Fréttablaðið - 02.05.2003, Blaðsíða 42
29 ÁRA „Ég verð að heiman á af-
mælisdaginn, fer til útlanda,“ seg-
ir Garðar Thór Cortes söngvari,
sem er 29 ára í dag. „Ekki samt út
af afmælinu, heldur vill svo til að
ég er að fara að vinna.“ Hann fer
til Danmerkur í söngtíma og held-
ur síðan til Þýskalands. Söngvarar
eru alltaf að læra. „Það er ágætt að
hafa góðan kennara til að tuska
mann til með reglulegu millibili.“
Röddin er hljóðfæri sem stöðugt
þarf að vera að pússa.
Garðar segist varla geta sagt
að hann geri sér mikinn dagamun
á afmælisdögunum. „Ég get ekki
sagt það. Stundum kaupi ég sjálf-
ur gjöf fyrir mig.“ Þá segist hann
nota tilefnið til á fá sér eitthvað
sem hann hefur lengi langað í.
Garðar Thór hóf klassískt
söngnám átján ára gamall. „.Ég
held ég hafi alltaf viljað verða
söngvari. Það var samt ekki fyrr
en ég var átján ára að ég hóf
klassískt söngnám.“ Eftir að hann
hóf námið var ekki aftur snúið.
Hann er alinn upp við tónlist, for-
eldrarnir báðir tónlistarfólk.
Söngferillinn er að hefjast fyrir
alvöru eftir skólagöngu, þótt hann
hafi töluvert mikið komið fram
með náminu. „Nú er skólagangan
búin í bili. Nú byrjar þetta fyrir al-
vöru. Nú er ég með einhverja þrjá
fjóra umboðsmenn úti um heim og
nú er það þeirra að koma manni
áfram, í viðtöl og prufusöng.”
Garðar segir að sér finnist gam-
an að syngja alls konar tónlist,
enda þótt óperan tróni á toppnum.
„Ég er svo heppinn að hafa rödd
sem leyfir mér að syngja alls kon-
ar tónlist. Sumir söngvarar geta
sungið margvíslega tónlist meðan
aðrir eru meira bundnir á einu
sviði, sem er í sjálfu sér allt í lagi.“
Það er langur ferill fram und-
an. „Söngvarar geta haldið sér í
formi vel yfir sextugt ef þeir eru
með góða tækni. Þannig að það er
bara að passa sig og fara vel með
sig,“ segir Garðar Thór og leggur
á það áherslu að það beri að forð-
ast öfgar í því efni.
haflidi@frettabladid.is
44 2. maí 2003 FÖSTUDAGUR
Afmæli
GARÐAR THÓR CORTES
■ hefur nýlokið söngnámi. Hann heldur
áfram að læra um leið og hann leggur
drögin að söngferlinum.
■ Leiðrétting
Að gefnu tilefni skal tekið fram að hlutverk
Kvikmyndasjóðs er ekki að styrkja gerð tölvu-
leikja.
Utankjörfundaratkvæðagreiðsla í Reykjavík fer fram hjá sýslu-
manninum í Reykjavík, Skógarhlíð 6, rétt sunnan Miklatorgs.
Opið er alla daga milli 10 og 22.
Á kjördag sjálfan, 10. maí, er opið kl. 10 til 18.
Sýslumannsembætti Kópavogs og Hafnarfjarðar lengja opn-
unartíma sína frá og með laugardeginum 3. maí, en þá er
opið frá 10 til 12. Frá 5.-9. maí verður opið frá kl. 9 til 19.
Opið er á kjördag frá 10 til 12.
Upplýsingar um utankjörfundaratkvæðagreiðsluna fást á
kosningaskrifstofu Samfylkingarinnar í Lækjargötu 2a og
í síma 590 3508.
Fyrirspurnir má senda á netfangið: harpa@samfylking.is.
Nánari upplýsingar um utankjörfundaratkvæðagreiðsluna má
finna á kosningavef dóms- og kirkjumálaráðuneytisins,
www.kosning2003.is, og á heimasíðu Samfylkingarinnar,
www.xs.is.
Ert þú á leið
til útlanda?
Kjósum snemma!
5.000 syngja reglulega
Telja má víst að fimm þúsundÍslendingar syngi reglulega og
æfi söng tvisvar í viku sér til
ánægju. Í landinu munu vera
starfandi um 50 blandaðir kórar,
40 karlakórar og ekki færri
barnakórar. Eru þá ótaldir fyrir-
tækja- og fjölskyldukórar sem
einnig æfa reglulega þó þeir séu
hvergi á skrá:
„Það hafa allir gaman af því að
syngja og það geta allir sungið þó
þeir séu laglausir,“ segir Garðar
Cortes, talsmaður Landssambands
blandaðra kóra. „Þetta er mikill
fjöldi sem syngur því yfirleitt eru
um 30 manns í hverjum kór og þá er
bara að leggja saman,“ segir Garð-
ar, sem er sannfærður um og þykist
vita að karlakórar séu starfandi í
hverju plássi á landsbyggðinni.
Söngurinn sameinar og söngurinn
gleður.
Efnisskrá kóranna hefur þróast
mikið á síðustu árum og eru kórar
nú farnir að fást við flóknari verk
en áður. Hins vegar virðist sem
gestir á tónleikum vilji alltaf heyra
gömlu góðu karlakóralögin og ber
þar hæst „Sefur sól við Ægi“ og „Þú
álfu vorrar yngsta land“. Garðar
segir að tónleikagestir vilji kraftinn
og einnig hið blíða í söngnum. Fyrr-
nefnd lög séu dæmi þar um.
Kórastarfið í landinu mun rísa
hvað hæst í Háskólabíói 9. og 10.
maí næstkomandi þegar Óperukór-
inn flytur þar War Requiem, eða
sálumessu stríðs, eftir Benjamin
Britten með Sinfóníuhljómsveitinni
undir stjórn Vladimirs Askenazi.
Aðrir kórar láta sér duga minna en
syngja þó af sömu gleði – um land
allt. ■
Ég hef stundum lýst henni þann-ig að hún hafi gott vaxtarlag
og enn betra geðslag. Þó er hjarta-
lagið best,“ segir Pálmi Gestsson
leikari um eiginkonu sína, Sigur-
laugu Halldórsdóttur flugfreyju.
Pálmi og Sigurlaug hafa verið
saman í sjö ár og gengu í heilagt
hjónaband á gamlársdag í fyrra.
Söngvari á
þröskuldi ferilsins
Ólafur Þórðarson, bóndi á Ökrum, lést
28. apríl.
Guðfinna Kristín Guðmundsdóttir,
Hófgerði 2, Kópavogi, lést 26. apríl.
Sigurður Valgeir Sveinsson, Helgafells-
braut 18, Vestmannaeyjum, lést 17. apríl.
Útför hans fór fram í kyrrþey.
11.30 Anna Soffía Axelsdóttir Guest
verður jarðsungin frá All Angels
Church í Brinkworth.
13.30 Björn Þorgeirsson, Sólvallagötu
3, Reykjavík, verður jarðsunginn
frá Dómkirkjunni í Reykjavík.
13.30 Guðrún Jóhanna Sigtryggsdóttir,
Munkaþverárstræti 32, Akureyri,
verður jarðsungin frá Akureyrar-
kirkju.
13.30 Helga Bæringsdóttir verður jarð-
sungin frá Háteigskirkju.
14.00 Þorsteinn Sigurvaldason frá Eld-
járnsstöðum verður jarðsunginn
frá Blönduóskirkju.
15.00 Anna Einarsdóttir, Bugðutanga 8,
Mosfellsbæ, verður jarðsungin frá
Lágafellskirkju.
15.00 Kristbjörg Ó. Óskarsdóttir, Gull-
smára 7, Kópavogi, verður jarð-
sungin frá Fossvogskirkju.
16.00 Jakob Jón Kristján Snælaugs-
son, Kirkjubraut 13, Innri-Njarðvík,
verður jarðsunginn frá Innri-Njarð-
víkurkirkju.
Jón Böðvarsson er 73 ára í dag.
Cecil B. Haraldsson er 60 ára í dag.
Valtýr Björn Valtýsson er 40 ára í dag.
ÓPERUKÓRINN
Það syngur enginn leiður maður.
Kórar
■ Leitun er að byggðu bóli hér á landi
þar sem ekki er starfandi karlakór en
þeir munu vera um 40 talsins. Blandaðir
kórar eru 50 og barnakórar ekki færri.
■ Konan mín
GARÐAR THÓR CORTES
Vildi alltaf verða söngvari en tók sér tíma þangað til hann var átján ára að ákveða hvernig
söngvari hann vildi verða.
■ Andlát
■ Afmæli
■ Jarðarfarir
■ Veistu svarið?
Svör við spurningum á bls. 6
1.
2.
3.
Shorts & Docs.
A.P. Möller.
Keith Flint.
FR
ÉT
TA
B
LA
Ð
IÐ
/V
IL
H
EL
M