Fréttablaðið - 30.05.2003, Blaðsíða 22

Kristján Davíðsson og Þór Vig-fússon opna safnið með frá-
bærri sýningu á nýjum verkum.
Þeir eru af ólíkum kynslóðum en
sameinast hér á þessari sýningu.
Það má því segja að þeir séu að
rugla saman reytum,“ segir Birna
Kristjánsdóttir, forstöðumaður
Listasafns Árnesinga.
Safnið var flutt frá Selfossi til
Hveragerðis nú í vor og að sögn
Birnu er safnið orðið helmingi
stærra og mun betur í stakk búið til
að sinna menningar- og listastarfi í
Árnessýslu.
„Við viljum endilega fá fólk sem
á leið hjá til að líta við og skoða
fallega list, bæði heimamenn og
ferðamenn. Safnið er í alfaraleið og
þessi sýning höfðar til breiðs hóps
þar sem þetta er spennandi sam-
tímalist. Í aukasal safnsins sýnum
við vandaðan íslenskan listiðnað,
bæði eftir Árnesinga og aðra.“
Sýningin stendur til 31. júlí og er
opið alla daga frá klukkan 12 tl 18.
Safnið er til húsa við Austurmörk 21
í Hveragerði. ■

Hollenska myndlistarkonan Dorine
van Delft heldur sýningu í SÍM-húsinu
að Hafnarstræti 16 í Reykjavík. Sýningin
ber nafnið Will Hydrogen Effect You?

Sýningin “Afbrigði af fegurð“ hefur
opnað á Prikinu. Það er Femínistafélag
Íslands sem stendur fyrir sýningunni.

Stóra norræna fílasýningin í sýn-
ingarsal Norræna hússins. Á sýningunni
eru verk eftir dönsku listamennina Peter
Hentze, Thomas Winding og Pernelle
Maegaard. Victoria Winding hefur séð
um gerð fræðslutexta.

Sýning Claire Xuan í Ljósmynda-
safni Íslands við Tryggvagötu. Listakon-
an kynnir þar myndverk sín og ljós-
myndir og fimmtu ferðadagbók sína, Ís-
land.

Sýning í Listasafni Íslands á úrvali
verka í eigu safnsins. Um sumarsýningu
safnsins er að ræða.

Hrafnhildur Sigurðardóttir sýnir lág-
myndir, textílverk og myndverk unnin
með tölvutækni í Listasafni ASÍ við
Freyjugötu. Sýningin stendur til sunnu-
dagsins 1. júní. Listasafn AS, Freyjugötu
41 er opið frá 13.00 til 17.00 alla daga
nema mánudaga.

Ljósmyndasýningin Myndaðir máls-
hættir stendur nú yfir í Caffé Kúlture í
Alþjóðahúsinu við Hverfisgötu, gegnt
Þjóðleikhúsinu. Þetta er sýning á loka-
verkefnum útskriftarnema í ljósmyndun
við Iðnskólann í Reykjavík. Sýningin
stendur til 6. júní og er hún opin á af-
greiðslutíma kaffihússins.

„ÓRÓ“ nefnist vorsýning sex mynd-
listarnema á öðru ári í Listaháskóla Ís-
lands sem haldin verður í Listasafni
Sigurjóns Ólafssonar þessa helgi og
næstu helgi. Opnunartími er frá kl. 14-
17.

Einar Hákonarson er með sýningu á
nýjum verkum í Húsi málaranna, Eiðis-
torgi. Sýningin stendur til 7. júní og verða
opin fimmtudaga-sunnudaga kl. 14-18.

Sýning á höggmyndum eftir Örn
Þorsteinsson stendur yfir á Kjarvals-
stöðum. Sýningin teygir sig um ganga
Kjarvalsstaða og umhverfis húsið.

Veronica Österman frá Finnlandi er
með málverkasýningu í Listhúsi Ófeigs,
Skólavörðustíg 5. Sýningin er opin virka
daga 10-18 og laugardaga 11-16.
FÖSTUDAGUR 30. maí 2003 25
ERNA HAUKSDÓTTIR
Ég hafði hugsað mér að fara íBorgarleikhúsið um helgina til
að nýta síðasta miðann minn í
áskriftinni en mér sýnist ég búin
að sjá það sem verður um helgina
svo það verður líklega að bíða
fram yfir helgi,“ segir Erna
Hauksdóttir, framkvæmdastjóri
Samtaka ferðaþjónustunnar. „Það
væri til dæmis gaman að fara í
Þjóðleikhúsið og sjá síðustu sýn-
inguna á Rauða spjaldinu og ef ég
væri í stuði eftir leikhús gæti ég
svona í gríni boðið manninum
mínum á Elviskvöld á Kránni þar
sem hann er mikill Elvisaðdáandi.
Mér þykir mjög gaman að fara á
rölt um listasöfnin og get hugsað
mér að koma við á Listasafni Ís-
lands, þangað er alltaf gaman að
koma. Sýningin hans Einars Há-
konarsonar freistar mín þar sem
það er býsna langt síðan ég hef
farið á sýningu hjá honum. Sýn-
ing Þorbjargar Höskuldsdóttur
þykir mér spennandi, ég hef alltaf
verið hrifin af verkunum hennar
og á eitt fallegt. Síðan hef ég í
mjög mörg ár farið á útskriftar-
sýningar hjá myndlistar- og hönn-
unarnemendum og þykir það
mjög skemmtilegt og áhugavert.
Slík sýning stendur nú yfir. Þetta
eru aðeins örfáar sýningar af ótrú-
lega mörgum sem í gangi eru sem
stendur og gaman væri að sjá.“

Val Ernu
Þetta lístmér á!
Kynslóðir mætast í Hveragerði
✓
EITT VERKA KRISTJÁNS
Kristján Davíðsson og Þór Vigfússon leiða
saman hesta sína í Listasafni Árnesinga i
Hveragerði. Þeir sýna þar ný verk á opnun-
arsýningu safnsins en sýningin stendur til
loka júlí.
■ MYNDLIST
✓