Fréttablaðið - 02.05.2003, Blaðsíða 26

CHICAGO, AP Grunur leikur á að
ungur drengur sem skilinn var
eftir á sjúkrahúsi skammt frá
Chicago sé í raun barn sem hvarf
frá þorpi í Norður-Karólínu fyrir
tveimur og hálfu ári síðan. Ekki
verður þó hægt að skera úr um
málið fyrr en eftir fjórar til sex
vikur þegar niðurstöður DNA-
rannsóknar liggja fyrir.
Haustið 2000 hvarf hinn fjög-
urra ári gamli Tristen Myers frá
heimili sínu í Norður-Karólínu.
Fyrir um þremur mánuðum var
komið með lítinn dreng, skítugan
og illa til reika, á sjúkrahús í
Evanston í Illinois. Drengurinn
var aldrei sóttur og var því farið
að grennslast fyrir um uppruna
hans.
Móðir Tristens er bjartsýn á að
sonurinn sé fundinn. „Þeir segja
að drengurinn sé smámæltur. Ég
er smámælt,“ sagði hún í sjón-
varpsviðtali. Yfirvöld hafa mælst
til þess að ættingjar Tristens hitti
ekki drenginn fyrr en niðurstaða
DNA-rannsóknar liggi fyrir. ■
28 2. maí 2003 FÖSTUDAGUR
SEIÐMAÐUR MUNDAR SVERÐ SITT
Töfralæknirinn Mang Deden býr sig undir
að taka á móti sjúklingi á heimili sínu í
Jakarta, höfuðborg Indónesíu. Enn í dag
leita milljónir Indónesa á náðir seiðmanna
í von um að fá bót meina sinna.
Týndur drengur talinn fundinn eftir tvö og hálft ár:
Ættingjar bíða DNA-rannsóknar
DONNA MYERS
Tristen var í umsjá móðursystur sinnar
þegar hann hvarf sporlaust fyrir tveimur og
hálfu ári síðan. Hann hafði farið út að leika
við hunda en kom ekki aftur.
Kosningaauglýsingar:
Aðra stjórn,
betra veður
LONDON, AP „Það rigndi minna
undir stjórn Íhaldsflokksins,“
stóð á auglýsingaspjaldi sem bar
fyrir sjónir lesenda breska blaðs-
ins The Guardian. Við hlið þess
stóðu Iain Duncan Smith, for-
maður Íhaldsflokksins, og kona
hans.
Veggspjaldið var þó ekki
hannað af starfsmönnum Íhalds-
flokksins heldur brá blaðið á leik
vegna slakrar stöðu flokksins í
skoðanakönnunum. Ljósmyndari
blaðsins bað Smith um að standa
við hlið veggspjaldsins og varð
leiðtogi Íhaldsflokksins við þeirri
beiðni. Ljósmyndarinn hafði
reyndar á orði að svo virtist vera
sem Iain Duncan Smith hefði
talið að um raunverulegt vegg-
spjald Íhaldsflokksins væri að
ræða. ■
LEIDDUR Á BROTT Í JÁRNUM
Það getur reynst dýrkeypt að drýgja hetju-
dáð þegar myndatökumenn sjónvarps-
stöðva eru nærri.
Bjargaði fjórum börnum:
Hetja tekin
TEXAS, AP Lögregla í Texas handtók
22 ára gamlan karlmann eftir að
hann hafði bjargað fjórum börn-
um úr eldsvoða, en til þess þurfti
hann að hlaupa þrisvar sinnum
inn í brennandi bygginguna.
Maðurinn var ekki handtekinn
fyrir hetjudáð sína heldur vegna
þess að hann hafði haldið skilorð
vegna fangelsisdóms sem hann
fékk fyrir innbrot. Skilorðsfull-
trúar báru kennsl á hann í sjón-
varpsútsendingu frá eldsvoðan-
um. Hann var handtekinn um leið
og hann hafði lokið viðtali við
sjónvarpsstöð. ■
FORSÆTISRÁÐHERRA EKUR UM RÚSTIRNAR
Það var nöturlegt umhverfið sem Mahmoud Abbas, forsætisráðherra Palestínu, keyrði um
eftir að hann var settur í embætti. Eyðing er mikil í Palestínu, efnahagurinn hruninn og
friðarhorfur takmarkaðar í besta falli.
BEÐIST FYRIR Í SKUGGA BRÁÐALUNGNABÓLGU
Bráðalungnabólgan sem geisar í Suðaustur-Asíu hefur sett líf þar úr skorðum. Þessi
búddíska kona kom þó til bæna í musteri í Hong Kong.
ÍTALSKI FÁNINN Í RÉTTUM LITUM
Sagan segir að þegar ítalski þingmaðurinn Alfonso Pecoraro Scania leit á ítalska fánann
fyrir framan höfuðstöðvar Evrópusambandsins hafi hann líkst meira þeim írska en þeim
ítalska vegna litavalsins. Engar reglur giltu þá um hvaða litabrigði eigi að vera í fánanum.
Scania beitti sér fyrir breytingum sem nú hafa orðið að veruleika. Þess vegna þarf að
sauma fjölda fána fyrir ítalskar stofnanir. Fáninn í réttu litunum er vinstra megin. Scania
telur að rangir litir hafi orðið fyrir valinu.
RUMSFELD Í BASRA
Donald Rumsfeld, varnarmálaráðherra Bandaríkjanna, lagði leið sína til Íraks í fyrsta skipti
eftir að innrásin í Írak hófst. Það fór vel um hann þegar hann ræddi við yfirmenn 7.
bresku bryndeildarinnar, sem er betur þekkt undir nafninu „Eyðimerkurrotturnar“.
UPPREISNAR Í VARSJÁ MINNST
Þess er minnst þessa dagana að 60 ár eru liðin síðan gyðingar í Varsjá gerðu uppreisn
gegn hersetuliði nasista. Uppreisnin vakti upp ugg meðal Þjóðverja en var barin niður af
mikilli hörku. Forsetar Ísraels og Póllands, Moshe Katsav og Aleksander Kwasniewski, tóku
þátt í minningarathöfn um uppreisnina.
REYNT AÐ HINDRA GRJÓTKAST
Bandarískir hermenn skutu á íraska mót-
mælendur í annað skiptið í vikunni þegar
fjöldi manna mótmælti fyrri skotárás á
mótmælendur. Sumir þeirra sem mót-
mæltu reyndu að koma í veg fyrir grjótkast
skömmu áður en skothríðin hófst.
Erlendmyndsjá