Fréttablaðið - 19.05.2003, Blaðsíða 15
15MÁNUDAGUR 19. maí 2003
BORÐTENNIS Sex Íslendingar keppa
á heimsmeistaramótinu í borð-
tennis sem hefst í París í dag.
Keppt verður í einliðaleik og tví-
liðaleik og taka um 180 þjóðir þátt
í mótinu.
Í liði Íslands, sem landsliðs-
þjálfarinn Hu Dao Ben valdi, eru
eftirtaldir: Guðmundur E. Steph-
ensen, Markús Árnason og Sig-
urður Jónsson (allir úr Víking),
Aldís Rún Lárusdóttir og Kristín
Hjálmarsdóttir (báðar úr KR) og
Halldóra Ólafs úr Víking.
Mótinu lýkur á laugardag. ■
FÓTBOLTI Norska félagið Rosen-
borg BK var stofnað þennan dag
árið 1917. Rosenborg, sem hét
Odd BK fyrsta áratuginn, komst
ekki í fremstu röð í Noregi fyrr en
á sjöunda áratugnum. Árið 1960
sigraði félagið í fyrsta skipti í bik-
arkeppninni og sjö árum síðar í
deildinni í fyrsta sinn.
Á ýmsu gekk í starfi félagsins
á áttunda áratugnum, sigrar í
deild og bikar og fall í 2. deild árið
1977. Á þessum árum var samt
lagður grunnurinn að velgengni
félagsins í seinni tíð. Nils Arne
Eggen hóf þjálfaraferil sinn árið
1971 og stýrði Rosenborg til sig-
urs í deild og bikar á fyrsta ári.
Hann tók við þjálfun félagsins að
nýju árið 1988 og aftur sigraði
Rosenborg bæði í deild og bikar á
fyrsta ári hans sem þjálfara.
Eggen hætti þjálfun í fyrra eft-
ir að Rosenborg hafði sigrað í
deildinni ellefta árið í röð. Rosen-
borg lék einnig í Meistaradeild
Evrópu óslitið frá 1995 og verður
varla um deilt að félagið er fremst
allra liða á Norðurlöndum. ■
Helgi Sigurðsson skoraði eittmark þegar Lyn vann Sta-
bæk 3:1 í norsku úrvalsdeildinni í
fótbolta. Lyn komst með sigrin-
um upp í þriðja sæti deildarinnar
en Stabæk situr eftir í því sjö-
unda. Rosenborg er efst í deild-
inni með fullt hús stiga.
Jóhannes B. Jóhannesson tryg-gði sér Íslandsmeistartitilinn í
snóker í fjórða sinn um helgina.
Stofndagur:
Rosenborg á afmæli í dag
ÁRNI GAUTUR
Árni Gautur Arason í leik gegn Celtic. Árni
var á varamannabekknum í liði Rosen-
borg sem vann Sogndal á föstudag með
þremur mörkum gegn einu. Rosenborg er
efst í norsku deildinni með fullt hús stiga,
18 talsins.
■ Íþróttir
HM í borðtennis:
Sex Íslendingar keppa
LANDSLIÐIÐ
Landslið Íslands í borðtennis. Frá hægri:
Sigurður Jónsson, Markús Árnason, Guð-
mundur Stephensen, Hu Dao Ben, Hall-
dóra Ólafs, Kristín Hjálmarsdóttir og Aldís
Rún Lárusdóttir.