Fréttablaðið - 28.05.2003, Blaðsíða 8

12 28. maí 2003 MIÐVIKUDAGUR
■ Evrópa
Mannfall hjá Banda-
ríkjamönnum í Írak:
Fjórir skotnir
til bana
ÍRAK, AP Byssumenn skutu fjóra
bandaríska hermenn til bana í
bænum Fallujah í Írak í gær. Níu
hermenn til viðbótar særðust.
Bandaríkjamenn skutu tvo
árásarmannanna og handsömuðu
sex til viðbótar.
Nokkrum klukkustundum síð-
ar særðust tveir yfirmenn í ban-
daríska hernum þegar hand-
sprengjum var kastað að lög-
reglustöð í Bagdad. Annar mann-
anna særðist alvarlega.
Sjö bandarískir hermenn hafa
látist í skotárásum og annars
konar ófriði í Írak á undanförn-
um dögum. ■
HEILBRIGÐISMÁL Pharmaco hefur
tekið að sér að styðja rannsókn-
arverkefnið Heilsa, hegðun og
þroski fimm ára barna, sem
sjálfseignarstofnunin Barna-
rannsóknir hefur hleypt af stokk-
unum. Um er að ræða forkönnun
sem nær til 300 barna í Reykja-
vík og lýtur að því að meta áreið-
anleika aðferða við að kanna
heilsufar og einkenni geð- og
þroskarannsókna hjá börnum.
Áætlað er að forkönnunin kosti 5
milljónir króna og leggur
Pharmaco til helming þeirrar
upphæðar.
„Tilgangur rannsóknarinnar
er tvíþættur,“ segir Steingerður
Sigurbjörnsdóttir barnalæknir.
„Annars vegar að finna börn með
frávik og röskun í þroska og hins
vegar að prufukeyra rannsókna-
tæki sem við viljum nota í fram-
tíðinni til að greina börn með frá-
vik strax í ungbarnaeftirliti.“
Steingerður segir geðraskanir og
þroskafrávik barna verða sífellt
meira áberandi bæði í heilsu-
gæslu og skólakerfi. „Með því að
finna þessi börn fyrr skapast
betra tækifæri til að vinna með
þau tímanlega.“ ■
FERÐAMENN Fjöldi seldra herbergja
á hótelum á höfuðborgarsvæðinu
minnkaði um 6,7 prósent á milli
ára í apríl síðastliðnum, sam-
kvæmt úrtakskönnun Samtaka
ferðaþjónustunnar. Á sama tíma
hefur framboð á hótelgistingu í
borginni aukist talsvert, þannig að
nýtingin er enn minni fyrir vikið.
Að sögn Þorleifs Þórs Jónsson-
ar, hagfræðings Samtaka ferða-
þjónustunnar, er maímánuður
sæmilegur hingað til en mikill
fjöldi afpantana bendir til þess að
sumarið verði dræmt í hótelgeir-
anum. Svo virðist sem „fjórar
plágur“ ferðaþjónustunnar hafi
þar áhrif, en þær eru stríðið í
Írak, óttinn við hryðjuverkaárásir
og bráðalungnabólgu og sérís-
lenskt hátt verðlag.
Jóhann Sigurólason, sölustjóri
Grand Hótels í Reykjavík, tengir
fjölgun afbókana við plágurnar
fjórar. „Það hafa orðið geysileg
afföll í bókunum fyrir sumarið.
Þar er fyrst og fremst um að
ræða hópa frá Asíu og Bandaríkj-
unum. Stór göt hafa myndast og
hótelnýtingin er talsvert minni
en á venjulegu ári. Við heyrum
sömu sögu frá öðrum hótelum,“
segir hann.
Fólk ferðast nú í auknum mæli
um heimaslóðir sínar, en nýlega
var met slegið í ferðalögum
Bandaríkjamanna um heima-
landið. ■
FLUGSLYS RANNSAKAÐ Sam-
gönguráðuneyti Úkraínu hefur
sent hóp sérfræðinga til Tyrk-
lands til að rannsaka mannskætt
flugslys sem átti sér stað á mánu-
dag. Þá fórust 75 manns í úkra-
ínskri flugvél á leið frá Afganist-
an. Meðal annars voru rúmlega
60 spænskir friðargæsluliðar um
borð í vélinni, sem ætlaði að
lenda í Tyrklandi til að taka bens-
ín þegar hún rakst á fjallshlíð
með þeim afleiðingum að hún
hrapaði til jarðar.
KÓKAÍN Í GRANÍTSTEINI Átta
manns voru handteknir þegar
lögreglan á Spáni lagði hald á
tæplega 100 kíló af kókaíni í
borginni Reus í norðausturhluta
landsins. Efnið fannst inni í 15
tonna steinklumpi úr graníti.
Talið er að hinir handteknu séu
meðlimir í eiturlyfjahring sem
teygir anga sína víða um heim.
Búist er við frekari handtökum.
AFHENDING STYRKSINS
Steingerður Sigurbjörnsdóttir, talsmaður Barnarannsókna, og Páll Magnússon, stjórnarfor-
maður Barnarannsókna, tóku við táknrænni ávísun úr hendi Róberts Wessman, forstjóra
Pharmaco, í gær. Haukur Valdimarsson aðstoðarlandlæknir er einnig á myndinni.
Pharmaco styrkir rannsóknarverkefni:
Geðraskanir barna
greindar fyrr
FERÐAFÆLNI
Mikið er um að fólk frá Asíu og Bandaríkjunum afpanti hótelrými hérlendis í sumar.
Fjórar plágur ferðaþjónustunnar:
Geysileg afföll í
hótelbókunum
FR
ÉT
TA
B
LA
Ð
IÐ
/R
Ó
B
ER
T