Fréttablaðið - 04.01.2004, Blaðsíða 6

6 4. janúar 2004 SUNNUDAGUR
■ Evrópa
PAPANDREOU LÍKLEGUR Líklegt
þykir að George Papandreou, nú-
verandi utanrík-
isráðherra
Grikklands,
verði forsætis-
ráðherraefni
sósíalistaflokks-
ins í komandi
kosningum sem
fram eiga að
fara í byrjun
maí. Papandreou hefur ítrekað
mælst langvinsælasta forsætis-
ráðherraefni flokksins í skoðana-
könnunum en bæði faðir hans og
afi hafa gengt embætti forsætis-
ráðherra Grikklands.
FÆKKUN DAUÐASLYSA Sam-
kvæmt skýrslu spænska umferð-
arráðsins létust 4.032 í umferð-
arslysum á þjóðvegum Spánar á
síðasta ári, eða sex færri en á ár-
inu 2002. Dauðaslysin urðu í alls
3.446 umferðaróhöppum en í
þeim slasaðist auk þess 2.061
mjög alvarlega. Tölurnar ná að-
eins til slysa utan þéttbýlis.
TYRKI FRAMSELDUR Bandarísk
stjórnvöld hafa framselt Tyrkj-
ann, Huseyin Yildirim, til Tyrk-
lands en umræddur Yildirim,
sem vann sem vélvirki hjá
bandaríska hernum vestanhafs,
var árið 1989 dæmdur í lífstíðar-
fangelsi í Bandaríkjunum fyrir
að hafa afhent austur-þýskum og
sovéskum njósnurum hernaðar-
leg leyniskjöl á dögum kalda
stríðsins.
Veistusvarið?
1Hvað heitir íslenski sjálfboðaliðinnsem særðist í mótmælaaðgerðum í
þorpinu Búdrus á Vesturbakkanum?
2Hver strengdi það áramótaheit aðvera duglegri við að fara út að hlaupa
á nýja árinu?
3Hverjir kölluðu það fulla vinnu, allandaginn, og mikla fórn að vera opinber
fígúra í laugardagsblaði Fréttablaðsins?
Svörin eru á bls. 30
BRUNI „Það hringdi dyrasíminn hjá
mér og rödd sagði mér að koma
strax út því eldur væri kviknaður í
stigaganginum. Ég stóð þá í nátt-
kjólnum, greip jakka og veski,
klæddi mig í skó og flýtti mér út,“
segir Jónína Sísí Bender, íbúðar-
eigandi á Skúlagötu. Jónína býr
ofan við íbúðina sem eldurinn kom
upp í. Hún segir að lítill reykur
hafi verið í stigaganginum þegar
hún hljóp út. „Ég hugsaði aðeins
eitt - að komast út.“
Jónína segist hafa dáðst að
störfum slökkviliðsins og lögregl-
unnar þar sem hún stóð fyrir utan.
„Ég get aldrei fullþakkað þessum
björgunaraðilum hvað þeir sýndu
mikið hugrekki. Ekki síst vil ég
koma þökkum til ungrar konu í
lögregluliðinu sem vék ekki frá
mér þangað til sonur minn sótti
mig.“ Jónína segist einnig vilja
koma þökkum til vegfarandans
sem tilkynnti um brunann. „Það
má segja að hann hafi bjargað lífi
okkar allra.“
Unnur Guðjónsdóttir er annar
íbúðareigandi á Skúlagötu og býr
á 1. hæð. „Ég hljóp út á náttkjól og
inniskóm þegar lögreglan bankaði
upp hjá mér og sagði að eldur
hefði kviknað. Það er vissulega
óþægileg tilfinning að fá svona til-
kynningar og ég er hálf eftir
mig.“ Hún segist ekki finna fyrir
neinu óöryggi eftir þessa lífs-
reynslu. Til standi að setja upp
eldvarnarhurðir. ■
Konu bjargað úr
brennandi íbúð
Lögreglumaður sýndi mikið þrekvirki þegar hann bjargaði konu úr brennandi íbúð. Stöðvar-
stjóri hjá slökkviliðinu segir mikið lán að ekki fór ver. Munað gat um einn andardrátt.
BRUNI Lögreglumaðurinn Arnar
Þór Egilsson sýndi mikið þrek-
virki þegar hann bjargaði konu úr
brennandi íbúð á Skúlagötu í
Reykjavík í gærmorgun. Vegfar-
andi tilkynnti um eldinn klukkan
9.14. Lögreglumenn voru fyrstir á
staðinn og tóku til við að rýma
íbúðirnar í stigaganginum. Eldur-
inn kom upp í íbúð á 2. hæð og
heyrði Arnar Þór konu kalla úr
íbúðinni: „Ég kemst ekki út“. Við
það sparkar hann upp hurðinni og
á móti kemur mikill og svartur
reykur. Arnar Þór lagðist á fjórar
fætur, skreið inn í íbúðina og fann
konuna í eldhúsinu. Hún hafði þá
villst um íbúðina og gengið í öfuga
átt frá útidyrahurðinni. Arnar Þór
náði að draga konuna úr brenn-
andi íbúðinni. Mikill reykur var á
stigaganginum eftir að Arnar Þór
hafði sparkað upp hurðinni og
þurftu lögreglumenn frá að hver-
fa. Áður höfðu þeir komið öllum
íbúum í stigaganginum út.
Höskuldur Einarsson stöðvar-
stjóri hjá slökkviliði höfuðborgar-
svæðisins segir Arnar Þór hafa
unnið mikið þrekvirki. „Lögreglu-
maðurinn og konan áttu erfitt með
að komast úr svörtum reyknum.
Bæði urðu fyrir reykeitrun og var
komið undir læknishendur. Það
mátti ekki tæpara standa fyrir
manninn að bregðast við án þess að
hafa viðeigandi tæki. En það stend-
ur enginn fyrir framan dyr þaðan
sem kallað er á hjálp án þess að
bregðast við.“ Höskuldur segir að
reykurinn sem myndaðist við brun-
ann hafi verið mjög eitraður. Mikil
gerviefni séu að finna á flestum
heimilum. „Það gat munað um einn
andardrátt.“ Hann segir mikið lán
hafa hvílt yfir Arnari Þór og kon-
unni. „Með því að sparka upp hurð-
inni komst súrefni inn í íbúðina. Af
því hefði getað kviknað í reyknum
og reyksprenging orðið í íbúðinni.“
Eldsupptök eru ókunn en grun-
ur leikur á að kviknað hafi í út frá
sjónvarpstæki. Greiðlega gekk að
slökkva eldinn. Þrír voru fluttir á
slysadeild vegna gruns um reyk-
eitrun. Íbúðin sem eldurinn kom
upp er illa farin vegna reyks og
sóts. Betur fór með aðrar íbúðir í
stigaganginum.
Líðan konunnar sem bjargað
var er með ágætum að sögn vakt-
hafandi læknis á slysadeild Land-
spítalans í Fossvogi. Þá var Arnar
Þór fljótur að jafna sig en að sögn
varðstjóra lögreglunnar í Reykja-
vík var hann kominn á vakt eftir
hádegi í gær.
Móðir konunnar sem Arnar Þór
bjargaði hafði samband við
Fréttablaðið og vildi koma þökk-
um til hans og vegfarandans sem
tilkynnti um eldinn.
kolbrun@frettabladid.is
s í m i 5 5 3 8 0 5 0 • w w w . e c c o . c o m
G E R Ð U F R Á B Æ R K A U P !
afsláttur af völdum tegundum
20-50%
JÓNÍNA S. BENDER
„Ég get aldrei fullþakkað þessum björgun-
araðilum hvað þeir sýndu mikið hugrekki.“
Stóð á náttkjólnum þegar tilkynnt var um eldinn:
Hugsaði aðeins
um að komast út
BRUNI Á SKÚLAGÖTU
Lögreglan í Reykjavík og slökkvilið höfuðborgarsvæðisins máttu vel við una eftir vel
heppnað björgunarstarf þegar eldur kviknað í íbúð á Skúlagötu.