Fréttablaðið - 09.11.2003, Blaðsíða 4

4 9. nóvember 2003 SUNNUDAGUR
Er framkoma Varnarliðsins eðlileg
gagnvart íslenskum starfsmönn-
um sem sagt hefur verið upp
störfum eða kjörum?
Spurning dagsins í dag:
Ertu sátt/ur við hækkun afnotagjalda
ríkisfjölmiðlanna?
Niðurstöður gærdagsins
á www.frett.is
71%
29%
Nei
Já
Kjörkassinn
Farðu inn á frett.is og segðu þína skoðun
frétt.is
Deilur um stjórn Palestínumanna:
Arafat hefur betur
RAMALLAH, AP Jasser Arafat, leið-
togi Palestínumanna, og Ahmed
Qureia, forsætisráðherra í
stjórn Palestínumanna, þokuð-
ust nær samkomulagi um ráð-
herraskipan í nýrri stjórn. Und-
anfarnar vikur hefur flest verið
óljóst um skipan nýju stjórnar-
innar vegna deilna milli þeirra.
„Ég vona að okkur takist að
klára stjórnarmyndun á allra
næstu dögum,“ sagði Arafat.
„Við tilkynnum það eins fljótt
og mögulegt er.“
Svo virðist sem Qureia for-
sætisráðherra hafi látið af kröf-
um sínum, annars vegar um það
hver verði innanríkisráðherra
nýju stjórnarinnar, og hins veg-
ar hvernig háttað verði yfir-
stjórn öryggissveita Palestínu-
manna.
Qureia hefur staðfest að
samkomulagið felist í því, að ör-
yggissveitunum verði stjórnað
af tólf manna öryggisráði, þar
sem Arafat situr í forsæti.
Qureia hafði krafist þess að
innanríkisráðherrann hafi yfir-
stjórn öryggissveitanna á sinni
hendi, en Arafat tók það ekki í
mál. ■
Eldsvoði í litlu
Reykjavík
Kveikt var í nokkrum íbúðarhúsum í Horsens í Danmörku í fyrrinótt.
Íslendingar eru fjölmennir í hverfinu, sem kallað er litla Reykjavík, og
má teljast mildi að allir sluppu lifandi.
ELDSVOÐI „Guð má vita hvað hefði
gerst ef ekki hefði tekist að vekja
fólkið sem bjó í húsunum sem
brunnu,“ segir Guðmundur
Hreinsson, íbúi í Horsens í
Danmörku. Kveikt var í nokkrum
íbúðarhúsum þar í fyrrinótt og
brunnu þrjú tveggja hæða íbúðar-
hús til grunna áður en slökkvilið
kom á staðinn. Var 25 manns gert
að yfirgefa hús sín tímabundið
þar sem óttast var að að eldarnir
breiddust út.
„Það má segja að heppnin hafi
verið með Íslendingum því við
erum mjög fjölmennir í þessu
hverfi sem um ræðir. Mér telst til
að íslenskar fjölskyldur séu um
40% þeirra sem hér búa en fyrir
hreina tilviljun var ekki kveikt í
húsum þeirra.“
Að sögn Guðmundar urðu eng-
in íbúðarhús Íslendinga fyrir tjóni
vegna íkveikjanna en ein bifreið í
eigu íslenskrar fjölskyldu varð
eldinum að bráð. „Það sem vekur
mesta furðu hér er sá tími sem
það tók slökkvilið að koma á stað-
inn. Það tók klukkutíma og nokkur
hús brunnu til grunna á þeim
tíma. Þegar þeir svo létu sjá sig
virkuðu ekki þessir fáu brunahan-
ar sem skyldi og allt slökkvistarf
tók ægilega tíma vegna þess. Í
Horsens búa um 50 þúsund manns
og algerlega óásættanlegt að eld-
varnarmál séu í ólestri í borg á
stærð við þessa. Sér í lagi þar sem
íkveikjur eru ekki nýtt vandamál
hér á þessum slóðum.“
Lögregla í Horsens handtók 17
ára unglingspilt skömmu eftir að
eldarnir brutust út. Hann hefur
áður komist í kast við lögin vegna
íkveikjutilrauna og telur lögregla
góðar líkur á að hann hafi staðið
að verknaðinum. Hann hefur ver-
ið dæmdur í gæsluvarðhald vegna
málsins en neitar allri sök.
Horsens er ein af stærstu ný-
lendum Íslendinga í Danmörku.
Borgin er á Jótlandi, miðja vegu
milli Árósa og Vejle. ■
VINNUSLYS AÐ KÁRAHNJÚKUM
Maður meiddist á baki í vinnu-
slysi þegar klakastykki féll á
hann á Kárahnjúkasvæðinu í
gærmorgun. Hann var fluttur
með sjúkrabíl á Heilbrigðisstofn-
un Austurlands á Egilsstöðum til
skoðunar. Maðurinn var við vinnu
sína á virkjunarsvæðinu þar sem
unnið er að borun ganga og féll
klakastykkið af bergi þar fyrir
ofan.
TVEIR ÁREKSTRAR Tvö umferðar-
óhöpp urðu á Reykjanesbraut í
umdæmi lögreglunnar í Kópavogi
á laugardag. Enginn slasaðist í
árekstrunum og var hægt að aka
öllum bifreiðum á brott. Þá var
einn tekinn fyrir ölvunarakstur
aðfaranótt laugardags.
REYKJANESBÆR
Sameiginlegur kostnaður er mun hærri en
hjá sveitarfélögum í grenndinni.
Lífeyrisskuldbindingar
Reykjanesbæjar:
Kostnaður
margfaldast
SVEITARSTJÓRNIR Sameiginlegur
kostnaður, reiknaður á hvern íbúa,
er hæstur í Reykjanesbæ ef litið er
til sveitarfélaga á höfuðborgar-
svæðinu eða rúmlega 60 þúsund
krónur árið 2002. Reynir Valbergs-
son, fjármálastjóri Reykjanesbæj-
ar, segir að þarna sé alls ekki um
það að ræða að launakostnaður sé
svo miklu meiri en gerist í ná-
grannasveitarfélögunum. Árið
2002 hafi verið farið í það að end-
urreikna lífeyrisskuldbindingar
bæjarins og komið hafi á daginn að
þær hafi verið stórlega vanmetnar.
„Við höfðum reiknað með því að
þær væru 20 milljónir króna en
tryggingafræðingur komst að
þeirri niðurstöðu að þær væru 420
milljónir króna. Það er skýringin á
þessari háu tölu,“ segir Reynir. ■
JAPANSKUR HVALFANGARI
Fimm hvalveiðiskip héldu úr höfn í fyrra-
dag.
Japanir:
Veiða 410
hrefnur
TÓKÍÓ, AP Fimm japönsk hvalveiði-
skip héldu í fyrradag til hrefnu-
veiða í Suðurhöfum. Um 200 manns
eru um borð í hvalbátunum en ætl-
unin er að veiða allt að 410 hrefnur
í leiðangrinum. Eitt skipanna fimm
er móðurskipið NisshinMaru, rúm-
lega 7.600 tonna skip.
Shuji Sato, talsmaður japönsku
fiskistofunnar, segir að veiðarnar
séu vísindaveiðar. Niðurstöðum úr
ferðinni verði skilað til Alþjóða-
hvalveiðiráðsins.
Leiðangur japönsku hval-
fangaranna stendur fram í apríl á
næsta ári en þetta er sautjándi
leiðangurinn sem farinn er síðan
hvalveiðibann tók gildi árið 1986.
Talsmenn dýraverndarsamtaka
segja þetta atvinnuveiðar undir yf-
irskyni vísinda, enda muni megnið
af kjötinu enda í veitingahúsum. ■
edda.is
„fia› er ánægjulegt a› sjá
myndasögu eins og Bló›regn
sem ætti ekki sí›ur a› höf›a
til fullor›inna en barna - ætti
einfaldlega a› höf›a til allra
sem kunna a› meta gó›ar
sögur.“
Úlfhildur Dagsdóttir,
október 2003
Úr rústum Njálsbrennu
3. sæti
Penninn Eymundsson
29. okt.–4. nóv.
Barnabækur
LAGT HALD Á 80 KÍLÓ AF
HERÓÍNI Öryggisverðir á alþjóð-
lega flugvellinum í Islamabad í
Pakistan fundu 80 kíló af heróíni
í farangri pakistansks farþega á
leið til Bretlands. Efnið var í
plastpokum í þremur ferðatösk-
um. Þetta er mesta magn heróíns
sem lagt hefur verið hald á á
flugvellinum. Heróínið er upp-
runnið í Afganistan.
ÓKEYPIS MEÐFERÐ FYRIR HIV-
SMITAÐA Yfirvöld í Kína segjast
ætla að veita fátækum alnæmis-
sjúklingum ókeypis meðferð til
að reyna að hefta útbreiðslu sjúk-
dómsins. Um 5000 sjúklingar fá
ókeypis meðferð á næsta ári.
840.000 Kínverjar eru smitaðir af
HIV-veirunni og hefur fjölgunin
verið 30% á ári að undanförnu.
SENDIMAÐUR HITTI SUU KYI
Sendifulltrúi frá Mannréttinda-
stofnun Sameinuðu þjóðanna
fékk að hitta mjanmarska lýð-
ræðissinnann Aung San Suu Kyi.
Paulo Sergio Pinheiro, sem stadd-
ur er í Mjanmar til að rannsaka
meint mannréttindabrot herfor-
ingjastjórnarinnar, hefur ekki
viljað tjá sig um fundinn. Suu
Kyi hefur verið í stofufangelsi
síðan í maí.
Breyttir útreikningar Jöfnunarsjóðs sveitarfélaga:
Áttu ekki að koma
neinum á óvart
SVEITARSTJÓRNARMÁL Árni Magnús-
son félagsmálaráðherra vísar því
alfarið á bug að breyttir útreikn-
ingar fjárframlaga til sveitarfé-
laga úr Jöfnunarsjóði sveitarfé-
laga hafi ekki verið kynntar nægi-
lega vel. Lækkuð framlög sjóðsins
hafa komið bæði bæjarstjórn
Sandgerðis og bæjarstjórn Mýr-
dalshrepps ásamt fleirum í opna
skjöldu og mun hafa alvarleg
áhrif á stöðu viðkomandi bæjar-
sjóða.
„Samband sveitarfélaga átti
þrjá fulltrúa í þeirri endurskoðun-
arnefnd sem fór yfir breytingarn-
ar. Málið var kynnt á fulltrúaráðs-
fundi sambandsins og á fjármála-
ráðstefnu sem fram fór í fyrra.
Það lá alveg ljóst fyrir að framlag
úr sjóðnum myndi lækka og það
átti ekki að koma neinum á óvart.“
Árni segir viðræður hafa farið
fram við forsvarsmenn sambands
sveitarfélaga en ágreiningur sé
uppi og óljóst á þessari stundu
hvert framhaldið verði. ■
Jarðhræringar:
Hrinur við
Vatnajökul
SKJÁLFTAVIRKNI Enn eru talsverðar
jarðhræringar norður af Vatna-
jökli á milli Öskju og Herðubreið-
ar. Skjálfta varð vart þar á mánu-
daginn var og hafa um 30 skjálft-
ar mælst á svæðinu síðan þá.
Einnig er fylgst með Mýr-
dalsjökli en talsverðra hræringa
hefur orðið vart þar. Margir vís-
indamenn telja að stutt sé í eldgos
á því svæði. ■
AHMED QUREIA
Forsætisráðherra Palestínumanna ræðir við
blaðamenn í gær.
■ Lögregluféttir
■ Asía
FÉLAGSMÁLARÁÐHERRA
Segir fráleitt að breyttir útreikningar Jöfn-
unarsjóðs hafi komið mönnum í opna
skjöldu.
AP
/M
U
H
AM
M
ED
N
AS
SE
R
AÐSTÆÐUR Í HORSENS
Eldur var borinn að nokkrum íbúðarhúsum í stóru Íslendingahverfi í Horsens á Jótlandi.
BRANN TIL ÖSKU
Þrjú íbúðarhús brunnu til kaldra kola og
minnst sex bifreiðir urðu eldinum að bráð.
LJÓT AÐKOMA
25 íbúar voru fluttir á brott til öryggis en
aðkoman var ljót þegar fólkið sneri til
baka.