Fréttablaðið - 15.02.2003, Blaðsíða 29
Jón Mýrdal Harðarson er senni-lega best þekktur sem skemmti-
kraftur og útvarpsmaður á Radíó
Reykjavík. Það sem færri vita er
að hann starfar einnig sem kokkur
hjá Íslandsbanka í Skútuvogi.
Jón Mýrdal segist yfirleitt ekki
borða morgunmat en hann stýrir
morgunþættinum „17. júní“ ásamt
félaga sínum Hermanni Fannari
Valgarðssyni.
„Mér finnst matur mjög góður
og ég starfa sem kokkur þannig að
ég hugsa svolítið mikið um mat.
Ég byrja samt ekki að hugsa um
matinn fyrr en ég lýk útsendingu
í útvarpinu um tíuleytið,“ segir
Jón Mýrdal, sem bregður sér þá í
kokkagallann. „Þá fæ ég mér
fyrsta matarbita dagsins.“ Í mötu-
neytinu þarf Jón að reiða fram
mat fyrir um fimmtán manns.
Hann segist yfirleitt elda léttan
hádegismat.
Þar sem unnusta Jóns dvelur
nú erlendis þarf hann aðeins að
hugsa um sjálfan sig á kvöldin.
„Þá fer ég oft út að borða eða fæ
mér einhvern skyndibita. Annars
er það bara eitthvað mjög létt,“
segir útvarpsmaðurinn.
Jón Mýrdal lærði til kokks á
Hótel Borgarnesi og hefur komið
víða við á ferli sínum, svo sem á
Pizza 67, Pizzahúsinu og Pizza
Mussolini, sem hann er afar
hreykinn af. Hann hefur einnig
eldað í mötuneytum, meðal ann-
ars í Grandaskóla þar sem hann
fóðraði 180 gríslinga.
„Það var rosalega gaman.
Gaman að elda ofan í svona litla
krakka. Þetta var einn af fyrstu
heilsdagsskólunum svo krakkarn-
ir voru píndir í mat,“ segir Jón
Mýrdal. Hann segir mikinn mun
að elda á veitingastað og í mötu-
neyti. „Það er miklu þægilegra að
elda í mötuneyti því þá ræður
maður öllu sjálfur. Mikla minna
um kvartanir.“
Jón Mýrdal ákvað fyrir
nokkru að gerast grænmetisæta
en hann hélt það aðeins út í tvö
ár. „Það er eitthvað sem allir
verða að prófa. Ég grenntist samt
ekki neitt, drakk allt of mikinn
bjór með,“ segir Jón Mýrdal.
Jón Mýrdal segist ekki vera
duglegur að halda veislur en býð-
ur þó fólki einstaka sinnum í
villibráð. „Mér finnst gaman að
bjóða fólki upp á villibráð, jafn-
vel gæs sem ég hef sjálfur skotið.
Mér finnst samt yfirleitt
skemmtilegra að drepa dýrið en
elda.“
Jón er afar hrifinn af kjúkl-
ingi og gefur lesendum uppskrift
að einum sígildum. „Ég er mikið
fyrir tilraunamennsku í eldhús-
inu og fer sjaldan eftir uppskrift-
um. Þessa dagana er ég að prófa
mig áfram með grænmetisrétti.“
kristjan@frettabladid.is
29LAUGARDAGUR 15. febrúar 2003
Heimilismaturinn
að hætti Jóns
Bakaður parmesankjúklingur að hætti
Jóns Mýrdal Harðarsonar:
„Ég er rosalega hrifinn af kjúklingi,“ seg-
ir Jón Mýrdal. „Þetta er líka svo auðveld
uppskrift, það þarf bara að blanda öllu
saman í eldfast mót og skella í ofninn.“
Hráefni
8 stk kjúklingalæri eða bringur
5 msk smjör
1 msk Dijon sinnep
1 bolli rasp
1 bolli ferskur parmesanostur
2 msk. söxuð steinselja
1 tsk. basilika
Aðferð:
„Byrja þarf á því að hita ofninn í 200
gráður og smyrja eldfasta mótið með
smjörlíki eða olíu. Blanda þarf saman í
skál smjöri (bræddu) og sinnepi.
Í aðra skál þarf að blanda saman
brauðraspi, osti, steinselju og basiliku.
Dýfið kjúklingnum fyrst í sinnepssmjör-
ið, veltið þeim síðan í raspblönduna.
Raðið í mótið og bakið í um það bil 45
mínútur.
JÓN MÝRDAL HARÐARSON
Þekktur sem útvarpsmaður og skemmti-
kraftur en vinnur einnig sem kokkur.
Skemmtilegra að
drepa dýrin en elda