Fréttablaðið - 15.02.2003, Blaðsíða 30
30 15. febrúar 2003 LAUGARDAGUR
Jú, hann Michael Jackson erskrýtin skrúfa og erfitt, ef ekki
ómögulegt, að átta sig á honum.
Hann er líka án efa einn frægasti
maður í heimi. Það eru gömul
sannindi að mannskepnan hræðist
það sem hún skilur ekki. Með það
að leiðarljósi að engin mannvera á
þessari jörð hefur lifað eins lífi og
Michael Jackson kemur það ef-
laust ekki á óvart að fólk skuli
klóra sér í höfðinu yfir allri vit-
leysunni í honum. Margir óttast
svo að hann sé barnaníðingur.
Staðreyndin er hins vegar sú
að þrátt fyrir að faðir 13 ára
drengs hafi ásakað popparann
1993 um að beita son hans
kynferðislegu ofbeldi
var aldrei lögð fram
kæra vegna máls-
ins. Margir litu
á þá ákvörðun
Jacksons að
borga sig út
úr málinu
þannig að
hann væri að
játa sekt
sína. Eftir
rannsóknir
og yfir-
heyrslur á málinu hafði þó allur sá
fjöldi barna sem gist hafa á bú-
garði Jacksons í gegnum árin
svipaða sögu að segja. Það er því
ómögulegt að vita sannleikann í
þessu máli en saklaus er maður
þangað til sekt hans er sönnuð.
Fólk virðist eiga erfitt með að
kyngja þeirri ímynd sakleysis
sem Jackson dregur upp af sjálf-
um sér. Er það vegna eigin sam-
viskubits sem við trúum því að
enginn geti verið hreinn? Og af
hverju verðum við alltaf að trúa
því að allir hljóti að hafa eitthvað
gruggugt í pokahorninu?
Ef Jackson myndi deyja á
morgun færðist kastljósið
líklega af nefi hans og
aftur á tónlistina. Þá
kæmi glöggt í
ljós að boðskap-
ur laga hans í
gegnum árin
hefur snúist
um að auka
samúð og um-
hyggju og að
láta gott af sér
leiða.
Stjarna 11 ára
Michael Joseph
Jackson fæddist
29. ágúst árið
1958. Hann var
f i m m t i
son-
u r
stáliðnaðarmannsins Joe Jackson.
Fjölskyldan bjó þá í bænum Gary
í norðvesturhluta Indiana-ríkis.
Saman áttu foreldar hans níu
börn. Michael var strax á unga
aldri utangáttar við samfélagið
utan heimilisins því móðir hans
var strangtrúuð, votti Jehóva, og
ól hann upp í þeirri trú.
Joe sá fljótlega neista í þrem
elstu sonum sínum og stofnaði í
kringum þá hljómsveit árið 1962.
Michael hóf að syngja með bræðr-
um sínum ári seinna, fimm ára
gamall, eftir að móðir hans benti
pabba þeirra á hversu góða rödd
hann hafði. Hann varð fljótt aðal-
söngvari fjölskyldusveitarinnar.
Michael var algjört náttúru-
barn og rödd hans þótti rík og
hrein, tjáning hans á við fullvaxta
söngvara. Augljóst þótti að hann
væri undir áhrifum frá James
Brown og Gene Kelly. Jackson 5
gerði plötusamning við Motown
árið 1968. Tveimur árum seinna
kom fyrsta smáskífan út og sveit-
in sló strax í gegn. Michael var
því orðin alþjóðleg, krúttleg
barnastjarna aðeins 11 ára gam-
all. Árið 1970 varð Jackson 5
fyrsta hljómsveitin í poppsögunni
til þess að koma fyrstu fjórum
smáskífulögum sínum í efsta sæti
bandaríska vinsældalistans. Það
voru lögin „I Want You Back“,
„ABC“, „The Love You Save“ og
„I’ll Be There“.
Athyglin beinist
að Michael litla
Fátt er meira heillandi en ungt
og hæfileikaríkt barn. Mann-
skepnan dýrkar sakleysi og eðli-
lega beindist því öll fjölmiðlaat-
hygli að „litla sæta“ stráknum
sem hvorki gat hreyft legg né lið
án þess að hrista af sér hæfileik-
ana. Plötuútgáfan vildi gefa út
sólóplötur og undir hatti Motown-
útgáfunnar gaf Jackson út fyrstu
smáskífu sína, „Ben“, árið 1972.
Lagið var sérstaklega unnið fyrir
samnefnda barnaspennumynd,
framhald „Willard“ frá 1971, sem
fjallaði um ungan dreng er ving-
aðist við gáfuðu rottuna Ben. Sú
stýrði heilum her af mannskæð-
um ofurnagdýrum. Ólíkt mynd-
inni þótti lagið hugljúft og fallegt.
Fyrir vikið fengu höfundar lags-
ins tilnefningu til Óskarsverð-
launa en unnu ekki.
Jackson gaf út fjórar breiðskíf-
ur hjá Motown-útgáfunni á árun-
um 1972-75. Um nokkurs konar
fjöldaframleiðslu var að ræða og
voru þær allar með svipuðu móti.
Þar mátti heyra piltinn syngja
þekkt lög og áttu tvær fyrstu plöt-
urnar mestum vinsældum að
fagna. Michael var 16 ára þegar
hann vann síðustu plötuna sína,
„Forever, Michael“, fyrir Motown
ásamt lagahöfundinum Brian
Holland. Platan þótti þroskaðri en
fyrri verk en kolféll vegna slag-
araleysis.
Jackson kynnist
Quincy Jones
Árið 1977 var tímamótaár hjá
Michael Jackson. Hann fékk hlut-
verk fuglahræðunnar í söng-
leikjamyndinni „The Wiz“ sem
byggð var á ævintýrinu um
Galdrakarlinn í Oz eftir L. Frank
Baum. Allur leikarahópurinn var
mannaður af blökkufólki og
kynntist hann þar á einu bretti
Diönu Ross, Richard Pryor og
upptökustjóranum Quincy Jones
sem átti eftir að hafa mikil áhrif á
líf og feril popparans.
Jackson hafði þá sett sólóferil
sinn á ís en átti áframhaldandi
vinsældum að fagna með bræðr-
um sínum.
Popparinn Michael Jackson hefur verið á milli tannanna á flestum
eftir að heimildarmynd Martin Bashir, „Living with Michael
Jackson“, var sýnd í Ríkissjónvarpinu. Flestir virðast hafa áhuga á
lifnaðarháttum kappans og lýtaaðgerðum en gleyma kannski aðal-
atriðinu, sjálfri tónlistinni.
Ris og fall
poppkóngsins
Jackson 5:
Orðrómur
um end-
urkomu
Fjölskyldusveit Jackson-
heimilisins, Jackson 5, var
mönnuð bræðrunum (í aldurs-
röð) Jackie, Tito, Jermaine,
Marlon og Michael Jackson.
Bræðrunum var ekki gefið
eins mikið frelsi utan heimilis-
ins og öðrum börnum en voru
hvattir frá unga aldri til að
leggja stund á tónlist. Pabbi
þeirra, Joe Jackson, hafði verið
gítarleikari með hljómsveitinni
Falcons. Hann varð fyrst var við
tónlistaráhuga sona sinna þegar
hann komst að því að Jackie,
Tito og Jermaine voru byrjaðir
að stelast í hljóðfæri hans. Í
fyrstu varð hann brjálaður en
stofnaði síðar fjölskyldusveitina
og rak syni sína áfram með
harðri hendi alla tíð. Hann var
sjálfskipaður umboðsmaður
bræðranna fyrstu árin. Sveitin
hét upphaflega „Ripples & Wa-
ves“. Fljótlega var skipt yfir í
„The Jackson Brothers“ og það
nafn síðar stytt í „Jackson 5“.
Bræðrunum gekk vel í hæfi-
leikakeppi, unnu sig upp og
fengu loks tækifæri til þess að
leika fyrir yfirmenn Motown út-
gáfunnar árið 1968. Þeir fengu
samning nánast á staðnum.
Þeir gáfu út plötur hjá
Motown útgáfunni frá 1969-76 og
áttu miklum vinsældum að
fagna. Þegar ákveðið var að
skipta um útgáfu gat Jermaine
ekki farið frá Motown þar sem
stofnandi fyrirtækisins var nú
tengdafaðir hans. Yngsti bróðir-
inn Randy tók við stöðu
Jermaine og héldu bræðurnir
áfram samstarfi undir nafninu
„The Jacksons“ þar sem Motown
átti einkaréttinn á hinu nafninu.
Árin 1978 og 1980 voru
bræðrunum góð og áttu þeir þá
tvær vinsælar plötur, „Destiny“
og „Triumph“, sem greiddu leið
Michaels upp á stjörnuhimininn.
Frægð Michaels var upphafið
af endinum fyrir sveitina.
Jermaine gekk þó aftur til liðs
við þá 1984 þegar sveitin gaf út
plötuna „Victory“. Sveitin gaf
svo út plötuna „2300 Jackson
Street“ án Michaels 1989. Árið
1997 voru allir bræðurnir færðir
inn í frægðarhöll rokksins.
Orðrómur um endurkomu
Jackson 5 hefur verið á kreiki
frá því að Michael tók lagið á
sviði Madison Square Garden
með bræðrum sínum í fyrra til
þess að fagna 30 ára afmæli sínu
sem sólólistamaður. ■
JACKSON 5
Faðir bræðranna fimm sá til þess að
halda þeim að verki frá ungum aldri.
LYKILPLÖTUR
MICHAEL JACKSON
ABC (1970) - með Jackson 5
Ben (1972)
Destiny (1978) - með The Jacksons
Off the Wall (1979)
Thriller (1982)
Bad (1987)