr um þess-
ar mundir?“ Ef einhvern tíma á
við klisjan: Þegar stórt er spurt...
þá er það kannski núna. Enda tóku
aðeins tæp 42 prósent aðspurðra
afstöðu. Sennilega er það helsta
niðurstaðan: Fólk á erfitt með að
gera upp á milli þeirra sem starfa
á þessu sviði. Auðir seðlar og
ógildir eru 58,5 prósent. Þess ber
og að geta að dreifing atkvæða
var mikil. Alls var 91 einstakling-
ur (og reyndar stöku hljómsveit)
nefndur. Jákvæðasta ályktun sem
af þessu má draga er sú að þetta
bendi til ákaflega mikillar breidd-
ar á menningarsviðinu!
jakob@frettabladid.is