Fréttablaðið - 30.05.2003, Blaðsíða 5
6 30. maí 2003 FÖSTUDAGURVeistusvarið?
1Sir Edmund Hillary, sem kleif Ever-est-tind fyrstur manna, er nú staddur
í Nepal. Hvaða ár kleif hann tindinn?
2Í hvaða landi geisa miklir þurrkar og430 hafa látist á síðasta hálfa mánuð-
inum?
3Með hvaða óvenjulega hætti varbandaríski söngvarinn James Brown
verðlaunaður í síðustu viku?
Svörin eru á bls. 39
Lífeyrissjóður Austurlands:
Nýja stjórnin sækist eftir trausti
LÍFEYRISMÁL Ný stjórn tók við Líf-
eyrissjóði Austurlands á mánudag
í kjölfar þess að fyrrum stjórnar-
menn viku úr sæti að eigin ósk
eftir að hafa setið undir háværri
gagnrýni vegna stórtaps á rekstri
sjóðsins og umdeildra ákvarðana.
Elfar Aðalsteinsson, 31 árs gamall
forstjóri Eskju á Eskifirði, var
kosinn stjórnarformaður, en með
honum sitja Aðalsteinn Ingólfs-
son, Þorkell Kolbeins og Sigurður
Hólm Freysson.
Elfar segir helsta verkefni
nýrrar stjórnar snúast um traust.
„Við þurfum að stuðla að því að
fólki treysti Lífeyrissjóði Austur-
lands, líkt og það treystir öðrum
lífeyrissjóðum á landinu. Við
verðum að bæta okkar ímynd að
einhverju leyti, með því að tala
um málefni en ekki menn.“
Afkoma sjóðsins hefur verið
með slakasta lagi síðustu ár og
tapaði sjóðurinn um milljarði
króna í fyrra. Elfar segir þörf á
samstillu átaki stjórnarinnar til
að stoppa í götin. „Afkoman hefur
verði óviðunandi síðustu þrjú ár.
Við vonum að botninum hafi verið
náð í neikvæðri ávöxtun.“ ■
Hátíð hafsins:
Skemmtun fyrir alla fjölskylduna
MENNING Hátíð hafsins verður
haldin hátíðleg dagana 31. maí
til 1. júní. Þetta er í fimmta sinn
sem hátíð er haldin á Reykjavík-
urhöfn dagana í kringum sjó-
mannadaginn og hafnardaginn,
sem er á laugardag.
Að sögn Sifjar Gunnarsdótt-
ur, verkefnisstjóra viðburða á
Höfuðborgarstofu, verður mikið
um dýrðir á hátíðinni. Reist
verður tjaldborg þar sem fyrir-
tæki og stofnanir tengd hafinu
kynna starfsemi sína. Í sam-
starfi við nýja Íslendinga verð-
ur boðið upp á sjávarréttaveislu
í tjaldborg. Nýir Íslendingar
munu sjá um matseldina og
verður íslenskt sjávarfang not-
að í framandi rétti frá ýmsum
menningarsvæðum. Réttirnir
verða síðan seldir á vægu verði.
Ljósmyndasýning með myndum
úr Þorskastríðinu verður opnuð
í Listasafni Íslands og fjöldi
skemmtiatriða fyrir alla fjöl-
skylduna fer fram á hafnar-
bakkanum. ■
Fjölkvænismaður:
Sjö ára dóm-
ur mildaður
KAÍRÓ, AP Sjö ára fangelsisdómur
yfir El-Suweirky, egypskum 15
barna föður, hefur verið mildaður
um þrjú ár af áfrýjunardómstóli.
Suweirky, sem er 56 ára, var
fyrir þremur árum dæmdur fyrir
að vera kvæntur fimm konum á
sama tíma, einni fleiri en leyfilegt
er. Hann var einnig dæmdur fyrir
að ljúga til um hjúskaparstöðu
sína og fyrir að ginna konur til að
hafa við sig kynmök. Málið vakti
mikla athygli í Egyptalandi á
sínum tíma. Þá sagðist Suweirky
m.a. hafa kvænst 19 sinnum á æv-
inni. ■
Sænska lögreglan:
Óbreytt
gengi
Kaupþings
HLUTABRÉF Rannsókn sænsku lög-
reglunnar á meintum innherjasvik-
um við yfirtöku Kaupþings á JP
Nordiska virðist engin áhrif hafa
haft á gengi Kaupþings Búnaðar-
banka. Gengi hlutabréfa Kaupþings
Búnaðarbanka var 145 við lok
Kauphallarinnar á miðvikudag.
Næsta dag á undan var gengið 144.
Kastljós sænsku lögreglunnar
vegna JP Nordiska hefur meðal
annars beinst að aðaleigendum
Bakkavarar. Gengi þess félags var
sömuleiðis óbreytt á miðvikudag. ■
ÖRYGGISGÆSLA
Mikil öryggisgæsla er vegna fundar átta
helstu iðnríkja heims í Evian.
Fundur átta helstu iðn-
ríkja heims:
Chirac
hittir Bush
PARÍS, AP Jacques Chirac Frakk-
landsforseti mun eiga fund með
forseta Bandaríkjanna, George
Bush, í fjallaþorpinu Evian á
mánudaginn næsta.
Báðir leiðtogarnir eru þar
vegna fundar átta helstu iðnríkja
heims. Þetta verður í fyrsta skipti
sem forsetarnir tveir ræða saman
augliti til auglitis síðan í nóvem-
ber, þegar þeir deildu harkalega
um hvort réttlætanlegt væri að
ráðast inn í Írak.
Auk Frakklands og Bandaríkj-
anna eru Japan, Rússland, Bret-
land, Kanada, Þýskaland og Ítalía
í hópi átta helstu iðnríkja heims. ■
INGVI HRAFN HÆTTIR Ljóst er að
nýr formaður Sambands ungra
sjálfstæðismanna verður kosinn
á landsfundi þess í haust. Ingvi
Hrafn Óskarsson, formaður SUS
og aðstoðarmaður dómsmálaráð-
herra, gefur ekki kost á sér til
endurkjörs. Hafsteinn Þór
Hauksson, varaformaður SUS,
hefur ákveðið að gefa kost á sér
til formennsku.
■ Stjórnmál
ELFAR AÐALSTEINSSON
Nýr stjórnarformaður hyggst bæta ímynd
Lífeyrissjóðs Austurlands.
REYKJAVÍKURHÖFN
Hátíð hafsins verður haldin hátíðleg í
Reykjavík um helgina.
Lifði af stórárás
nasista í stríðinu
Íslendingurinn Guðbjörn Guðjónsson fór með skipalestinni PQ17 í seinni heimsstyrjöldinni.
Með honum um borð voru dauðadæmdir fangar. Árásin á skipalestina hófst einn morgun þegar
hann var á vakt.
STRÍÐ Guðbjörn Guðjónsson er
einn af fjórum Íslendingum sem
fóru í hina afdrifaríku siglingu
með skipalestinni PQ17 í seinni
heimsstyrjöldinni.
Þ j ó ð v e r j a r
sökktu 24 af 36
skipum í lestinni,
en þau voru á leið
frá Hvalfirði til
Múrmansk í Sovét-
ríkjunum með her-
gögn. Íslendingarnir fjórir
komust allir klakklaust úr þessari
ferð, en Guðbjörn, sem verður 82
ára á þessu ári, er sá eini af þeim
sem enn er á lífi.
Guðbjörn segir að hann hafi
ráðið sig sem háseta á SS Iron
Clad einfaldlega vegna þess að
hann hafi vantað vinnu. Hann seg-
ist hafa gert sér grein fyrir að
ferðin gæti orðið hættuleg þó
hann hafi engan veginn getað gert
sér grein fyrir að skipalestin
myndi lenda í þeirri stórárás sem
hún gerði.
Guðbjörn segir að fyrir fram
hafi menn svo sem átt að vita að
ferðin gæti orðið hættuleg, því á
meðal þeirra skipverja sem send-
ir hefðu verið voru bandarískir
fangar sem höfðu verið dæmdir
til dauða. Í stað þess að vera tekn-
ir af lífi var þeim boðið að fara í
þessa ferð. Guðbjörn sagði að
fljótlega eftir að skipalestin hafi
verið komin norður fyrir Vestfirði
hafi menn orðið varir við Þjóð-
verjana. Sjálf árásin hafi hins
vegar ekki átt sér stað fyrr en
undan ströndum Norður-Noregs.
„Mig minnir að þetta hafi byrjað
um morgun þegar ég var á vakt,“
segir Guðbjörn. „Við vorum allt of
nálægt ströndum Noregs þar sem
Þjóðverjarnir voru í felum. Bæði
orrustuflugvélar og kafbátar réðust
á okkur. Við vorum í miðri skipa-
lestinni og það var skotið allt í
kringum okkur. Við sluppum samt
með skrekkinn og sigldum í átt að
ísnum, þar sem við máluðum skipið
hvítt til að það sæist ekki.“
Guðbjörn segir að vissulega
hafi hann og aðrir skipverjar ótt-
ast um líf sitt. Sumir hafi hreinlega
farið á taugum og ekki getað sofið,
þeir hafi verið fluttir í herskip þar
sem læknar voru um borð.
„Ég þraukaði þetta, enda með
stáltaugar.“
Á leiðinni til baka strandaði SS
Iron Clad.
„Það var viljandi gert því
skipstjórinn þorði ekki að fara
til baka. Við vorum teknir um
borð í bandarískt skip og fluttir
til Liverpool. Skömmu síðar
komst ég heim til Íslands, en
þetta var ógleymanleg ferð.“
trausti@frettabladid.is
MEÐ STÁLTAUGAR
Guðbjörn Guðjónsson segir að vissulega hafi hann og aðrir skipverjar óttast um líf sitt. Sumir hafi hreinlega farið á taugum og ekki getað
sofið. „Ég þraukaði þetta, enda með stáltaugar.“
■
„Við vorum í
miðri skipalest-
inni og það var
skotið allt í
kringum okkur.“
FR
ÉT
TA
B
LA
Ð
IÐ
/V
IL
H
EL
M
Landssímamálið:
Alvara lífsins
í Fjárvernd
VIÐSKIPTI Ríkisútvarpið sagði frá
því í gær að eignarhaldsfélagið
Alvara lífsins ehf., sem markaði
upphaf fjársvikamálsins innan
Landsímans, hafi verið einn
stofnenda Fjárverndar, verð-
bréfa fyrir 2 árum. Fjárvernd,
verðbréf var eina hlutafélagið
sem Alvara lífsins tók þátt í að
stofna.
Meðal annarra stofnenda má
nefna Sparisjóð Kópavogs, Líf-
eyrissjóð starfsmanna Kópavogs-
kaupstaðar, auglýsingastofuna
Nonna og Manna og RBD Hold-
ings S.A í Lúxemborg. Forsvars-
menn Alvöru lífsins, sem nú sitja
í gæsluvarðhaldi, fengu rífleg lán
hjá Sparisjóðnum. Bæði Árni Þór
Vigfússon og Kristján Ra Krist-
jánsson fengu 6 milljónir króna
hvor hjá sparisjóðnum í byrjun
þessa mánaðar. Trygging lánanna
er aftasti veðréttur á þakíbúðum
þeirra félaga við Skúlatún. Sú
trygging er talin vera haldlítil. ■