Fréttablaðið - 23.05.2003, Blaðsíða 12

12 23. maí 2003 FÖSTUDAGUR
YFIR TRJÁBOL
Hópur barna gengur yfir trjábol í Kalawana
á Sri Lanka. Gífurleg flóð sem gengu yfir
landið um síðustu helgi hafa sett lífið úr
skorðum fyrir almenning. 266 manns hafa
látist af völdum flóðanna og um 350 þús-
und manns hafa misst heimili sín.
Fertugur bátur á
flótta undan ýsu
Oddgeir ÞH varð 40 ára í seinasta mánuði og
hefur klakklaust borið að landi milljarða króna.
Fékk fullfermi af boltaþorski á sólarhring.
SJÁVARÚTVEGSMÁL „Við erum
stöðugt á flótta undan ýsunni sem
er um allan sjó,“ segir Hjálmar
Haraldsson, skipstjóri á togbátn-
um Oddgeiri ÞH, sem landaði um
helgina um 40 tonnum af vænum
þorski eftir aðeins
sólarhring á veið-
um. Oddgeir er eitt
fjögurra skipa sem
eru í eigu Gjögurs
hf. sem skráð er á
Grenivík. Útgerðin hefur staðið
sig vel því hún hefur verið undir
sama flaggi frá því hún var stofn-
uð fyrir rúmum fimmtíu árum,
fyrir daga kennitölunnar.
Oddgeir ÞH, sem er gerður út
frá Grindavík, varð fertugur í
seinasta mánuði og hefur að sögn
Hjálmars skipstjóra alla tíð verið
happafley. Hjálmar skipstjóri hef-
ur verið við stjórnvölinn í 20 ár og
segir mikla fiskigengd vera á
þeim slóðum sem hann stundar
togveiðar. Burtséð frá ýsunni,
sem sé til mikillar óþurftar vegna
verðfalls og kvótaleysis, segir
Hjálmar að ekki sé vandasamt að
finna þorskinn. Í síðustu veiðiferð
fyllti hann bátinn úti af Önundar-
firði.
„Þarna er mikið líf í sjónum og
þorskurinn var stór og góður. 25
tonn af aflanum fóru í salt,“ segir
Hjálmar, sem í vikubyrjun lagði
enn á hafið þar sem hann reynir
að sneiða hjá ýsunni og veiða
þorsk.
Hann segir að engin hátíðar-
höld hafi verið í tengslum við fer-
tugsafmæli bátsins enda hafi
hann ekki fylgst svo grannt með
þeirri dagsetningu.
„Það var engin afmælisveisla,“
segir Hjálmar.
Hann segir að Oddgeir ÞH sé
gott sjóskip og hollenska stálið
hafi staðið sig vel í gegnum tíðina;
lítið sjái á bátnum eftir allan 40
ár. „Það sást ekki móta fyrir bandi
á skrokknum eftir 40 ár,“ segir
hann.
Hann segist ekki hafa hug-
mynd um það hve mikinn afla bát-
urinn hafi borið að landi frá upp-
hafi. Guðmundur Þorbjörnsson
útgerðarmaður tók í sama streng.
En hann sagði líklegt að aflaverð-
mæti bátsins hafi losað 100 millj-
ónir króna árlega á núvirði. Þar
með má reikna með því að Odd-
geir hafi frá upphafi borið að
landi verðmæti upp úr sjó sem
nemur um 5 milljörðum króna.
rt@frettabladid.is
Sumarsýning Listasafns Íslands:
Jón skipar heiðurssess
MYNDLIST „Já, þetta verk mun
skipa heiðurssess á sýningunni og
veglegan sess á safninu í framtíð-
inni,“ segir dr. Ólafur Kvaran,
forstöðumaður Listasafns Íslands.
Sumarsýning safnsins opnar á
laugardaginn og meðal sýndra
verka er mynd eftir Jón Stefáns-
son sem safnið festi sér nýlega og
greiddi 3,5 milljón króna fyrir.
Ekki er að heyra á forstöðumann-
inum að það hafi verið slæm kaup.
„Þetta er afar merkileg mynd eft-
ir Jón frá 3. áratugnum sem við
keyptum fyrir tveimur mánuðum
úr dánarbúi hér í Reykjavík.“ ■
Enn ríkir hættuástand í Kongó:
Hjálparstarfsmenn finna fjöldagröf
KONGÓ, AP Hjálparstarfsmenn
fundu fjöldagröf með yfir 30 lík-
um skammt frá borginni Bunia í
Ituri-héraði í norðausturhluta
Kongó. Þar með er tala látinna í
átökum síðustu vikna komin yfir
300.
Að sögn talsmanns Sameinuðu
þjóðanna voru líkin mörg hver
tekin að rotna og því erfitt að átta
sig á fjölda þeirra. Ekki liggur
fyrir hvort fórnarlömbin voru
óbreyttir borgarar eða víga-
menn.
Fyrir viku undirrituðu Hema-
og Lendu-ættbálkarnir vopna-
hléssáttmála en enn ganga þó
vígamenn um götur Bunia vopn-
aðir rifflum og handsprengjum.
Talsmaður Kofi Annan, aðalrit-
ara Sameinuðu þjóðanna, segir að
enn ríki hættuástand á svæðinu.
Annan hefur unnið að því undan-
farna daga að kalla alþjóðlegt
friðargæslulið til Ituri-héraðs.
Frakkar hafa verið beðnir að fara
fyrir liðinu og eru franskir her-
foringjar þegar mættir á svæðið
til þess að meta ástandið og
skipuleggja friðargæsluna. ■
Atkins-kúrinn:
Ekki talinn
hættulegur
NEW ORLEANS, AP Samvæmt tveimur
nýjum rannsóknum hjálpar Atkins-
megrunarkúrinn fólki að megra sig
án þess að auka magn kólesteróls í
líkamanum. Önnur rannsóknin gaf
þó til kynna að fólk bætti kílóunum
aftur á sig innan við ári frá því það
byrjaði á kúrnum. Rannsóknirnar
voru birtar í hinu virta læknatíma-
riti New England Journal of Med-
icine. Bækur Dr. Robert C. Atkins,
höfundar kúrsins, sem lést fyrir
mánuði síðan, hafa selst í 15 milljón-
um eintaka víðs vegar um heim.
Megrúnarkúrinn hefur verið harð-
lega gagnrýndur fyrir að vera
hættulegur heilsu manna. ■
UNGUR STRÍÐSMAÐUR
Vígamenn Lendu- og Hema-ættbálkanna
eru margir hverjir aðeins börn að aldri.
MÓÐIR JÖRÐ
Mynd eftir Jón Stefánsson frá
3. áratugnum sem Listasafn
Íslands festi nýverið kaup á
úr dánarbúi í Reykjavík. HJÁLMAR HARALDSSON
Helsta áhyggjuefnið er ýsan.
■
Þarna er mikið
líf í sjónum og
þorskurinn var
stór og góður.
ODDGEIR ÞH
Varð fertugur um daginn en engin var afmælisveislan.