Fréttablaðið - 14.05.2003, Blaðsíða 2

2 14. maí 2003 MIÐVIKUDAGUR
„Er mér boðið?“
Hannes Hólmsteinn Gissurarson prófessor hefur
lengi gagnrýnt embætti forseta Íslands. Forsetinn
á afmæli í dag.
Spurningdagsins
Hannes, ætlar þú í afmæli forsetans?
Þingmenn
Framsóknarflokksins:
Þögn og
farbann
STJÓRNARMYNDUN „Við eigum að
vera í kallfæri,“ segir Magnús
Stefánsson, þingmaður Fram-
sóknarflokksins. „Það getur ver-
ið að við þurfum að koma saman
með skömmum fyrirvara.“
Ákveðið var á þingflokksfundi
framsóknarmanna að þing-
mennirnir héldu sig í grennd við
höfuðborgina á meðan á stjórn-
armyndunarviðræðunum stend-
ur.
Jafnframt mun hafa verið árétt-
að á fundinum að þingmenn létu
sem minnst frá sér fara í fjöl-
miðlum. ■
Mörg tilræði verið gerð að útlendingum:
Útlendingar ekki velkomnir
SÁDI-ARABÍA, AP Sprengingarnar í
Riyadh, höfuðborg Sádi-Arabíu,
sem drógu fjölda manns til
dauða, eru ekki fyrstu árásirnar
sem beint er gegn fólki af vest-
rænum uppruna í landinu.
Þrír létust og átta særðust
alvarlega í nóvember fyrir
þremur árum þegar sprengjur
sprungu á ýmsum stöðum í
Riyadh.
Nítján létust og hundruð
manns af ýmsu þjóðerni særðust
í bílsprengju í austurhluta lands-
ins árið 1996. Lítið þekkt samtök,
sem kölluðu sig Hamas, lýstu
ábyrgð á verknaðinum á hendur
sér.
Hefur það vakið athygli
manna hversu mikil andstaða
virðist krauma í Sádi-Arabíu
gagnvart öllum erlendum, og þá
sérstaklega bandarískum, áhrif-
um. Flestir flugræningjanna sem
stóðu fyrir hryðjuverkunum 11.
september komu frá Sádi-Arabíu
og hættulegasti hryðjuverkamað-
ur heimsins, Osama Bin Laden,
er fæddur þar og uppalinn. ■
Keppt um lausa
ráðherrastöðu
Ef Framsóknarflokkur fær sex ráðuneyti er ein staða laus, að því gefnu
að núverandi ráðherrar á meðal þingmanna haldi embætti.
STJÓRNARMYNDUN „Ég hef áhuga á
ráðherraembætti eins og allir aðr-
ir,“ segir Jónína Bjartmarz, þing-
maður Framsóknarflokksins í
Reykjavík suður. „Það er ekkert
ráðuneyti umfram annað sem ég
hef sérstakan áhuga á.“ Víða er
skeggrætt um það hverjir verða
ráðherrar á næsta kjörtímabili. Ef
Framsóknarflokkurinn heldur sex
ráðuneytum í næstu ríkisstjórn er
ljóst að eitt embætti losnar, þar
sem Páll Pétursson félagsmála-
ráðherra er hættur þingmennsku.
Enginn einn núverandi ráðherra
Framsóknarflokksins þykir
standa ótraustum fótum, af viðtöl-
um við framsóknarmenn að
dæma, þegar og ef til útdeilingar
ráðuneyta kemur.
Tveir þingmenn virðast helst
koma til greina sem nýir ráðherrar.
Það eru þau Jónína Bjartmarz og
Magnús Stefánsson, þingmaður
flokksins í Norðvesturkjördæmi.
„Gamlan reglan um það að ráðherr-
arnir eigi að vera í fyrsta sæti í sínu
kjördæmi er enn í fullu gildi,“ sagði
einn framsóknarmaður. Ef henni er
beitt koma bæði Magnús og Jónína
til greina. Reglan er þó ekki algild.
Einn núverandi ráðherra flokksins,
Jón Kristjánsson, er ekki fyrsta
sætis maður. Staða hans þykir hins
vegar sterk, sérstaklega í ljósi kosn-
ingaúrslitanna í kjördæmi ráðherr-
ans, Norðaustur, þar sem Framsókn
vann sinn stærsta sigur. Auk þess
býr hann yfir umtalsverðri reynslu.
Þriðji maðurinn sem kemur
sterklega til greina er Hjálmar
Árnason, sem er annar tveggja
þingmanna flokksins í Suðurkjör-
dæmi. Helsta von Hjálmars, segja
kunnugir, er sú að Framsóknar-
flokkurinn fái menntamálaráðu-
neytið. Hjálmar er fyrrum skóla-
meistari og menntaður í kennslu-
fræðum. Það kann þó ekki endilega
að ráða úrslitum og Hjálmar getur
líka komið til greina í önnur ráðu-
neyti. Allir viðmælendur blaðsins
áttu það sameiginlegt að vita lítið
um hvað framtíðin ber í skauti sér í
þessum efnum. Spenningurinn
leyndi sér þó ekki, því eins og einn
viðmælandi innan þingflokks Fram-
sóknarflokksins orðaði það: „Við
erum öll egóistar. Maður verður að
vera það ef maður ætlar að ná langt
í stjórnmálum.“
gs@frettabladid.is
Verðlag:
Verð-
hjöðnun
EFNAHAGSMÁL Verðhjöðnun varð
milli apríl og maí samkvæmt
mælingum Hagstofu Íslands.
Lækkunin nam 0,18%. Lækkun-
in er enn meiri, eða 0,31%, sé
hækkun á verði húsnæðis ekki
tekin með í reikninginn.
Á síðustu tólf mánuðum hef-
ur vísitala neysluverðs hækkað
um 2,2% og vísitala neysluverðs
án húsnæðis um 0,9%.
Undanfarna þrjá mánuði
hefur vísitala neysluverðs
hækkað um 1,0%. Það jafngildir
4,2% verðbólgu á ársgrundvelli.
Verðbólguhraðinn hefur því
verið heldur meiri síðustu þrjá
mánuði en næstu níu mánuði þar
á undan. ■
Nató tekur
gagnrýni Rússa:
Lofar sam-
starfið í
hástert
RÚSSLAND, AP „Sambandið á milli
Rússa og Nató er að verða ein af
meginstoðum í öryggisþætti
bandalagsins,“ sagði Igor Ivanov,
utanríkisráðherra Rússlands, eft-
ir fund nýrra
samtaka innan
Nató í Moskvu.
Robertson lá-
varður, yfirmað-
ur Nató, tók und-
ir þetta. „Við höf-
um náð mikils-
verðum árangri
og engin spurn-
ing að Natóríkin
hafa haft mikið
gagn af reynslu
Rússa í ýmsum
málefnum.“
Rússar hafa gagnrýnt þjóðir
Nató fyrir að hrinda ekki í fram-
kvæmd ýmsum milliríkjasáttmál-
um sem þær hafa skrifað undir.
Þess vegna hefur verið stofnuð
sérstök Rússlandsdeild innan
Nató, m.a. til að taka á vandamál-
um í samstarfinu. ■
Umdeild réttarhöld
í Noregi:
Sjónvarps-
stjóri
sýknaður
OSLÓ, AFTENPOSTEN Í febrúar á síð-
asta ári sýndi sjónvarpsstöðin
TV2 í Noregi myndir af Viggo
Kristiansen, 23 ára gömlum Norð-
manni, þar sem hann sat, glott-
andi með tyggjó, í norskum rétt-
arsal og var dæmdur í 21 árs
fangelsi fyrir að nauðga og myrða
tvær ungar stúlkur. Vöktu mynd-
irnar hörð viðbrögð landsmanna
og fór glottið fyrir brjóstið á
mörgum.
Lög í Noregi kveða á um að
ekki megi dreifa myndum af af-
brotamönnum nema með sam-
þykki þeirra sjálfra. Yfirmaður
TV2 var sýknaður með þremur at-
kvæðum gegn tveimur. ■
ASÍ mótmælir úrskurði Kjaradóms:
Kaldar kveðjur til launafólks
LAUNAHÆKKANIR Alþýðusamband
Íslands mótmælir harðlega ný-
gengnum úrskurði Kjaradóms um
hækkun launa æðstu embættis-
manna. Í yfirlýsingu frá samtök-
unum segir meðal annars að fyrir
liggi að þessar hækkanir séu al-
gjörlega órökstuddar og í engu
samræmi við launaþróun á al-
mennum vinnumarkaði.
„Þetta eru því afar kaldar
kveðjur til almenns launafólks
sem eitt hefur mátt axla byrð-
arnar af því að tryggja hér stöð-
ugleika. Alþýðusamband Íslands
telur að þessi úrskurður muni
torvelda endurnýjun kjara-
samninga um næstu áramót,
meðal annars hvað varðar tíma-
lengd þeirra,“ segir í yfirlýsing-
unni.
Alþýðusambandið lýsir furðu
sinni á því að Kjaradómur skuli
hafa valið að birta þennan úr-
skurð daginn eftir kosningar, en
ekki fyrir þær.
Síðast hækkaði Kjaradómur
laun þessara aðila þann 1. janúar
2003 og þá tvöfalt meira en al-
mennar launahækkanir kváðu á
um. ■
RIYADH
Margar íbúðir og byggingar
voru rústir einar.
HJÁLMAR ÁRNASON
Menntaður í embætti menntamálaráð-
herra.
LAUNAFÓLK HEFUR MÁTT AXLA BYRÐARNAR
ASÍ telur að þessi úrskurður muni torvelda endurnýjun kjarasamninga um næstu áramót,
meðal annars hvað varðar tímalengd þeirra.
MAGNÚS STEFÁNSSON
Leiddi listann í kjördæmi fráfarandi ráð-
herra.
JÓNÍNA BJARTMARZ
Í fyrsta sæti í Reykjavík suður.
Alcoa í Mexíkó:
Yfir 4.000
uppsagnir
MEXÍKÓ Bandaríski álrisinn Alcoa til-
kynnti að fyrirhugað væri að segja
upp 4.250 starfsmönnum í bílahluta-
verksmiðjum fyrirtækisins í
Mexíkó. Þetta kemur fram á heima-
síðu Alcoa. Gripið er til þessa vegna
endurskipulagningar og markaðs-
aðstæðna. Haft er eftir Jose Alvardo
framkvæmdastjóra að samkeppni í
bílaframleiðslu í Norður-Ameríku sé
afar hörð. Af þeim sökum verði að
grípa til þessa ráðstafana.
ROBERTSON
LÁVARÐUR
Samvinna Rússa
mjög mikilvæg
innan Nató.