Fréttablaðið - 19.05.2003, Blaðsíða 40
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Réttlátur
dómur
Það var vel til fundið að kjaradóm-ur skyldi velja daginn eftir kosn-
ingar til að kunngjöra þann réttláta
og viturlega úrskurð sinn að laun
æðstu manna ríkisins skuli hækka
um 20%. Það er gott að alþingismenn
skuli fá mannsæmandi laun frá
fyrsta degi í þessu erfiða starfi. Það
er líka ágætt búsílag fyrir fallna al-
þingismenn að fá 20% verðskuldaða
hækkun ofan á það sem þeir fá í bið-
laun fyrir að tapa í kosningunum.
Ráðherrarnir eru síst ofhaldnir þótt
þeir fái eitthvað á annað hundrað
þúsund krónur til viðbótar á mánuði
fyrir sína vinnu.
ALDREI hef ég heyrt Davíð barma
sér út af kaupinu sínu. Aldrei hef ég
vitað til þess að Halldór bæri sig illa.
Aldrei hef ég heyrt um alþingismann
sem hefur sagt starfi sínu lausu til að
afla sér meiri tekna annars staðar.
Aldrei hef ég heyrt um að þingmenn
eða ráðherrar séu á snöpum eftir
sumarvinnu. Hvað þá að þetta fólk sé
að bera út blöð á morgnana.
SAMT er eyra kjaradóms svo næmt
að það greinir áhyggjustunur úr Al-
þingi og ráðuneytum og kjaradómar-
arnir koma á vettvang eins og björg-
unarsveit strax að loknum kosningum
og reyna að bæta og hugga og veita
aðhlynningu. Svona eiga réttlátir
dómarar að vera. Þeir eiga að sjá til
þess að fólk fái makleg málagjöld.
Þeir eiga að sjá til þess að ALLIR fái
makleg málagjöld. Og það reyndu
kjaradómarar að gera, þeir hækkuðu
alla sem þeirra umboð nær til um
20%, allt frá hinum hæsta niður í
hinn lægsta.
ÞVÍ MIÐUR nær lögsaga kjara-
dóms ekki til allra Íslendinga, svo að
réttlæti hins óvilhalla dóms gildir
bara fyrir suma. En miðað við þann
skilning sem dómurinn sýndi óviðun-
andi kjaramálum hinna hæst launuðu
þarf ekki mikla rökvísi til að álykta
að láglaunafólk hefði fengið miklu
meiri launahækkun ef kjaradómur
fengi að ráða. Það þyrfti að tvöfalda
laun þeirra sem lægst hafa launin til
að slaga upp í þá launahækkun sem
kjaradómur úrskurðaði til handa
þeim launahæstu. Og þess vegna von-
ar maður að nýir ráðherrar á nýjum
og betri launum sjái viskuna og rétt-
lætið í því að fela kjaradómi einnig
að úrskurða um laun þeirra sem
alltaf gleymast. ■
Bakþankar
ÞRÁINS BERTELSSONAR