Fréttablaðið - 27.05.2003, Blaðsíða 4

4 27. maí 2003 ÞRIÐJUDAGUR
■ Bráðalungnabólga
Hvernig fannst þér sigurlagið í
Eurovision?
Spurning dagsins í dag:
Á að endurtelja öll atkvæðin í þing-
kosningunum?
Niðurstöður gærdagsins
á www.frett.is
20%
21%
Ágætt
58%Slakt
Gott
Kjörkassinn
Farðu inn á frett.is og segðu þína skoðun
frétt.is
LÖGREGLUMÁL Miklar skuldir hvíla
á íbúðum athafnamannanna Árna
Þórs Vigfússonar og Kristjáns
Ragnars Kristjánssonar. Þeir sitja
nú í gæsluvarðhaldi grunaðir um
að hafa tekið við illa fengnu fé úr
sjóðum Landssímans.
Kaup þeirra Árna Þórs og
Kristjáns Ragnars á samliggjandi
þakíbúðum í nýju stórhýsi við
Skúlagötu vöktu eftirtekt árið
2000. Íbúðirnar eru á tveimur
hæðum, áttundu og
níundu hæð, með
útsýni yfir sundin.
Sendiráð Banda-
ríkjanna hérlendis
hefur staðfest að
það hafi tekið þak-
íbúðirnar á leigu. Leigusamingur-
inn, sem er til þriggja ára með
möguleika á framlengingu um
önnur þrjú ár, er upp á 180 þúsund
dollara fyrir hvora íbúð sam-
kvæmt heimildum Fréttablaðsins.
Upphæðin svarar til 13 milljóna
íslenskra króna
Vinir Árna Þórs munu um síð-
ustu helgi hafa flutt búslóð hans á
nýjan dvalarstað á Grundarstíg.
Búslóð Kristjáns Ragnars er hins
vegar enn á Skúlagötu.
Fasteignamat hvorrar íbúðar
er rúmar 16 milljónir króna.
Brunabótamatið er 23 og 24 millj-
ónir króna. Hins vegar hvíla yfir
32 milljóna króna skuldir á hvorri
íbúð. Íbúðirnar eru þannig veð-
settar fyrir tvöfalt hærri upphæð
en fasteignamat þeirra segir til
um.
Íbúð Árna Þórs er 143 fermetr-
ar. Á fyrsta veðrétti er nú áhvíl-
andi lán frá Íslandsbanka sem var
13,9 milljónir króna á útgáfudegi
árið 2000. Á öðrum veðrétti er
sparisjóðslán sem á útgáfudegi
árið 2001 nam 12,5 milljónum
króna. Á þriðja veðrétti er síðan
annað sparisjóðslán upp á 6 millj-
ónir króna þegar það var gefið út
á þessu ári.
Þannig hvíla á íbúð Árna Þórs
skuldir sem námu samtals 32,4
milljónum á útgáfudögum við-
komandi lána. Staða lánanna í dag
er ekki vituð.
Íbúð Kristjáns Ragnars er 152
fermetrar. Á fyrsta veðrétti er
þar áhvílandi lán frá Íslands-
banka sem var 14,1 milljón króna
á útgáfudegi árið 2000. Á öðrum
veðrétti er sparisjóðslán upp á
12,5 milljónir króna við útgáfu
árið 2001. Þá hefur Kristján Ragn-
ar einnig fengið 6 milljóna króna
sparisjóðslán á þessu ári.
Í heild eru því lán sem námu
32,6 milljónum á útgáfudegi sem
hvíla á íbúð Kristjáns Ragnars.
Fréttablaðið hefur engar upplýs-
ingar um stöðu þessara lána í dag.
gar@frettabladid.is
KYNFERÐISBROT Maður var sýknað-
ur af héraðsdómi um kynferðis-
brot gegn fósturdóttur sinni og
vinkonu hennar. Málinu var
áfrýjað til Hæstaréttar, þar sem
dómurinn var gerður ómerkur og
sendur aftur heim í hérað.
Maðurinn er ákærður fyrir
ítrekuð kynferðisbrot gegn fóst-
urdóttur sinni frá fimm eða sex
ára aldri fram til átján ára
aldurs. Hann var sýknaður í
héraðsdómi, þar sem vafi léki á
um sönnunargildi munnlegs
framburðar stúlknanna. Hæsti-
réttur féllst hins vegar á að
skýringar stúlknanna á röngum
framburði væru skiljanlegar.
Málinu var því vísað heim til
munnlegs málflutnings og
dómsálagningar að nýju. ■
ÞRÍR LÉTUST Í KANADA Tilkynnt
var um þrjú ný dauðsföll af völd-
um bráðalungnabólgu í Toronto í
Kanada í
gær. Þetta
voru fyrstu
tilfelli
lungnabólg-
unnar í land-
inu síðan 19.
apríl. Bandaríkjamenn hafa nú
varað við ferðalögum til Kanada,
en Kanadamenn hafa undanfarið
reynt að lokka bandaríska ferða-
menn að nýju til Toronto.
DREGUR ÚR DAUÐSFÖLLUM Í
KÍNA Átta manns til viðbótar
hafa látist í Kína.
Þetta eru fæst
dauðsföll á einum
degi í landinu síðan
fólk fór fyrst að
týna lífinu af völd-
um lungnabólgunn-
ar. Flest dauðsföll þar í landi
voru í byrjun maí, þegar um 150
létust daglega.
15 SÝKTUST Í TAÍVAN 15 manns
til viðbótar hafa sýkst í Taívan.
Þar hafa 585 manns smitast af
veirunni og 72 látist.
VILJA PRÓFA NÝTT BÓLUEFNI Vís-
indamenn frá Hong Kong hafa í
samvinnu við Kínverja þróað
bóluefni gegn lungnabólgunni sem
þeir vilja láta prófa á dýrum. Nið-
urstaðanna verður ekki að vænta
fyrr en eftir 6 mánuði. Ekki stend-
ur til að prófa bóluefnið á mönn-
um. Eitt dauðsfall var tilkynnt í
Hong Kong í gær. Þar hafa 267
látist af völdum veirunnar. Lífið
er að snúast aftur í fyrra horf í
landinu. Margir hafa tekið niður
andlitsgrímur sínar sem hafa veitt
varnir gegn smiti.
FÆRRI FERÐAMENN Í TAÍLANDI
Fjöldi erlendra ferðamanna í
Taílandi í apríl dróst saman um
46% frá því á sama tíma í fyrra.
Svo gæti farið að 200 þúsund
störf tapist vegna þessa. Stjórn-
völd óttast þróunina mjög. Aðeins
8 manns eru taldir hafa smitast
af bráðalungnabólgu í landinu.
Tveir þeirra hafa látist.
724 HAFA LÁTIST Alls hafa 724
látist af völdum bráðalungnabólg-
unnar í heiminum og rúmlega
8.100 manns smitast.
LÖGREGLUMÁL Karlmaður situr nú í
gæsluvarðhaldi grunaður um að
hafa reynt að nauðga tveimur
konum og um kynferðislega til-
burði við telpur sem hann ruddist
óboðinn inn til.
Maðurinn var handtekinn að
morgni laugardagsins 17. maí
eftir að hafa farið í óleyfi inn í
þrjú hús á Selfossi. Húsbrot
höfðu verið framin í öðrum
húsum í nágrenninu skömmu
áður. Hann er einnig grunaður
um innbrot 4. apríl og var hand-
tekinn 24. apríl vegna gruns um
tilraunir til að nauðga tveimur
konum þann dag.
„Þá hefur lögregla kærða
grunaðan um að hafa 3. maí sl.
brotist í tvígang inn á heimili
fyrrverandi sambýliskonu sinnar
og haft þar uppi hótanir,“ segir í
úrskurði Héraðsdóms Suður-
lands frá 17. maí.
Maðurinn hefur áður sætt
refsingum fyrir frelsissviptingu
og blygðunarsemisbrot, fyrir lík-
amsárás og húsbrot. Hann er
sagður vera áfengissjúklingur á
þunglyndislyfjum.
Hæstiréttur hefur staðfest
varðhald yfir manninum til 13.
júní. ■
Landssíminn:
Fjárnám hjá
Árna Þór
LÖGREGLUMÁL Landssími Íslands
gerði í lok júlí í fyrra fjárnám í
íbúð athafnamannsins Árna Þórs
Vigfússonar, sem nú situr í varð-
haldi vegna fjárdráttarins í Lands-
símanum.
Ástæða fjárnámsins hjá Árna
Þór var ógreiddur reikningur upp
á tæpar 37 þúsund krónur. Með
kostnaði nam krafan 77 þúsund
krónum.
Árni Þór hvorki mætti né sendi
fulltrúa sinn á vettvang þegar fjár-
námsbeiðni Landssímans var tekin
fyrir hjá Sýslumanninum í Reykja-
vík. Skuldin var gerð upp og fjár-
náminu aflýst tíu dögum síðar. ■
HÆSTIRÉTTUR ÍSLANDS
Staðfestur hefur verið gæsluvarðhaldsúr-
skurður yfir karlmanni sem grunaður er
um margvísleg kynferðisbrot á Selfossi.
Dæmdur kynferðisbrotamaður í gæsluvarðhaldi:
Ruddi sér leið til
telpna og kvenna
HÆSTIRÉTTUR
Hæstiréttur féllst á skýringar kærenda á
röngum framburði.
Hæstiréttur:
Máli vísað heim í hérað
SKÚLAGATA 44
Viðskiptafélagarnir Árni Þór Vigfússon og Kristján Ragnar Kristjánsson voru samstíga í því að kaupa sér samliggjandi þakíbúðir í þessu
húsi við Skúlagötu árið 2000. Skuldir sem hvíla á íbúðum þeirra eru tvöfalt hærri en fasteignamat íbúðanna.
Veðsettar þakíbúðir
leigðar sendiráði
Þakíbúðir fangelsuðu athafnamannanna tveggja í Landssímamálinu eru veðsettar fyrir 65 millj-
ónir króna – tvöfalt hærri upphæð en fasteignamat segir til um. Þær hafa nú verið leigðar banda-
ríska sendirráðinu fyrir 26 milljónir króna.
■
Fasteignamat
hvorrar íbúðar-
innar um sig er
ríflega 16 millj-
ónir króna.