Fréttablaðið - 24.05.2003, Blaðsíða 14

20 24. maí 2003 LAUGARDAGUR
L J Ó S M Y N D A S T Ú D Í Ó
P É T U R P É T U R S S O N
FÓTBOLTI „Það er mikilvægt að þjálf-
ari sýni aldrei veikleikamerki.
Svipbrigði þjálfarans verða að
vekja traust leikmanna til hans.“
Þannig hljóðar ein af lífsreglum
Ottmar Hitzfeld, þjálfara Bayern
München. Hitzfeld leggur hart að
leikmönnum sínum en leggur
áherslu á að þeim sé sýnd sann-
girni. „Við verðum að sætta okkur
við sérvisku sumra leikmanna en
ef þeir fara yfir strikið verður
þeim refsað eins og öðrum.“
Treystir leikmönnum
Sigurður Grétarsson, fyrrum
leikmaður og þjálfari Breiðabliks
og Vals, þekkir til Hitzfeld frá því
hann lék undir stjórn Þjóðverjans
hjá svissneska félaginu Grass-
hoppers fyrir rúmum áratug.
„Hann er ótrúleg týpa,“ segir Sig-
urður. „Hann er í raun mjög mann-
legur en lætur menn finna það ef
þeir standa sig ekki. Hann rakkar
menn samt aldrei niður fyrir fram-
an hópinn. Þótt hann sé undir
miklu álagi heldur hann alltaf
haus.“
„Reyndu að leiða væntingar
annarra hjá þér, forðastu of marga
fundi og ekki tala um fótbolta
heima hjá þér,“ er enn ein lífsregla
Hitzfelds og sú þriðja hljóðar
svona: „Ekki gagnrýna leikmenn
þína of mikið – sýndu þeim traust.
Treystu innsæi þínu og leiddu hjá
þér skoðanir almennings og fjöl-
miðla þegar þú tekur ákvarðanir.
Notaðu rökhugsun í undirbún-
ingnum og bættu tilfinningunum
við þegar leikurinn hefst.“
Skemmtilegur tími með Hitzfeld
Sigurði finnst svipmót Grass-
hoppers á sínum tíma ólíkt Dort-
mund og Bayern undir stjórn
Hitzfeld á síðustu árum. „Við
spiluðum alltaf 4-4-2 en núna spil-
ar hann ýmist með þriggja eða
fjögurra manna vörn, stundum 3-
5-2, 4-3-3 eða 3-4-3. Hann er með
breiðan leikmannahóp og svo fer
það eitthvað eftir mótherjum
hvernig hann stillir þessu upp.
Hann er líka snillingur í allri tak-
tík og uppsetningu á leikjum. Það
var hann sem byrjaði á þessu
„rótasjónskerfi“ þegar hann var
hjá Dortmund.“ Kerfið felst í því
að breyta byrjunarliðinu mark-
visst til að hvíla leikmenn vegna
álags.
Hitzfeld lék lengstum í Sviss
og þar hóf hann þjálfaraferil
sinn. „Þegar ég kom til Luzern
var hann þjálfari Aarau,“ segir
Sigurður. „Samningur minn við
Luzern rann út vorið 1990 og þeir
hjá Grasshoppers töluðu við mig
strax um áramótin og báðu mig
að bíða með að skrifa undir nýjan
samning þar til við hefðum rætt
saman. Hitzfeld sagði mér frá
sínum hugmyndum og mér leist
vel á þær. Þetta var mjög
skemmtilegur tími, sérstaklega
fyrra tímabilið þegar við urðum
meistarar. Hann kláraði ekki
seinna tímabilið því hann fór á
miðju ári til Dortmund.“
Markviss skref að toppnum
„Enginn leikmanna Grass-
hoppers fylgdi Hitzfeld til Dort-
mund og hann hefur ekki keypt
leikmenn frá Dortmund eftir að
hann tók við hjá Bayern. Giovane
Elber spilaði með mér hjá Grass-
hoppers en Hitzfeld keypti hann
frá Stuttgart. Elber kom upphaf-
lega til Milan frá Brasilíu en var
lánaður til Grasshoppers sem
keypti hann ári síðar.“
Hitzfeld ólst upp í bænum
Lörrach í Þýskalandi, ekki fjarri
Basel í Sviss. Hann gerðist at-
vinnumaður hjá Basel árið 1971,
varð meistari tvö fyrstu árin og
bikarmeistari vorið 1975. Vetur-
inn 1977-78 var eina tímabil Hitz-
feld í 1. deild þýsku Búndeslíg-
unnar. Það var síðasta ár hans hjá
Stuttagart en frumraun hans í
efstu deild var í leik gegn Bayern
München í ágúst 1977 sem lauk
með 3:3 jafntefli.
Frami þjálfarans Hitzfeld hef-
ur vaxið með markvissum skre-
fum frá litlu félagi í Sviss í erfið-
asta viðfangsefni þýskrar knatt-
spyrnu. Sumarið 1983 gerðist
Hitzfeld þjálfari hjá FC Zug og
kom þeim upp í efstu deild í
fyrstu atrennu. Hann fór til FC
Aarau eftir aðeins eitt tímabil hjá
Zug, til Grasshoppers fjórum
árum síðar, þá Dortmund og loks
til Bayern.
Hitzfeld lék aldrei með A-
landsliði Þýskalands en lék alla
sex leiki liðsins sem keppti á
Ólympíuleikunum í München
árið 1972. Hann skoraði eitt mark
í öllum fimm leikjunum þegar
hann var í byrjunarliði.
obh@frettabladid.is
OTTMAR HITZFELD
Ottmar Hitzfeld varð þýskur meistari í sjöt-
ta sinn í vor. Hann hefur fjórum sinnum
orðið svissneskur meistari, tvisvar sem
þjálfari Grasshoppers og tvisvar sem leik-
maður Basel. Hitzfeld hefur bæði stýrt
Bayern München og Borussia Dortmund til
sigurs í Meistaradeildinni.
OTTMAR HITZFELD
(F. 12. JANÚAR 1949)
Leikmaður:
TuS Stetten 1960-67
FC Lörrach 1967-71
FC Basel 1971-75
VfB Stuttgart 1975-78
FC Logano 1978-80
FC Luzern 1980-83
Þjálfari:
FC Zug 1983-84
FC Aarau 1984-88
Grasshopper 1988-91
Borussia Dortmund 1991-98
Bayern München 1998-
Átta meistaratitlar
með þremur félögum
Ottmar Hitzfeld varð meistari með Bayern í fjórða sinn. Grasshoppers og Dortmund hafa líka
orðið meistarar undir hans stjórn.
A
U
G
L
Ý
S
I
N
G
A
S
E
T
R
I
Ð
Collector 33
Rafmagnssláttuvél
1000W rafmótor
27 ltr grashirðupoki
Euro 45
Bensínsláttuvél
4 hestöfl B&S mótor
55 ltr grashirðupoki
Silent 45 Combi
Bensínsláttuvél
4 hestöfl B&S mótor
55 ltr grashirðupoki
Verð: 17.900 Verð: 34.900 Verð: 44.900
Park Comfort
Bensínsláttuvél
15,5 hestöfl B&S mótor
Slátturbúnaður að framan
Verð: 544.000
Estate President
Bensínsláttuvél, 13,5 hestöfl B&S mótor
250 ltr grashirðupoki
Verð: 354.000
Hágæða sláttuvélar
Vetrarsól - Askalind 4 - Kópavogi - Sími 564 1864