Fréttablaðið - 23.05.2003, Blaðsíða 38
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
GUÐMUNDAR
STEINGRÍMSSONAR
Ég get ekki að því gert, en þegarég horfi á viðtöl við formenn
stjórnarflokkanna í sjónvarpinu,
finnst mér ég heyra orðið „sátt“
eða orðasambandið „mikil sátt“
nánast í öðru hverju orði. Einnig
hef ég rekið mig á það að orðsam-
bandið „enginn ágreiningur“ kem-
ur sífellt fyrir. Formenn stjórnar-
flokkanna hafa lagt á það gríðar-
lega áherslu að í stjórnarmyndun-
arviðræðunum hefur ekkert komið
upp á borðið sem hefur þótt
ástæða til að hafa áhyggjur af.
Engin alvarleg deilumál. Allt í
sómanum.
ÞAÐ ER YNDISLEGT að flokk-
arnir tveir skuli ná svona ofsalega
vel saman. Annað eins hefur ekki
sést í langan tíma í stjórnmálum á
Íslandi. Í rauninni hefur ekki ann-
að eins sést í langan tíma á Íslandi
yfir höfuð, og þá ekki bara í
stjórnmálum heldur í lífinu öllu.
Ég held jafnvel að annað eins hafi
ekki sést í öllum heiminum, aldrei
nokkurn tímann. Hvílík sátt! Vinir
deila. Pör rífast. En Halldór og
Davíð eru eins og tveir óaðskiljan-
legir svanir á tjörn, sem dóla sér
tignarlegir í kvöldroðanum.
ÉG ÞEKKI par sem er búið að
vera saman lengi og á tvö börn.
Það er alltaf á leiðinni að gifta sig.
Vinir og ættingjar eru sífellt í
startholunum og hafa beðið
spenntir eftir boðskorti inn um
lúguna í hátt á fjórða ár. En aldrei
kemur boðskortið. Það skilur eng-
inn í því af hverju þau gifta sig
ekki. Þau eru fullkomið par og
eiga örugglega eftir að vera ham-
ingjusöm saman alla ævi.
ÉG ER AÐ SPÁ. Væri það ekki
miklu einfaldara ef stjórnarflokk-
arnir tveir sameinuðust? Það er
enginn ágreiningur á milli þeirra
hvort sem er. Þeir smella saman
eins og flís við rass. Aðrir eins
kærleikar hafa ekki sést í langan
tíma. Þeir samþykkja alltaf allt
samhljóða sem hinn segir. Núna
erum við að bögglast með tvo
stjórnarflokka. Til hvers? Það er
miklu betra að hafa bara einn stór-
an og hamingjusaman stjórnar-
flokk, úr því sem komið er. Það er
hreinlegra og það er líka svo miklu
einfaldara og betra fyrir blessuð
börnin. ■
Mikil sátt