Fréttablaðið - 02.01.2004, Blaðsíða 22

22 2. janúar 2004 FÖSTUDAGUR
ÞUNG HÖGG FRÁ ÞUNGUM
Súmóglímumaðurinn Yokozuna Akebona
og fyrrum NFL-leikmaðurinn Bob Sapp
sjást hér berjast í íþróttinni K-1, sem er
blanda af karate, tae kvondo og sparkboxi,
í Nagoya í Japan á gamlársdag. Sapp vann
bardagann á tæknilegu rothöggi.
Bardagaíþróttir
Landsliðsmarkvörðurinn Árni Gautur Arason:
Ekki til Sturm Graz
FÓTBOLTI Landsliðsmarkvörðurinn
Árni Gautur Arason fer ekki til
austurríska félagsins Sturm Graz
eins og lengi var útlit fyrir. Árni
Gautur er laus mála hjá Rosen-
borg eftir að samningur hans við
norska félagið Rosenborg rann út
um áramótin. Sturm Graz fékk til
sín austurríska landsliðsmark-
vörðinn Thomas Mandl frá
Austria Wien. Mandl hefur átt
erfitt með að komast í lið hjá
Austria eftir af félagið keypti
Joey Didulica frá Ajax.
Markvörðurinn sem Árni Gaut-
ur átti að leysa af hólmi, Belginn
Filip De Wilde, gekk til liðs við Ís-
lendingafélagið Lokeren á nýárs-
dag. Árni Gautur sagði í samtali
við Fréttablaðið í gær að það hefði
slitnað upp úr samningaviðræðun-
um við Sturm Graz fyrir tveimur
dögum.
„Það var eiginlega meira að
þeirra frumkvæði heldur en míns.
Ég get samt ekki sagt að ég hafi
verið yfir mig spenntur yfir þessu
tilboði og vonandi hefur þetta
bara eitthvað gott í för með sér.
Ég er orðinn atvinnulaus núna og
umboðsmaður minn er á fullu að
finna félag fyrir mig. Ég get ekki
sagt að ég sé orðinn örvæntingar-
fullur en þetta ástand er leiðinlegt
til lengdar,“ sagði Árni Gautur
Arason. ■
Hafa áhyggjur
af bullunum
Breska lögreglan telur að skipuleggjendur Evrópukeppninnar í Portú-
gal hafi ekki sýnt næga aðgæslu við sölu miða á leiki keppninnar og ótt-
ast óspektir þekktra knattspyrnubullna frá Englandi
FÓTBOLTI Miðasalan á leiki í Evr-
ópukeppninni í Portúgal í júní hef-
ur verið heldur tilviljunarkennd
og óttast breska lögreglan að
þekktar knattspyrnubullur muni
streyma til Portúgal eftir að hafa
náð að tryggja sér miða. Það getur
því orðið svo að ofbeldi og önnur
villimannsleg hegðun muni setja
svip sinn á borgirnar þar sem
leikirnir fara fram vegna lélegrar
skipulagningar af hálfu þeirra
sem seldu miðana.
Breska lögreglan telur að
margar knattspyrnubullur, sem
eru á svarta listanum hjá þeim,
hafi náð að tryggja sér miða þar
sem Portúgalarnir gera ekkert til
að koma í veg fyrir að þeir fái
miða. Portúgalarnir hafa ítrekað
hundsað ráðleggingar bresku lög-
reglunnar og hafa nú selt áttatíu
þúsund miða í gegnum Netið. Eng-
inn veit hver fær þessa miða í
hendurnar og einhverjir þeirra
gætu hafa lent hjá knattspyrnu-
bullum sem ætla til Portúgals í
öðrum erindagjörðum en að horfa
á fótbolta.
„Við höfum ekki hugmynd um
hvort einhverjir af hinum þekktu
vandræðagemlingum hafi keypt
miða á leikina í gegnum Netið,“
sagði talsmaður bresku lögregl-
unnar í samtali við dagblaðið The
Times. „Við munum vinna með
portúgölskum yfirvöldum við að
reyna að fjarlæga bullurnar en ég
er hræddur um að við höfum
misst af lestinni.“
Enskar knattspyrnubullur eru
þekktar um víða veröld fyrir að
vera þær verstu sem fyrirfinnast
og þær hafa ekki legið á liði sínu á
þessu ári. Þrír menn voru skotnir
og einn stunginn í tengslum við
leik Englendinga og Liechten-
steina í undankeppni EM í mars
og mánuði seinna voru yfir fimm-
tíu menn handteknir fyrir leik
gegn Tyrkjum eftir að þeir höfðu
lent í götuslagsmálum við lögregl-
una og kastað flöskum, barstólum
og fleiru lauslegu í átt að laganna
vörðum.
Breska lögreglan hefur lista
undir höndum sem flestar af al-
ræmdustu knattspyrnubullunum
eru á. Hún hefur sagt að þeim
verði fylgt eftir þegar þeir stíga
út fyrir þröskuldinn á heimili sínu
þegar líður að keppninni í
Portúgal. ■
Enska 1. deildin:
Betts og Jeffs
löglegir
FÓTBOLTI Varnarmaðurinn Tom
Betts og miðjumaðurinn Ian
Jeffs, sem léku með Eyjamönn-
um á síðasta tímabili, eru nú loks-
ins orðnir löglegir með enska 1.
deildarliðinu Crewe Alexandra.
Betts og Jeffs kláruðu Lands-
bankadeildina með Eyjamönnum
og komu því út eftir leikmanna-
markaðnum lokaði þann 1. sept-
ember síðastliðinn.
Þeir urðu því að bíða þar til í
gær til að mega spila með Crewe
en leikmannamarkaðurinn opn-
aði á nýjan leik í gær.
Betts og Jeffs voru báðir í
lykilhlutverki hjá Eyjamönnum
sem sluppu naumlega við fall en
Betts á góða möguleika á því að
komast í liðið samkvæmt net-
miðlinum skysports.com þar
sem margir varnarmanna liðsins
eru meiddir. ■
FÓTBOLTI Íslenska landsliðið í knatt-
spyrnu mun spila vináttuleik gegn
lettneska landsliðinu í Riga 29. apr-
íl næstkomandi. Leikurinn fer fram
á alþjóðlegum leikdegi þannig að
íslenska liðið ætti að geta stillt upp
sína sterkasta liði. Ásgeir Sigur-
vinsson, þjálfari liðsins, sagði í
samtali við Fréttablaðið að það
væri kærkomið að fá þennan leik
sem væri liður í undirbúningi Letta
fyrir úrslitakeppni EM í Portúgal
en þetta verður í fyrsta sinn sem
Lettar taka þátt í úrslitum stór-
móts.
„Við skuldum þeim leik frá því
fyrir nokkrum árum og þessi dag-
setning hentar báðum þjóðum vel.
Ég á von á hörkuleik enda er mik-
ið undir hjá Lettum. Við munum
stilla upp okkar sterkasta liði í
leiknum því að hann er á alþjóð-
legum landsleikjadegi þar sem fé-
lagsliðin verða að sleppa mönn-
um,“ sagði Ásgeir. Hann sagði
jafnframt að það væri verið að
vinna í því að fá vináttuleiki á al-
þjóðlegum leikdögum í febrúar
og mars en ekkert væri enn ör-
uggt í þeim efnum. ■
FÓTBOLTI Knattspyrnumaðurinn
Ríkharður Daðason er ekki enn
búinn að finna sér lið en hann
ákvað að taka ekki tilboði norska
liðsins Frederikstad um eins árs
samning í desember. Ríkharður
sagði í samtali við Fréttablaðið í
gær að umboðsmaður hans væri
að athuga markaðinn erlendis og
að hann vildi fyrst skoða hvort
hann kæmist út áður en hann færi
að kíkja í kringum sig á Íslandi.
„Auðvitað kitlar það að spila
úti en ég gæti alveg eins hugsað
mér að fara að vinna og nýta mér
þá menntun sem ég aflaði mér
fyrir löngu síðan,“ sagði Ríkharð-
ur en hann er menntaður sem
hagfræðingur frá Columbia-
háskólanum í New York. Ríkharð-
ur sagðist aðspurður ekki hafa
rætt við nein íslensk félög enn
sem komið er enda vildi hann
fyrst ganga úr skugga um hvort
hann kæmist að úti. „Ég nenni
ekki að fara í samningaviðræður
við einhver lið á Íslandi til þess
eins að hætta þeim síðan ef eitt-
hvað kemur upp úti. Ég mun
væntanlega bíða fram í miðjan
janúar og sjá hvað gerist en ef
ekkert gerist á þeim tíma þá mun
ég að öllum líkindum spila í Ís-
landi,“ sagði Ríkharður. ■
Þýski handboltinn:
Gylfi með
níu mörk
HANDBOLTI Gylfi Gylfason skoraði
níu mörk fyrir lið sitt Wilhelms-
havener þegar það beið lægri hlut
fyrir Flensburg, 33-31, í þýsku 1.
deildinni. Snorri Steinn Guðjóns-
son skoraði fimm mörk og var
markahæstur hjá Grosswallstadt
sem tapaði stórt fyrir Kiel, 34-18,
á útivelli.
Gunnar Berg Viktorsson skor-
aði fimm mörk og Róbert Sig-
hvatsson skoraði þrjú þegar
Wetzlar gerði jafntefli, 30-30,
gegn Wallau-Massenheim. Einar
Örn Jónsson skoraði eitt mark
fyrir Wallau. Guðjón Valur Sig-
urðsson skoraði fimm mörk fyrir
Essen sem vann Göppingen, 28-
25, á útivelli. Jaleisky Garcia
skoraði einnig fimm mörk fyrir
Göppingen. ■
ÁRNI GAUTUR ARASON
Laus allra mála hjá Rosenborg en gengur erfiðlega að finna nýtt félag.
RÍKHARÐUR DAÐASON
Ríkharður hefur verið orðaður við KR en
segist ekki hafa rætt við forráðamenn
félagsins.
Knattspyrnumaðurinn Ríkharður Daðason:
Ekkert í deiglunni
ÁSGEIR SIGURVINSSON
Ásgeir býst við hörkuleik gegn Lettum í lok
apríl.
Íslenska landsliðið í knattspyrnu:
Leikið við Letta í apríl
JOHN TERRY
John Terry vill klára ferilinn hjá Chelsea.
John Terry:
Vill klára
ferilinn hjá
Chelsea
FÓTBOLTI Varnarmaðurinn sterki
John Terry segist vilja klára feril-
inn hjá Chelsea en hann á eftir
þrjú ár af samningi sínum. „Ég
hef sagt forráðamönnum liðsins
að ég sé tilbúinn til að skrifa und-
ir til lífstíðar. Þetta er mitt félag
og ég hef engan áhuga á því að
spila fyrir annað lið,“ sagði þessi
sterki varnarmaður í breskum
fjölmiðlum.
Terry hefur spilað frábærlega
með Chelsea það sem af er keppn-
istímabilinu og mun að öllum lík-
indum spila við hlið Sols Camp-
bell í vörn enska landsliðsins á
EM í Portúgal ef banninu á Rio
Ferdinand verður ekki stytt.
Hann segir að hann elski að
vinna með Caludio Ranieri,
knattspyrnustjóra liðsins, sem
hafi hjálpað honum gífurlega.
„Mér líður afskaplega vel
hérna, ég er með knattspyrnu-
stjóra sem trúir á mig og í liði
sem getur barist við Manchester
United og Arsenal um titilinn á
næstu árum. ■
Ellert Jón Björnsson:
Spilar ekki
með Val
FÓTBOLTI Ellert Jón Björnsson mun
ekki leika með Valsmönnum í 1.
deildinni á næsta tímabili. Hann
sagði í samtali við Fréttablaðið í
gær að hann væri í samningavið-
ræðum við Skagamenn þessa dag-
ana og að hann vonaðist til að niður-
staða kæmist í það mál fljótlega.
„Ég mun ekki spila með Val á
næsta ári, það er alveg á hreinu,“
sagði Ellert Jón. Hann gekk til liðs
við Valsmenn seinni hluta tíma-
bilsins í fyrra eftir að hafa átt í
vandræðum með að komast í
Skagaliðið. ■
ENSKAR BULLUR Á FLEYGIFERÐ
Enskir „knattspyrnuáhugamenn“ sjást hér elta kollega sinn frá Frakklandi í Evrópukeppni í Hollandi og Belgíu árið 2000, væntanlega til
að berja hann til óbóta.