Fréttablaðið - 09.05.2003, Blaðsíða 8

Fréttablaðið - 09.05.2003, Blaðsíða 8
8 9. maí 2003 FÖSTUDAGUR Samkeppni er synd Það eru miklar breytingar í loft- inu og öðruvísi stemmning í þjóðfélaginu - Mogginn er ekki lengur stærsta blaðið, Flugleiðir eru komnir með alvöru sam- keppni, og Sjálfstæðisflokkurinn kominn með alvöru samkeppni. Hallgrímur Helgason. Silfur Egils, 7. maí. Ekki lýgur Mogginn Útlegging Morgunblaðsins á orð- um mínum að ég vilji frekar út- boð á heimsvísu, en „viðhalda núverandi kerfi í sjávarútvegi,“ er beinlínis röng. Stefán Jón Hafstein, Morgunblaðið, 7. maí. Menn farnir að örvænta? Líklega hefur aldrei sést dapur- legri endasprettur í kosninga- baráttu á Íslandi. Jón Steinar Gunnlaugsson, gagnrýnir Samfylk- inguna. Morgunblaðið 7. maí. Orðrétt FRAMBJÓÐENDUR VG Í REYKJAVÍK - NORÐUR KOSNINGABARÁTTAN „Við finnum mjög jákvæða strauma og mik- inn meðbyr,“ segir Ingvar Sverr- isson kosningastjóri Samfylk- ingarinnar í Reykjavík. „Það er eitthvað í loftinu. Þetta er sama tilfinning og var 1994, þegar Reykjavíkurlistinn fór fram. Maður finnur að það er eitthvað að gerast, eitthvað nýtt að verða til.“ Ingvar segir frambjóðendur hafa verið á þeytingi um alla borgina að tala við kjósendur undanfarnar tvær vikur og aldrei meira en nú, á endasprett- inum. Hann kveðst sáttur við kosningabaráttuna. „Já, ég er mjög sáttur við hana. Við erum búin að reka baráttuna þannig að við höfum reynt að hafa gaman af þessu og tala við eins marga kjósendur og við mögulega get- um,“ segir Ingvar. „Frambjóð- endur eru búnir að vera hörku- duglegir við að ganga um og hitta fólk, koma okkar stefnu á framfæri og raunverulega ræða við það og hlusta á það sem það hefur að segja.“ Ingvar segir bjartsýni vera ríkjandi í kosningamiðstöðinni og að jafnaði komi þangað mjög mikið af fólki til þess að setjast niður og spá í spilin, eða leita sér upplýsinga. „Í vikunni, til dæm- is, buðum við öryrkjum í síðdeg- iskaffi, og það var stútfullt hús,“ segir Ingvar. „Það er ofsalega góður andi hérna. Við finnum það líka hvar sem við komum, að fólk er jákvætt og veltir kosn- ingunum mjög mikið fyrir sér. Við finnum fyrir viljanum og lönguninni í breytingar, í eitt- hvað nýtt, í aðrar áherslur.“ Mikið er skrafað í kosninga- miðstöðinni við Lækjargötu, segir Ingvar, um möguleg stjórnarmynstur og þess háttar. Hann segir allar þær umræður bera að sama brunni. „Það er alltaf niðurstaðan úr öllum svona umræðum, að ef Samfylk- ingin verður ekki sigurvegari kosninganna, þá verður raun- verulega ekki hægt að mynda nýja ríkisstjórn í landinu,“ segir hann. „Aftur á móti, ef Samfylk- ingin vinnur sigur, þá verður hægt að breyta til. Svo einfalt er það. Þá verður hægt að mynda hér nýja ríkisstjórn jöfnuðar og réttlætis, annars ekki.“ gs@frettabladid.is INGVAR SVERRISSON Kosningastjóri Samfylkingarinnar í Reykjavík segir bjartsýni ríkja í her- búðum Samfylkingarinnar. Flokkurinn stóð fyrir hátíð í Smáralind í gær. Það er eitthvað í loftinu Segir Ingvar Sverrisson kosningastjóri Samfylkingarinnar í Reykjavík. Hann líkir stemmning- unni í sínum herbúðum við stemmninguna hjá Reykjavíkurlistanum í kosningunum 1994. WASHINGTON, AP Bandarísk yfir- völd ætla að senda yfir 2.000 sér- fræðinga til viðbótar til Írak til þess að taka þátt í leitinni að ger- eyðingarvopnum og aðstoða her- inn við að hafa hendur í hári ír- askra ráðamanna. Virtur banda- rískur hershöfðingi mun hafa yf- irumsjón með starfi sérfræðing- anna. Hópurinn samanstendur af um 1.300 tölvusérfræðingum, leyni- þjónustumönnum og vopnasér- fræðingum auk 800 aðstoðar- manna. Helmingur liðsins mun taka þátt í vopnaleitinni á meðan hinum er ætlað að fara yfir upp- lýsingar um samstarfsmenn Saddams Hussein, meinta stríðs- glæpi, írösku leyniþjónustuna, stríðsfanga og ýmislegt fleira. Bandarískir eftirlitsmenn hafa leitað að gereyðingarvopn- um svo vikum skiptir en standa þó enn með tvær hendur tómar. Það ber þó að hafa í huga að að- eins hefur verið farið yfir um 110 af þeim 1.400 stöðum sem fyrir- hugað er að rannsaka. Bandarísk yfirvöld hafa til- kynnt að stefnt sé að því að sækja Saddam Hussein og ýmsa sam- starfsmenn hans til saka fyrir glæpi gegn mannkyninu ef þeir nást á lífi. Ekki liggur þó fyrir hvort réttað verður yfir mönnun- um í Írak eða þeir dregnir fyrir alþjóðlegan dómstól. ■ RANNSÓKNARSTOFA Á HJÓLUM Bandarískir eftirlitsmenn rannsaka dráttarvagn sem grunur leikur á að hafi gegnt hlutverki rannsóknarstofu þar sem framleidd hafi verið sýklavopn fyrir írösk yfirvöld. Leitin að gereyðingarvopnunum í Írak: Fjórfalda lið sérfræðinga FR ÉT TA B LA Ð IÐ /R Ó B ER T

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.