Fréttablaðið - 24.05.2003, Blaðsíða 4
STJÓRNMÁL Undiralda er í Fram-
sóknarflokknum vegna þeirrar
ákvörðunar Halldórs Ásgrímsson-
ar formanns að skipa Árna Magn-
ússon, nýkjörinn alþingismann,
félagsmálaráðherra. Kenningar
eru uppi um að Halldór sé með
þessu að tilnefna arftaka sinn og
hafin séu kynslóða-
skipti í flokknum.
Skoðanir á útspil
Halldórs skiptast
mjög í tvö horn.
Sumir eru hæst-
ánægðir með til-
nefningu þessa
fulltrúa ungu kyn-
slóðarinnar en aðr-
ir eru ævareiðir vegna þess að
gengið er framhjá reyndari
flokkshestum. Þá er gagnrýnt að
tvö kjördæmi séu ráðherralaus á
meðan önnur tvö kjördæmi hafa á
að skipa tveimur ráðherrum
hvort.
Í biðsalnum
Ákvörðun Halldórs kom mjög á
óvart. Í biðsal ráðherradóms voru
Jónína Bjartmarz, alþingismaður
í Reykjavík suður, Magnús Stef-
ánsson í Norðvesturkjördæmi og
Hjálmar Árnason, alþingismaður
í Suðurkjördæmi. Þá hefur Krist-
inn H. Gunnarsson, alþingismað-
ur í Norðvesturkjördæmi, lengi
bankað á dyrnar. Jónína var ósátt
við að hljóta ekki ráðherrasæti.
Hún mun hafa talið eðlilegt að
sem fyrsti þingmaður Reykjavík-
ur suður, með aðeins 14 atkvæð-
um færri atkvæði að baki sér en
Halldór Ágrímsson, ætti hún full-
an rétt á stólnum í stað þess að
Reykjavík norður fengi tvo ráð-
herra, líkt og reyndar Norðaust-
urkjördæmi þar sem Jón Krist-
jánsson og Valgerður Sverrisdótt-
ir fengu bæði ráðherrastóla. Ekki
er þó búist við að Jónína muni
gera uppsteyt fremur en Magnús
Stefánsson. En hún mun bíða síns
tíma. Heimildarmenn Frétta-
blaðsins eru sammála um að
Kristinn gæti orðið til vandræða.
Hann er umdeildur innan
flokksins þótt hann hafi haldið
þingflokksformennsku. Kristinn
var upphaflega kosinn á þing fyr-
ir Alþýðubandalagið en þegar
Samfylkingin varð til sagði hann
skilið við sína gömlu félaga og
gekk til liðs við Framsóknar-
flokkinn. Honum var þar spáð
skjótum frama í upphafi en síðan
hefur smám saman hallað undan
fæti. Kristinn var stjórnarfor-
maður Byggðastofnunar en sagði
af sér eftir harðvítugar deilur
sem urðu til þess að hann og for-
stjórinn hættu báðir. Kristinn
hefur verið í andstöðu við Davíð
Oddsson forsætisráðherra og
gagnrýnt hann óspart. Þar með
hefur hann unnið sér til óhelgi og
smám saman hefur fjarað undan
honum í flokknum. Í kosninga-
baráttunni var altalað að mesti
kvíði stjórnarflokkanna væri sá
að meirihlutinn yrði svo tæpur að
treysta yrði á atkvæði Kristins
H. í erfiðum málum. Nánir sam-
herjar Kristins lýsa því að hann
standi nú frammi á fremstu brún
og lítið þurfi til þess að hann taki
flugið úr Framsókn og hreiðri um
sig á gömlum slóðum á vinstri
vængnum.
Skýrist á mánudag
Á mánudag mun þingflokkur
Framsóknarflokksins úthluta
þeim sem misstu af ráðherrasæt-
um sárabótum. Þegar er mikill
titringur vegna þessa og bæði
Jónína Bjartmarz og Magnús
Stefánsson þurfa að fá eitthvað
fyrir sinn snúð. Hvorugt þeirra
er sagt hafa áhuga á þingflokks-
formennsku. Innan þingflokksins
eru raddir uppi um að Hjálmar
Árnason verði kjörinn þing-
flokksformaður. Þá er vilji til
þess að Magnús Stefánsson verði
formaður fjárlaganefndar og
hann er sagður vera áhugasamur
um slíkt sjálfur. Missi Kristinn
H. þingflokksformannsstólinn án
þess að fá verðugar bætur, svo
sem formennsku í fjárlaganefnd,
séu vaxandi líkur á því að hann
fari úr flokknum. Þar með yrði
ríkisstjórnarmeirihlutinn enn
tæpari en áður. Uppi eru raddir
um að Halldór muni meta það
pólitískt nauðsynlegt að halda
Kristni góðum.
Óvissa Sivjar
Staða Sivjar Friðleifsdóttur
umhverfisráðherra er snúin ef
litið er til þess að hún missir um-
hverfisráðuneytið 15. september
2004. Hún er í því raun ráðherra
á útleið.
„Ég hef fullan hug á að halda
áfram í stjórnmálum og sem ráð-
herra,“ segir Siv Friðleifsdóttir
umhverfisráðherra sem missir
ráðherraembættið 15. september
2004 þegar ráðuneyti hennar fer
til Sjálfstæðisflokksins. Raddir
eru uppi um að þá séu mestar lík-
ur á að Siv lendi utangarðs.
Á þeim tímamótum verður kos-
ið að nýju um ráðherra flokksins.
„Það er ljóst að einn ráðherra
verður að víkja en ég er pollró-
leg,“ segir Siv.
Halldór lagði málið þannig
upp að við ráðherraskiptin 2004
verði aftur kosið í þingflokknum
um ráðherrastólana og þannig
eigi Siv möguleika á framhalds-
lífi innan ríkisstjórnar. Aðrir
benda á að ef ekki verði einhverj-
um ráðherranum skákað út, svo
ekki komi til uppgjörs, þá muni
þeir ráðherrar eftir eru ríghalda
í stóla sína og mynda bandalag
gegn Siv. Hún muni því líklega
hverfa af ráðherrastóli.
Halldór stendur nú andspænis
því vandasama verkefni að leysa
mál þannig að ríkisstjórnin haldi
fimm þingsæta meirihluta.
rt@frettabladid.is
4 24. maí 2003 LAUGARDAGUR
Yfir 1.600 fórust í jarðskjálftanum:
Óttaslegnir íbúar hafast við undir berum himni
ALSÍR Tala látinna í jarðskjálftan-
um í Alsír er komin yfir 1.600. Að
minnsta kosti 6.800 manns slösuð-
ust í skjálftanum og þúsundir fjöl-
skyldna eru heimilislausar.
Sjúkrahús landsins eru löngu orð-
in yfirfull og mikill skortur er á
blóði, lyfjum og sjúkragögnum.
Skjálftinn jafnaði við jörðu
fjölda þorpa við norðurströnd
landsins. Þar hafa þúsundir flúið
heimili sín af ótta við eftirskjálfta
og lagst til svefns á götum úti og í
almenningsgörðum. Lögreglan
hefur reist vegatálma og aukið
liðstyrk sinn til að koma í veg fyr-
ir gripdeildir.
Talið er að jarðskjálftinn geti
haft umtalsverð áhrif á pólitíska
framtíð Abdelaziz Bouteflika,
forseta Alsírs. Ljóst er að þá gíf-
urlegu eyðileggingu sem
skjálftinn hafði í för með sér má
að stórum hluta til rekja til lé-
legs húsakosts. Almenningur í
landinu hefur um árabil krafist
umbóta í þessum efnum en án
árangurs.
Skjálftans varð vart víða um
Miðjarðarhaf. Flóðbylgja skall á
spænskum eyjum um 280 kíló-
metra norður af ströndum Als-
írs með þeim afleiðingum að um
150 bátar eyðilögðust eða
skemmdust. Sæstrengir fóru í
sundur og truflun varð á síma-
sambandi við Asíu og Kyrra-
hafslönd. ■
ARNBJÖRG SVEINSDÓTTIR
Sjálfstæðiskonum á Alþingi fjölgar úr fjór-
um í fimm þegar hún leysir Tómas Inga
Olrich af hólmi.
Stutt brotthvarf:
Snýr aftur
á Alþingi
STJÓRNMÁL „Ég var aðallega búin
að ganga frá skrifstofunni minni
og lítið farin að huga að framtíð-
aráformum,“ segir Arnbjörg
Sveinsdóttir, varaþingmaður
Sjálfstæðisflokks í Norðaustur-
kjördæmi, sem tekur sæti Tómas-
ar Inga Olrich á Alþingi þegar
hann fer til Parísar sem sendi-
herra. Arnbjörg var þingmaður
Austurlands frá 1995 til síðustu
þingkosninga þegar hún féll af
þingi.
Þegar rætt var við Arnbjörgu í
gær var hún ekki búin að fá á
hreint hvenær hún tæki aftur sæti
á þingi og gat lítið sagt til um hvað
hún myndi gera í millitíðinni. ■
Bráðaþjónusta FSA:
Í forgangi
HEILBRIGÐISMÁL „Við drögum hér
úr rekstri flestra eininga á hefð-
bundnum sumarleyfatíma,“ segir
Þorvaldur Ingvarsson, lækninga-
forstjóri Fjórðungssjúkrahússins
á Akureyri. Að hans sögn er
aðeins endurhæfingardeild lokað
yfir sumartímann.
„Hér er dregið úr rekstri fyrst
og fremst vegna skorts á afleys-
ingum starfsfólks og rekstrarfé,“
segir Þorvaldur. „Við látum
bráðaþjónustuna ganga fyrir.“ ■
Siv í óvissu
Ólga í Framsóknarflokki vegna ráðherraskipta.
Þingflokksformennska Kristins H. talin í hættu.
Ótti um að hann snúi baki við flokknum.
UNDIR BERUM HIMNI
Fjölskylda situr við bálköst í bænum Boumerdes, um 50 kílómetra austur af Algeirsborg.
Fjöldi fólks hefst við utan dyra af ótta við eftirskjálfta.
■
Uppi eru raddir
um að Halldór
muni meta það
pólitískt nauð-
synlegt að
halda Kristni
góðum.
■ FRÉTTASKÝRING
KRISTINN H. GUNNARSSON
Missir hugsanlega þingformennskuna.
SIV FRIÐLEIFSDÓTTIR
Óviss framtíð.
MAGNÚS STEFÁNSSON
Vill formennsku í fjárlaganefnd.
JÓNÍNA BJARTMARZ
Með svipað fylgi og Halldór en fékk ekki ráðherrastól.
FR
ÉT
TA
B
LA
Ð
IÐ
/B
IL
LI
FR
ÉT
TA
B
LA
Ð
IÐ
/B
IL
LI
FR
ÉT
TA
B
LA
Ð
IÐ
/B
IL
LI
FR
ÉT
TA
B
LA
Ð
IÐ
/R
Ó
B
ER
T
Hvernig koma breytingar
á ráðherraliðinu út?
Spurning dagsins í dag:
Ætlarðu að horfa eða horfðir þú á
Eurovision?
Niðurstöður gærdagsins
á www.frett.is
36%
17%Alveg sama
Mjög illa
Frekar illa
Frekar vel
Mjög vel
11%
10%
26%
Kjörkassinn
Farðu inn á frett.is og segðu þína skoðun
frétt.is