Fréttablaðið - 05.05.2003, Blaðsíða 4

4 5. maí 2003 MÁNUDAGUR
■ Bandaríkin
Fórstu í kröfugöngu á
verkalýðsdeginum?
Spurning dagsins í dag:
Á Reykjavíkurborg að auka framlag sitt
til Leikfélags Reykjavíkur?
Niðurstöður gærdagsins
á www.frett.is
87%
13%
Nei
Já
Kjörkassinn
Farðu inn á frett.is og segðu þína skoðun
frétt.is
Veitt þvert
á samninga
Óánægju gætir meðal sjómanna og útgerðarmanna að íslenskir aðilar
stuðli að veiðum erlendra skipa við íslenska landhelgi sem ganga þvert
á alla samninga sem Íslendingar hafa gert.
VEIÐAR Veiðar erlendra skipa á
Reykjaneshryggnum, sem eru
sum að hluta í eigu íslenskra að-
ila, vekja reiði meðal sjómanna
og útgerðarmanna.
„Það er mjög dapurt og for-
kastanlegt að íslenskir aðilar
stuðli að veiðum sem ganga þvert
á alla samninga sem Íslendingar
hafa gert,“ segir Árni Bjarnason,
formaður Farmanna- og fiski-
mannsambandsins um veiðar
skipa undir erlendu flaggi.
„Það þarf að taka á þessu að
hálfu hins opinbera. Þessi skip
hafa hvergi kvóta og koma ekki
með neinn kvóta með sér þegar
þau veiða hérna við Ísland, ég
tala nú ekki um þegar þau eru að
læða sér inn fyrir 200 mílurnar,“
segir Árni. Hann segir skipin
bæði ólögleg gagnvart lögsög-
unni og kvótalaus og megi veiða
hvorugu megin
við línuna. Hon-
um finnst vanta
í umræðuna
hvað sé að ger-
ast með Land-
helgisgæsluna,
það sé alltaf
verið að draga
saman hjá þeim.
Það séu engin
smá verkefni
sem þeim sé falið og fjármagnið
takmarkað þannig að þeir ráði
ekkert við þetta.
„Mér finnst dapurt að hugsa til
þess að það sama sé að gerast nú
og í fyrra,“ segir Þorsteinn Már
Baldvinsson, forstjóri Samherja,
um þátttöku íslenskra aðila í veið-
um þvert á gerða samninga ýmist
með eignarhaldi eða afurðakaup-
um. Hann segir að í fyrra hafi því
verið svarað til að búið væri að
kaupa umbúðir og fleira. „Um-
búðirnar hljóta að vera búnar
þannig að ég vonast til að hægt sé
að stoppa þessar veiðar með ein-
hverjum ráðum. Einnig er spurn-
ing hvert þessi fiskur er að fara.
Ég er að vonast til þess að meðal
annars Evrópusambandið muni
taka á þessum málum með því að
hleypa ekki fiskinum inn í landið.
Við Íslendingar eigum ekki að
vera þátttakendur í þessu,“ segir
Þorsteinn Már.
hrs@frettabladid.is
Powell á ferð um
Miðausturlönd:
Verður
lítið ágengt
BEIRÚT, AP Emile Lahoud, forseti
Líbanons, sagði við Colin Powell,
utanríkisráðherra Bandaríkjanna,
að skæruliðasamtökin Hezbollah
væru fullkomlega löglegur stjórn-
málaflokkur sem hefði átt drjúg-
an þátt í að binda enda á átján ára
langt hernám Ísraelsmanna í suð-
urhluta landsins. Hann sæi því
enga ástæðu til þess að verða við
kröfum Powells um að leysa upp
hersveitir Hezbollah í suðurhluta
Líbanons.
Lahoud neitaði einnig að verða
við kröfum Powells um að fara
þess á leit að Sýrlendingar dragi
herlið sitt út úr Líbanon. Vera sýr-
lenska hersins í Líbanon væri full-
komlega réttmæt.
Powell kom til Líbanons í gær
og ræddi við Lahoud. Á laugar-
daginn var Powell í Sýrlandi og
spjallaði þar við Bashar Assad
forseta. Powell hvatti Assad til að
láta af stuðningi við Hezbollah og
tryggja jafnframt að landamæri
Íraks og Sýrlands verði kyrfilega
lokuð, þannig að hvorki eftirlýst-
ir íraskir ráðamenn og hermenn
né tækjabúnaður geti komist á
milli. ■
Rússneskir geimfarar:
Lentu
langt frá
réttum stað
ASTANA, AP Tveir bandarískir og
einn rússneskur geimfari fund-
ust heilir á húfi í gær skammt
norðan við Aralhaf í Kasakstan.
Geimfar þeirra, af gerðinni
Soyuz, lenti hundruð kílómetra
frá áætluðum lendingarstað og
fannst ekki fyrr en eftir klukku-
tíma leit.
Þetta voru fyrstu geimfararn-
ir sem koma til jarðar frá Alþjóð-
legu geimrannsóknastöðinni frá
því bandaríska geimskutlan Col-
umbia fórst þann 1. febrúar síð-
astliðinn.
Þetta er líka í fyrsta sinn sem
bandarískir geimfarar koma til
jarðar í geimfari sem ekki er
bandarískt og lenda annars stað-
ar en á bandarísku yfirráða-
svæði. ■
RÁÐAMENN RÍFAST UM KÚBU-
FANGA Colin Powell, utanríkis-
ráðherra Bandaríkjanna, hefur
sent harðort bréf til Donalds H.
Rumsfeld landvarnaráðherra
varðandi fangana, sem handtekn-
ir voru í Afganistan og dveljast
nú í rammgerðu fangelsi banda-
ríska hersins á Kúbu. Powell vill
að Rumsfeld láti starfsmenn sína
komast sem fyrst að niðurstöðu
um það hvaða föngum megi
sleppa úr haldi.
DEMÓKRATAR SPÁ Í FORSETAEFNI
Níu bandarískir demókratar, sem
allir sækjast eftir því að verða
forsetaefni flokksins í næstu
kosningum, hittust á fundi í bæn-
um Columbia í Suður-Karólínu og
rifust þar heiftarlega um skatta-
mál, heilbrigðistryggingar og
stríð Bandaríkjanna gegn Írak.
Tilgangur fundarins var að kom-
ast að því hver þeirra væri lík-
legastur til að geta velt Bush for-
seta úr sessi.
EÐALBORIN
Lömbin þeirra Golsu og Glæsis eru líkari
föður sínum en móður.
Sauðburður hafinn
í Húsdýragarðinum:
Konungs-
hjónin komin
SAUÐBURÐUR Sauðburður hófst í Hús-
dýragarðinum í Laugardal á laugar-
daginn þegar móflekkótt gimbur
leit dagsins ljós. Skömmu síðar kom
mórauður hrútur í heiminn. Fyrstu
lömb kindahópsins á hverju sumri
eru gjarnan nefnd lambadrottning
og lambakóngur.
Móðirin, Golsa, er þriggja vetra
gömul og kom í Húsdýragarðinn
fyrir tveimur árum frá Miðhúsum á
Ströndum. Hún var einnig tvílembd
í fyrravor. Faðirinn heitir Glæsir og
er móflekkóttur. Móður og lömbum
heilsast vel. ■
Gömlu eigendur Ísbúðarinnar í Álfheimum opnuðu nýja ísbúð:
Ísinn lak út á nýjum stað
VERSLUN Fyrrum eigendur Ísbúð-
arinnar í Álfheimum opnuðu á
laugardag nýja búð í Fákafeni 9.
Í tilefni opnunarinnar var ísinn
boðinn á sama verði og þegar
þeir opnuðu fyrst ísbúðina í Álf-
heimum fyrir 16 árum síðan.
Veðurblíðan um helgina skemm-
di svo ekki fyrir og var fullt út að
dyrum öllum stundum.
„Það urðu mjög margir frá að
hverfa, við náðum engan veginn
að anna þessu,“ segir Erla Er-
lendsdóttir annar eigandi ísbúð-
arinnar í Fákafeni. „Ég var að
vinna fram að miðnætti á laugar-
dag. Það voru ábyggilega fleiri
hundruð manns sem komu hing-
að báða dagana.“
Erla og eiginmaður hennar
seldu Ísbúðina í Álheimum fyrir
þremur árum síðan. Sú búð hefur
verið vinsæl látlaust síðan. Þrátt
fyrir það segist Erla ekki vera
viss af hverju hjónin hafi átt
slíkri velgengni að fagna í ísbúð-
arrekstri.
„Mín aðalskýring er sú að ég
keyri ísinn í gegnum eldgamlar
vélar. Mér finnst nýju vélarnar
ekki skila af sér eins bragðgóð-
um ís, þó að við notum sömu
blöndu og svo margir aðrir,“
segir Erla. ■
Vilhjálmur prins:
Hyggst flýja
úr landi
LONDON, AP Vilhjálmur prins í
Bretlandi, sonur þeirra Karls og
Díönu heitinnar, vill flytja úr
landi til þess að geta fengið frið
í einkalífinu.
Vilhjálmur stefnir á að búa í
Bandaríkjunum, að minnsta
kosti í nokkur ár, eftir að hann
lýkur háskólanámi í Bretlandi.
Hann ætlar annað hvort að
stunda þar framhaldsnám eða fá
vinnu í listasafni.
Vilhjálmur er 21 árs núna, en
verður orðinn 25 ára þegar hann
lýkur námi sínu í listasögu og
landafræði við St. Andrews há-
skólann í Skotlandi. ■
Færeyskir foreldrar:
Svipt forræði
sex barna
DÓMSMÁL Færeyskir foreldrar hafa
verið sviptir forræði sex barna
sinna samkvæmt dómi í Héraðs-
dómi Reykjaness.
Fólkið var á flótta undan barnar-
verndaryfirvöldum í Færeyjum og
dvaldist með börnin á tjaldsvæði í
Reykjanesbæ þegar barnarvernd-
aryfirvöld þar í bænum hófu af
þeim afskipti.
Héraðsdómur Reykjaness taldi
vinnubrögð meðferð barnaverndar-
yfirvalda afar ábótavant. Í raun
bæri að ógilda ákvörðun um for-
ræðissviptinguna á þeim grund-
velli. Það væri hins vegar hag barn-
anna fyrir bestu að dvelja áfram hjá
fósturforeldrum sínum. ■
COLIN POWELL BÝR SIG UNDIR SJÓNVARPSÚTSENDINGU
Strax að lokinni ferð sinni til Sýrlands og Líbanons kom hann fram
í bandarísku sjónvarpi í gær.
ÍSLENSKA FISKVEIÐILÖGSAGAN
Veiðar út af íslensku lögsögunni fara fyrir brjóstið á sjómönnum og útgerðarmönnum.
„Ég segi að
við Íslending-
ar eigum ekki
að vera þátt-
takendur í
þessu.
AP
/M
YN
D
ÍSBÚÐIN Í FÁKAFENI
Hlutafélag eigenda Ísbúðarinnar í Fákafeni
heitir enn „Ísbúðin í Álfheimum“. Erla segir
nafnabreytingu væntanlega. Um helgina
var veður gott og ísinn seldur á 16 ára
gömlu verði.