Fréttablaðið - 30.05.2003, Blaðsíða 9

12 30. maí 2003 FÖSTUDAGUR
■ Ráð og nefndir
STJÓRNAR HERSÝNINGU
Harry prins, yngri sonur Karls Bretaprins
og Díönu heitinnar prinsessu, stjórnaði
með styrkri hönd hersýningu ungra nema
sem haldin var á dögunum í Eton-skóla,
þar sem pilturinn stundar nám. Vangavelt-
ur eru nú uppi um að Harry, sem er 18
ára, hyggi á frama í hernum.
AP/M
YN
D
Fjármálaráðuneytið telur að lítið megi út af bregða til að sjávarútvegur lendi í taprekstri:
Versnandi afkoma sjávarútvegs
SJÁVARÚTVEGUR Fjármálaráðuneyt-
ið reiknar með versnandi afkomu
sjávarútvegs á þessu ári, saman-
borið við síðustu tvö ár.
Í vefriti ráðuneytisins er því
spáð að hreinn hagnaður sjávarút-
vegs fyrir skatta verði um fjórir
milljarðar króna á þessu ári. Sam-
kvæmt áætlun ráðuneytisins var
hann tæpir 14 milljarðar króna í
fyrra og 19,5 milljarðar árið 2001.
Hækkun krónunnar mun hafa
hvað mest áhrif á afkomu sjávar-
útvegs. Samkvæmt meðaltali í
maí hefur krónan hækkað um
12,5% frá árinu 2001, en langmest
gagnvart dollara eða um tæp 27%.
Varlega áætlað gerir Fjármála-
ráðuneytið ráð fyrir óbreyttri
framleiðslu milli áranna 2002 og
2003, en lækkandi fiskverði inn-
anlands.
Í vefritinu segir að veiðigrein-
ar standi mun betur en vinnsla, en
talið er að hún verði rekin með
halla á þessu ári. Ráðuneytið telur
að lítið megi út af bregða til að
greinin í heild lendi í taprekstri.
Miðað við gefnar forsendur megi
gera ráð fyrir að sjávarútvegur-
inn í heild verði rekinn með halla
ef gengi krónunnar hækkar um
meira en 4% frá áætluðu meðal-
tali maímánaðar.
Færri störf en áður
Skógrækt á Tumastöðum hefur dregist saman síðustu sjö ár. Samkeppnis-
stofnun úrskurðaði að Skógrækt ríkisins mætti ekki standa fyrir smásölu
plantna. Framleiðslan hefur því minnkað um 650 þúsund plöntur á ári.
SKÓGRÆKT „Tumastaðir er stærsta
og eina skógræktarstöðin í Rang-
árvallasýslu. Síðustu ár hefur
starfsemin þar dregist mjög mik-
ið saman,“ segir Hreinn Óskars-
son, skógarvörður Suðurlands.
Hann segir að áður fyrr hafi þar
verið sala, fólk hafi komið og
keypt plöntur. En Samkeppnis-
stofnun hafi úrskurðað að Skóg-
rækt ríkisins mætti ekki standa
fyrir smásölu á plöntum. Þar af
leiðandi hafi salan liðið undir lok.
Hreinn segir að 1996 hafi verið
framleiddar um 800 þúsund
skógarplöntur á Tumastöðum. Í
dag séu framleiddar um 150 þús-
und plöntur fyrir Skógræktina. Á
Tumastöðum séu tveir heilsárs
menn og ársverkin séu um fimm í
það heila. 1996 hafi verið fimm til
sex heilsársmenn og um fimmtán
sumarkrakkar eða um tíu ársverk í
það heila. „Nú höfum við gert
samning við Blómaval sem mun
rækta sínar plöntur á Tumastöð-
um. Þá vonumst við til að umfang
starfseminnar muni aukast aftur
með fjórum til fimm sumarstörf-
um.“
Hreinn segir Skógræktina
aðallega hafa verið að gróðursetja
inni í Þjórsárdal, Haukadal og í
Grímsnesi. Helst hafi verið sáð í
eyðisandana á þessum stöðum,
mest birki og lerki. Mesta furða
sé hversu vel það nái að spjara sig
þar. Grenið sé aftur á móti sett í
grónara land. „Í fyrra gróðursett-
um við um 150 þúsund plöntur.
Mest fór í eina stóra tilraun í
Gunnarsholti sem er svo kölluð
langtímatilraun gerð í samvinnu
við rannsóknarstöðina á Mógilsá.
Niðurstöður hennar verður ekki
hægt að skoða fyrr en eftir tugi
ára. Í skógræktinni er farið að at-
huga hluti sem engum datt í hug
að skoða fyrir tíu, tuttugu árum
síðan. Kolefnisbinding í skógrækt
var hugtak sem ekki var til, held-
ur voru tré notuð í timbur. Slíka
þætti verður hægt að skoða í stóru
tilrauninni í Gunnarsholti.
„Skógræktin hefur viljað halda
í Tumastaði til að framleiða plönt-
ur. Lausnin fyrir okkur er að leigja
út aðstöðuna, t.d. Blómavali. Þá
erum við ekki að selja þeim heldur
vinna fyrir þá. Þeir rækta sínar
plöntur og bera ábyrgð á þeim,“
segir Hreinn Óskarsson.
hrs@frettabladid.is
SEÐLABANKI EVRÓPU
Seðlabanki Evrópu í Þýskalandi vonast eftir
fjölgun í myntbandalaginu.
Kannanir í Danmörku
og Svíþjóð:
Fylgjandi
Evrunni
KAUPMANNAHÖFN, AP Ný skoðana-
könnun í Danmörku sýnir að
naumur meirihuti þjóðarinnar er
fylgjandi því að Evran verði tekin
upp þar í landi. Svipuð könnun í
Svíþjóð sýndi að meirihluti Svía
er fylgjandi upptöku samevr-
ópska gjaldmiðilsins. Einungis
fimm mánuðir eru í að Svíar gangi
til þjóðaratkvæðagreiðslu um
málið, en Danir og Svíar eru
ásamt Bretum einu þjóðir Evr-
ópusambandsins sem ekki hafa
tekið upp Evruna ennþá. ■
SAMA ÞINGVALLANEFND Alþingi
kaus Björn Bjarnason, dóms- og
kirkjumálaráðherra, Guðna
Ágústsson landbúnaðarráðherra
og Össur Skarphéðinsson, for-
mann Samfylkingar, í Þingvalla-
nefnd. Þeir voru allir endur-
kjörnir.
ÞRÍR NÝIR Þrír varaþingmenn
voru kosnir í nefnd um erlenda
fjárfestingu, sem ber að hafa eft-
irlit með því að takmörkunum á
erlendri fjárfestingu sé fram-
fylgt. Þeir eru Adolf H. Bernd-
sen, Sjálfstæðisflokki, og Sam-
fylkingarmennirnir Einar Karl
Haraldsson og Ellert B. Schram.
NÝTT TRYGGINGARÁÐ Tveir fyrr-
um þingmenn Samfylkingar sem
féllu í uppröðun og prófkjöri
voru kosnir í tryggingaráð á sum-
arþingi Alþingis. Það eru þau
Karl V. Matthíasson og Sigríður
Jóhannesdóttir. Aðrir sem voru
kosnir nýir eru Kristinn H. Gunn-
arsson, þingmaður Framsóknar-
flokks, og Guðrún Inga Ingólfs-
dóttir fyrir Sjálfstæðisflokk.
Margrét S. Einarsdóttir situr ein
áfram úr fyrra tryggingaráði.
FÓRNARLAMB STRÍÐS
Óbreyttur borgari í Aceh-héraði í
Indónesíu yfirheyrður af hermönnum.
Indónesía:
Meira
mannfall
INDÓNESÍA, AP Fréttir hafa borist
af voðaverkum indónesískra
hermanna gagnvart óbreyttum
borgurum í Aceh-héraði. Upp-
reisnarmenn í héraðinu berjast
fyrir sjálfstæði þess frá
Indónesíu.
Íbúar héraðsins hafa sakað
her Indónesíu um að brjóta
mannréttindi þeirra. Indónesísk-
ir hermenn komu í smábæinn
Lawang í Aceh-héraði á þriðju-
dag og ráku alla þorpsbúa inn í
litla mosku nema einn mann,
sem tekinn var afsíðis og myrt-
ur. Stjórnvöld vilja meina að
maðurinn hafi verið uppreisnar-
maður en kona mannsins segir
að hann hafi ekki tengst upp-
reisninni á neinn hátt.
Líklegt er talið að yfir 80 upp-
reisnarmenn hafi dáið í Aceh-
héraði í Indónesíu síðan stríð
hófst milli uppreisnarmanna og
hers Indónesíu 19. maí. Erfitt er
þó að segja nákvæmlega til um
fjölda látinna þar sem báðir
deiluaðilar keppast við að ýkja
mannfallið.
Þetta stríð er stærsta hern-
aðaraðgerð Indónesa síðan innrás
var gerð í Austur-Tímor 1975. ■
Úrvalsvísitala:
Spá fjórum
nýliðum
VIÐSKIPTI Greining Íslandsbanka
telur að fjögur ný félög komi inn
á úrvalsvísitölu Kauphallarinn-
ar fyrir næsta árið. Upplýsingar
um hvaða fyrirtæki mynda hana
verða birtar 10. júní næstkom-
andi. Þau félög sem Greining
spáir að komi ný inn eru Fjár-
festingarfélagið Straumur,
Grandi, Íslandssími og SH.
Vægi hvers þeirra um sig í vísi-
tölunni er talið verða þrjú pró-
sent.
Hinn nýi risi, Kaupþing Búnað-
arbanki, mun vega 21% af vísitöl-
unni að mati Greiningar. Pharmaco
kemur næst með 20% og síðan Ís-
landsbanki með 16%. ■
Leiðrétting
Vegna þess að vitnað var ístarfsmann á Prikinu í frétt
um handtöku rekstrarstjórans
skal tekið fram að starfsmaðurinn
sem Fréttablaðið ræddi við er
ekki veitingastjóri svo sem haldið
var fram. ■
Skýrsla Rannsóknar og greiningar um vímuefnanotkun ungmenna:
Drykkja algengust í Hafnarfirði
RANNSÓKN Nýleg skýrsla Rann-
sóknar og greiningar um vímu-
efnanotkun sýnir að áfengis-
neysla er töluvert meiri meðal
hafnfirskra barna en annarra.
Þess ber að geta að í skýrslunni
er sérstaklega fjallað um vímu-
efnaneyslu hafnfirskra ungmenna
og hún borin saman við neyslu
reykvískra ungmenna og lands-
meðaltal. Á bilinu 50-55% áttundu
bekkinga, á bilinu 60-65% níundu
bekkinga og á bilinu 77-82% tí-
undu bekkinga í Hafnarfirði, í
Reykjavík og á landinu í heild
segjast einhvern tíma um ævina
hafa drukkið áfengi.
Ölvun síðastliðna 30 daga er
hlutfallslega algengari meðal
áttundu, níundu og tíundu bekk-
inga í Hafnarfirði en jafnaldra
þeirra í Reykjavík og á landinu í
heild. Algengast er árið 2002 að
nemendur í 10. bekk í Hafnar-
firði, í Reykjavík og á landinu í
heild hafi drukkið bjór síðast-
liðna 30 daga, því næst sterkt
áfengi en minnst er um að tíundu
bekkingar segist hafa drukkið
léttvín. Neysla allra þessara
drykkja er hlutfallslega algeng-
ari meðal nemenda í 10. bekk í
Hafnarfirði en í Reykjavík og á
landinu í heild. ■
VINNSLAN Í VANDRÆÐUM
Í vefritinu segir að veiðigreinar standi mun betur en vinnsla, en talið er að hún verði rekin
með halla á þessu ári.
Hlutfall nemenda í 8., 9. og 10.
bekk árið 2002 sem hafa drukkið
áfengi síðastliðna 30 daga.
%
SKÓGRÆKT
Á Tumastöðum hefur ræktun skógarplantna dregist verulega saman á síðustu árum.
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M