Fréttablaðið - 15.10.2003, Page 22
15. október 2003Heimilisblaðið
Þegar við skipuleggjum eld-húsinnréttingar verður aðtaka tillit til rýmisins og
þarfa einstaklingsins,“ segir Ed-
vard Sverrisson, eigandi Innvals í
Kópavogi. „Við reynum að gera
það besta úr því rými sem við höf-
um og það getur verið býsna snú-
ið að hanna gott eldhús með tilliti
til vinnuaðstöðu og þarfa fólks. En
við sem reyndir seljendur leyfum
fólki ekki að fara út með innrétt-
ingar sem henta þeim ekki. Við
erum að selja persónulega hluti
og þurfum að skynja þarfir neyt-
andans.“
Yfirleitt er farið eftir hug-
myndafræði um vinnuþríhyrning-
inn svokallaða, en til eru ákveðnar
reglur um fjarlægð milli vasks,
eldavélar og ísskáps. Vegalengdin
milli þeirra verður að vera mátu-
lega löng og aðgengileg. Ekki má
vera of langt á milli og í betri inn-
réttingum eru helluborð og vaskur
á sama borði. Þetta skapar hag-
ræði við vinnu og eykur öryggi því
ekki er gott að færa heita hluti
milli borða. Talað er um að lág-
marksfjarlægt frá vaski að eldavél
sé 60 til 80 sm, en notandinn á ekki
að geta haft eina hönd á rafmagni
og aðra í vatni. Ef mátulega langt
er frá eldavél að vaski er þar góð
vinnuaðstaða. Þá er gott að hafa ís-
skáp við hlið vinnuborðs til að geta
lagt frá sér innkaupapoka og tínt í
ísskápinn. Að mati Edvards má
ofninn vera lengra frá þar sem
hann er minna notaður.
Edvard segir að eftir því sem
framleiðslutækninni fleytir fram
verði íhlutir eins og skúffur betri.
Við það eykst geymslurými í neðri
skápum og minni þörf verður fyrir
efri skápa. Þetta helst í hendur við
svokallaða naumhyggju og efri
veggur eldhússins verður þá meira
fyrir augað. Eftir því sem skúffur
verða flottari og dýrari verður líka
meiri tilhneiging til að draga úr
kostnaði við efri skápa.
Hæð borða og innréttinga fer
eftir því hvað notendur eru hávaxn-
ir. Edvard segir að yfirleitt vilji fólk
hafa bakaraofninn uppi á vegg ef
það er hægt og það hefur einnig
færst í vöxt að færa uppþvottavélar
upp á vegg til að bæta vinnuaðstöð-
una. Aðstæður eru hins vegar mjög
misjafnar. „Það er til dæmis ekki
gott að hafa uppþvottavél langt frá
vaski. En það er einhver lenska hér
á Íslandi að setja vaska undir
glugga. Slíkt getur gert okkur erfitt
fyrir,“ segir Edvard.
„Stundum þarf að umturna
innri hönnun húsa því ekki var
hugsað fyrir praktískum hlutum í
upphafi. Raflagnir, lýsing, stað-
setning innstungna og vatnslagnir
henta ekki endilega fullbúnu eld-
húsinu. Því fyrr sem við komum að
hönnuninni, því betur getum við
leiðbeint,“ segir Edvard og bætir
því við að starf hans felist ekki síð-
ur í sálfræði en sölumennsku.
„Eftir því sem maður starfar leng-
ur við þetta, þeim mun meiri víð-
sýni öðlast maður. Hvert eldhús er
nýtt verkefni sem kallar á nýjar
lausnir.“ ■
Eldhúsinnréttingar
Hvert eldhús kallar
á eigin lausnir
Málun svalagólfa getur veriðmikilvæg fyrir veturna. Að
sögn Ingimundar Einarssonar,
málarameistara, er orðið heldur
seint um þessar mundir að standa
í slíku þar sem farið er að kólna
mikið. Dögg myndast þá á fletin-
um yfir nóttina og því verður
erfitt að bera á hann.
Ingimundur segir að hiti þurfi
helst að vera á bilinu 5-10 gráður
til að hægt að sé að mála svala-
gólf. Hann ráðleggur fólki sem
vill verja svalagólfin sín að setja
sílan vatnsvörn eða sílan festi á
gólfin, sem hrindir rakanum í
burtu. Þetta er gert til að sval-
irnar verði ekki gegnsósa af
vatni.
Ingimundur segir að nokkuð
sé um að fólk setji gervi-
grasteppi á svalagólfin sín.
„Þessi teppi halda rakanum inni
og það verður allt gegnsósa af
bleytu undir þessu,“ segir Ingi-
mundur. „Það er allt í lagi að hafa
þessi teppi á sumrin en ég ráð-
legg fólki að taka þau af á vet-
urna.“ ■
VINNUÞRÍHYRNINGURINN
Gert er ráð fyrir ákveðinni fjarlægð milli eldavélar, vasks og ísskáps.
EFRI HLUTI ELDHÚSSINS OFT MEIRA FYRIR AUGAÐ
Skúffur og neðri skápar gegna stærra hlutverki.
SVALARGÓLF EFTIR
Hér má sjá sama svalargólf eftir að rignt hafði á það. Eins og sjá má perlar regnvatnið á
steinfletinum og smýgur því ekki inn í steinninn.
SVALAGÓLF
Ingimundur ráðleggur fólki að setja sílan á
svalagólfin sín.
Svalagólf fyrir veturinn:
Sílan til varnar raka
Hvað varstuað kaupa?
„Við vorum að kaupa perur, nagla, kló og
kaffibox. Bara sitt lítið af hverju. Við erum
að setja parket heima hjá okkur en þetta
tengist því nú lítið.“
AÐALBJÖRG BALDVINSDÓTTIR OG GUÐLAUGUR
VILHJÁLMSSON
Húsráð
Ef fólk lendir í því að tyggjóklínist í hár er ekki ráðlegt að
rjúka til og ná í skærin. Hægt er
að maka smjörlíki vel á staðinn
þar sem tyggjóið er fast og þá er
mun auðveldara að ná tyggjóinu
úr. Þvoið svo hárið vel.