Fréttablaðið - 31.03.2003, Blaðsíða 8

KÖNNUN Frjálslyndi flokkurinn er
á góðri leið með að festa sig í sessi
fyrir komandi kosningar, sam-
kvæmt skoðanakönnunum Frétta-
blaðsins í mars. Flokkurinn nærri
tvöfaldar fylgi sitt og kemst yfir
fimm prósenta mörkin sem ráða
því hvort framboð fá uppbótar-
þingmenn eða ekki. Flokkurinn
fengi því þrjá þingmenn, einn á
kostnað Framsóknar en tvo á
kostnað Samfylkingar.
Mikil sigling Frjálslyndra
Frjálslyndi flokkurinn er búinn
að vera á mikilli siglingu í mars.
Fylgi flokksins fór í fyrsta skipti
yfir fimm prósenta mörkin aðra
helgi í mars þegar flokkurinn hélt
flokksþing sitt. Í kjölfarið hefur
flokkurinn haldið áfram að auka
fylgi sitt og mælst með átta pró-
senta fylgi í tveimur síðustu könn-
unum. Flokkurinn nær tvöfaldar
fylgi sitt miðað við febrúar, þegar
hann mældist með 2,9% yfir mán-
uðinn, og fengi samkvæmt því
þrjá þingmenn. Mesta aukningin
kemur sem fyrr segir undir lok
mars og því spurning hvort fylgi
flokksins haldi áfram að aukast.
Einn fyrir borð
Fylgi Framsóknarflokksins
lækkar um eitt og hálft prósentu-
stig milli mánaða. Samkvæmt því
fengi flokkurinn sjö þingmenn.
Fylgi flokksins hefur verið á bil-
inu tíu til fjórtán prósent í mánuð-
inum fram að síðustu könnun,
þegar fylgi flokksins mælist að-
eins 9,3%, það minnsta frá upp-
hafi. Þá hafði fylgi flokksins
lækkað í tveimur könnunum í röð.
Óbreytt hjá Sjálfstæðis-
flokknum
Litlar breytingar urðu á fylgi
Sjálfstæðisflokksins milli mán-
aða. Flokkurinn mældist með 36%
fylgi og 23 þingsæti í febrúar og
mars. Fylgisbreytingarnar voru
nokkrar innan marsmánaðar.
Flokkurinn nálgaðist 40% mörkin
í fyrstu könnun mánaðarins en
mældist með 33% þremur könn-
unum síðar. Sveiflurnar speglast
að nokkru við fylgisþróun Frjáls-
lynda flokksins.
Tveir fyrir borð
Samfylkingin tapar tveimur
prósentustigum og jafn mörgum
þingsætum milli mánaða sam-
kvæmt nýju könnuninni. Flokkur-
inn virðist þó vera að ná að snú
fylgistapi sínu við í síðustu tveim-
ur könnunum þegar fylgið hefur
farið vaxandi á nýjan leik. Fyrir
þann tíma hafði Samfylkingin tap-
að fylgi samkvæmt fimm skoð-
anakönnunum í röð eftir að hafa
mælst með 45% fylgi 10. febrúar.
37% fylgi flokksins í mánuðinum
myndi skila 24 þingsætum í kosn-
ingum.
Stöðugt fylgi Vinstri grænna
Ef undan er skilin könnun
Fréttablaðsins 10. mars, sem
mældi Vinstri græna með 13,5%
fylgi, hefur fylgi flokksins verið
nokkuð stöðugt við níu prósentin í
könnunum blaðsins í mars. Meðal-
fylgi flokksins er því svipað milli
mánaða, 9,8% í mars en var 9,1% í
febrúar. Það myndi duga flokkn-
um til að fá sex þingmenn, sama
fjölda og í síðustu þingkosning-
um.
Um könnunina
Fimm skoðanakannanir voru
gerðar í mars. Af þeim 3.000
manns sem tóku þátt í þeim tóku
65,3% afstöðu. Frekari úttekt verð-
ur í Fréttablaðinu á morgun. Þá
verður fylgi flokkanna greint eftir
kjördæmum og hvernig þingsæti
hvers kjördæmis skiptast. ■
8 31. mars 2003 MÁNUDAGUR
■ Lögreglufréttir
Banaslys í Kerlingarfjöllum:
Féll fram af
snjóhengju
ANDLÁT Karlmaður lést í vélsleða-
slysi í Kerlingarfjöllum á laugar-
dag. Maðurinn, sem var rúmlega
fertugur, var á ferð með fleira
fólki þegar slysið varð. Er talið að
hann hafi látist samstundis eftir
að hafa farið fram af snjóhengju
og fallið 15-20 metra niður. Þyrla
Landhelgisgæslunnar var send til
að sækja manninn.
Maðurinn hafði verið í hella-
skoðunarferð ásamt átta öðrum
vélsleðamönnum. Hafði hópurinn
nýlokið við að skoða íshelli. Mað-
urinn var með þeim síðustu til að
fara upp úr gilinu þar sem hella-
skoðunin hafði farið fram. Á gils-
brúnni féll hann fram af snjó-
hengju og þaðan niður í læk. ■
HEILSA Heilbrigðisyfirvöld í Hong
Kong tilkynntu í gær að 60 manns
til viðbótar hefðu smitast af svo-
kallaðri Asíuinflúensu. Rúmlega
helmingur sjúklinganna var bú-
settur í sömu byggingu í borginni,
sem nú hefur verið lokað og sótt-
hreinsuð.
Kunnugt er um 530 tilfelli í
Hong Kong, en flest tilfelli hafa
greinst í Kína eða 800.
Vitað er um 56 dauðsföll í hem-
inum af völdum flensunnar, en
miklar varúðarráðstafanir eru við-
hafðar víða, til dæmis í Asíu, þar
sem almenningi er ráðlagt að nota
sóttvarnargrímur og vera sem
minnst á ferli. Taóistar og búddist-
ar hafa komið saman á torgum og
beðið fyrir fórnarlömbum sjúk-
dómsins og að útbreiðslan verði
ekki meiri. Enn hefur ekkert lyf
eða bóluefni fundist sem hefur
áhrif á flensuna. ■
103 ára í framboði:
Berst fyrir
unga fólkið
NOREGUR Ellen Sörmeland, 103 ára
gömul kona í bænum Osen í
Þrándalögum, hefur ákveðið að
bjóða sig fram til bæjarstjórnar-
kosninga í haust.
Ellen býður sig fram fyrir
Kristilega þjóðarflokkinn, en þar
hefur hún verið meðlimur síðan
1933. Ellen sér ágætlega og segist
geta lesið öll skjöl sem henni ber-
ast, en heyrnin er farin að
daprast. „Ég heyri orðið lítið af
því sem presturinn segir í kirkj-
unni, en það kemur ekki að sök.
Gamalt fólk á ekki að þurfa að
hlusta á allt sem er sagt,“ segir
hún glettnislega.
Baráttumál Ellenar er unga
fólkið: „Við þurfum að tryggja at-
vinnu fyrir unga fólkið okkar,
þeirra er framtíðin,“ segir elsti
frambjóðandi Noregs í bæjar-
málapólitíkinni. ■
KANNANIR Tiltölulega lítill munur
er á því fylgi sem stjórnmála-
flokkarnir mælast með í mars í
skoðanakönnunum Fréttablaðs-
ins og Gallup.
Vinstrihreyfingin – grænt
framboð mælist með tíu prósenta
fylgi og sex þingmenn í báðum
könnunum. Frjálslyndi flokkur-
inn nýtur stuðnings fimm
prósenta kjósenda hvort tveggja
í uppsöfnuðum niðurstöðum
Fréttablaðsins og skoðanakönnun
Gallup. Frjálslyndir fengju
samkvæmt því þrjá þingmenn,
einum fleiri en í síðustu þingkos-
ningum.
Mestur munur á fylgi flokks
milli kannana er hjá Framsóknar-
flokknum. Hann fær fjórtán pró-
sent atkvæða og átta þingmenn
samkvæmt könnun Gallup. Í
könnunum Fréttablaðsins fær
hann þremur prósentum minna,
eða ellefu prósent atkvæða, og
sjö þingmenn.
Sjálfstæðisflokkurinn fengi 23
þingmenn samkvæmt báðum
könnunum, en fylgið mælist 35%
hjá Gallup, 36% hjá Frétta-
blaðinu. Samfylkingin fengi 37%
samkvæmt könnun Fréttablaðs-
ins og 24 þingmenn. Samkvæmt
niðurstöðum könnunar Gallup
fengi flokkurinn 23 þingmenn og
35%. ■
Skoðanakannanir um fylgi stjórnmálaflokkanna í mars:
Svipaðar niðurstöð-
ur tveggja kannana
HRÆÐSLA VIÐ INFLÚENSU
Almenningur í Asíu, þar sem ban-
væn inflúensa geisar, notar grímur
til að verja sig sjúkdómnum.
56 látnir af völdum faraldurs:
Fleiri smitast af
Asíuflensunni
ÁFRAM ÍSLAND
„Við höfnum þeim kosti að vera í
hópi þjóða sem lýstu bak við
tjöldin yfir stuðningi við banda-
menn, en óskuðu eftir nafnleynd-
ar til að losna við óþægindi
heima fyrir.“
Davíð Oddsson forsætisráðherra í ræðu sinni á lands-
fundi Sjálfstæðisflokksins. Fréttablaðið, 28. mars.
GLÓRULAUST STRÍÐ
„Þetta eru sjálfseyðingarlegar
aðferðir, fullkomlega órökréttar
og hernaðarlega glórulausar.“
Al Lockwood, talsmaður breska hersins, um þá aðgerð íraska
heraflans að senda 14 skriðdreka gegn herjum bandamanna í
Basra. Allir skriðdrekarnir voru eyðilagðir. Mbl., 28. mars.
ALLTAF SÖMU PRÚÐMENNIN
„Móðir mín sagði mér að íslensk-
ir karlmenn hefði þá komið út úr
bjórkránum, gert hróp að frum-
byggjakonum og jafnvel hrækt á
þær.“
Kanadíski sagnaþulurinn Ruth Christie um hvernig samskipt-
um íslensku innflytjendanna var háttað við frumbyggja
Kanada. Fréttablaðið, 28. mars.
Orðrétt
Frjálslyndir á siglingu
Frjálslyndi flokkurinn vinnur mest allra flokka á samkvæmt uppsöfnuðum niðurstöðum skoðanakann-
ana í mars. Samfylkingin tapar tveimur þingsætum milli mánaða en er áfram stærsti flokkurinn.
GUÐJÓN A. KRISTJÁNSSON
Frjálslyndir eru í mikilli sókn.
DAVÍÐ ODDSSON
Fylgið stendur í stað.
HALLDÓR ÁSGRÍMSSON
Framsóknarflokkur tapar fylgi.
INGIBJÖRG SÓLRÚN
Samfylkingin er áfram stærst.
STEINGRÍMUR J. SIGFÚSSON
Fylgi Vinstri grænna er stöðugt.
SKOÐANAKÖNNUN
FRÉTTABLAÐSINS Í MARS
Flokkur Fylgi Þing-
manna-
fjöldi
Framsóknarflokkurinn 11,2% 7
Sjálfstæðisflokkurinn 36,1% 23
Frjálslyndi flokkurinn 5,3% 3
Samfylkingin 37,4% 24
Vinstri grænir 9,8% 6
FLÚÐU HÁVAÐANN Í KERFINU
Innbrotstilraun var gerð í Safna-
húsið að Görðum á Akranesi að-
faranótt laugardagsins. Þeir sem
voru að verki höfðu spennt upp
glugga og við það fór öryggis-
kerfið í gang. Svo virðist sem
innbrotsþjófarnir hafi lagt á
flótta og í leiðinni rifið niður
gluggatjöld. Röktu öryggisverðir
slóð þeirra í nálæg íbúðahverfi
þar sem slóðin hvarf og máðist
út. Lögreglan vinnur nú að rann-
sókn málsins.
BÍLVELTUR Á BLÁFJALLAVEGI
Tvær bílveltur urðu á Bláfjalla-
vegi á laugardag. Önnur veltan
varð um hádegisbilið og hin síð-
degis á laugardag. Engan sakaði
en bílarnir skemmdust báðir.
Hálka var á veginum og snjór.