Fréttablaðið - 27.05.2003, Blaðsíða 14

14 27. maí 2003 ÞRIÐJUDAGUR
FÓRNARLAMB
Björgunarstarfsmenn bera lík eins fórnar-
lamba jarðskjálftans sem skók Alsír fyrir
helgi. Tæplega 2.200 manns hafa fundist
látnir í húsarústum undanfarna daga. Um
200 manns til viðbótar er saknað.
ALSÍR, AP Um 2.000 manns er enn
saknað úr jarðskjálftanum sem
gekk yfir Alsír á miðvikudags-
kvöld. Tæplega 2.200 fórnarlömb
hafa þegar fundist í rústunum. Um
9.000 manns eru slasaðir.
Vonir björgunarstarfsmanna um
að finna fleiri á lífi eftir skjálftann
hafa dvínað verulega og eru nánast
engar. Erlendir björgunarstarfs-
menn hafa gert allt sem þeir geta
og eru smám saman að hverfa á
brott frá landinu.
Jarðýtur og gröfur hófu í gær að
rífa niður hús sem skemmdust illa í
skjálftanum. Þúsundir manna hafa
sofið úti á götum undanfarna daga
af ótta við að hús þeirra hrynji.
Undrun hefur vakið hve mikill
fjöldi nýrra húsa eyðilagðist auð-
veldlega við skálftann. Verktakar
og yfirvöld voru í gær sökuð um að
hafa brotið byggingareglugerðir til
að draga úr framkvæmdakostnaði.
Stjórnvöld í Alsír rannsaka málið. ■
HAMFARIR Íslenska alþjóðabjörg-
unarsveitin er nú á heimleið eft-
ir veitta aðstoð á jarðskjálfta-
svæðinu í Alsír. Að sögn Árna
Birgissonar björgunarsveitar-
manns var sveitin ennþá á
skaðasvæðinu í gærmorgun en
undirbjó þá ferðina á flugvöllinn
í Algeirsborg. Sveitin var í búð-
um og við leit í þorpinu Bour-
medes, um 50 kílómetra austur
af Algeirsborg.
„Þetta er mjög mikil eyði-
legging,“ segir Árni. Hann segir
störf sveitarinnar hafa gengið
vel, en meginverkefni hennar
var að leita í rústum tveggja
fimm hæða bygginga sem höfðu
algjörlega hrunið saman í jarð-
skjálftanum. „Við notuðumst við
leitarmyndavél og gafst notkun
hennar mjög vel.“
Að sögn Árna er mikill um-
gangur almennings um og við rúst-
irnar helsta vandamál björgunar-
sveitarmanna. „Menningin er með
þessum hætti hér,“ segir Árni, „en
þetta hefur mjög truflandi áhrif á
leitar- og björgunarstarf.“ Hann
segir þó almenning tiltölulega ró-
legan miðað við aðstæður. „Eðlilega
er mikil geðshræring og angist í
fólki en fólk hefur verið mjög sam-
vinnuþýtt. Það hefur verið mjög vel
tekið á móti okkur og að jafnaði
gengið mjög vel.“ Einu skiptin sem
orðið hefur vart við pirring hjá
almenningi er þegar leitað er
tvisvar eða þrisvar í sömu rústum.
„Þar sem ljóst er að látnir einstak-
lingar eru inni í rústunum er litið á
þær sem heilagan reit,“ segir hann.
Þrátt fyrir þreytu og annríki síð-
ustu daga bera björgunarsveitar-
menn sig vel. „Það er mjög gott
hljóð í mannskapnum og við stönd-
um vel saman,“ segir Árni. ■
Söluskrifstofan er á
Suðurlandsbraut 24
Opið alla virka daga 9-17.
Þjónustuverið er opið virka daga 9-17, laugardaga 10-16 og sunnudaga 11-15,
sími 5 500 600. Þú getur einnig skoðað og bókað á IcelandExpress.is.
Lág fargjöld. Enginn bókunarfyrirvari. Engin lágmarksdvöl og engin hámarksdvöl.
Söluskrifstofa Suðurlandsbraut 24, opið 9-17 virka daga I Sími 5 500 600 I www.IcelandExpress.is
M
Á
T
T
U
R
IN
N
&
D
Ý
R
Ð
IN
FERSK Í BÚÐIR Á HVERJUM DEGI
Íslenska björgunarsveitin á heimleið:
Mikill umgangur
um og við rústirnar
BJÖRGUNARSVEITAR-
MENN Í ALSÍR
Árni Birgisson björgunar-
sveitarmaður segir almenn-
ing í Alsír líta á rústir þar
sem látnir einstaklingar
hvíla sem heilagan reit.
HRÓPAR Á HJÁLP
Alsírskur sjálfboðaliði hrópar á hjálp í leit að skyldmennum sínum í rústum fjölbýlishúss í
bænum Dellys. Hann hefur bundið tusku við nef sitt vegna mikils óþefs á svæðinu.Talið
er að rúmlega 100 manns hafi látið lífið í húsinu, en í því voru 50 íbúðir. Brúðkaupsveisla
stóð yfir þar þegar jarðskálftinn átti sér stað.
Jarðskjálftinn í Alsír:
2.000 manns
enn saknað
Á HEIMLEIÐ
Breskir björgunarstarfsmenn undirbúa
heimför frá Boumerdes. Vonir um að finna
fleira fólk á lífi í rústunum eru hverfandi.
AP
/M
YN
D
AP
/M
YN
D
AP
/M
YN
D